Yu Lam Ting Noodles Shop

搬咗入嚟兩年，一直都係同男朋友嘅飯堂上次叫外賣係3月16號，距離今日13日明明上次都好好地今日啲嘢完咗唔同曬牛柏葉鹹到食唔落口⋯啲麵有陣怪味我同男朋友連牛肉都食唔落口百幾蚊我地淨係食咗兩啖宜家整緊公仔麵食⋯…Read More

小店選擇超級多，店員姐姐推介水煮魚。老闆娘每日新鮮劏，另一款叫咗擔擔麵湯底，湯底材料都超級豐富，湯底夠辣超惹味，遇上了店員吃飯時間，他們與我們分享秘製魚骨腩😍😍😍超級超級超級超級好味，很正的一餐…Read More

呢一個餐廳喺元朗圖書館嗰一邊最好味嘅係佢嘅醬汁，係呢度嘅老闆娘自己整㗎，如果冇記錯個名就係三椒辣醬。對於一個唔食得辣嘅我嚟講，係辣到飛起嘅，但係對於我partner好喜歡食辣嘅嚟講，佢就好好味喇覺得。個酸菜魚嘅肉好彈牙㗎，係食得出用新鮮魚做㗎，我都幾鍾意但係個雞肉就好嚡喇…Read More

今日行完山落到元朗揾食，見到呢間重慶小店有幾款辣食物可以食，自己又好想食酸菜魚，就入呢度食，店鋪相當細小，環境係迫啲，今次就揀左酸菜魚麵$55,同埋罐裝王老吉凉茶$8啲職員對客人態度幾好，食物等左十分鐘左右己上枱，酸菜魚係用生魚片，食落有少少魚骨，魚肉質地尚算唔錯，加上魚皮都算爽滑，另外略嫌酸菜份量較少，加上今次叫左中辣就飲到辣湯味道，拉麵軟硬適中，都索到酸菜湯，呢度仲有其他食物揀，下次再黎會試吓食品……Read More

今晚同家人於馬田路附近買外賣返屋企。怡豐花園附近有多間餐廳，最後決定試下渝林庭。家人叫咗酸菜魚火鍋粉加鮮牛肉，我就叫咗豬腩肉飯，另外再點咗涼拌海帶，涼拌荀絲，口水雞及牛展。酸菜魚美味, 魚的份量多，而鮮牛肉亦好嫩滑。豬腩肉飯味道OK, 如果無骨就更好。涼拌海帶, 涼拌荀絲及牛展都OK，好開胃。口水雞就反而一般。…Read More

今次嚟到呢間重慶小麵夜晚黑由於佢嘅舖頭真係太細嘅關係唔夠多枱所以呢好快就滿座雖然張方形枱比較大張，格硬坐多四個人落嚟變咗兩張方形枱坐六個人有啲迫。👎🏻👎🏻👎🏻👎🏻👎🏻疫情期間仲要冇間板，食得唔太自在店員唔會過嚟幫你落order，落單仲要喺張枱度嗌出嚟👎🏻👎🏻👎🏻👎🏻👎🏻酸菜魚麵轉薯粉$55，枝裝豆漿加$8，賣相都幾好，係生魚片，有4-5舊，邊位有少少骨，肉質一般，芽菜都幾多，薯粉嘅份量都多，有咬口彈牙嘅，個湯唔酸冇乜辣味，仲有少少鹹，啲酸菜好淋但係唔太酸。都有好多辣椒，但係完全唔辣。👎🏻👎🏻👎🏻👎🏻水煮魷魚麵轉小麵小麻小辣，魷魚界晒花咁都幾靚，份量都多嘅，小麵好好食，推薦轉小麵🔥🔥🔥湯底小麻小辣，啱啱好入到口唔算好辣只係油咗少少。總結：酸菜魚麵麻麻地👎🏻👎🏻，水煮魷魚麵可以一試👌🏻，服務冇乜，體驗唔太好。…Read More

店面好細嘅一間小店，4-5張枱左右，可以望到入面廚房煮野。閒日晚飯時間唔算多人，但都不斷有人入黎食野同叫外賣。酸菜魚 $178★★★★☆見餐牌酸菜魚冇大細之分，辣度叫左小辣，唔會好辣！見佢最後用熱油淋落啲花椒、乾辣椒，激發啲香味！一開始聞落攻鼻都怕太辣，但食落還好。魚份量幾多，兩個人夠哂食，冇得簡邊隻魚或者去骨，但即使有骨亦唔算太多，偏向大骨。魚塊食落係新鮮，唔會霉同冇腥味，肉質爽口，但滑度比起之前食冇咁滑，但又未到鞋口。湯底唔會好油膩同死咸，個酸味好出色，鍾意食酸嘅唔可以錯過！除左有魚之外，配料仲會有幾條火鍋粉、娃娃菜、醃蘿蔔、酸菜、芽菜，食落幾豐盛。欣賞佢個醃蘿蔔，夠酸得黎仲超爽脆，食左好開胃。另外我地叫左份萵筍加入去，原來係切成條狀，同我預期係一片片有出入，但吸埋啲湯汁，又酸又爽脆，好清爽！涼拌黑木耳 $30★★★☆☆正常普通涼拌小菜，冇咩太特別，普通用麻辣醬拌嘅味道，但覺得個醬唔夠惹味，可能落得太小，木耳夠爽脆！🌟總括：鐘意食酸嘅可以一試酸菜魚，魚夠新鮮，不過就有骨。一份酸菜魚都算夠2個人食，但如果大食D或者男仔就要叫多個小食同埋加飯麵。小食味道就正常。…Read More

買完外賣返屋企，食左啖之後先發現有成大隻曱甴係入面 乜胃口都冇哂即刻打去投訴，佢話賠返碗比我，真係唔敢再食再要，加上平時服務態度又係一般般，已經黑名單尼間野。好驚啲湯汁係有曱甴腳🤢 見到一隻之後即刻倒左，唔知底度仲有冇第二隻，以後都唔敢再食，都唔知堂食會唔會都有，好彩發現得早。外賣盒又容易漏哂油出嚟，而且咁大隻曱甴係碗麵度，廚房冇發現既咩？真係費事食到曱甴腳，尼間野真係以後都唔會幫襯，仲要又貴又唔抵，俾咁多錢食咁低質既食物，食物衛生惡劣，想嘔。…Read More

第二次光顧這間小麵館。店鋪座位不多，大約12-14個座位，當晚也有些是附近街坊帶著小朋友來用膳的大大碗酸菜魚（加配薯粉）約$178+$20青瓜雞絲海蜇 約$40蒜泥白肉 約$40店員說酸菜魚最少也會有微辣，對於不能吃辣的我是可以接受的。最初我們也懷疑，「走辣」但為甚麼連「酸」也沒有了呢？原來酸菜在碗底的位置，吃的時候要先拌混喔😂魚肉很足料而且沒有骨；加配薯粉後三個人也夠吃。（如果沒有加配，會有少量寬薯粉，不過大概只是一人份量）不過感覺上如果三人分開叫三碗酸菜魚（每碗$50），應該會比較抵食🙈…Read More

尼間舖面細細 但係味道算地道 之前Sa妹食過一次 個陣款式仲未有咁多 依家佢地更新過D Menu 款式多左 發現黎食嘅人對比上次我黎都多左幾多🍜水煮豬腰紅薯粉（BB辣）Sa妹本身叫米線 點知話米線未有貨返到🥲Cry 咁退而求其次 食紅薯粉啦～見到兜湯 大家都應該Feel到佢有幾辣 D水煮辣油成兜都係 紅薯粉又索曬D味 食到Sa妹鼻水都留埋（P.S：Sa妹平時都食到小辣）值得一讚嘅係佢豬腰 非常爽脆 沒有腥味～🐟酸菜魚飯（小辣）酸菜魚湯底不錯 酸度足夠 辣度都係符合小辣嘅程度 （但相對上面個Bb辣水煮湯底就相對無咁辣）魚嘅質感幾滑嫩 🥢黃金皮蛋（小辣）皮蛋幾香 佢嘅醬汁濃味而且都頗辣整體黎講 佢嘅麻辣度非常之有重慶風味 嗜辣人士可以挑戰下～…Read More

其實之前食過好多次酸菜魚 , 水煮牛 水準之上, 好好食今日外賣左 酸菜魚 + 雞絲冷麵酸菜魚真係好好食～ 魚唔會過熟, 好嫩滑估唔到雞絲冷麵都一樣好食 加埋d 炸蒜～～ 好容易食晒成碗😅仲有個麻辣海帶 😚正呀 …Read More

細細間。位置又係體育館旁邊， 有幾間酒吧夾住， 身為半個重慶人去食， 對比香港絕大多數主打重慶口味既店，無令我失望。味道唔錯夠曬重慶口味，又夠辣夠麻而且價錢實惠。 👍 極力推薦！ 會再去食！！🙏 重慶酸辣粉 5星 咬落去唔似食開連鎖店個啲， 咬極唔斷 唔知做乜。 所有菜式都以叫左中辣 皆因全家都食得辣 又係重慶人😂. 重慶小麵 5星 加埋醋簡直係bonus 👍 土豆絲同其他小食價錢便宜 份量又夠。 酸菜魚未試打算下次去試埋 總共5樣野 4個人埋單先4百幾蚊... 抵到爛…Read More

難得搵到間地道嘅重慶小食，食左個 "川北涼粉"，地道、好食。但其實我想入去食個$28嘅川北涼粉，入去叫一份涼皮，送上黎個陣已經奇怪點解有雞絲，但係我愚蠢，以為係佢本身有嘅，無出聲，只係拎左隻碗挑走佢（本人唔食肉），點知到買單個刻先先佢係落左$42嘅雞絲涼拌面，問店員，佢話得E款涼皮。但係當我行番出舖，明明就有$28川北涼粉。。。…Read More

今日去到朗景台附近，呢間之前夜晚經過都好多人喺入面食嘢， 餓餓哋， 於是入咗去，🤔 應該唔會中伏嘅😜入到去濃沃辛辣氣味已經迎面咁撲埋離，精神為之一振， 令我諗起之前係國內食麻辣菜嘅味道😚店鋪細細， 坐位唔算闊落， 但設計上幾有中國特色，特別是盛麵的碗同調味器皿😍👍由於得一個人， 所以唔叫咁多🤭由基本功開始，叫做重慶酸辣粉一碗咁多啦😬重慶酸辣粉🍲$34.00第一時間飲湯先，幾正宗喎，由於叫咗小辣， 唔係太刺激，酸辣程度比例啱啱好👍入面有豆角、牙菜、酸菜、肉碎……特別係有好香脆可口嘅豆豆，要趁早食，腍咗口感就差咗啲啦🤭👩‍⚖ 味道幾正宗，下次會約埋酷辣嘅朋友叫多幾樣小菜，特別係酸辣魚🐟， 盡興盡快咁食😋ps~ 如果少啲味精更加好…Read More

我真係好鍾意食辣野，今晚同朋友食飯又想食麻辣野，朋友推介呢間係元朗嘅麻辣小店，佢試過呢度嘅酸菜魚麵話幾好食。門面細細，好有中國特色嘅木框趟門，不過招牌冇燈，夜晚就可能有d睇唔清楚個名。環境簡簡單單，冇乜裝修，有大概五至六張木枱。當時夜晚九點幾已經冇乜人，唔使等位。✨口水雞紅薯粉+蓮藕片🌶小辣👍🏾口水雞個汁好好味，可以撈埋落個湯度食，不過湯底本身都唔錯，紅薯粉都幾爽口✨麻辣雞絲涼麵🌶小辣👍🏾個汁好好食，可能落咗啲醋？有啲酸辣嘅感覺，加埋係涼面食落好fresh呢度嘅麻辣菜好似幾正宗，都幾似喺大陸食到嘅麻辣，店員都係講普通話，應該都係內地人，服務都OK。最後埋單$136 ，雖然味道幾好，但兩碗面加一支豆漿黎講好似貴左少少！不過應該都會再嚟食👍🏾…Read More