海皇漁港

Open Now

Now Closed

長期客仔, 上至星期日早上飲茶, 夜至晚市邊爐, 都係我同老婆必選既聚腳地.我老婆最欣賞佢個椰皇燉雪蛤, $20+ 一個, 無論咩時間,一坐底一定先落單. 因為手快有手慢無架.以呢個價, 真係低食. 打開個椰皇, 上面一層全部都係雪蛤, d燉奶又香又滑, 食一個已經好滿足~ 海皇其他野食唔多講, 呢個椰皇燉雪蛤真係非叫不可~ 大力推薦

2009-02-04。一 大 班 同 事 本 來 去 海 港，因 為 book 唔 到 位 就 改 去 海 皇 魚 港。第 一 次 黎，第 一 個 感 覺：又 係 黑 沉 沉 咁 既。地 方 佢 有 空 間 感，應 該 話 有 立 體 感，能 可 因 有 平 台 關 係，我 諗。有 好 多 卡 位，檯 與 檯 之 間 都 好 闊 落，又 有 我 鍾 意 有 窗 口 睇 街 景，重 成 排 添。八 個 同 事 都 叫 做 迫 埋 一 個 大 卡 位，個 卡 位 係 半 圓 設 計，五 個 坐 入 面，三 個 坐 出 面。唔 知 原 本 設 計 坐 幾 多 個 呢？出 面 坐 唔 坐 人 都 唔 知，重 之 都 好 迫，入 面 果 個 去 廁 所 都 唔 係 好 方 便，所 以 我 冇 去 個，我 自 己 得 覺 得 好 犀 利，第 一 次 全 程 乖 乖 咁 坐 係 度。我 地 一 共 叫 左 20 個 點 心，一 碟 燒 鵝 和 一 個 唔 知 焗 乜 乜 大 蝦 伊 麵。最 好 係 焗 伊 麵，其 他 都 不 過 不 失，好 大 路。最 弱 係 最 貴 碟 燒 鵝，好 唔 滿 意。皮

尋晚約左朋友敘一敘，為左方便有細蚊仔朋友，所以揀馬鞍山食飯，一早訂定檯，六點鐘，其實六點半開始已經full勒，所以訂定位穩陣啲！呢晚分開左兩輪叫，因為第一輪啲餸份量太少，6大1細叫左乳豬拼海蜇(乳豬好脆口，但海蜇就頗碎)芋頭南瓜煲(好creamy，送飯幾好)咕嚕黑豚肉(所謂黑豚肉，真係唔識分，大家認為傳統咕嚕肉好味啲)腐竹煮時蔬(清清地，唔錯)西蘭花帶子(好味，但帶子都幾細粒)一碟糯米飯(好大碟，唔夠乾身，太濕)食完第一輪，未飽，再order半隻燒鵝(都幾好，係招牌菜，但隻鵝略肥，雖然係半隻，但都唔多)椒鹽九肚魚(好好味，好脆)服務態度都算唔錯，但可能到尾聲時，八點到多人，成日嚟收野，想叫人埋單！價錢都抵食，埋單$640

酒樓食品只是一般, 只不過家人喜歡它方便和近屋企. 不過, 我不大喜歡到這間酒樓食野, 因為一進入此酒樓你便嗅覺到臭味, 那是地毯污濁很久沒有清潔的味道而已. 你要坐得耐, 才能習慣此味道. 但每一次進入並坐下食時, 感覺很難受.更甚的是, 本人於十二月十六日, 今早十一時埋單, 賬目錢碼是86.50. 本人便給500元貨幣, 找回的只是403.5. 本人一手便拿走所有找回的錢, 那個找換錢夾並沒有單據或收條. 而那個職員(可能很忙)便很快速地離開我而去. 根本不能再檢討找錢的問題. 我只能無奈地接受她找小10元正. 10元並不是多錢, 但那總操守我並不能接受. (因為我已發覺不只一次, 上個月我已發現了, 不過係懷疑自己不小心)提議找錢錢要小心, 可能會找小錢而換來一肚氣.

兩公婆今日一齊遲收工!就去海皇等九點半食平嘢.差勁的態度由攞飛開始,有得坐底叫晚飯都成九點九!叫左個燒鵝38蚊一個什菜煲38蚊一碟白雲鳳爪18蚊兩個人一碗白飯都食唔晒.真係好抵食,不過抵食唔通要捱差勁的態度?

我地一行１３個人一齊去海皇漁港打邊爐，拎等位紙仔ｏ個時．．個知客已經好唔好禮貌！問佢要等幾多個，真係可以好惡咁答你囉！都算喇！係度等叫ｎｕｍｂｅｒ啦，佢自己叫錯左ｎｕｍｂｅｒ，就勁唔好態度咁叫我「喂！你地呀！」我同佢講，你叫錯左ｎｕｍｂｅｒ啊。佢就一手搶左我張紙仔話「咪岩囉」跟住都算啦，我再忍！完全冇人帶位！我問個「知客」張桌係邊，係度亂咁指謂「咪ｏ個度囉！」坐好喇．．叫人加水，可以離譜到，ｄ熱水淋左落我隻腳度就咁冷冷既一聲「唔好意思」走左去！依ｄ咩ｓｅｒｖｉｃｅ黎架！真係怕左個「知客」姐姐囉！

朋友飯局，主持人跟這食肆的話事人頗有交情，訂檯時只道出菜式想較為心思及精巧一點，而菜單就由食肆話事人發辦，眾朋友只是按時出席。來到跟話事人寒喧時得悉，幾道新菜是手功、時間及心思堆砌的，若效果理想將日後推出市場，故亦驚亦喜及全無心理準備下，這頓飯局變得另類了！是晚以八道菜式為主，當中著有半數為小有宴客菜式，當中幾道可分享一下；法式鮮菌焗龍蝦，中菜西烹，芝士龍蝦加上大量鮮菌，鋪在伊麵上面，原碟焗爐焗制，比起芝士焗龍蝦乾身得多，大量鮮菌去掉芝士味濃及膩的口感，因焗爐焗制，碟底的伊麵亦都夠乾身及爽口，好一個變奏芝士焗龍蝦。千絲香芒蟹柳卷，是沙津海鮮卷的心思版，內涵的芒果蟹柳生果在盛夏帶來清新口感，外面上了一層脆漿，而考手功的地方是由外頭的千絲而來，師傅利用拉龍鬚糖的方法將麵粉拉成絲狀，拉油炸制，千絲雖是裝飾用途，但外觀賞心悅目，不可多得。淮陽玉液浸大青班，自覺是全晚最好、最心思及最考師傅膽量的菜式；利用魚湯，將原條大青班起肉棄骨，和以勝瓜、雲耳、粉絲灼熟，本身魚湯的鮮味不用懷疑，配上剛熟的鮮味大青班片，合時勝瓜的甜美，雲耳的爽口，鮮清味甜，而當中的陳皮及些少炸菜粒真的錦上添花，最後的粉絲已經是

好少機會黎這酒家，某種原因去了，心情幾差的，一圍13人聚在一起，有點odd，有的心情飄飄然、有的強作風趣、有的無奈、有的沉重、有的事不關己已不勞心，心情差極，勇氣指數達至新低點。食物來了，包括燒賣、蘿白絲酥餅、鳳爪、三文魚炒飯。。。等等，緊的面容，因為食物好味道而暫時放鬆，由心裡微笑了起來。因此，這酒家的評價不低。

今日同家人去咗e間度食下午茶, 同一般酒樓一樣...等位~~! 入到去d裝修都幾好&舒適, 不過dirty咗d, 嘢食都ok既, 個蝦餃&xo醬炒蘿蔔榚至好味, 服務呢~~~唔掂~!

過期食評,還有一大堆未寫,請見諒...所以趁有時間,補番一d食評...腦海的記憶續漸淡忘了,盡量記得幾多,寫幾多...又黎到海皇漁港,又係同親戚飲茶...平時下午茶時間,等位的人都算多,不過都好快有位...入到去,坐低,睇下張點心紙,特價點心唔多,所以叫得唔算多野食...水晶飽:甜度適中,個皮煙"un",同埋均勻,幾好食...藥膳鳳爪:鳳爪ok入味,但個湯又係味精重左d,同埋比上次油...XO醬蘿蔔糕:蘿蔔糕入味,有d辣...灌湯餃:一般,個餃都算足料,但個湯味精重左d...帶子腸:夠滑的腸粉,入面的帶子都幾大粒...蘿蔔千絲酥:好多時去海港都會叫,皮夠脆,入面有好多蘿蔔絲,鹹甜,都唔錯...雜錦米線x2:雜錦有連骨叉燒+油雞+菜心,同米線分開上...叉燒夠入味,油雞都唔錯...米線唔係腍腍的,比較硬身有咬口...價錢忘記了...午市的特價點心比下午茶多,似乎都係午市抵食d...

次次去親呢間到打邊爐都係咁之前就無o個樣野食就唔出聲講左幾次都無改善點知今日去食佢d知客真係好過份我o係到等緊位,佢竟然唔記得左將個位俾左個剛剛到既人之後仲要唔同我講,當我唔知件事咁我唔問佢,佢都唔道歉你話呢d係咩態度呀

星期五唔使返學,得閑就同親戚飲茶...呢間都算係馬鞍山多人飲茶的酒樓之一,今次因為係平時,所以唔使等位,但大部分的檯都有人坐...如果係假期就要等位,有時都要等幾耐...呢度裝修都唔錯,有兩邊...一邊燈光較暗,有卡位,一邊較光猛...我鍾意燈光較暗果邊,但今次卻去左光猛果邊...中午時段,正價點心唔算平,所以就寫左d特價點心同粉麵飯...白灼菜心:幾脆口,冇渣藥膳鳳爪:鳳爪唔夠入味,杞子,蔘幾好食,蔘苦中帶甜,個湯ok...xo醬蘿蔔糕:蘿蔔糕唔夠入味,但都幾好食...三文魚炒飯飯炒得粒粒分明,唔會黏住哂一舊舊咁,三文魚唔會好咸,加埋d雜菜粒,幾好食...鮑魚撈麵:鮑片大塊,又入味,粗麵夠爽口,吸收左d汁的味,冬菇都夠淋,入味,豬肉,菜心都ok...紫米露:都幾大碗,甜度適中,入面幾多紫米,唔會太-...其實仲叫左粉果,不過我冇食...食完好飽...6個人,埋單一百五十幾,幾抵下...服務都唔錯,d傳菜呀姐有笑容,好禮貌...下次我要坐卡位...

上次食評是評早茶，今次評晚市，理應幾中幸吧！預早一天慶祝父親節，屋企人為了遷就小朋友就選了馬鞍山。而選擇這裡除郤裝修及坐位舒服外，其服務及食味都不俗，故應該都幾穩陣。原先打算點龍蝦，但到魚池一看，不是太小的斤多點就是大得過份的三斤多，我們人數不多而又想多點其他菜式故唯有作罷，但總有些戚戚然，及後經理告知大時大節通常中號的龍蝦會較少人貨，故才有此情況。這樣使退而求其次，點了清蒸大青班、老豆鍾情的馳名燒鵝半隻、海鮮卷、日式雜菜煲及蘭花帶了。穩陣的菜肴，大部份可以，大青班不熟需要翻蒸，但速度很快及沒有影響食味，燒鵝一貫的美味；而份量亦是相當的足，不俗的一頓飯。

其實她跟馬鞍山附近的海港酒樓是同一集團的食肆，點心的品質及模式都相同，但可能師傅班底始終有異，這裡的點心稍微差一點點，但裝修、環境這裡是相當不錯，亦是另一賣點。臨飛前與媽咪妹妹來飲早茶，筆者比較喜歡盅頭飯，這裡亦都不俗，而粥品亦可，但其他點心只能說是太路貨色，但勝在新鮮熱辣。而這集團用的普洱茶葉較好，固通常這杯茶筆者較為放心。早茶特價點心相當多，價錢經濟；而冷氣很足，身體較弱的記緊多帶外套，地方乾淨，更沒有其他酒樓的擠迫感覺！

呢間野係對面海港燒鵝0既分店點知呢邊越做越得, 仲多人過原本0個間由於平, 所以經常都幫襯午晚市食物亦都頗為滿意, 大碟之餘又好味, 最難得係好普通0既菜都有返咁上下燒味飯雖然冇食過, 但係有時晚飯都叫少少燒味, 覺得相當唔錯當然, 燒鵝係招牌菜, 梗係唔會比奇他燒味差不過我偏偏少食燒鵝, 所以問我其他燒味0既味道我會更清楚好抵食, 10幾蚊盒不過服務係差少少, 同原本0個間一樣, 始終都係未改善, 請埋d 冇來醒目0既人返來以下係下午茶價錢