海南小廚 (Moved) New Location

呢間真係由細食到大 因為媽咪好鐘意食辣 細細個就食過呢間嘅水煮魚 大個咗 中學又係北江附近 日日食晏都跑去拎位佢嘅水煮魚真係大份夾抵食 重點！好香好夠麻 啲魚份量都好足 配菜仍多好豐富 最鐘意底下有啲粗粉條 好掛汁但唔鐘意食有魚刺嘅魚嘅朋友仔可能就唔太鐘意啦除咗水煮魚 佢嘅手撕雞份量都好多 每次都食唔曬 真係可以兩個人嗌一個餐 嗌多碗白飯一齊食但有一點想講 唔知其他食過嘅朋友仔有無呢個問題 食完真係好大陣味雖然食得呢啲都預咗身會有陣味 但佢陣味真係好勁

我好鍾意食辣又鍾意食麻 呢間係天水圍嘅川菜真係我間唔中就會想食嘅餐廳🤤啲相係我分開兩次影嘅 個人大推 夫妻肺片 同埋 酸辣土豆絲🥰🥰🥰 其他菜式都好香好惹味 嗰個包菜食落口仲有陣熱氣 真係鑊氣十足啊🔥🔥而且午市去食仲好抵 $4x就有一碗白飯/米線 再揀一款小菜 份量好多 次次食都要打包咁濟啊😝🍴 海南小廚 (天水圍)📍 天水圍天湖路1號嘉湖新北江商場1樓D5號舖💰 人約消費～$50-150💛 黃店推薦指數：💟💟💟💟 （5💟為滿分）#hkfoodie #香港美食 #香港打卡 #天水圍美食 #川菜 #黃店 #天水圍黃店

用app點左三個餸，椒麻雞，蒜泥白肉同木耳蒜泥白肉同木耳都好食，但最貴既雞竟然全部都係骨。而且大部分係雞頸，一舊肉都無。其實雞既調味係幾好但完全唔值百幾蚊…

蒜泥白肉 $38🧄同譚仔個款吾同 個蒜泥無咁出 但好油就好多雞絲粉皮 $38🍗我覺得凍啲會更好味入面重有啲青瓜絲 令個口感爽番啲水煮魚生魚大 $198🐟小辣 吾夠呀！下次試中辣😆生魚啖啖肉好入味又小骨方便好多 入面重有啲薯粉 大豆芽 雲耳咁多餸 4個人夠晒食啦乾煽四季豆 $40大魚大肉要嗌番啲菜平衡番～入面有好多蒜頭🧄四季豆都好冧山城辣子雞 半隻 $88🐣呢個反面一般 雞件好細粒又有骨 成會辣椒多過雞🌶️📍海南小廚 (天水圍)天水圍天湖路1號嘉湖新北江商場1樓D5號舖

本身聽過其他人話新北江呢間水煮魚好正，所以諗住過嚟支持下，本身座位好窄不過都可以接受，因為始終是小店。本人點了水煮魚，炸大腸同埋炒土豆腩肉水煮魚（生魚片）：質素唔差，肉質夠滑，少骨，薯粉入味，這個價錢抵食👍🏻炒土豆腩肉：腩肉太少，味道一般辣炸大腸：這個可以直接唔好點，大腸完全唔辣同入味，炸大腸太脆一啲口感都冇，等於食完全無味嘅薯片一樣本身仲諗住個水煮魚唔錯，下次可以再試下其他餸，但係店員服務奇差，其實落單嘅過程都一般㗎啦，咁因為食唔晒要打包，但係冇匙羹就問店員拎一隻，個店員可能忙緊唔記得，等咗一段時間都未有，咪同佢講多次囉，明明匙羹都係喺佢後面姐，佢重走鬼左去，要自己過去拎。。。完全打消我再次過黎既念頭

平日真係唔會入天水圍，咁啱嗰日入去做嘢，夜晚又稔唔到食咩，就係咁啱經過嗰餐廳見到啲人食水煮魚同酸菜魚仲好大兜,望落去好似好正咁，疫情後又無得返深圳，所以決定試下佢。由於地方細，人又多，絕對要等位等咗十幾分鐘終於可以坐低，服務員都有禮貌又 nice , 坐低後一打開讓餐牌，嘩 ！ 啲菜式好有深圳 feel 有冷盤,但最主要嘅當然係主菜啦 ~ 麻辣兩條友都嗜辣,所以一見到麻辣嘅嘢異常興奮我地雖然得2條女，但都叫咗4樣餸1）拍青爪 - 爽口但唔辣2）乾扁四季豆 （偏咸）3）水煮田雞 （ 正）4）泡椒豬大腸 （差DD,腸不夠爽口）由於第1次食所以唔知佢嘅辣究竟有幾辣，佢有分BB 辣，少辣，中辣及大辣最終決定少辣，食後發現都明智選擇，我本人覺得就剛剛好，不過如果對於好食得辣嘅朋友，不妨試下中辣。最後當然食唔哂啦！仲帶走返屋企，最估唔到嘅係，埋單都唔駛270蚊，抵到爛

琴晚試下用apps叫外賣，試左一間係天水圍食川菜嘅良心小店，真係令我眼界大開，竟然有咁豐富足料嘅川菜，勁大份，食到勁飽都唔洗$200蚊呀！👀以下價錢是用apps 買食物嘅價錢，搵埋堂食價比大家參考，但雞煲搵唔到堂食幾錢。請見諒！— — — — — — — — — — — — — — — — — — — — —【酸菜魚-鮮魚片(細、BB辣)】$75(堂食$65)話就話係細份量，但已經係比得上平時係餐館食嘅一大碗，鮮魚片勁多，又大塊，正係個份量已經值得比滿分！魚肉好嫩滑，好入味！配菜亦好豐富，酸菜、芽菜都吸哂湯汁嘅味😋原來碗底重有薯粉，我覺得兩個人就咁食呢一碗酸菜魚已經會飽！不過我叫BB辣，湯底就酸味重d，下次試小辣或中辣應該重正！— — — — — — — — — — — — — — — — — — — — —【重慶雞煲(例牌、BB辣)】$67見到張相面頭層油都感覺到好邪惡吧？無錯！好邪惡，但超好食！雞煲味道濃郁，重有花椒麻香，麻而不辣，唔食得辣嘅朋友都好岩食，我叫左BB辣，已經好惹味，想再試小辣或中辣！而且雞肉都係嫩滑多汁。重點‼️呢個六十幾蚊嘅例牌雞煲，雞件超多，有成十幾、廿舊呀！食極

1️⃣酸菜魚(生魚) $98份量都幾多，兩個人都夠晒飽。生魚片味道正常但唔算嫩滑，勝在少骨可以啖啖肉；配料有酸菜、酸蘿蔔同薯粉；整體味道正正常常，仲可以自己揀辣度。2️⃣酸菜炒豬腸 $50 份量多到要帶返屋企，唯獨是酸菜炒唔夠惹味，所以仲食到啲啲豬腸味，下次會選擇嗌啲辣嘅炒豬腸。3️⃣麻婆豆腐 $38 又一個份量多到要帶返屋企⋯夠晒麻又夠晒辣，呢個價錢咁大碗，餸飯真係一流。✴️整體而言，全部食物都好大份，幾乎碟碟都要帶返屋企😂呢個價位嚟講冇咩好挑剔啦，都幾啱一大班人嚟食，因為餐牌好多選擇，食物又大大碟，多人就可以每樣都試下。

成日聽人講海南小廚酸菜魚好食，今日特登揸車去食，兩個人叫咗份椒麻魚，炸大腸，味道幾好，但魚肉質就唔夠嫩滑，炸大腸好讚，又香又脆，價錢好親民，但就餐環境就接受的唔到，特別係依家疫情嚴重期間，座位狹窄都算了，空氣非常不流通，唯有打包快快走

今日訂外賣，份量真係超大，土豆絲可以講有一盆⋯薯粉全部鋪滿頌。但是辣到嘴唇無晒知覺牛蛙我訂嘅係唔辣，但是都有辣，可以接受得到，味道正。之後如果想食辣嘢，我一定會訂返呢家，份量大，味道正

之前一直都係海南小廚既fans，覺得好抵食又好味，於是星期六19:00到就打去叫外賣，19:20到去到就有得拎今次叫左之前一直有食開既酸菜生魚同蒜泥白肉開個盒有啲嚇親，因為份量細好多好多好多，其實魚既份量差唔多，但配菜少左好多，唔知係咪店家發現其他人食淨好多酸菜之類，所以唔俾咁多算，但我地有啲失望。。。其實個味道係好架，個湯留返黎再煮面食都正，只係反差太大。（圖中有紙巾仔做比較)個汁唔係一般酸味既汁，好惹味，辣度岩岩好，如果腩片可以厚少少就仲好了。

📍海南小廚-位於天水圍新北江商場既平民川菜館 係一條唔起眼小巷入面 但味道價錢卻相當有驚喜🤩👍🏻-水煮生魚小辣🐠🌶麻香味重辣度適中好惹味👍🏻叫左生魚比較少魚骨 魚片食落滑口唔會有腥味 而且份量亦好多 入面仲有雲耳大豆芽薯粉 兩至三人食都夠哂👍🏻-麻辣手撕雞🐔岩哂懶人既手撕雞已經徹底去骨啖啖肉 雞既份量算多 食落d肉都唔會太鞋口 可以更滑 配有花生同青瓜絲可以減低油膩感🤤不過可以辣多少少🤏-干煸四季豆 🌱四季豆炸得乾身亦好淋😋有d肉碎襯埋一齊更香口🤗味道適中唔會太鹹👍🏻🎂🍮🍭🍬🍫🍿🍩🍪🍣🍱🌮🍔🍎人均消費💰: HKD $ 60-70Lamlam脷指數🤤: 8/10性價比⚖️: 8.5/10

第一次食川菜，見到賣相都好吸引，不過個樣好辣咁，今次簡左口水雞，酸菜魚，泡椒豬腸。個人唔食得太辣所以覺得辣左少少，不過口水雞可以簡辣度，口水雞就好人食唔會太辣但好香辣味，酸菜魚係好大碗，正係叫個細都夠哂食，佢d魚好厚肉，不過就多骨左d,豬腸幾唔錯，量好多，加埋d配菜好好食唔會好油咁，其實2個人都夠哂食，酸菜魚會有薯粉底，今次正係試左幾款，都有意再食呢間 ，食下佢其他菜，價錢方面就中等啦 ，冇食開川菜唔知價

當外賣送到家時，餐點仍然是熱騰騰的。水煮魚比一般的菜式份量還要大，其中配料有芽菜、薯粉、木耳等，肉片採用新鮮魚肉，爽滑鮮味，沒有一點魚腥味，菜式辣得過癮，味道有層次。辣子雞賣相吸引，乾紅辣椒配上炸得金黃的雞件，令人垂涎三尺，可惜的是，炸雞入口略嫌乾瘦，感覺炸得有點過火，不過調味成功掩蓋了肉質的問題，令雞肉咸中帶甜，令人回味。炒薯粉作為熱門菜式，味道當然不錯，尤其是酸豆角和肉碎令平平無奇的薯粉，變得惹味開胃，令人不知不覺一口接一口吃下去。其他素菜，例如炒四季豆和涼拌海帶絲，味道正宗，特別是海帶絲爽口彈牙，香蒜和香醋的配搭令菜式又香又酸。這次的用餐體驗不錯，雖然是外賣，但仍然感覺到食物的美味，作為川菜，這間餐廳的食物實在正宗，價錢亦合理，值得再次光顧。

海南小廚之前下午既時候好鍾意食佢既撈米線又平又抵食 大大碗但係佢既小菜都做得好出色雖然有一排好小食近期好鬼想食辣野川菜既辣真係好野味晚市都多人 所以要等一陣佢地方細小 所以分左兩邊今次我坐左令一面 亦都小職員會經過所以叫野食都要出一出去叫職員這都是餐牌其中一部分其實真係好多野食樣樣都好吸引 不過我最鍾意食水煮魚 可惜有人唔食 所以無得叫炒窩笋 好爽 d窩笋切得好簿不過我唔鍾意佢落得多蒜油渣好脆口 夾埋一齊食好正 下次可以叫中辣毛血旺 有好多配料 午餐肉 木耳 青瓜豬血 牛柏葉 白蘿白本來以為係鴨血 但點知係豬血不過都好食 但薯粉就落小左 因為之前d水煮野薯粉都好多 今次係豆芽好多食完d碗野都覺得飽 叫細碗都覺得多椒麻雞 炒得好夠味 而且d雞都炒得乾食既 都夠麻 夾埋d辣椒一齊食 好正 又辣又爽不過配毛血旺太多 立即要將椒麻雞同窩笋打包太飽了 最後飲杯檸茶 解解辣都不錯👍👍👍講真無食好耐再食真係覺得好野味 辣得好過癮真係幾欣賞川菜