深井陳記燒鵝海鮮酒家

Open Now

Now Closed

好耐未去過食晚飯, 之前都都覺得佢麻麻, 燒鵝一d都唔熱, 今次中午去食, 價錢貴了好多, 叫一個例牌鵝100, 但無落單, 叫一個例牌雞50, 但黎咗一碗切雞飯, 最快就係蒜蓉白菜仔是最快來, 先講個例牌鵝, 得一隻鵝肶多少少, 貴到離晒譜, 隔離枱26蚊一碟叉鵝飯, d鵝已經有我個例牌鵝半碟, 總之一句到尾, 有被騙感覺.

小弟及女友去呢間陳記試下佢d燒鵝，見到咁多人食，諗住會好好食。點知大感失望。我地被安排入坐於一間只開早上及下午的茶餐廳，但晚上卻變成陳記既舖頭之一。首先講講食物既質素，燒鵝又肥d皮又唔脆，見佢出面d燒鵝係新鮮整既，點知我地食果d係凍既，付款時向收銀投訴，佢話佢地全部燒鵝都新鮮熱辣，對我們說唔好意思(都食完law, 講sorry 又有乜野用? 難道是我地運氣不好，而其他人食既燒鵝卻是很好吃？)。至於價錢，我覺得佢地好唔老實，燒味雙併是$80，雞拼鵝就變佐$100??? 問收銀佢話鵝併叉燒就$80，點解佢份餐牌又唔寫清楚??? 雖然只係$20，但係我講得佢地十分唔老實，誠信好有問題。我地食佐雞鵝雙併($100)，西蘭花帶子($70)及一個白飯($6)，點知埋單要$211，因為仲要計茶介(二位$6)﹐花生及酸果(總共: $10)，仲要加一服務費？天呀，基本上我唔覺得佢地有乜野服務，大家有冇試過去茶餐廳仲要比加一服務費？基本上佢係大排檔既格局，酒樓既價錢，茶餐廳既服務，值得讚既係佢諜西蘭花帶子都幾大碟，質素都OK，但小弟仍然不明白為何這麼它這麼多人惠顧，而深井其他食市卻顯得比較冷清。

同男友特登搭$5一程小巴入深井食燒鵝,點知$100 一個例牌份量少(老闆娘話例牌有四分一隻鵝,一定比我地叫兩個每個價值＄２x 既燒鵝飯/瀨多喎,點知黎到只見有八分一份量,除非燒鵝飯/瀨既燒鵝份量超少，否則個人覺得未必比我地叫兩個燒鵝飯/瀨多,心已經覺得有點搵笨,但見一場黎到,份量又唔夠食,就叫多個魚肚花膠浸時菜)．．．點知燒鵝味道一般,燒鵝皮一D都唔脆,魚肚花膠浸時菜有幾條爛菜都忍你，最大件事係我個碗淨瀨粉有甲曱,諗起都想嘔,雖然佢俾返個九折我，但我以後一定唔會再黎!!

同bf睇完戲，講講下竟然去左深井呢個我從未踏足過既地方，o係裕記太多人之下, 我地就去左陳記。例牌$100碟燒鵝，你話貴咩? 又唔算，但收得呢個價錢我一定有要求。個鵝既味幾好，皮都唔錯，但係真係幾肥下... 我冇可能將所有肥膏都食晒落肚架~~~~另外叫左2樣小菜，一個係鼓汁帶子蒸豆腐，ok可以收貨，但係2個人食呢碟就實在太多。另外食左個西蘭花斑片，斑片麻麻地冇鮮味，菜都算有鑊氣既!食既唔算出色但都可以接受，而d伙計我覺得幾nice喎~ 不過下次我都會想試下裕記!睇下係咪好味好多先得!!!

果日特登去食燒鵝，100蚊個例牌, 超普通, 得個皮脆少少，再加多個椒鹽瀨尿蝦，食完之後成晚勁口渴，要狂飲水。試過一次都唔會再試。

係人都知堔井燒鵝好出色ga la ...但係90蚊換黎嘅lee碟例牌... 究竟有咩好呢...皮唔脆... 肉又"un" ... 肥羔又多...真係百思不得其解點解可以咁出名lor ...係我唔好彩食正碟唔靚嘅 ???不過其他小菜都還過得去~"kulu蝦球" 算好好味tim ar ~不過唔好唔記得... 我係一心黎食燒鵝ga >.<

睇返之前的陳記食評, "洗手間事件"歷歷在目。不過在家長指引下, 只好再挑戰尺度罷。脆皮燒鵝依然脆皮, 論味道是唔錯的, 可惜那梅醬無俾過心機, 難吃得可以。作為燒鵝老店, 這細微細眼位都做唔好, 實在要檢討。其他小菜真係可以無一味好吃! 不詳細介紹, 略略交代, 生蠔煲只有杰杰的汁, 難吃; 鵝腸是漂白貨, 難吃; 其他都係難吃得吃剩的。米線及瀨粉更難吃! 伴吃的上湯連味精都懶得下, 淡而無味, 過份!洗手間好窄好臭, 無核突野都一樣零分。

尋日星期三,係我女友身在美國舅父、舅母及兩個女,一家四口返香港渡假十多日,我八人車戴我女友婆婆、女友媽咪、女友媽咪的朋友、女友舅父一家四口,共七個大人兩個細路,一行九人夜晚八點,到深井陳記燒鵝幫襯。我點要一隻燒鵝,最初我仲以為係以鴨代鵝,因為多年前深井食燒鵝,已經大多,鵝由於供應量不足,及來貨價格昂貴,所以有一輪大多冇真正燒鵝食,果陣時連電視都有報導。入番正題...燒鵝一大隻$220元,皮香脆肉鬆軟唔太肥好味,真係從未食過咁正。另點四個小菜,計有八珍豆腐煲、椒鹽九肚魚、竹笙西蘭花及鮮菇扒雙蔬。四個菜都不過不失,但以最好味。每個小菜最平都由$50元起,我咁多人都只係飲茶,酒水都冇另外叫,飯後有兩款糖水送,有腐竹蛋花及紅豆沙,兩種糖水味道都ok。連八碗白飯及可能鹹酸小點在內,埋單$568元正。我都覺得呢個價,如果普通地方食,可能係貴少少。但以去深井講,咁價錢都真係唔算貴囉!我被安排上二樓,入面有三張大,期間只得我一人食飯。有一個阿姐女侍應獨立招呼,服務尚算殷勤,而且侍應又冇言語間,猛叫我食海鮮,唔錯......埋單俾多$20元貼士~

呢日同一大班朋友到黃金海岸玩，原本想燒烤，但見到咁多大都費事啦，咁諗起冇試過深井燒鵝，咪來試下囉。我地叫左半隻鵝，咕嚕肉（老外專利），椒鹽鮮魷，竹笙扒雙蔬，帶子豆腐同炒蜆。隻鵝最出名，但期望越大，失望越大囉，油到死，又唔係話好好味。咕嚕肉同帶子豆腐就麻麻啦，椒鹽鮮魷又多粉，竹笙個獻又厚得滯，最差係炒蜆，一半係壞既，又凍又唔新鮮。呢間陳記都出名呀，點解仲衰過出面ｄ大排檔架？

d鵝幾香幾脆(可能我係午飯時去,唔會食貨尾啦),至於其他小菜無咩特別,真係無咩特別印象,只可講句不過不失,如果唔係入開去,就唔好特登山長水遠咁走入去食,但入開去都可以一試的(咁d燒鵝又真係好脆同幾香)

一場來到深井，家人的堅持下，只好一試陳記吧。三人不吃燒鵝，點了白切龍崗雞半隻及豆腐斑腩煲。半隻簡簡單單的白切雞又做得不錯，對於我，有最愛的薑蓉已經可抵償一切。豆腐斑腩煲沒有太大印象，平平穩穩，不過不失。甜品是芝麻糊，總比例牌的紅豆沙好，起碼不致沉悶。該晚坐在舖內，環境一般，相信露天位好一點。燒鵝沒有興趣試，不予置評，但小菜又不太差，同區尚有很多餐廳，用不著一個名而特地跑來吃。

晚上和男友駕車到這裏吃飯,時間接近十時,只剩下兩三枱客人,我們吃了三碟餸,1)炸大腸-- 很多肥膏且是翻炸的.差勁得很2)上湯豆苗-- 那個不是上湯是汁來的,油不算太多,但是沒有將蒜頭切碎,整粒炒, 太過份了.3)深井燒鵝- 又是冷凍凍的,簡直差勁,

由細到大，我的祖母都是帶我們去裕記的，但前一排，我的cousin 特然話去陳記試吓，又好啦，做人要敢於嘗試。燒鵝一上枱，忍唔住同我的cousin講︰喂，啲顏色好似燶咗啲喎？！但我的cousin話可能鵝不可以貎相，所以先挾一件試試，哇！好彩我冇假牙啫！使唔使燒到好似鵝肉乾咁呀！然後我望著天，在心裏說︰祖母，sorry呀，我以後都會去返你經常帶我們去的裕記了。

有一次去陳記食就真係disaster喇!燒鵝凍的, 又少, 冇幾啖好食。椒鹽鴨下巴都係凍的......其他印象冇乜, 而個洗手間仲歷歷在目! 佢塞左廁所又唔關門, 清楚見到入面d野幾咁嘔心! 見完食唔落!

其實係深井住開既人都知陳記有幾唔好食, 其一係因為佢地d服務差,價錢又唔係平(話就話無加一,不過就有茶芥o個d野)d食物又難食=.="平時食飯一般都係去嘉韻,依家仲多左間中華樓,好過去陳記食垃圾