Video
8-min walk from Exit A, Wong Tai Sin MTR Station
continue reading
Payment Methods
Above information is for reference only. Please check details with the restaurant.
又到黃大仙工作，係鳳凰村行下，總會發現新舖頭！被舖頭廣告吸引！啤酒配掌翼....上癮唔好怪我嘩...寫成咁，我又有啤酒癮，好難唔幫襯買果時其實有人幫襯此舖的所謂蛇羹...完全沒有蛇肉可言，心感不妙！老闆娘係雪櫃取出一盒所謂掌翼比小弟！小弟唯有比錢啦，知道肯定唔會好食得去邊！多口問句，個盒可唔可以入微波爐...點知老闆娘講國語說一句，你傻嗎？要凍食拎到返公司深夜開餐...從雪櫃取出！先食翼...好難咬得開，完全唔辣...食完一隻 ，咬到辣都酸痛！再食掌...仍然存在一個問題，就係好難咬d肉心心不憤拎盒野去微波爐叮左3分鐘！再重覆食多次，熱既情況下！終於聞到有麻辣味，係聞到，食入口反而淡而無味！食多1隻之後，牙齒就比訊息大腦，唔好再食喇！牙齒好辛苦...唯有當垃圾處理！呢檔野好唔好食就見仁見智，小弟覺得真係唔多掂！
continue reading
忍唔住都係要發食評提醒大家唔好中伏見到有蛇羹糯米飯套餐以為好抵啦呢排凍左就買嚟食下返到屋企打開搵均成個蛇羹係無蛇肉只係勁多瘦肉，勁離譜個糯米飯係沾米唔係糯米嚟賣成$116下次想食蛇羹一定要去返啲專係食蛇嘅舖頭
continue reading
鹵水食物，見到有新產品，立即去試，仲要寫住「包你話抵食」，一心諗住好正⋯⋯可能希望越大失望越大，可能係我自己問題唔應該怪人，成碟鹵水孖寶，我唔識形容，大家可以睇相，基本上成碟只係咬過幾口，我只係食咗半隻蛋同兩三嚿雞腎⋯⋯我相信其它食完會爆血管⋯⋯全部都係肥膏（成吋厚），仲要好多豬毛⋯⋯大哥，打開門口做生意，你哋話每樣都俾啲我的鹵水孖寶，而唔係俾啲餸頭餸尾，大部份都食唔到落口仲話試食價$39，我真係怕怕，唔敢再搏多次其實就算$39，你們可以俾少幾件鹵水食物都可以，得幾件都無問題，只要可以食得落，質素高啲，我相信顧客係唔會介意你們份量少或件數少。鹵水可以的話唔好咁鹹希望你們真的可以注意一下。謝謝
continue reading
第一次寫食評就差評天氣凍，經過見到有蛇羹賣，梗係買來諗下。叫左個大蛇羹餐。大蛇羹餐有一碗大蛇羹，一碗蛇湯，同埋仲有個大糯米飯。返到屋企一試即刻發現中伏，真係好差差差差差，食蛇羹當然係想食蛇，裡面完全冇蛇，啲料仲要少過碗仔翅，碗仔翅啲木耳肉絲仲多過佢。個蛇湯就有啲葯材味，不過一飲就覺得好味精。唯一可取之處就係個糯米飯，因為攞到返屋企個飯都仲熱，所以都仲叫做可接受。但係過百蚊食個咁既蛇餐，真係永冇下次。
continue reading
小妹乃係第一次使用openrice填寫食評，因為覺得食品好值得稱讚，所以開個account寫下佢有幾好食…呢個舖位前身係蛇王弟，同埋台式飲品+串燒， 依家老闆主打海南雞飯同埋砂鍋翅…我係第二次嚟食呢個砂鍋魚唇翅，自從試咗第一次之後就念念不忘， 一來佢唔貴 二來有質素，我地去相~入面有雞絲、迷你帶子、魚唇同埋仿翅。真係比得上酒樓嗰d另外佢有個海南雞飯，我亦都好讚👍🏽已去骨，肉質嫩滑，脂肪比例較低，好值得我呢個「海南雞飯迷」去開餐!!因為太好賣，所以我8:30左右去到嘅時候，已經得返一個飯，我就叫咗佢嚟食，係我第一次食呢度嘅海南雞飯，真心推薦😋( 我太肚餓所以冇幫雞飯影相，而上面嗰張砂鍋翅嘅相，係我上次影嘅)我係兩個人去，但淨返一個飯，老闆特登「畢」大碗d飯俾我，仲問我夠唔夠食，然後額外送咗兩碗雞湯俾我哋飲，非常好人😃一個飯加碗翅都只係70蚊(有找)咋!請注意：裏面位置唔多，座位亦唔稱得上好好坐，但佢一個餐又好食又咁抵，都好正啦～(我唔係打手，老闆亦都唔識我，我係真心覺得好食而推薦)
continue reading