Miao sushi (Closed)

同家姐係元朗行完街，想食埋野先返屋企，見到好多朋友介紹呢間日本野，所以一於黎試下啦！ 想食下壽司 飲下酒！呢間岩曬心意！睇下我地叫左咩食先～（和風刺身沙律$52 ）開始食個沙律先 酸酸地既汁配埋新鮮既沙律菜仲有魚生 正～有章魚 三文魚 魷魚幾款跟住就開始食魚生啦！！叫左以下幾款：大池魚刺身薄刺$168 第一次食呢種魚 仲配埋一種特別既醬汁 好新鮮既味道好清新！三文魚刺身$40 好新鮮 厚薄岩岩好！我一定會點wasabi 食～赤蝦刺身$78 好新鮮蝦味，仲有蝦膏！又大隻 好鮮味！帶子壽司$50 有時配埋壽司飯又會更突顯魚生既香味，呢個帶子就係啦～帶子切得好好 好鮮味！仲有叫左一個卷物：牛油果軟殼蟹壽司$98軟殼蟹好大舊又炸得香脆！不過牛油果有小小生，整體都好食既！清酒方面我地叫左一枝叫夜遊既酒（$130）個名好靚，酒如其名 一樣咁靚，好好飲～溫和清香，入口軟滑帶勁 感受到米甘之香！仲有好多其他清酒選擇！叫左個小食配酒，呢個燒雞泡魚干 配埋沙律醬 好好食，好香口 不會太硬！成餐好滿足 店員又好禮貌，環境又唔坐，最緊要地方就腳 近yoho mall,下次再黎食！…Read More

Omakase因為之前未嚟過 所以唔知有咩正嘢食 咁就由師傅發板啦 頭盤其實有兩款 都係一啲開胃小食（仲有一款應該係韓醬醃蒜頭）上菜速度適中 同媽咪傾吓計慢慢食 材料新鮮係最重要 哩間小店都做得好好嘅 唯一我覺得可以改善嘅係菜式上嘅擺門（意思唔夠精緻）我冇每個菜式都影相 原因我覺得賣相唔夠吸引 好似有一道銀雪魚 燒得好好食 但上菜見到旁邊放住一執碎濕濕嘅沙律菜 有啲失色 甜品係櫻花糯米糍 又係好好食（皮夠煙韌 紅豆餡）不過又係點影都唔吸引 所以放棄咗 整體嚟講 我覺得食物質素係性價比高嘅 Omakase加埋一都係7百幾一位真心不錯 會再去…Read More

一行數人到店午飯，很久沒有外出用餐，店內有數枱客，在這環境下已算不錯。前菜是生果沙律，新鮮美味麵豉湯不過不失，正常味道，沒有花巧。蒸蛋十分滑口，熱熱的，裡面還有帶子粒、蟹柳，我十分喜歡。吃完以上三碟前菜，肚子已滿了一半再來鰻魚飯，賣相吸引，鰻魚軟身，不會過鹹，食完唔口渴，也不會吃到滿口骨，飯也軟身，唯欠少少濃濃的香味，對我來說已是大滿足。我會用實而不華來形容這小店，友人點了魚生飯，讚賞不絕，魚生新鮮，值得一試。…Read More

呢度係我其中一間好中意成日食既日本野！除左啲刺身新鮮、價錢平民之外，最欣賞係佢地既細心！奉親午市既時候，一坐低已經會送上沙律、小食、麵豉湯同茶碗蒸。冬天既時候會送上暖水，夏天既時候會送涼水，係會感到非常窩心！💓有一次帶朋友食夜晚，個侍應好認真咁介紹邊種魚係點，可以選擇點整等等。每次用餐後都覺得帶住享受咁離開😊雖然佢啲座位唔算多，但環境都係幾舒服，會感覺放鬆得到落黎（當然繁忙時間就後話）。因為佢既位置隱世，所以唔多人為意，但係真係一間值得推介既日本料理！👍…Read More

生日正日去呢間食，大概八點到唔洗等位，叫左個刺身拼盤，啲材料好新鮮，特別係三文魚同帶子，好正另外，叫左個鰻魚飯，條鰻魚好肥美，啲汁都好好食。staff 好有禮貌，又會介紹有咩新鮮，十分親民，可再encore…Read More

放咗工約好友去日本餐廳食飯，冇諗過隔離枱既食客係日本人呢。餐廳有好多選擇，我地揀咗牛肉壽喜燒、燒日本芝士年糕、雜錦天婦羅同埋鰻魚飯。鰻魚飯好吸引，鰻魚份量十足，外面燒到微焦， 食落好肥厚，油脂豐富，配合醬汁香甜微焦，味道好有層次。下層珍珠米飯粒粒分明，混合鰻魚醬汁真係好好味！一向鍾意食壽喜燒，呢個牛肉壽喜燒用料足，牛肉又嫩滑，yummy😋至於芝士年糕就煙煙韌韌，入面仲有好多芝士，正呀！雜錦天婦羅有蝦、日本南瓜、甘薯、冬菇、矮瓜。炸粉好薄，唔算油膩，因為即炸所以外脆內熱，蝦大隻又好彈牙，其他蔬菜都好甜，食得出係新鮮品質，點埋天婦羅汁提升味道！…Read More

元朗一直有好多好食嘅日本餐廳，所以相對上競爭都幾大。今次試咗呢一間叫淼既日式餐廳，雖然位置上邊唔係喺大馬路嗰邊咁方便，但係我覺得佢係食物上面嘅質素好過其他元朗既餐廳。首先刺身壽司嘅用料好新鮮，首先講下刺身我哋叫咗三文魚腩同埋牡丹蝦刺身。三文魚腩切得好厚， $40有三塊唔貴好味。但係食埋個牡丹蝦覺得仲抵，因為牡丹蝦非常好食搞到我哋叫多咗幾隻嚟食！大力推薦哩到既刺身。至於壽司方面我哋都叫咗幾款唔同嘅壽司，呢度嘅壽司食得出唔係用機器整既啲飯，因為壽司飯整得好結實唔會話一日就散開。至於最好食嗰件我認為係左口魚壽司！ 之後就到炸物，呢個炸生蠔雖然得四粒但係每一粒啲蠔都好新鮮炸得好香脆，但係又唔會揸到啲蠔乾晒，每一粒食落都充滿蠔味！ 又係大力推薦大家要叫既！至於燒麥我哋就叫咗兩款一款係燒雞翼而另一款就係燒芝士年糕！我個人就比較鍾意食燒雞翼啦，因為雞翼燒到好香口，雖然個雞翼沒有太多調味，但係整左d青檸汁上去即刻好味10倍！至於個燒芝士年糕就不過不失啦，鍾意食芝士味既朋友都可以一試嘅！ 最後一款想介紹俾大家嘅係呢一個壽喜燒喎，牛肉肉質都唔錯但係嗰個湯汁就係一絕啦，但係美中不足嘅係佢冇同埋個火爐一齊上。單靠個湯嘅熱力就將啲牛整熟，雖然我食牛可以食得幾生，但係如果有朋友唔鍾意食咁生嘅就可能要問侍應拎過爐啦！總括而言呢一間餐廳嘅質素係我覺得都幾好，今次黎仲有好多嘢未試，下次絕對唔會再戰哩一間餐廳！ 👍…Read More

同家姐食居酒屋佢話有野新開😻鋪頭都幾日系丫好多酒類poster 貼係鋪到今日一定要叫個酒黎飲飲佢叫左lee 個柚子酒幾好飲bro!唔知係咪有個冰杯加曬分天氣轉涼左就食個壽喜燒先🤤最鍾意壽喜燒d 菜索曬d 湯底🥰壽司同刺身都幾抵食！份量幾足吞拿魚卷🤤🤤🤤最鍾意！😊😊我堅持要食一夜干燒魚！無令我失望呀！脆到連骨都可以食埋🥰🥰☺️☺️☺️鰻魚壽司都好厚鰻魚肉！無骨唔會鯹😊飽飽🥳 幾鍾意小店感動…Read More

推薦指數：🤩🤩🤩🤩🤩🙂元朗一向好多好野食 , 今日好想食日本菜, 就一試呢間!估唔到咁有驚喜，店舖簡約日式風格，MENU菜式選擇都好多。🍢🍜🍱無論鍋物、串燒、刺身、壽司、天婦羅等等，而且價錢適中～真係每款都有衝動想食呀！🤪今日實在太肚餓了，我地就叫到成木台都係～好滿足！！🍣壽司我地嗌左三文魚腩、油甘魚、燒左口魚同帶子～壽司醋飯味道剛好，最欣賞係燒左口魚，左口魚的油香爆發！🍲牛肉壽喜燒味道唔錯，唔會太甜或太咸，湯底混合其他配料的鮮甜味，配料都好豐富！有粉絲、蔬菜、菇、豆腐，牛肉片數亦唔少，精華所在打隻生雞蛋係面！成個壽喜燒真係幾好食🍙淼魚生丼份量唔錯喎～有三文魚、油甘魚、帶子、星鰻各２片，再加埋三文魚子！成個丼咁多刺身魚生，都只係HK$98!  非常抵食🍢🍡燒物串燒都好出色我地嗌左燒手羽、日本芝士年糕同日本青椒仔 !  雞亦先拆骨單邊 ，燒得脆口但保持JUICY~ 芝士年糕味道好好 , 年糕煙煙韌韌 ~ 口感十足! 青椒仔就配日式木魚，好味！😋刺身今日就食三文魚同赤蝦～真心推介必嗌赤蝦！赤蝦大大隻而且非常新鮮！蝦頭的膏係精華，好鮮好甜～證明質素真係唔錯！😇三文魚都幾好，厚切新鮮！吉列廣島蠔！真係好好好食！一碟有4隻已經夠哂抵 ~ 重點係炸得岩岩好！蠔身的鮮味保留到，炸粉薄薄一層，香脆唔膩，蠔味重得黎仲係夠哂汁。🤩呢個真係好有水準～同朋友一致覺得呢間餐廳性價比高！👍🏻👍🏻👍🏻最抵讚係用心係製作每款菜式～成晚邊食邊CHILL。元朗原來都有咁高質的日本料理~價錢都幾親民! 😃下次再黎元朗都會食呀…Read More

元朗新開既日本野！細細間係橫街🤔入面裝修都幾有日本感覺既🎈黑松露帶子沙律 ($68)係黑松露個陣石油氣味呀🤤帶子都好大粒！撈埋沙律好開胃🤤🤤🤤🎈金目鯛（薄切 $100)薄切都咁厚🤤新鮮，魚肉有口感🤤🎈灸燒左口魚壽司（$42)燒得左口魚d 油脂更上一層樓呀🎈蔥碎金鎗魚腩卷（$68)6件頭🥰 飛魚籽粒粒配吞拿魚🤤🤤 飯食得出微酸有醋味😌🎈一夜干燒魚（$88）平時少食魚既我！比朋友點既lee 條魚震撼左！少骨已經好岩我食！之後個皮係整到勁香！魚肉勁滑🤤🤤🤤全晚number 1🎈牛肉壽喜燒（$88）暖笠笠，甜甜既壽喜燒湯！牛肉唔會好大片，重有粉絲、菜、大蔥🤤🤤🤤足料抵食🎈 柚子啜啜（$160）勁有誠意bro!日本style 連杯都係係雪櫃拎出黎！品質！酒精濃度唔係太高！係柚子味既啜酒🤤🤤🤤好似啫喱仔咁！好味道！店員都好勤力清台同加茶！服務同上茶都抵讚😌😻…Read More

元朗多好食，今天帶媽媽來吃這家，本來看到門面那麼小，媽咪有些猶豫，但裡面裝秀雅緻整潔。我們兩人叫了鰻魚飯、黑松露帶子沙律、三文魚赤貝刺身、牛油果軟殼蟹卷、鹽燒鯖魚。鰻魚飯配上麵豉湯，非常有誠意，鰻魚肥美多汁，兩個人分享，份量剛好。三文魚赤貝刺身非常新鮮，赤貝刺身賣相相當吸引，口感爽脆帶子沙律份量適中，我非常喜歡黑松露醬，配上帶子刺身一絕。牛油果軟殼蟹沙律吃起來跟外面連鎖店不一樣，軟殼蟹啖啖肉，也不多炸粉。最後忍不住在叫鹽燒鯖魚，鯖魚也是非常美味，特別是的加青檸汁，一點都不膩平日晚市挺多人，若有訂位就萬無一失了，祝願小店客似雲來。…Read More

今日嚟到元朗參加朋友嘅House warming party慶祝朋友終於有自己嘅屋企而係佢屋企附近就發現左呢間日本食店:)既然係慶祝開心事當然要食得好啲啦店內環境都幾舒服幾啱我哋傾計㗎估唔到六點幾去到已經冇乜位剩所以如果下次記得要卜位啊我哋叫咗一個牛肉壽喜燒同埋魚生飯本身以為壽喜燒會有個爐起初見到啲牛肉咁生都擔心會熟唔到好彩個鍋本身夠熱湯底好甜而且啲牛肉都好嫰淼魚生飯魚生嘅質素絕對對得住呢個價錢啲魚生唔單止厚切而且仲好鮮甜！係會encore嘅質素除此之外我哋仲叫咗幾款壽司三文魚子/三文魚腩/油甘魚/金目鯛啲壽司食材都係好新鮮整體來講食物質素好好屬於高水準嘅日本餐廳值得推介…Read More

今晚和朋友到元朗找好東西吃，給我們發現在元朗YOHO MALL附近鳳琴街有一間門面簡樸的日本料理店‘淼’。一進店內就感受到店員殷勤的接待。坐下來慢慢研究餐牌。食物種類頗多，我們倆人共點了五款菜式。（ 1）和風刺身沙律：新鮮的粒粒魚生配以爽脆的沙律菜頂部放上大大粒的魚子，清新又開胃。（2）刺身：我們選了的分別有金目鯛、大池魚、赤蝦及三文魚。新鮮又鮮甜，每件都是厚厚的魚肉加上3隻肥美的赤蝦，吃一口很有滿足感。（3）穴子天婦羅：其實初看餐牌看不明什麼是穴子，經店員解釋是曼魚類的一種。上枱時擺設特別，碟底放了炸過的類似米粉東西再盛着天婦羅。穴子天婦羅炸得好香脆又不失過火而乾。魚肉嫩滑，直得推介。（4）牛油果軟殼蟹卷：大大份的卷子造型活像一條龍很有心思的擺設。估不到原來牛油果配軟殼蟹是這麼夾的。非常美味，一試上癮。（5）燒日本芝士年糕：我只是想有一個甜品作完結，上桌時也不見得起眼，但是只要你吃一口就會愛上它，那種微溫熱度加上那軟軟糯糯的粉團再配上溜的芝士，不是完結是完美！總括每道菜式也不錯，的日產喜歡小店的親切感覺，還會再來光顧的，試試其他料理。…Read More

去開元朗又想食日本野咁岩見到呢間鋪頭細細間但又好多食物選擇環境又唔錯決定一試我地兩個人叫左沙律、刺身、卷物、天婦羅同年糕第一份上菜係芝士年糕真係值得一讚年糕質感非常軟糯一咬開爆出流心芝士味道剛剛好唔會太漏之後就係刺身沙律上面既粒粒刺身一啲都唔孤寒好多款式 大大粒🤤加埋沙律菜同酸汁非常開胃到左最期待既刺身！我地叫左三文魚、金目鯛、大池魚、赤蝦件件都好厚切！食落好新鮮 無雪味果然冇令人失望食多幾件真係夠哂飽😆穴子天婦羅🍤因為唔知穴子係咩所以決定叫黎試下！點知原來係鰻魚之類真係第一次食 炸完之後非常香口但同時保持到鰻魚味道同質感好推薦！最後就係牛油果軟殼蟹卷卷物上鋪左滿滿既牛油果入面既軟殼蟹好大舊 啖啖都係肉唔似其他地方食到全部都係炸粉加埋蟹子同沙律醬真係非常好食總括黎講呢間餐廳刺身同熟食都好高質服務態度又好真係會再回頭啊～…Read More

元朗鳳琴街有好多嘢食，今晚同個 friend 去試新嘢， 一齊去冒險， 尋找美食去👭餐廳唔算好大，日本居酒屋擺設，又幾好feel喎😚今晚唔算餓底， 但左點點右點點也叫咗成九樣嘢食🤣😱- 黑松露帶子沙律🥗~一上碟已聞倒好香，帶子幾多，大粒甜鮮，加埋酸甜甜新鮮嘅沙律菜，真係胃口大開😊-燒魔鬼魚翅~ 雞泡魚就食得多，呢個第一次食，焦香兼好，非常香口👍-大池魚刺身🐟~ 今日廚房推介，新鮮運到，三大件，件件都好厚切呀😚 魚油唔算勁，係食佢嘅鮮味爽口，唔錯唔錯，冇介紹錯👍-壽司🍣~ 帶子係我至愛，一定要叫， 好大粒，厚切，甜、鮮👍~灸燒左口邊，少少燒焦味，魚油十足👍~ 鰻魚大大件厚身唔在講，且非常肥美， 十分滿足呀😚一夜乾魚燒🐟~ 馬友魚自家醃製，所以唔會太鹹，燒至金黃色，外皮脆口，肉質嫩滑肥美， 好食到個魚頭都唔放過🤣-雜錦天婦羅~ 幾大碟，有五款，正正常常，但蕃薯好好味，質感好似食緊栗子咁😋- 吉列廣島蠔~ 估不到咁大隻，熱辣辣，要慢慢食，因非常辣嘴， 蠔鮮味👌👩‍⚖ 材料新鮮，非常高汁，價錢合理， 服務好好，自動波不停加水😚， 街坊小店，一定支持💪💪💪…Read More