海連茶樓

星期日去到荃灣，大家咁啱嚟到福來邨，發現原來早已聞名海連茶樓就在這裏。 因為執行的人未食午飯，所以全程只有我叫嘢食，但係啲服務周到，態度非常良好，熱情到不像是酒樓。 老闆娘還推介了很多不同健身給我們嘗試，喜歡這裏的老村及老香港小型酒樓的感覺。這些酒樓已經不在很多地方出現，很多已經倒閉。酒樓是用一個傳統的大精靈，當你所有鉛芯筆選購，就建議亦都會選用介紹每一個點心。而且他還提供一些已經很難在市面上找到的點心。我就點了蘿蔔糕， 叉燒腸粉及特色燒賣蘿蔔糕口感綿密，材料十足，蘿蔔味豐富，有不少臘腸叉燒腸皮薄材料豐盛， 口感十足特色燒賣呢個最有趣， 第一次見與傳統燒賣味道相似， 有一簿皮蓋住熱度十足整體我十分滿意，除左食物質素高還感受到老香港情懷，大讚👍🏻👍🏻👍🏻👍🏻…Read More

呢排成日喺社交平台見到有人介紹呢間點心店，今日放假專登過去食晏可能平日嘅關係所以人流唔多，點心車嘅嘢都冇乜選擇😅不過老闆好Nice，問佢有冇馬拉糕，佢即刻問有冇其他客人要幫我哋一次過蒸👍⭐️芝麻卷有三條，但係底下有啲水份所以濕濕地口感爭啲，芝麻味唔夠濃，勝在唔會太甜，整體合格❤️鮮蝦菜苗餃好飽滿，晶瑩剔透，內餡幾新鮮👍⭐️馬拉糕一蒸起就食都唔覺得好鬆軟，攤咗一陣越黎越硬，好麻麻😅😅❤️棉花雞超多魚肚，啱晒我哋口味🤣⭐️菜心煮得太耐太淋，純粹想有啲蔬菜落肚所以叫其實一路食一路都唔知啲價錢，最後埋單有個嬸嬸過嚟幫我哋計係$189，我哋覺得好貴，所以問收銀員多一次每樣嘢嘅價錢，得知原來棉花雞要$44，菜心$36，雖然個嬸嬸心算計錯咗多咗$7，但其實以舊式屋村點心黎講平均都要三十幾蚊一樣係非常貴😟😟試一次就夠了⋯⋯…Read More

一直知道福來邨有間老式酒樓，這星期終於有時間去試一試，果然冇令人失望，味道，價錢款式也有種回到過去的感覺。這裡雖然人多，但不用等太久，很多人食完就離開。而這裡不是懷舊，而是真的舊式酒樓，環境比較地痞，但還算企理。這裡的點心還是像舊時一樣，人手推車，一個大蒸籠包括了幾款點心，邊推邊叫賣。至於款式還保留了多年前的款式，而且味道相當不俗。我叫咗小時最愛嘅糯米飯和糯米包，還有拳頭咁大嘅叉燒包，咸魚肉餅飯，還有個忘了名字的XX角 😅每樣味道也不錯。最想不到的是，埋單兩個人，五樣點心，竟然不用百四蚊。相當實惠。…Read More

今日好想食菜遠牛河，行左去明記，點知原來冇做午市，唯有搵過第二間😅諗起福來邨嘅海連，滿心期待，懷住冇比嘅心情去到。係門口，見人頭湧湧，心諗一定冇有錯。搵個位坐低，開左壺茶，即刻同阿姐落埋單 — 菜遠牛河兜亂，唔該🙏🏻點知…😔阿姐話而家冇做炒野，專心做點心😭正當我犹疑沉思之隙，有把沉厚嘅聲音講左句：「我地仲有牛腩飯，睇吓啱唔啱食！」「好！就牛腩飯，唔該！」牛腩飯係柱侯牛腩，一上枱，不禁嘩一聲。香，好香，好香嘅柱侯味陣陣撲鼻而來！立即夾左舊筋腩入口，腩肉軟滑，牛筋香稔，明顯夠火喉。八角味、醬香味、牛腩味共冶一爐，無比匹配😋同場加影，出爐鳳爪，有三大隻，入口即溶，冇黐牙😊…Read More

店面的裝修和環境雖然懷舊，但十分整潔。推車叫賣，一盅兩件的舊式茶樓買少見少。這家茶樓還保留花碼。店員非常熱情，老闆還親自教我們怎樣解讀花碼。每款點心都用料十足，調味剛好，賣相亦很精緻。糯米包第一次見，燒賣皮包住臘味糯米飯甜甜鹹鹹的，很香很滿足。蝦餃和燒賣非常實正，用料十足。外皮和內餡不會一咬開就分離，質素非常好。雞札有雞肉、豬肉、魚肚和芋頭，肉汁鮮香很好吃。叉燒腸口感非常軟糯細滑。梅菜很香，肉餅肥瘦剛好，米飯粒粒分別，推薦！西米布甸很濃雞蛋和牛奶味，是幸福的味道。…Read More

連鎖店飲得多，是日專程黎試下海連，聽講有左幾十年嘅街訪老店。下午兩點幾先黎到，點心已賣得七七八八，見我地入黎食野，即刻好熱情咁推啲點心過黎😆賣淨呢啲咋要唔要埋佢。最後我地枱上出現糯米包、香茜餃、鳳爪同豬手，本來仲想放低埋盅頭飯同大包，但制止左佢😆⭐糯米包賣相雖然唔靚，但軟糯香口，有菇粒臘味粒等，好味噃🤤⭐香茜餃皮煙韌有咬口，但餡料偏淡，芫茜味不強。⭐鳳爪醬汁調得好好味，鳳爪吸飽汁好正😍⭐豬手同樣醬汁好好味，豬手炆到淋晒入晒味，豬加爽口仲有膠狀添，勁正😍啲點心係兒時味道🤤雖然唔知啲點心同茶錢點計，呢度食左$110，咁好味都值啦。…Read More

在居民區間的地到精致的小店，親切的阿婆和熱騰騰的小點，享受了一頓豐盛的早茶。最喜歡鵪鶉蛋燒賣和蘿卜糕。鵪鶉蛋燒賣肉質緊實微甜，搭配一口蛋豐富了層次，一口潤滑。蘿卜糕用的是蘿卜泥，內有蟹殼肉和臘肉提鮮，一口鮮到骨子裡。會推薦紿其他人。…Read More

週末一行7人行完山落到港安醫院，想搵酒樓晚飯，搜尋到呢間看落懷舊feel的酒樓，結果有驚喜，非常滿意，價錢實惠，抵食: 香酥荔茸鴨👍👍👍炒麵👍👍👍蠔仔粥👍👍👍燒鵝👍👍👍粉葛湯生炒骨…Read More

哩間話系香港剩下吾多的老茶樓，平時早茶經過都一定爆，所以今日試下外賣午餐。優點- 有懷舊feel。-預約1115摟外賣，剛剛1113才從廚房出來，熱辣辣。改善點- 性價比低，味道同份量都吾得，尤其是系屋村，租金已經比較便宜，應該做得好D.京都焗肉排 85（3分）- 肉比較乾同實，咁多碟哩碟份量算夠多，味道非常一般祕制豆醬雞$95（2分）- 醬有一點辣，但好吾均勻，得1/3有辣味，雞又鞋又乾,無雞味，雞數量亦吾多得幾舊，你估新鮮雞啊？咁貴。咕嚕蝦球$ 110（2分）- 蝦應該是中蝦，一D都吾爽，無蝦味，份量又系細。粟米班塊 $83（4分）- 班塊數量幾多，炸粉幾薄，以份量來講所以摟翻D分。銀針粉- 只因為東張西望介紹過，所以試下，同張想相差幾遠，可以話差不多無配料。…Read More

生炆斑頭腩飯 $66 (湯茶啤當然係另外畀錢)老味道，份量足，正😋！價錢唔係特別平，但我覺得扺食。望吓 menu，海量嘅街坊小菜，仲有唔少已經較少見嘅老式嘢 (你食過羗葱田雞煲同鴻圖窩麵未？)。而且間舖為咗食客嘅健康，啲嘢食冇加味精而且味道較淡，啱晒我哋呢啲阿伯👍🏾…Read More

趁今日假期去懷舊酒樓嘆下一盅兩件！今次去位於福來邨既海連酒樓試下，本身諗住食雞球大包，不過點心姐姐話今日已售罊，有點兒失望！之後點左糯米包 同 魚翅餃，呢2樣點心都係好少酒樓有得叫！除咗呢2樣點心仲叫左碗仔翅、牛肉 同 蝦餃，不過掛住食唔記得影相，整體點心算皮簿，可以再黎試！…Read More

作為一個荃灣區居民，一直都未去過福來邨呢間懷舊茶樓，今日有時間經過附近就去試一試，一個人叫咗盅鳳爪排骨飯，山竹牛肉（得兩粒），同埋雞扎埋單價錢80幾，我相信係因為冇咩嗰啲孖寶優惠亦都冇話特別平嘅10零$20一盅飯，不過貴都唔緊要，味道就真係見仁見智。…Read More

荃灣舊式茶樓除左好出名嘅川龍街端記同彩龍，仲有啲唔駛上山嘅，好似今次介紹位於福來邨嘅海連，佢就仲係保留由姐姐推點心車嘅做法，令每次點心車推過都好期待（雖然大部時間都只有一架點心車），亦由於要時時刻刻留意有咩新鮮點心推出，成個飲茶過程都十分專注🤣除左點心車，門口仲會有包、盅頭飯可以叫。包仲可以單點，唔係一籠上，咁樣就唔駛迫全檯同你一樣叉燒包😎但唔太推介佢嘅奶黃包，吉士餡太甜亦冇蛋黃味😨其他點心都好食，只係款式就唔多，食果日亦冇炸物😅…Read More

今朝早啱啱經過福來邨路口，好難得啱啱有一個錶位，拍低架車發現隔離有間茶居，同屋企人一齊試吓。坐落先發現佢哋嘅點心全部都係用推車仔嘅形式，都有10年八載冇見過呢一類茶居，，朝早好多食客，好難得先至搵到位坐，當然係呢一類茶檔唔會坐得好舒服，但基本環境都算乾淨。雞包大包，都幾大個，入邊嘅雞係雞件而唔係絞碎嘅雞肉，麵包質地好鬆軟。叉燒腸唔算好高水準，但係都係可以接受。山竹牛肉好大隻好，牛肉感覺好新鮮好彈牙，有牛味。蝦餃我覺得水準好高，雖然蝦唔係好大隻但係好新鮮，好有蝦味。我隔離坐住個86歲嘅茶客，佢話呢度都超過50年歷史，已經係第三代經營，一直都保持係傳統師傅現場即做，所以好多熟客同埋上咗年紀嘅人士幫襯，但係價錢一啲都唔算平，係大酒樓嘅價錢每人都要差不多$50。…Read More

海連在荃灣已有相當日子，年紀越大越愛，筆者很喜歡過來飲早茶，尤其星期日，越早越有氣氛，那香茜餃、魚翅餃、魚翅包、干蒸牛肉、還有銀針粉⋯⋯正宗的一盅兩件，茶葉清香，現今難得的茶樓。老友從外地回來，要求要吃地道小炒，於是便帶他來這店。食店一般作街坊生意，喜歡看到牆上的餐單，古老舊制的價錢寫法，令筆者回憶起從前跟媽媽到街市買菜，價錢牌也是這樣標記，一張長形的紙牌價錢，寫上古舊的數字，一一放在一堆堆的蔬菜上，幾多錢一斤，一目了然⋯⋯又再想當年⋯⋯由於老友回來只是三數天，飯局頻密，一坐下來便說吃少少，因下午茶吃得很飽 ，故此點三幾個小菜，重點是閑話家常。海蜇燻蹄~海蜇彈牙，燻蹄味道唔會太濃，下酒小吃一流。啫啫通菜煲~生炒骨~不過不失。三色時蔬~筆者喜歡那三色蛋夠豐富。煎魷魚肉餅~肉餅和肥肉比例平均，不會過分肥肉，還有那點點的馬蹄粒，爽口，筆者大愛。老友見到這個肉餅已大讚，明明說飽，除即加多碗白飯。整體來說:這是筆者久不久會過來早茶或晚飯的食店，早市喜歡那舊式茶居的感覺，晚市小菜質素很平均，由於是作街坊生意居多，店員那種熱情，就算久不久過來，都會感受到那份親切感，值得一讚。…Read More