添寶牛雜粉麵 (Sham Shui Po)

五香牛什幼麵（$35）有4片草肚，2舊肺，3舊腸，1件膀，加2片生菜，份量唔算好多，亦切得唔算大件，味道普通，湯底少咸，幼麵正常。招牌豬什幼麵（$35）有2件豬潤，3片豬腰，2件豬肉片，2條豬肚絲，2粒粉腸仔，加兩片生菜，份量尚算可以，但切得好細件同碎，味道還算可以，湯底有少少白胡椒同薑味（湯中有幾條薑絲），幼麵正常。凍檸檬茶（+$5），檸檬得三薄片，茶味欠奉，得個甜字。老實講，兩碗麵嘅味道都極之普通（豬什嗰碗好啲啲），以價錢計都叫做相宜，但可惜應該只此一次。主餐牌就標價$40，門口有張紙話所有特價粉麵$35，但又無講明邊啲係特價。Anyway，仲之有平就可以了。只收現金。

Read full review

五香牛什幼麵（$35）
有4片草肚，2舊肺，3舊腸，1件膀，加2片生菜，份量唔算好多，亦切得唔算大件，味道普通，湯底少咸，幼麵正常。

招牌豬什幼麵（$35）
有2件豬潤，3片豬腰，2件豬肉片，2條豬肚絲，2粒粉腸仔，加兩片生菜，份量尚算可以，但切得好細件同碎，味道還算可以，湯底有少少白胡椒同薑味（湯中有幾條薑絲），幼麵正常。

凍檸檬茶（+$5），檸檬得三薄片，茶味欠奉，得個甜字。

老實講，兩碗麵嘅味道都極之普通（豬什嗰碗好啲啲），以價錢計都叫做相宜，但可惜應該只此一次。

主餐牌就標價$40，門口有張紙話所有特價粉麵$35，但又無講明邊啲係特價。Anyway，仲之有平就可以了。

只收現金。