Ocean Empire Food Shop (Closed)

香港好吃的油炸鬼唔多，呢間算係其中之一，所以今天趁早來嘆番個油炸鬼配皮蛋瘦肉粥。餐廳喺元州村旁，出地鐵步行4分鐘就到，好容易搵。坐低便有服務員上前問食咩，點咗套餐優惠，但冇有油炸鬼的套餐，唯有另加油炸鬼，結果份量太大，食唔哂😊…Read More

平時好少特登去海皇粥店，因為如果想食粥，覺得附近有更多選擇既粥店。不過海皇粥店室內較光鮮，座位又坐得舒服D。今晚8點幾先食野，原來佢地8:30有夜貓套餐，變得抵食左！餐牌可以揀白粥/紅豆沙、綠豆沙/迷你粥 + 一款小食!同朋友點了2個套餐，可惜艇仔粥賣晒，只好叫皮蛋瘦肉粥～皮蛋瘦肉粥幾綿，而個腸粉可以揀蝦米腸，幾香口，沾上海鮮醬更好味。但牛脷酥唔係新鮮整，放耐左既關係，淋左而且冇咁脆口～呢度合共$63，應該算抵食吧…Read More

前排有晚路經呢頭, 見到有間裝修幾光鮮既海皇粥店, 門口楝左個牌有臘腸糯米飯食....都好耐冇食過就食下啦! 除左有單嗌臘腸糯米飯($31), 仲有個臘腸糯米飯套餐有埋油菜和豆漿($43), 因為想飲野, 我就叫左個套餐啦.海皇粥唔係主打臘腸糯米飯, 我都冇抱太高期望, 可能就係因為冇期望所以都冇失望, 糯米飯份量望落都較少, 對我來說份量剛好, 但如果男士就可能唔夠食. 味道唔差, 食落去唔會好油膩成口油咁, 糯米飯既軟硬度亦都適中, 最唔好既地方就係唔夠熱, 只係暖暖地... 相信熱D既話一定好食好多! 反而跟餐既油菜就好大碟, 生菜幾爽, 硬係覺得出街食既油菜好食過自己煮既...豆漿都幾香豆味, 整體都幾好…Read More

收工返到屋企，會先帶3兄弟落街散步、抺腳、拖地搞掂埋佢地晚餐，差不多成9點先至輪到我地食飯。記得海皇粥店8:30後有宵夜套餐，今晚就去試下啦。正在煩惱食咩嘅時候，四圍望下隔離左右有啲咩好野食下啦，見幾檯都係食火鍋！！！咪住，海皇粥店有火鍋食咁開心，我呢個火鍋怪即時轉軚，將個宵夜餐牌遞比我老婆，自己再揀下食咩火鍋先。我最後揀左雙份美國肥牛火鍋配南瓜粟米肉碎粥底，兩份肥牛，份量多個大x樂，其他配菜都係果啲丸呀，粟米、豆腐、水餃等等，但份量非常足夠。而老婆大人就揀左迷你皮旦瘦肉粥併蘿白糕，我再利佢個宵夜餐用優惠價加左條油條。平時食火鍋鍾意飲埋個吸收晒所有食材精華嘅湯，通常老婆就會話個湯唔健康，唔好飲啦，但今次粥底火鍋，終於可以攞正牌飲埋個粥底了P.S：食完先發覺原來店員比多左份火鍋配料我，唔怪得覺得個餐咁豐富啦，真係飽到聽朝都唔駛食早餐啦…Read More

今日黎到長沙灣搵食一到元州商場就見到海皇粥店既海報 醒起佢有個新既粥底火鍋撞正有時間 天口又涼涼地就入左去打個邊爐呢到既姐姐好有禮貌 見我坐低就主動過左黎點餐🍴叫左個醉雞火鍋 公仔麵加兩蚊轉左個烏冬（可要油條）再配埋個南瓜粟米粥底🌽一見到咁多野窒一窒 好驚食唔晒好豐富尤其個醉雞上面有好多紅棗枸杞，到後來我就加埋落個湯到 有一半覺得自己飲緊藥材湯 極香🐥醉雞好滑且甜 放入口有點點酒味滲出 好滋味岩岩煮起未見有粥 極稀 但最後加埋烏冬時d粥就滾起晒 黏黏地連湯帶粥比我清左😋公仔麵轉埋烏冬先食左$66！真係好抵👍🏻個醉雞加埋個粥底真係完勝吉野家既肥牛火鍋！最重要係唔逼同乾淨😎今個冬天一定會再戰！…Read More

香港人喜歡打邊爐，估不到海皇粥店都推出粥底火鍋，光看海報就覺得好飽，因為我的肚子不能裝太多水分，所以一向不喜歡食粥，但現在吃晚餐2個人動不動就接近二百元，所以我們兩口子喜歡星期一光顧海皇粥店，因為加入了會員，逢星期一有雙倍積分😂，今個星期天氣轉冷，好，就試試這個粥底火鍋到底會不會很奇怪⋯2個人，我點了雙份豚肉($55)+粟米南瓜肉碎粥底+烏冬(另加$2)，而NoSir點了肥牛海鮮($79)+粟米南瓜肉碎粥底+油條半份這間分店的姐姐向來非常有禮，亦保持得店面十分乾浄，但推出粥底火鍋後似乎工作量大增，加上人手不足又新手，有點手忙腳亂，我們很替姐姐感到辛苦，所以油條和烏冬雖然問了多次也沒有送來，但也沒有催促。可能不是白粥底，所以粥底比想像中稀，米不太多，有手打三色肉丸、木耳、豆腐、南瓜、粟米、生菜、金菇和黃芽白，大量蔬菜感覺很健康，雙份豚肉也很能滿足我這個食肉獸，而NoSir的肥牛拼海鮮有虎蝦和青口，整體上吃得飽飽的之餘比其他火鍋清淡不油膩，難怪當晩全場滿坐而且都點粥底火鍋😋…Read More

晚上去咗海皇粥店點咗個皮蛋羅漢齋粥。價錢$29。這個配搭是素食粥。個粥好足料，有皮蛋加羅漢齋及碎油條。油條好脆。個羅漢齋有玉米及黑木耳。屬上等食材。好爽口。 我自行加入甜醬及芝麻醬。個粥味道好似腸粉。個粥好厚底。食完好飽肚。…Read More

去咗海皇粥店，點咗個鴛鴦雙拼餐。個餐我點咗炸兩同埋抄米，加杯熱奶茶。埋單要$26。我在在炸兩及抄米上加入大量甜醬及芝麻。少量花生醬。混合一齊食好滋味。炸兩唔係隔夜。食落好脆。個抄米即抄，好彈牙。但係份量細咗D。如果當下午茶食就無所謂。杯熱奶茶好滑。好重茶味。…Read More

從餐單見到特餐$33如此豐富，於是便選了特餐，豬紅艇仔粥配炒麵，並加$5配豆漿先上炒麵。這安排不錯，上得快，即刻有得食住先。炒麵不太油，麵條爽口，味道濃淡適中。豬紅艇仔粥，比我想像大碗得多，配料也很豐富，材料是佔整碗二至三分一，以為豬紅不多，原來都在底，而且口感柔軟。太大碗，其實食不完，但食到飽時見仲有幾啖不食，有違惜食精神，勉強食乾淨。此時豆漿已飲了一半，不想放棄，於是又飲盡，才捧著大肚子離開。…Read More

又累又餓, 只係想拿臨食餐飽的, 就隨便撞左入黎落ORDER效率好快, 一舉手就有人黎招呼, 又有禮貌, 親切, 抵讚原盅蒸飯, 三款揀左紅棗雲耳蒸雞$35, 仲有豆漿送賣相都唔錯, 擺得幾整齊, 雖然只影響外觀, 不過都會有個好印象, 個師傅係有心機整嘅食落都唔錯, 真係幾滑口, 嫩得黎又唔會太腍有連少少軟骨, 雖然唔多不過都係幾好嘅點綴快靚正, 值得比個like…Read More

好味的食物不一定要相當繁忙，簡單的菜色若用心製作同樣可以好好味這日我在這裡食的鴛鴦扖飯($34)就是好例子$34仲送豆漿，雖然話是超抵食套餐但製作也不馬虎雞扖和豬扖都夠大塊，不膩而口感軟滑，醃得味道也不錯。環境也相當整潔企理，又夠光猛，抵讚。…Read More

佛誕晚餐都要食素。:)只要點以下配搭。便可以食素食餐。滋味粥  $12齋腸    $12羅漢齋抄米  $16滋味粥好綿。厚底，好抵食。碟齋腸只要加入調味劑，甜醬、花生醬同芝麻。特別好食。個齋腸好滑好入口。齋腸都可以好好食。羅漢齋抄米同樣加入甜醬、花生醬同芝麻。同樣好食。羅漢齋抄米好彈牙。好爽口。…Read More

年初一想全日食素，走進海皇粥店點咗個新鴛鴦雙併炸腸加炒麵，再加個熱豆漿同埋個羅漢齋腸粉。總數都係$39。杯熱豆漿好淡，但可以加糖。炸腸加炒麵好食。可以自行加入大量甜醬、花生醬同芝麻。個麵好彈牙。個炸腸好新鮮。羅漢齋腸粉好足料。好易入口。值得推介。…Read More

今日晚餐想食素。走去屋企附近一間新開張海皇粥店。個銀幕餐牌推介一個素食粥。個名係金薯雜菌粥。我加點齋腸同杯熱豆漿。加埋只付$40。等咗5分鐘有得食。:)個粥落好重料。有金薯粒，東菇及雜菌。配料好新鮮。當中重有油條。食到個素料粥我諗只有海皇店。個齋腸要放入甜醬同芝麻醬先至好食。還要加入大量芝麻。 杯熱豆漿好淡。如要甜味要自行加入糖。整體唔錯。…Read More