涮肥牛刺身火鍋 (Closed)

身為自稱[名嘴]的我這陣子經常看報紙亦睇到大版頁面廣告的[涮肥牛]刺身火鍋專門店大賣廣告話好多優惠著數,亦聽過上次阿妹話在做任食三文魚刺身時光顧過亦不錯的關係,,,,終於我作了2010年第一個重要決定,就是在這個月決定了同朋友在這裡叙舊:),看看是否真的咁抵食?答案由我為大家揭曉:抵!!!!!!!!!!進入店時果個比我心急為食的朋友看到其他食客枱上的刺身拼盤,都未坐定,他已立即問侍應這個拼盤是否就是報紙上的$98冰鎮刺身拼盤,侍應點頭後我朋友立即便說快來一個,大家看見他急不及待的樣子還以為剛放監出來呢刺身盤一上枱,大家亦異口同聲[嘩]咗一聲,[三文魚,甜蝦,鱆紅魚,墨魚,八爪魚,帶子,仲有成板海膽]真不敢相信只付出$98海膽好鮮甜,樣樣都新鮮,但包海膽的紫菜不夠,侍應好醒目,立即比多一疊紫菜來,才不至於我們打穿頭:)因為太抵既關係,我們想多點一個刺身拼盤,但原來這優惠價只限每枱叫一次,若第2盤便要$168,見侍應態度咁好仲介紹我們如果唔夠喉不如可再以優惠價order$88足一磅三文魚,我們便食三文魚,16片仲要厚切,片片肥美,邊度搵??一上枱唔夠1分鐘我們便搶食完畢,再order了1磅三文魚,痛快,痛快!!畢竟大家亦是瘋狂刺身迷,我和朋友們都決定盡嚐這裡的刺身,不往我遠道而來,所有刺身都新鮮味美,擺相好之餘味道亦可以,以咁抵價錢食到咁好既嘢真係好滿足但可能開頭食得太多刺身,反而火鍋我們叫了很少,因為消化不了......:)…Read More

之前已聽朋友多次極力推介開業2年的[涮肥牛]服務同出品都唔,環境好舒服,今日可以說是大日子,難得Honey終於就到同我一齊day off,於是睇完最期待的[阿凡達]便溫馨地前往這間久仰的火鍋店涮一餐,聽朋友講逢星期一至四多數不用訂位,但難得同[他]撐枱腳當然係訂枱安排既位會舒服d啦,好在訂了位,到達時８：３５,全場已坐滿8成客人,最幸運是我們訂座竟然安排了一間房,服務員親切地為我們上了茶便有位經理專業地向我同honey推介食物,不過可惜honey唔食刺身,於是我們便選擇只食火鍋,以下食品雖然簡單,但真係如我朋友所講令我同honey一邊食一邊大讚之餘還一邊享受著令人放下一切煩惱的美味dinner不經不覺竟食了２個多小時，所謂開心既時間真係過得很快，最開心既係出面好多火鍋店都是很逼很嘈，但這裡卻沒有像大排檔般，侍應主動加湯，還保持一直幫我們的湯鍋〔勺油〕，值得讚，我亦從今將〔涮肥牛〕此店列入我的〔飯堂〕，香港人就是一年四季亦愛打邊爐下次要約埋班朋友仔黎食我既至愛〔刺身〕好期待哦:)…Read More

看到報紙的推介，特意於平安夜訂座,好好慶祝一番~豈料到達後並沒有想像中那麼多人，根本不用訂座，心想是否有詐？不過亦因此座位非常寬闊，４個人坐在可供６人的桌甫坐下來，便馬上叫侍應端來早已預訂的北海道刺身併盤，＄９８就有成板海膽加各式各樣既刺身，抵！而且非常新鮮，當中三文魚仲好厚！跟住就係ａ５和牛刺身，牛味相當濃厚，入口即融，蘸上相應的醋汁，牛肉的鮮味更為突出！然後到招牌有機雪花肥牛，比起一般肥牛實在好食太多，肉質軟熟，牛味濃郁，不妨試下落一落湯底約１０秒就撈起，更鮮味。湯底係花膠鯊魚骨湯底，正式碌野前可以當湯來飲，非常鮮甜！之後再叫左個安格斯牛脊，雖然都唔錯，但對比起招牌肥牛明顥失色，牛味淡左好多。另外仲叫左報章推介既意大利風乾丸同墨魚水餃，兩者都好有水準，唔錯，值得一試。除此之後，仲要左一客三文魚蟹子沙律，份量頗多，落足料，有好多片三文魚，拍得住一般壽司店的水準，幾抵食。食完之後，人流漸多，或許因夜晚７點多已來到的關係，所以才會看到早前的冷清場面吧，總算沒有失望。…Read More

我是一個牛痴, 品嚐火鍋, 牛肉是靈魂, 不可或缺! 今次試了涮肥牛火鍋, 牛肉水準絕不失禮, 各路牛痴, 可以一試!雪花肥牛, 紅白相間, 紋理有序, 當下一看, 可略知確是新鮮牛肉! 牛肉配上湯底, 味道相配, 可算一流味覺享受!金錢牛肚, 肉質爽口, 加上五香調味, 夠晒野味!還要推薦駝鳥肉, 花雕雞, 及手打豬肉丸, 即使是普通食材, 但試過以後, 你會發覺平凡中的不平凡!…Read More

天氣終於轉涼, 終於唔使十二月都著一件長袖tee! 呢個時候最好去打邊爐!呢間火鍋店係我第三次黎, 非常喜歡呢度既牛肉, 其中有兩款, 值得一試!雪花肥牛:切得薄薄地, 幾考刀功! 呢款牛肉, 首先夠晒新鮮, 肥瘦比例岩岩好, 咬落去都有溶化感覺!本地鮮牛:我認為係九龍區最好食的本地鮮牛肉! 新鮮好味, 配埋醬料, 味道一流!其他方面, 美國蠔, 花雕雞都係值得一試!:)…Read More

天氣開始冷了...昨天去了涮肥牛打邊爐...點知有好大驚喜呢..發現有打邊爐有日本刺身食...咁我又衰衰咁試下啦, 一試得喎...火煱店裡刺身竟然好惦...三文魚新鮮好食...講返邊爐, 湯底好正好好飲, D肥牛好正呀...另外, D丸都唔錯...食完會再去呢...唯一美足不足, 係太多人太好生意啦...等位等了半個鐘.....>.<…Read More

昨天晚上難得一群舊同學相約食飯, 我們訂位去了涮肥牛打邊爐.晚上七點半去到, 人山人海, 估唔到經濟唔好, 還是星期一都咁多人...我們一行7個人, 打邊爐最好玩...食物新鮮好味, 值得一去再去..吃了一個"乾隆醉雞鍋", 好正好有酒味, 食到大家都有點酒意...聊天聊得特開心...另外, 有機肥牛好新鮮好有肉感, 一上枱就一掃而光, 要加碼...好食到唔想停...其它東西樣樣都唔錯, 好正好正....有一點不好, 就係食唔停..今晚看來我要去KEEP FIT,要不然就好肥啦....總合來說是一個好開心的夜晚, 有一群同學談天說地, 又有美食當前...SO GOOD…Read More

當天是女友的哥哥生日, 我們一早起來....全家動員到大圍踩單車, 因有一位只有3歲, 所以我們由大圍踩到大尾督也用了6小時....累死了~中午3:00, 各人議論紛紛, 於那裡晚飯呢? 最後, 由生日的城哥選擇了這間涮肥牛火鍋. 立即打電話去訂位(8人), 訂了7:30.我們於7:10已到達, 但已全場爆滿 侍應說要我們等多一會, 好快就有位給我們, (我們不是訂了位嗎??????:()但我們等到8:40先至有枱, , 而於這100分鐘內, 所有店員也沒有理會過我們~ 店外是沒有侯位用的椅, 也沒有任何地方可以坐的, 我們也很明白之前的客人不走也沒法, 但我們覺得這店的處理很有問題?? 1. 我們不是訂了位嗎?2. 他們要是知道沒這麼快有枱給我們, 是否應該打電話通知我們呢?3. 於這100分鐘之內, 店員對我們一點也沒做過什麼??? 一杯水? 一張椅?(如果大家都有去過這條街食飯, 都一定知道這裡有很多食市, 門口點都會放3-4張椅比人等位, 但他們一張也沒有:()至於食物: 又真係幾新鮮, 好有水準, 但我們已經等到........食之無味-棄之可惜!!! 明早小朋友還要一早上學, 我們只好吃飽就走, 根本都沒時間好好的享受美食................希望涮肥牛可以多點留意門外等待的客人, 不要只服務入了埸的客人啊~:(…Read More

呢排經常路過紅磡, 加上睇報紙見到呢間火鍋店大大既廣告落左係生果日報, 好奇之下同朋友黎呢度烚下烚下!呢度環境唔錯, 都幾衛生幾亁淨! 我地到步既時候, 人都幾多, 都要等左一陣先有位!我麻麻地喜歡打邊爐, 所以大部份都係朋友話事! 有幾款配料都覺得唔錯, 同大家分享下!手打鮮蝦丸:蝦丸都幾大粒, 咬落幾爽, 而且冇老點人, 真係幾多蝦肉!鮮帶子:好新鮮, 大大隻, 點少少醬料, 一流!花雕雞:第一次打邊爐食呢種配料, 酒味同雞肉味, 好特別!鵝腸:好慶幸冇被老點, 曾經去過唔少黑店, 鴨腸雞腸當鵝腸賣! 呢間賣既絕對係堅鵝腸!雪花肥牛:總之好味, 喜歡牛肉既朋友, 強烈推薦你地一試!頭先講過自己麻麻地喜歡打邊爐, 但有機會我都會返黎再食!…Read More

剛剛星期天是我的爸爸生日, 他最愛就是不邊爐...所以我決定請我的爸爸去涮肥牛打邊爐, 食返夠本食完我爸爸都話, 今次的生日飯好好..好正..好好味..下次都要黎呢度..值得推介的食物湯底 : 花膠沙魚豬骨鍋湯底好好飲, 夠火路, 用來打邊爐, 將味道溶入食物中, 超正...脆鯇骨腩 : 大大的, 有口感, 食完想再食.有機肥牛 : 啖啖肉, 肉汁在口裡流出來..色香味俱全...鮮滑牛 : 好滑好滑, 好似食牛奶咁..正呀....五香金錢牛肚 : 不硬好味, 好有彈性..驚喜之作 : 花鵰走地雞, 走地雞本身肉質夠彈性, 加上花鵰酒味, 味香肉滑..想起都是令我口水長流的....而每人消費大若150蚊左右..不貴又好食...大家真的要試試…Read More

同另一半特登過黎紅磡打邊爐! 因為呢間餐廳對我地有特別意義!:)一到步, 慶幸好快有位坐, 環境依然保持乾淨, 最重要唔會好焗, 因為大家都應該有經驗, 去過一d火鍋店, 成間店都係蒸汽, 感覺又熱又焗, 呢間絕對唔會有呢種情況!我地先叫湯底, 招牌鮮奶雞鍋, 味道好清甜好滑, 原隻雞隻放落去煲, 冇話斬件形式咁偷工減料, 要讚!小食我地叫左泰式冇骨鳳爪! 咬落去爽爽脆脆, 又唔會話太過酸, 算係開胃!牛肉我地叫左雪花肥牛, 咬落口好林, 點少少豉油, 味道一流! 我好喜歡食菌類食品, 叫左個拼盤, 有成三四種類別, 分量算唔少, 可以一試!仲有叫左白鱔片, 好脆好爽, 一咬好有彈性, 似係新鮮魚!打邊爐黎講, 呢間餐廳算係幾有水準! 我地會再黎, 因為之前另一半就係係呢度向我表白!:)…Read More

之前都有黎過呢間火鍋店, 肥牛真係幾可口! 同朋友經過呢度, 我提議食呢間, 大家冇意見!坐定定後, 大家叫野食, 叫左以下食物, 可以同大家share一下:1. 鮮茄薯仔豬骨鍋:我本身唔好豬骨鍋, 感覺好肥膩, 但朋友叫到, 無計! 豬骨大大舊, 睇落去好肥好油, 不過加左唔少鮮茄, 感覺反而開胃好多, 味道亦鮮甜好多!2. 有機雪花紅牛最期待的火鍋配料, 值得稱讚, 牛肉入口會溶, 所以成百五蚊一碟!3. 花鵰走地雞味道濃郁, 雞肉算軟滑, 值得一試!其他仲叫左牛骨髓, 牛柏葉, 肉丸等, 都保持水準.....…Read More

我小湖澄一向食招積...其實小弟一向錢財如草芥....食野一定要食好野...一向信奉便宜冇好, 一分價錢, 一分貨的道理..今日推介的火煱店, 價錢不是便宜的..但食物是一流的..在紅磡的涮肥牛火鍋, 那兒用料一流, 肥牛同海鮮都好新鮮, 好正..其實去打邊爐..食就係要食新鮮, 若講功夫, 肯定就要看各類丸那兒的各類丸, 不管彈性及味道都係一流, 可見大廚功力..說實話, 人生中食是很重要, 不要老是跟我說錢..三四百食一餐好野..談不上貴..大家都能食得起...重要是否正...今日推介的涮肥牛, 每日平均消費要二三百, 但他們做到對食物有要求,有心..值得推介…Read More

之前聽朋友講過呢間火鍋店既食物好好味, 尢其個湯底非常之正, 心諗食火鍋都應該讚肥牛或者其他配料好味, 點解朋友反而極力推薦個湯底呢?! 今日同女朋友經過附近, 於是順便去呢間火鍋店試下!一入到間火鍋店, 第一個感覺係乾淨, 坐落亦都幾舒服下! 然後我地就決定叫個濃湯雞煲花膠鍋! 呢個湯底好特別, 好滑好濃好香! 落料都算幾足下, 唔怪得接近兩舊水,不過真係冇偷工減料!食火鍋, 當然唔少得牛肉, 我地叫左一碟安格斯牛頸脊, 感覺唔錯, 食落唔會太肥或太硬, 配埋個湯底, 味道都算夾!仲有要講既係豬肉丸, 好難得真係用鮮肉所制成!今晚覺得幾滿足, 朋友真係冇介紹錯, 我會下次再黎!…Read More

:)上星期天氣凍..所以好想打邊爐...聽朋友說紅磡涮肥牛的肥牛好正, 所以去試下...一入去...就見到 前特首的相..我想特首都來..價錢會不會很貴..一看價錢..也不算特別貴, 算是中等..我點了肥牛, 線貝, 墨魚丸, 四寶丸, 墨魚滑, 白鱔片, 脆肉鯇魚等..肥牛真好正好值得推介..墨魚丸都真係好好食...白鱔片, 脆肉鯇魚都好新鮮...兩個人食了五百幾蚊...價錢不算便宜...但D野新係好正...一個字"值"…Read More