Ebina Tsukemen

今日3號風球又唔想留喺屋企，唯有出去試吓海老名的沾麵(想試咗好耐)。去到長沙灣其實都有啲難搵，因為門牌比較簡潔。但皇天不負有心人終於搵到😅我地未開門入去，個店員已經衝出嚟招呼我哋入去坐🤭入面好有日本feel，播著日本歌曲，座位亦只有數個。一坐下店員即為我們介紹，並說蠔麵已經賣完了因一天只有五碗。於是我們點了兩客沾麵(蝦汁味噌沾麵和蝦汁醬油沾麵)，看著店員在前方煮麵的時候好似好似置身於日本。當蝦麵汁送上時賣相相當美觀和吸引，其次就是一碟的沾麵。店員告訴我們吃之前要把麵汁先攪勻，又或者可以加少許蝦油醋提鮮，試了兩啖湯汁好味而不鹹！第一啖吃入口時... 嘩不得了！面質煙煙韌韌再配合蝦汁味噌真的很好吃哦！叉燒用火炙過夠野味又香口，蛋仍是流心好吃👍但係最特別的是櫻花蝦，我覺得這裡的櫻花蝦和外出吃到的是有點不一樣，這裏的櫻花蝦口感好飽滿紮實(不是薄薄的那種)。而當你吃完整碗沾麵的時候，店員會加幫你加熱湯，當湯飲又是另一種嘅享受和層次(我們連湯都喝光)。😂😬🫡下次必定提早去試它們的蠔麵！😁🥂🤟…Read More

翻兜營盤街「海老名」，上次一支公嚟食最Basic蝦汁醬油沾麵，感覺良好。今次二人同行，可以試佢個馳名蠔湯麵嘞！廣島蠔拉麵係佢哋唯一湯麵，賣相好掂，四隻煎香咗嘅蠔，加埋甜甜鹹鹹嘅醬汁，係好食嘅。其實湯裏面仲有四五粒碎嘅蠔，所以都真係唔少蠔囉。但湯我覺得唔太得，湯底偏甜，加埋啲配菜大蔥、海帶、肉碎、柚子全部都係帶甜味，成碗都係清清甜甜噉，我覺得唔夾啲蠔。可能呢個係大廚嘅調味美學，用清甜嘅湯反襯濃味嘅蠔，但我認為變成湯、麵、主菜嘅味道融唔埋，1+1+1 細過3，有啲嘥。相較嚟講，鍾意興華街嗰間出名蠔湯麵嘅多啲。蝦汁沾麵就正路返晒嘞。今次食貴十文嘅「蝦汁麵豉」，比蝦汁醬油更加鹹甜度平衡，粗麵掛汁感好似好啲。最後湯割出嚟效果都更加有鮮甜味（今次支湯擺正喺我前面，就自己郁手）。最後講返隻有味蛋，今次好食咗，可能浸得夠耐，啲味沁到入黃。總結係，佢講明係「沾麵」店，噉都係食返沾麵啦，唔使俾多錢食蠔湯拉麵。…Read More

又係揸車路過長沙灣，突然想食沾麵，非呢間莫屬，不過附近無得泊車，兜咗去順寧道泊錶位再行返過嚟。入去坐低叫咗個櫻花蝦味噌湯沾麵，唔識形容點好食，份量是足夠的，湯好濃，有櫻花蝦、糖心蛋、兩片仔叉燒，麵夠粗身，感覺到湯嘅材料份量縮細咗，但質量十分好，都可以飽肚。職員招呼十分之有禮貌，由入門口到坐低、落單、食完麵後再幫我加水落湯俾我飲埋碗湯，到收款埋單全程態度都很好。舖頭來大約10張座椅，是一張吧枱設計，好似日本啲小店咁，等個麵上枱的時候，可以望住師傅煮麵、燒叉燒等等，感覺幾正，但略為迫少少，如果快食的話，冇得介意咁多。…Read More

放工肚餓搵嘢食，隨意去咗呢間，因為只係晚上六點，所以唔使等位，可以直接入去坐，我叫咗蝦汁醬油沾麵$82，表面有鮮橙色既蝦油，好香又有蝦味，仲有幾大隻既蝦仔乾，都OK香脆，加埋個醬油湯底夠晒咸香，但又唔會過咸，好正，而且啲麵又彈牙又煙韌，仲有啲脆脆粒及紫菜另上， 佢話加落湯食或者包住啲麵食都可以，食果陣仲脆卜卜，食完麵之後，係沾麵湯再加入清湯，個湯都比其他店好味，真心幾好味，又唔使加一，會再黎。唔好既係，店超細，好鬼迫，仲要係前面火炙豬肉片，有啲油煙。…Read More

I recently visited this Japanese restaurant specializing in 沾麵 (tsukemen) and after a 20-minute wait, ordered a bowl of 蝦汁蕃茄沾麵 (shrimp broth tomato tsukemen). Dining solo, I was hoping to enjoy a comforting meal, but my experience was rather unremarkable.AtmosphereThe restaurant had a typical tsukemen bar setup—nothing particularly memorable. A typically cramped seating plan.HospitalityThe only runner was very helpful.NoodlesThe noodles were decent: pleasantly chewy and with the right thickness. Nothing outstanding, but nothing disappointing either.沾麵汁 (Dipping Sauce)The shrimp flavor was unfortunately subdued; the tomato base overpowered most of the seafood notes. The dipping sauce tasted quite bland overall. It could have benefited from a more generous seasoning—some extra salt would have lifted the flavor. The balance between shrimp and tomato was off, leaving the sauce feeling underwhelming. I ordered a "fireball", which did not add much spice to the dipping sauce.GarnishesThe half-done egg was the highlight of my dinner. I ordered another before finishing my last spoonful of noodles.The protein, the pork slices, were acceptable.…Read More

老婆說想吃真蝦湯面，就和她去長沙灣吃海老名。我點的蝦汁醬油沾面，和tst某多葱蒜味過重不同，這裡蝦味和醬油味的比例剛剛好，湯底的炸蝦皮吃著很香。走的是傳統風格，日式燒豬腩肉，溏心蛋，荀，吃完給你加湯。除了溏心蛋因為放置太久，溏心凝固偏熟之外，整體不錯。這一碗埋單82元，比某多118元起跳，36元30%的差距，無論味道還是性價比都要好太多。老婆明明說想吃蝦湯最後卻點了廣島蠔拉面。大葱海帶湯底加了柚子皮，讓本身清甜的湯底再加上一份清新。廣島蠔有煎過，會更似金蠔的那種凝實，蠔味更加濃郁。…Read More

今日午餐突然想食蝦湯拉麵，就去咗拉麵陳間鋪😊🍜低調嘅門面指（招牌都冇）…室內簡簡單單嘅裝修，唔需要鋪大只有10幾個位就足夠，有穩定嘅出品…就好小會輸😏所有條件一路以嚟，都係我覺得開鋪打頭陣嘅做法👍🏻👍🏻👍🏻可惜我唔係做廚師🧑🏻‍🍳只可食掙扎緊🥹食味噌還是蕃茄味好…結果選了🍅因為未試過🦐+🍅=🍜😌開頭食咗2啖覺得冇咩特別，但竟然越食越好食🤔個湯有蝦油，鮮茄同茄汁唔會太酸岩岩好，而又食到好鮮嘅蝦味😋麵掛湯力超強下次可以去CWB試埋蠔湯🦪…Read More

呢間係一間隱世小店，門面設計相當隱蔽，唔係特登留意既話隨時係街邊路過，錯過左都唔知道。店名出現海老二字，顧名思義主要以蝦為湯底，主打沾麵。餐廳Menu亦好簡單，除左沾麵外就無其他可選擇了。- 蝦汁醬汁沾麵，湯底層次豐富，濃稠度偏高，湯底濃郁，真材實料，蝦鮮香味氣濃，但食落會覺得鹹。沾麵條粗身，口感彈牙有嚼勁，掛湯力強。1. 可能要開定Google map留意餐廳位置。2. 餐廳位置唔多，可能要預時間排隊。…Read More

蝦汁醬油沾麵（$82）之前本身包咗一隻糖心蛋、兩塊叉燒，仲有一碟海苔配脆脆粒。叉燒係屬於肥身嗰隻，海苔脆脆沾咗湯好好食！拉麵麵質比較煙靭有咬口，有提供芥末檸檬汁或者櫻花蝦醋可以加落個湯度。湯中不足嘅係湯底唔係好夠熱，如果再熱啲會再好食啲。Btw 要細心啲睇，如果唔係可以Miss咗呢間舖頭，因為佢哋係冇招牌🤣…Read More

-我個人好鍾意蝦湯麵，而海老名就係長期人氣蝦湯拉麵，就連陳奕迅都係座上客，所以我都慕名試試，店面招牌都有啲難搵，前菜係紫菜同脆米蝦汁醬油沾麵個麵就幾掛湯，有叉燒、溏心蛋、櫻花蝦同筍，蝦味超濃郁偏油，鍾意濃湯必選見到店入面大大隻字寫住牡蠣之怪物，又係一日限量五碗就叫埋啦，瀨戶內嘅日本生蠔，食落口啲蠔都係好鮮甜，湯都係鮮甜蠔味再有啲味噌咁、有剪碎咗嘅蠔，幾鍾意-。《蝦汁醬油沾麵》 | $82。《生蠔拉麵》 | $128-👅【海老名沾麵 Ebina Tsukemen】📍長沙灣元州街213號美居中心地下20號舖📍銅鑼灣謝斐道482號兆安廣場1樓🕑星期一至日 12:00 - 15:00 17:15 - 21:00…Read More

今日與朋友都好想食拉麵，結果嚟咗長沙灣呢間小店～本身對嗰邊唔係好熟悉，結果都兜咗幾個圈先搵到佢個門口🤣餐廳門面好低調，小店座位超少，好好彩啱有位唔使等🙆🏻‍♀佢哋個Menu亦都相當精簡，只係賣三款沾麵同埋一款拉麵～其實我哋想食沾麵，但店員同我哋講可以試下「牡蠣之怪」生蠔拉麵，俾佢吸引咗🤣。碗麵未嚟到嘅時候就上咗個小食，都幾特別，係紫菜同脆米🤣感覺都幾得意。拉麵一嚟到，個賣相好靚，仲傳嚟好新鮮嘅蠔味🦪食落口啲蠔都係好鮮甜，加埋啲京蔥又加咗啲口感，溏心蛋都合格🤗，湯底帶有麵豉味嘅海鮮湯，都唔錯嘅，但食到後面開始有少少鹹，最啱我口味嘅係啲拉麵，個麵質是我喜歡嘅感覺，已經加咗麵，但好像都仲想食喔！雖然條路好窄，都會經常出入嚟但店員態度都好好。我覺得今次呢個拉麵好好味，但下次真係想試吓佢嘅沾麵喇🤣…Read More

同朋友當晚7點去到，排隊用咗約35分鐘🥺由於係馬路邊，附近有好多人食煙🚬要忍一忍…🎌環境餐廳只有約10個位，走廊比較逼夾行入去有機會要坐低咗嘅客人讓一讓🙏🏼咁啱我坐到最入面嘅位面前係一個凹位，所以好近咁對住廚房🔪仲有個唔知裝住乜嘢嘅黑色大膠袋喺我面前加上枱面同櫈有啲油油地，感覺有點兒那個…🥹🍜食物上沾麵前會有一個小菜 : 天婦羅脆脆米配紫菜當係手卷咁樣食就可以🤓個紫菜好好食！！🦐 蝦汁味噌沾麵 ($92)沾麵嘅配料有兩片叉燒，糖心蛋，櫻花蝦，筍🧡麵嘅份量都足夠，有成180g😋麵條比較粗身，彈牙，有口感，可以掛汁！蝦湯一入口蝦味十分濃郁😳好夠味👍🏼不過食到一半，我咁重口味嘅人都會覺得鹹叉燒呢個配角有點遜色🐖食到有啲啲苦味🙈糖心蛋唔算好入味🥚不過都係流心嘅💛但櫻花蝦，同埋筍就昇華咗個湯汁！💗食完之後，店員仲會加鰹魚湯落沾麵汁度當湯飲好滿足！整體嚟講係好食嘅👅只係到中期會開始覺得太鹹🍅 蝦汁蕃茄沾麵 ($99)朋友本來想食廣島蠔拉麵但賣晒🥲最後佢叫咗呢個😌朋友對櫻花蝦麻麻，但都覺得個櫻花蝦味好香！有好大pat茄汁喺面🥫一樣有叉燒，櫻花蝦等配料🦐成個湯比起蝦味增湯fresh好多！！食到一半唔會覺得鹹，仲會keep住有濃郁嘅蕃茄加蝦味❤️最後加埋鰹魚湯，好飲到不停叫朋友比我飲😹💁🏻‍♂️服務店員哥哥會攞落單紙比排緊隊嘅客人✍🏼期間都會講: 唔好意思啊人比較多，要你等咁耐，就快入得啦🤝🏼感覺上佢唔認為客人排咁耐係老鳳💛另外，係我哋後面嘅有兩位老人家聽佢哋同店員之間嘅對話，佢哋應該係熟客👀兩位攞完落單紙同店員講，佢哋入麥當勞坐住先店員都會體諒🫶🏼就到佢地嘅時候，就去叫佢地出嚟好有人情味！❤️✨推薦分數 : 8 / 10…Read More

見到openrice 高評價， 於是帶埋家人走去一試， 每碗都$82起…..只係拉面， 唔包飲品入面只有10 個座位左右好彩今日去到唔使訂位叫左蝦汁蕃茄沾面 同生蠔拉面每碗面入面有包含1只蛋， 2片薄切叉燒因為唔知有叉燒， 加了$18 多2片（共有4片）個湯汁好鬼咸……叉燒係薄切既，蛋就係少少味既糖心旦， 可能店鋪較細職員見你食完， 就馬上收起碗碟，搞到你都唔好意思再留下， 真係…唔會再去幫襯甘既價錢， 只係食到勁咸， 不值得一去…Read More

第二次終於排左10分鐘就有位了🥰這次我又去試了那碗蝦汁蕃茄沾麵，真係好好味！第一次食的時候已經被它的味道吸引，今次再來，果然冇失望。一端上來，香氣撲鼻而來，蕃茄的鮮甜味和蝦汁的鮮味完美融合，令人立刻想開動。麵條煮得剛剛好，筋道的口感搭配上那濃郁的湯汁，真係好享受。每一口都能感受到海鮮的鮮香，還有蕃茄的酸甜，讓人越食越想食。店員亦都好細心，會主動遞上紙巾！好有人情味。 總的來說，這碗蝦汁蕃茄沾麵真係值得再來！…Read More

其實以前呢都食過好幾次㗎啦每次都食蝦汁蕃茄沾麵，由佢開店冇耐食到今時今日，價錢一直都冇變不過最近呢兩次食呢真係感覺質素越嚟越差同埋就嗰個味道就真係冇以前咁好個湯第一唔夠熱！同埋個味呢都同以前唔同感覺味精重咗好多同埋真係個湯係嚟到係凍咗咁樣！因為我唔知係同以前嘅整法唔一樣？定係點樣？以前係可能好快落晒啲料先再落湯！但係而家我見到嗰個唔知師傅定係職員？就落晒個湯先再落其他嘢食咁就其實會搞到個湯凍晒可能啲先後次序搞錯咗搞到個味道真係唔同以前！以前熱奶奶嚟到就覺得好正啊，因為其實啲麵已經係將個麵放落個湯度再食咁樣就唔會好燙到個口嘅，但係而家感覺上呢就係凍咗再擺落口就好似食緊一個冷麵囉，但係其實佢係沾麵嚟嘛！…Read More