流記香港仔艇仔粉 (Moved) New Location

Went for something rather special for the weekend~it was a fun experience and didnt disappoint me at all ah (worth the travelling time )We went allll the wayyyy to Aberdeen and reached at Jumbo Pier by 11:00, called boss (Lau Suk) when we reached the pier and he said will row over ASAP.waited for around 20mins, and the noodle boat was berthed next to the Jumbo Pier.This is the floating kitchen where Lau Suk cooksTadaaaa~ this is our boat noodle~On the left: Cha siu + Roast Duck noodle ($28)On th

是晚經過香港仔海傍，見到長長既人龍在海邊排著，唔洗審一定係排好野先咁有心機啦，目測人龍至少有廿幾人，我當然唔執輸照排啦，而令我咁有興緻排著的，就係而家已經買小見小既＂艇仔粉＂艇主已經有一段時間冇開，最近又見番實在太好了！因為依家已經冇咩邊度可以食到咁有特色既食物，當然要好味道街坊先會咁棒場啦，雖然係普通既燒味，普通過普通既米粉麵，但係一碰上佢地既湯底之後，就會變成好好味既食品，好味到你唔會介紹揸住個碗企係公園係咁爬，連湯都飲清！

店名:艇仔粉地址：香港仔香港仔海傍公園好味指數:8/10價錢:$21叉燒雞翼米小艇煮的粉麵，只在晚上開檔，配料選擇不多，有燒味魚片紅腸粉麵和經常吃不到的糯米飯，而且食物很快便會沽清。這裡堂吃就是香港仔海濱公園坐位，非常特式。對於細食的人來說，份量也會感小，別想一碗就可以吃得飽。至於湯底，加入了大地魚粉是非常地道的口味。米粉爽口，配料味道也是非常好吃。

本來我住元朗.光顧呢隻古惑的艇,係無可能的事.幸運地.有1個星期我家人去旅行,我就到香港仔碰碰運氣,到場時7點多.己排了大約40人.平均要輪侯20分鍾才買到食物.可見呢隻艇相當受歡迎.拿到食物要去公園搵位坐...店主服務態度也可接受.一碗麵21元..燒鴨河粉:河粉入口相當順滑.鴨肉無骨.拍扁,肉薄身.味道鮮甜.义燒紅腸米:反而較失色,义燒同紅腸新鮮食較好.此刻欠义燒蜜味.及焦香,只像普通豬肉.幸好肉質鬆化.紅腸味道正常湯底大地魚湯.相當鮮甜..大家看到食評,每個人都叫2至3碗一定覺得怪.其實份量好少.認真吃4碗都吾夠飽.如果大家當晚飯的,我建議其中一碗要飯...在避風塘買麵..同許多人一起在公園吃.風味十足.此飲食經歷難得.都值得一試

標題是古惑的艇仔粉 :何謂古惑 - 意即你想食時去到不一定可以食，無計劃去食路經就可能食得到。此艇仔粉，不常開，旁晚時份才開，9點幾已經賣晒就收檔，有時你想食都未必有得食。見相就知道，此粉麵是在艇上煮，然後要你在旁的公園進食，這風味在香港已經很少有，風味已加分。主要是食避風塘式粉麵，配料以燒味為主，再配以大地魚加胡椒作湯底。是夜太夜去，晚上8點幾食的時候已賣到尾聲，河粉賣晒，只淨幼麵和粗麵。兩人叫了3碗，2碗叉燒燒鴨麵、1碗叉燒燒雞翼麵，Share食。先試一口湯底，湯依舊香濃大地魚胡椒味，不錯，多一點胡椒會好一點。燒味只是配襯，叉燒一般，反而燒雞翼味濃比較好。還叫了兩罐啤酒送麵，寫意。總結是有時你渴望的東西不想出現，突然給你遇上，是會有一種興奮，那種興奮滿足感，只怕古惑的艇仔粉才會給到你這感覺。

星期六晚上, 專誠行過黎海傍博下有冇開啦, 離遠已經見到公園的檯放滿晒食完的碗, 今晚有運行了.不過首先要排隊, 等了大約二十分鐘, 為左想試晒所有的食送, 我地兩個人分別叫了叉鴨瀨，另外要碗三拼, 係雞翼紅腸魚片米，再加個油菜，兩罐忌廉! 禁多野加埋只係$62, 聽同檯的食客講如果單拼好似只係$17一碗.排前面的阿叔買了罐啤酒, 等我下次都試下先, 一邊在公園食艇仔粉, 對住禁悠閒的環境一邊飲啤酒, 正!不過真係細碗左少少, 我係女仔都覺得唔夠飽, 傳說中的大地魚湯底, 平時我唔飲LI D湯, 不過今晚都比面飲左兩啖, 雖然可能好多味精, HAHA.見到老闆係咁搵刀背拍D鴨, 其實得好少鴨肉, 比較肥, 叉燒紅腸係冇乜顏色似平時茶記常餐果D, 雞翼就係橙色果隻, 至於魚片禁薄食唔出D乜野味道. 不過其實咁o既價錢, 都不會苛求禁多, 黎li度都係貪過癮, 食佢的傳統風味與特色!BTW, 這隻艇真係超好生意, 未計外賣果D, 淨係食完放o係度的碗最少有二百隻, 發達啦~!

今晚一行3人8點黎到博下有無開, 因為復活節~ 好彩有開, 排左半個鐘就有得食啦.因為細細碗, 我地慣左一叫就每人兩碗. 原本想叫飯, 不過賣晒. 聽人講話呢度既湯底係用大地魚整既. 鮮甜好味. 個人覺得配河粉唔錯, 因為入味~雖然坐街邊, 但感覺上好有風味Facebook仲有介紹:http://www.facebook.com/simmy.yip#!/group.php?gid=73796185877

對迼個艇仔河,,又愛又恨。愛的是.它的大地魚味精湯實在好味,河粉滑溜。燒鴨河粉是熱賣的,恨的是:七時半開始賣,往往九點左右便賣清!!!還要不定休息!要吃就趁早,今夜八點四十分到達,排二十分鐘,亦只剩河粉一碗,唯有鴨河鴨瀨各一湯另上。鴨是切得簿簿一片,加上胡椒粉多青,簡簡單單又一頓美味晚餐!