清真牛肉館 (打鼓嶺道)

Open Now

Now Closed

又來幫襯，今次點佐京燒羊腩，蔥燒牛肉，牛肉餅同高力豆沙。京燒羊腩真是好抵食，108港幣就有一份，份量又足，兩個人都好夠食，羊腩嘅皮燒得又脆又香，羊腩中間夾有羊油，羊肉味夠濃但又唔騷，配送的醬再加多啲辣椒就完美了。

啱啱試咗一佢嘅沙碢雲吞雞，好大煲好扺，叫咗半隻，但絕對係夠三個人食。先講湯底，佢係奶白色而且超濃郁，裏面加咗津白，成個湯底有浸奶奶哋嘅味，飲完係超舒服同滋潤，真係feel到係真係熬出嚟。雞肉就還好，煲到冇乜味，但係份量好多食完會好飽。雲吞係食極都食唔完🤣🤣係普通雲吞，但係都幾好味。

今日假期，晚上和家人專登乘車去九龍城食清真牛肉館，但門口排長龍，比平日多旺場，只好先往鄰近吃一吃串燒再回頭再排隊，等了差不多30分鐘，有枱了，坐下我們只是叫了兩樣，－碟是咖喱羊，另外一個是招牌牛肉餅，再加叫一個飯，兩杯豆漿，已經非常足夠，可能因為我們已經吃過了串燒，所以已經不是太餓，平時一定叫多一點，每次吃呢個牛肉餅味道都很有水準，不會有太大差距，只是今次有少少咸，似乎重手了一點調味，而咖喱羊就無得彈，一如既往的好，無話說，下次再來，支持本地消費👍

🌟整體評分: 8/10🌟❤️味道：8/10🧡環境：8/10🩵服務：8/10💚性價比：8/10💗小朋友喜愛度：7/10呢間清真牛肉館係九龍城嘅經典餐廳，港式茶餐廳座位間隔，座位都算舒服。招牌清湯羊肉超級有驚喜，本來唔鍾意食羊肉就係怕陣羊騷味，但呢間清湯羊肉完全冇！仲要超腍滑，推介！咖喱牛腩都一樣推介，咖喱十足得黎唔似印度式咖喱咁重香料味，牛腩味濃，完全唔柴。重點推介香煎牛肉餅，外脆內軟超多肉汁，十級推介！

第二次來清真牛肉館。牛肉餅一定要點啊，餡料的牛肉超級大塊，一咬落餅皮又脆又香，牛肉滿滿的湯汁，熱氣疼騰騰，一塊餅三五口就吃完，一個女仔吃兩個牛肉餅完全無壓力，太好味啦😋😋😋蔥爆羊肉一定要點，雖然份量吳大，但是鍋氣非常足，新鮮的蔥段夾著滑嫩的羊肉，非常送飯。水煮牛肉配料非常多，豆芽量大，少少辣，油有少少重，牛肉片如果量多啲就好啦，但是味道都非常出色，值得點嘅。鮮蝦雲吞都好多蝦，但是湯底就麻麻哋，好鹹。

嚟到只係為咗一樣嘢- 牛肉餅。見到門口條人龍…….好在我哋係外賣啫。牛肉餅依然好食，小朋友都鍾意。但牛餅略嫌大咗啲，如果每塊細少少價錢平返少少就Perfect啦！

九龍城的清真牛肉館，相信大家沒有吃過也聽過。他的清真牛肉餅享負盛名，很多遊客都會專程來試試。好幾年前來只吃過牛肉餅，今天也想試試其他菜式。中午大概兩點多到，雖然過了午飯時間，但仍然有人在排隊，還好我們等了幾分鐘就安排到座位。牛肉餅保持水準，一咬開裡面的湯汁都湧出來了，要用湯匙接住才不會浪費每滴精華。但是由於這天的天氣較暖和，有別於第一次在店舖門口寒風之下吃這個熱呼呼充滿湯汁的牛肉餅的幸福感覺。咖喱羊腩辣度算是一般人能接受偏辣一點，羊腩屬於有嚼勁的，是港式風味的咖哩醬汁，很道地的感覺。羊肉小籠包看起來像是手工做的，比一般小籠包較為大顆。第一次吃羊肉餡的小籠包，雖然不會有羶味，但還是覺得豬肉小籠包的配搭最喜歡。雖然兩個人點了好多東西已經很飽，但忍不住還是點了甜點高力豆沙，炸過的麵團裏上豆沙餡再沾上白砂糖，非常鬆軟的外皮有點像疏乎厘，讓整個午餐有一個完美的結尾。

早幾日響廟街食完間垃圾食肆之後，今日要食返間有口啤嘅安慰自己，星期六中午12點零到，排隊5分鐘就可以入去，入面基本上要搭枱，就算唔駛搭枱都係好擠擁，不過唔緊要啦，最緊要食好西。🥢羊肉小籠包 $60⭐️⭐️⭐️⭐️第一次食羊肉小籠包，餡料差唔多成嚿都係羊肉，好juicy少少羶，即叫即蒸熱辣辣好味。🥢羊肉春卷(2條) $42⭐️⭐️⭐️羊肉比例較少，基本上全部都係白蘿蔔絲，似係蘿蔔絲酥餅多啲，再加少少羊味，其實係幾好味。🥢羊肉煎餃 (5隻) $58⭐️⭐️⭐️⭐️同小籠包個餡一樣，只係個餃子皮會厚啲啲，同煎香咗惹美咗，同樣juicy好味。🥢咖喱羊腩飯🌶️ $67⭐️⭐️⭐️聲稱一隻辣椒，但辣度不容忽視，唔係一般微辣，我只試過一件羊腩，係好腍好羶咖喱幾香嘅⋯⋯如果多人而且食得辣，散叫咖喱羊腩係不錯選擇，羊肉份量起碼係3倍，好抵食。🥢豆漿 $14⭐️⭐️⭐️⭐️二人共消費：$241

話說次次經過都有一堆人排隊， 難得今日冇人排，機會黎喇！嗌左招牌牛肉餅，清真小籠包，咖喱牛腩，麻油雞。-牛肉餅 皮厚，除左爆汁外，冇特別之處。-小籠包 明明皮又唔係薄，未開始夾 已經見到穿左， 啲肉仲要幾咸。-咖喱牛腩真係不知所謂， 牛腩又韌，個咖喱係敗筆，零咖喱香， 只有一層厚厚既辣油， 成個咖喱只有死辣， 真係連茶餐廳都好食過佢。麻油雞， 雞係滑既...可惜唔入味，除左成口油就係得咸味。成餐最好食只有粒粒分明既白飯， 陰公。仲有個衛生真係睇唔到當乾淨， 外賣蓋跌左落地，照蓋番上去外賣上面， 冇眼睇... 真係可一不可再。

牛肉饼和羊肉小笼包真是爆汁的，很香，可惜羊肉小笼包里有胡椒粉，小朋友不能吃。高丽豆沙是有功夫才可以，外皮做的真好👍，咖喱牛腩也很入味，酱汁不腻，土豆大小和软硬也适中，非常好吃。 羊肉春卷我觉得不是我想要的味道，但外皮做的很酥脆，好吃。

清真牛肉館位於九龍城區，這區比較多泰式餐館、潮式餐館，這家清真館自有他的捧場客。入到清真牛肉館，大部份食客都是本地人和有點國內遊客，打開餐牌裏面有好多上海菜式。第一樣最想食的係「牛肉餅」，一碟有2件，皮脆而且充滿肉汁，要小心啲咬開，因為肉汁很燙而且會爆出來，牛肉亦鮮美唔會太鹹，好吃。「清真蝦肉雲吞」第一次吃這種雲吞，蝦跟牛肉都夾但沒有粵式的鮮甜。「咖喱羊腩拌麵」 咖喱香口夠味唔會太辣，羊腩部位好似有一層一層的，炆得好稔有嚼口，有點點薯仔伴吃。白麵條稔咗些少，但好吸汁。客人一枱接一枱，很好生意。

九龍城馳名清真牛肉館，基本上晚餐時段都一定坐滿人，想食就要早少少去啦😛我今次都排咗半個鐘🤏🏻不過餐廳上菜速度好快，落完單十分鐘就上菜👍🏻.牛肉水餃 (10隻）$42皮薄多汁，肉汁鮮嫩，好重牛肉味，而且粒粒都大大粒，冇偷功減料😛.蔥油餅 $40薄餅好香蔥味，咬落都好脆🤤食完好滿足.上海炒年糕 $73 配料有肉絲、菇、娃娃菜等等，正常水準，可以唔叫😛.牛肉餅 (2塊）$46超juicy，一咬落去即爆汁，入面滿滿牛肉餡同湯汁🤤著白色衫就要小心d啦😋去九龍城一定要試下 💕.總括而言，呢間餐廳牛肉好出色，有傳統風味，價錢都好合理😋

今日去清真牛肉館外賣咗三個牛肉餅， 回家一看， 三個牛肉餅都煎得非常之燶， 有一邊差不多全部都係黑色， 個廚師見道到咁樣都好意思賣畀個客 ，你話三件之中有一件 略燶少少我都算，但係三件都係咁燶真係令到我好嬲， 我覺得呢間店舖好冇品，亦冇食肆嘅良心， 你賣啲咁燶嘅牛肉餅， 萬一食到個客個肚唔舒服都唔係咁好， 而且每一件牛肉餅要24蚊都唔係平， 唔應該得咁嘅水平囉

琴晚去左九龍城覓食開通左屯馬線之後真係好方便( • .̮ •)◞⸒⸒呢間清真牛肉館都好近地鐵站宋皇台站行幾分鐘就到～一聽到餐廳名以為食中東食物 但睇翻menu發現好似賣上海菜？🤣🤣▫️羊肉小籠包叫左個比較特別的小籠包第一次羊肉版的佢入面都有好多汁 但唔似一般小籠包清清地 係好濃既汁個人覺得唔係好騷 唔太喜歡羊既都可以試下！😚▫️清真牛肉餅必必必試！ 好似係佢招牌菜佢真係會爆汁 同小籠包既汁相似好好食！推薦❤️▫️咖哩羊腩飯又係叫左比較唔常見的款式羊腩好冧！完全唔痴牙比想像中好食 咖哩都唔會好辣份量睇落去唔多 但都夠食😋▫️賽螃蟹黎到要自己攪勻啲蛋黃(*ᴗ͈ˬᴗ͈)ꕤ*.ﾟ份量都幾多～口感真係有啲似蟹肉覺得中規中矩下次可能會試其他📍 清真牛肉館 (打鼓嶺道) 九龍城打鼓嶺道33-35號地舖

聽朋友講九龍城打鼓嶺道有間清真牛肉館啲牛肉餅好好食，所以今日就專登搭車去九龍城一嚐這道菜的味道。酸辣湯熱辣辣的湯端出尼散發著一般濃郁的酸辣香味，令我頓時胃口大開。裏面有木耳絲、豆腐絲、荀絲、牛肚絲、牛肉絲和蛋花，材料十分豐富，食落一般酸辣香味籠罩在口腔裏，十分滋味。牛肉餅牛肉餅底和面兩邊煎得金黃，皮料又薄，外脆內軟，咬落去厚厚的免治牛肉餡料和肉汁爆滿了口腔裏，滿足了我的味蕾，十分好味，真係皮薄餡靚。羊肉煎餃餃子裏面的免治羊肉餡料散發著少許孜然粉的香料味，劈走了羊肉的穌味，一向好怕食穌味的我就啱晒，但可惜皮料比較厚。