浩食冰室 (Closed)

今日帶2歲既女去呢間冰室食lunch, 叫咗個芝士肥牛濃茄湯通粉（加咗$5轉烏冬）跟炒蛋及肉醬薯蓉，價錢$48加$5，共$53，仲要唔包飲品。個烏冬上檯，得個幾條, 就係圖中個BB碗份量，（阿女剛開始食），夾完個幾條烏冬，下圖就係所謂個肥牛濃茄湯。 肥牛得2，3塊都算。個烏冬份量少得誇張，同侍應反映，佢自己都話少得可憐，叫我比隻碗佢加返比我。但廚房竟然話係得咁多，佢話一個烏冬成本要$5。 真係好笑，我已經加錢，無諗過一個$53 既餐，個烏冬份量係我個2歲大既女都唔夠食! (雖然係有配炒蛋同薯蓉，只是一個正常 side dish 既份量）個侍應建議我下次食返通粉/米線。 仲有下次？火都離🔥…Read More

日日去街市都經左過呢間冰室，因舊址係一間我不太喜好的魚蛋粉，所以一直都未有意思想試，不過印象中，開業以黎好多時段都坐爆，又聽幾個大埔街坊食過都話不錯，見今日有位就去試下，侍應哥哥話豬扒好食，我就點了一份龍蝦汁豬扒公仔面，豬扒果然好juicy,份量都算大，我非常欣賞個龍蝦汁，一睇賣相都知有用份心去做既，朋友點左個牛肋條米線同一字骨沙律，牛肋條只有3件，份量唔多，不過好鬆軟好入味，比較少機會見到，味道有啲似家庭式，一字骨我就鍾意個沙律，有好多材料，好唔hea既感覺，最後講下杯奶茶，ok la...不過不失，我有機會都會再去食既，不過未有做外賣…Read More

又係因為🐑群心理，所以今日特登嚟一試...等位好亂，我地係拎左飛，但其他食客就算拎左飛（比我地排後面）一見有位就入左去坐，侍應見到都無阻止；而且叫既餐同單上面唔一樣，詢問侍應係咪打錯，佢就話價錢岩，廚房會知係咩，但最後都等左好耐先嚟果餐，比我覺得似煮錯野多啲，因為啲侍應時不時會走嚟問碟餸係咪你地既....雖然係好脆，但食完好口乾，而且無咩牛油香味....龍蝦汁味好出，豬扒好香，係汁少左少少芝士味不夠，魚扒雪藏味好重，所以比左老公食😂兩款𤏪麵啲汁唔多夠，因為等左好耐，所以都無叫佢加汁（唔知洗唔洗加錢），快快除食完就走....…Read More