深記海南粉

Open Now

Now Closed

求求其其想夜晚搵啲野食，見咁多人就試下佢。柱侯牛腩好入味，但可惜偏瘦，唔阿稔身，只係普通。胡椒豬手油飯不俗。豬手彈牙但都係稔身嘅，可惜我會覺得胡椒味好似差啲，唔太夠喉。油飯嘛...同海南雞飯個油飯一樣啦。油飯好香，真係有雞油向入面。無野送飯都可以食到一碗。啲雞！好juicy 好嫩滑，抵讚！啲皮好薄，好想忍口介雞波嘅我都食左啲啲。薑蔥咸度合宜，不過刀功就麻麻啦，啲蔥粒有啲大。總括而言，唔關得叫自已海南粉，佢啲海南雞的確係出色。其實野都係水準上。雖然地踎啲，但都好值得再去！

今日下午叫左個出名既海南雞撈粉，見到都幾多人食，又幾多好評，應該都還好啦？個粉$58做午餐仲係單點，已經係一啲都唔平，呢到附近黎講仲偏貴添，但好食都真係唔係問題！海南雞帶骨之餘仲完全無任何海南雞有既香味，嫩滑，得個咸字。個撈粉先係世界級難食，從未食過咁難食既粉，望落去都還好的，但食落去完全食唔到有一條條粉既感覺，淨係食到一pat 又濕又唔香既野，仲有半撈好半成舊黏住既白色既所謂粉！難食既程度可算是滿分！

真的捉蟲記，捉蟲係因為自己柒😥 唔係店家差🙂年三十晚早收工，去到朗屏站附近開飯🍽️ 行下行下見到深記咁多街坊幫襯，就坐低一試一黎店員已經問我飲湯無😛 話我知係胡椒湯，然後先點嘢食🥢嗌咗吉豬🐷油飯🍚 但發現個個都叫海南雞飯🐔胡椒湯非常搶🤯 啲胡椒味直湧胃底，成陣暖意衝晒上黎🔥 加埋少少鹹味吊起胃口👍👍吉豬炸得乾身，漿唔厚👌 油薑飯同樣都係收乾，兩者唔match😑 但個油飯香味係做得唔錯，反觀另一邊箱，個個嗌雞飯，啲海南雞肉厚汁又多，如果叫咗雞。。。飯，你話幾咁正，可惜自己唔生性，是日不愛雞，人哋擺明名菜係海南雞又要叫豬扒🙄臨尾叫個飯dry 得滯😶 加咗側面既黃黃哋既汁撈撈🤨 點知一食辣到噴火，成條脷著晒，仲要陣味然後少怪，可能係襯番海南雞🙃今次捉蟲記教訓唔深，因為深記啲嘢都Ok, 仲要價錢相宜既街坊好店，下次一定番啅佢個海南雞😝

上星期天入元朗跟甜魔家約了個快閃Lunch，地膽為我們選了有特色的深記海南粉！ 元朗有不少小店很有街頭風味，也曾兩度組團掃街，每趟也吃得滿足而歸，今次只簡單的吃了這店皆因晚上還有好友生日晚飯呢！ 光看大肚腩大家應該估到是誰了吧哈哈哈......... 先多謝甜魔爸爸為我們找定檯及點上食物，甜魔媽媽更到西鐵接我們到來！ 首先試了胡椒湯豬手飯＄45，呷一口胡椒清香不膩，幽幽的胡椒辛香而不辣很暖胃，豬手炆得口感恰好，皮爽肉彈不散爛，唯獨吃時有少許豬毛鎅口影響了口感！ 繼而是邪惡的豬什雜飯＄42，内有粉腸、豬心等等食材，湯頭很清而且沒異味，不過內臟不宜多吃，久不久一次跟好友分享就最合適！ 車爸爸至愛吃海南雞飯當然要試吧！以＄45一份來計雞肉份量而算不少！試了一件皮挺爽口，肉質亦不會太粗糙，雞味不算特出沾些蔥油或汁醬會好味些！ 以上全配油飯一大碗，米飯吃下挺可口，香料味幽幽的滲於之中，味道和口感也很不俗！ 最後是惹味的正宗海南撈粉＄35，內有炸花生米、豆芽、蔥花、肉絲、酸菜、香菜、竹筍等配料，拌勻吃柔潤爽滑多味濃香非常刺激食慾，但多吃也不覺膩愛吃辣的加一點海南黃辣椒醬就更起味了！最後多謝甜魔媽

我是海南人，特地过来尝尝味道算正宗的，但是就是有点冰了可能是因为卤汁不是热的，和海南岛的差别也差不多在此了，还是热的好吃啊胡椒汤也挺好的，喝了才能暖胃地点在麦当劳的旁边

作為海南雞愛好者，我一見到海南雞就要試！我對呢啲主打海南雞嘅鋪頭有話期望，因為主打嘅都唔好食就唔真係唔駛做。。叫左個海南雞，跟碗湯。我通常飲啖熱湯先，但呢一啖，好咸。個湯我好似飲緊鹽加胡椒嘅水咁。我寧願飲水。。好啦試個飯。好彩個飯係好食嘅，唔好睇佢顏色咁淡，啲飯除左有淡淡油香，仲喺粒粒分明，軟硬適中。 到個主菜雞啦。原本成隻脾咁多喺好吸引，但估唔到隻脾喺韌嘅。。肉質仲有啲硬身, 有啲失望。海南嘅肉質要夠滑然後連皮，醬一齊食先正。

今日經過，外賣左一碗豬雜湯米線～ 第一次食豬雜～ 依碗麵係小妹第一碗會飲哂湯既麵～ 因為不留覺得出面啲味精重～但個湯底好好味～又清甜～好味👍🏻👍🏻👍🏻👍🏻👍🏻👍🏻下次再試其他野食～

由以前喺後巷食到而家有鋪位，仲有分店添，好勁啊！本來因為冇泊車位，所以叫外賣。點知俾我等到有泊車位，所以諗住轉堂食，點知姐姐已經好快手咁幫我盒海南雞撈粉入咗盒，最後揸住外賣盒堂食，湯就用堂食碗裝，哈哈。雞脾好味，超厚肉，同埋啲粉應該用咗秘製醬汁撈，撈埋超級好食，出面食唔到咁多配料嘅海南粉。另外，加錢轉咗個豬雜湯，料多唔在講，湯底keep住依舊係超級胡椒味重，令到啲豬雜一啲異味都冇，好鬼夾啊佢地，哈哈。

平常岀開元朗，如果冇特別嘢想食就會食深記海南粉，因為味道好，價錢公道。不過佢就位於人煙稀少嘅巷仔，以前嘅M記未搬過黎嘅時候仲小。雖然小人不過都好多人食。佢嘅外表同裝修認真麻麻，不過對我嚟講，嘢食最重要。((食左幾下先記得影相)依到有唔同粉麵配撘，不過不得不食嘅就係撈海南粉，有袐製嘅醬汁，食落好開胃同惹味。淨粉只需$2x 蚊。加豬手或者海南雞就$5x 蚊，價錢都算公道。豬手似白烚，靠醬調味，好爽口。海南雞都好夠味，而且皮算爽。就算外表麻麻，但平民嘢食黎講真係幾好食，而且會食過返尋味。份量仲一定會令你飽！另外，豬雜湯都好值得試，胡椒味好濃，有時會外賣返屋企食。有不少人都會淨叫豬雜湯。不過外賣嘅豬雜少啲。如非好好好想食又冇時間堂食，我都唔會叫外賣了

海南粉 海南人吃完 表示淚奔 和海南的海南粉 相比 相似度百分之九十 不用試其他 單是這碗海南粉 我表示無限支持以及無限幫襯 （今晚也會請老公買回來吃😝）感謝你們開了這間店！（聽說要至少噴夠兩百字才能給rating ok here we go）：美中不足的是配湯有點太鹹 我想應該是胡椒豬肚酸菜湯？在海南吃的話配湯是海白洗鍋水 因為粉已經夠鹹 所以湯會淡一點🤪祝生意興隆 展店順利 早日開來市區！！竟然還沒到兩百字嗎難以置信OMG！

平時經常經過依間主打海南雞既小店，今次終於入去試一試，心諗小店做得起應該都有獨特之處。舖面係屬於細細間，有點舊式既類型。但環境無咩所謂，最緊要食物質素。叫了嗰海南雞飯，雞肉還可以，肉質剛好但不算太滑，雞味一般，醬汁味道反而有自己特色，雞肉沾上醬汁味道提升了不少，但雞飯略嫌太淋，亦不算香，反而嗰胡椒湯有d特別，因為真係好辣，但如果唔怕辣既人既可能會幾鐘意，整體黎講有少少期望過高，但價錢唔算貴，叫做都食得過。

一向都好中意哩間既海南粉 配埋雞食起上黎冇咁dry番海南反而食唔到..變左"湯粉"麵唔係米線但又唔係米粉撈食就好食過撈米線想買半邊或一隻海南雞都得半邊$78 全隻$140跟餐會送胡椒湯 冬天飲好暖胃

第一次係老婆帶我去食呢度嘅胡椒豬肚湯，講真味道係非常合理的，雖然地方有d污糟但小店係咁，幾十蚊想點。今次係第二次幫襯，因為老婆唔開心，想買個外賣俾佢打打氣... me: 唔該要個胡椒豬肚湯外賣吖姐: 吓，唔係豬雜啊？me: 係啊豬肚湯姐: 吓，要加十蚊喎me: 好啊唔該照要我得到嘅係呢碗野，碗細，仲要得7成滿，一個足三兩咁重啦堂食碗湯係公仔面碗咁多食完會飽嘅...me: 咦，阿姐個湯同餸分開裝啊？姐: 呢度全部喇me: (逗一逗)好似好輕喎... 姐: 係咁咖啦，喺度蝕都係咁me: ok我冇話唔要，因為人地都裝入碗，因為我想我老婆食左開心返，但係，冇下次，做生意要老實少少。

今日係今年最凍嘅一日，得12度，放假訓到2點先起身，跟住就出去搵d老友傾下野，傾之前就食d野暖下肚先啦，去左深記，本身都唸住叫個最出名嘅海南雞飯，但係見到佢有個胡椒豬雜湯粉，真係啱晒時候，咁就叫左佢啦，姐姐話無河粉，咁就轉麵啦，無所謂。咁個麵都好快黎到啦，飲啖湯先，個湯就好香濃胡椒味，再加埋d蔥粒就真係一絕，而佢除左蔥粒之外就重有d咸酸菜，更開胃更惹味，咁豬雜啦，佢地用左粉腸，豬心，豬肚同豬肝，好明顯係食得出入晒味，再加埋d湯又係好好嘅配搭，咁d麵啦，麵煮嘅時間都係剛剛好，好彈牙，成碗麵都係好夾，性價比非常高，最後我就成碗湯都飲晒，正!

在分享澳門遊食記同時，也寫一寫在香港的點滴。十月中一個週日，上教會後在元朗廣場麥記對面的 深記海南粉 午餐，這間一直是元朗心水小店之一，不過除了環境欠佳，大熱天氣來吃也十分攞膽，所以非等到天氣轉涼後，才可再訪～ 囝囝近年熱烈愛上 海南雞飯，而且飯比雞更重要，其實媽媽我也是一樣呢，大家都對油潤的雞飯感滿意（嚴格說是稍偏腍少少，但卻更適合小孩）；至於雞雖然是肉質太軟，沒有走地雞的嚼勁，以$42/份的價位絕對收貨了～ 其實這裡最好吃是 海南撈粉，雖然已由最初$19急升至$34碗，但仍然值回票價：配料極多包括大豆芽菜、咸酸菜、春筍絲、豬肉絲乾、蔥花、芫茜碎、脆花生、芝麻及生蒜蓉，味道豐富香口多變，再加上深啡的秘製醬汁，滋味非常；粉條本身又彈又滑，配搭非常清新吸引！海南粉本身並無辣味，吃時可添加火辣度十足的海南特色黃辣醬，又是另一番滋味～ 這裡的凍奶茶也挺好喝，喜歡吃雞飯／撈粉的又不怕環境一般，值得一來試試啊～