Bigpack Cafe (Moved)

放假都輕輕吓，突然想食德國菜，好想食咸豬手beer beer佢爽吓，朋友提食呢間！訂左位，7點去到都唔太多人，可能d人未夠鐘食飯啩，我地因為多計傾想早d開始囉⋯第一時間梗係叫啤酒啦！問問店員(外國人)有咩推薦，我地信佢叫左一支gold、一支dark沙律一定最快到喇，賣相不錯，佢比足5大片蜜瓜你配Parma ham 食，balance 返個鹹香味，不錯不錯！仲有少少mixed green，略多醋略酸主角係要等20-30分鐘，佢上枱時經已切開晒，你見唔到佢原隻個樣係點，wow望好脆好滑肉，忍唔住趁熱食落口，皮好脆，肉都唔太散淋都滑，配埋個酸菜食好舒服，個mashed potato好香好好味香腸拼盤(小)，份量都足，食到大家投晒降下次唔食豬手可以試吓佢d 2人餐，有扒有腸有薯角有菜…Read More

次次食德國菜都係叫豬手, 今次就試下芝士火鍋. 餐廳係樓上舖, 設計得比較寬闊, 加上人流唔多, 比較寧靜舒服.芝士火鍋套餐. 主菜係香腸拼盤, 有四種唔同款式既香腸. 配菜有西蘭花, 薯仔, 麵包粒, 紅蘿蔔及蘑菇. 香腸本身已經有味, 唔使點芝士都唔錯. 配菜同麵包點上芝士先至係芝士火鍋既精髓. 芝士味道淡淡的, 配菜麵包沾滿大量芝士食, 好味. 套餐份量兩個人食剛好, 唔使食其他野.…Read More

放假都要番兼職, 好在下午兩點就放工, 之後就想係旺角食個舒舒服服既下午茶獎勵自己, 但我有幾個要求:1. 唔要係街邊既餐廳, 最好係樓上或者商埸中2. 要比較寧靜3. 坐得舒服, 唔會太迫同完男朋友講, 佢面有難色, 直言覺得係旺角好難搵。咦, 但我唸到一間渦!係波鞋街既一間三層樓高既「剔剔店」樓上有一間充滿運動風的食店, 叫派格餐廳。雖然樓下是熙來攘往的大街, 但上到來一樣十分寧靜, 而且好有空間感。全木裝潢令人感到好溫暖及輕鬆。看! 是不是全中我的要求!!不知道中文名有沒有意思, 但我覺得叫英文名 Bigpack就更加貼切, 因為店內都排滿大背囊, 還有貼滿很多有關登山及登峰的海報。下午茶餐牌簡而精, 選擇頗多, 不過好奇為什麼沒有大路的蕃茄焗豬扒飯, 反而有黑椒味又有磨菇汁味。凍檸茶 (跟餐凍飲+$5)這裡的飲品選擇比較踏實, 沒有什麼特飲, 只有咖啡及茶。吉列龍脷柳配薯條。他他醬 $58等了大概五分鐘, 食物便紛紛送上, 首先有減肥天敵Fish & Chips!沒想過魚柳份量足有三大條, 而且薯條還是波浪粗薯條, 假日可以這樣吃真的太開心喇!醬料有蕃茄醬及他他醬, 欣賞食店很大方, 醬料都放得滿滿, 岩哂鐘意蘸醬既我!蘸魚柳的他他醬味道比較接近蛋黃醬, 雖然有酸瓜粒, 但味道比較奶油, 酸一點更好。炸至金黃色的魚柳炸漿很薄, 而且緊貼著魚柳, 入口時還食到外脆內嫩的口感。魚柳不但沒有腥味, 而且還食得到魚味, 魚肉雪白紋理清晰, 看得到的新鮮。黑椒汁豬扒焗飯 $48既然吃不到大路的蕃茄焗豬扒飯, 就試試新穎的黑椒汁版本吧。光看賣相已經看得出豬扒很大一塊, 一開四後依然大大件。而且還是厚切, 十分真材實料。還有放面的芝士, 唔係點綴甘簡單。同樣係多得令人興奮。豬扒肉質好紮實, 但不算韌, 厚厚一件豬扒, 我要慢慢咀嚼五、六啖先食完。黑椒汁味道原來沒有想像中刺激, 溫和的黑椒味加上甜甜的洋蔥, 相信是一個連小朋友都會喜歡吃的飯。整個焗飯豬扒比飯多, 食完好滿足, 而且醬汁很夠, 沒有米飯好乾的情況出現。每人六十元就可以在旺角鬧市中, 享受到一個寧靜美味的下午茶。:)…Read More

今日朋友生日，一於試佢至愛既芝士火鍋，上網搵左呢間餐廳感覺唔錯，7:30 上到餐廳晚飯，餐廳內有戶外用品擺設，好特別，望落幾舒服同寬闊。巴馬火腿配哈密瓜及雜錦沙律：哈密瓜唔夠甜，不過配埋火腿食都唔錯，沙律菜都幾新鮮。德國芝士火鍋套餐  :芝士火鍋有2款芝士，仲有少少酒味，如果2個人食會太膩，3人以上share就差唔多。套餐配有法包粒，德國雜錦香腸拼盤(德國紐倫堡腸, 牛仔肉腸, 雞尾腸, 香辣豬肉腸)，雜錦蔬菜 (磨姑, 西蘭花, 紅蘿蔔, 薯仔)，每樣都好好食，由其係紅蘿蔔同薯仔，煮到軟硬適中，配上芝士更加滋味。食芝士火鍋點少得啤酒 ，所以叫左1杯1L 同1杯0.5L黎飲。2款啤酒，0.5L果杯味道比較清淡，好易入口，個人比較鍾意。…Read More

放假最喜歡找好的吃。前天朋友介紹在旺角有間不錯的德國餐廳內裡有芝士火鍋吃。立即心想旺角那有芝士火鍋，是否意x屋？開玩笑吧約了在地鐵站等，然後一起沿著電腦中心來到遊客必到的波鞋街。站立在三層運動品牌店的門前人頭湧湧,那裡有芝士火鍋，已開始煩躁起來💦朋友說: 到了！就在這裡樓上，要坐lift上三樓。一打開lift門，典型的德國風格🇩🇪 牆上掛滿餐廳品牌的背包，好有露營feel。兩個人吃量不大，叫了德國刀削麵和山區芝士火鍋套餐。德國刀削麵: 非常多芝士，味道香濃，最岩芝士控。另外刀削麵煙煙韌韌口感一流最期待的芝士火鍋出場芝士有小許酒味，不像其他店舖的芝士火鍋得個咸字。冷切肉拼盆沒有特別，可接受。蔬菜、薯仔也悼得剛好。另外要讚的是麵包，不會因為放得耐而過硬，味道淡淡的沾芝士吃，無敵！…Read More

德國豬手: 皮脆, 唔算太鹹, 配以薯熔&酸菜(算唔錯)意大利雲吞:比平時餐廳食的意大利雲吞size 大d, 蘑菇汁幾香. (幾好)雜錦德國腸(細): 有五款腸,冇咩特別,最離譜係其中一款係平時食開個隻芝士腸.... 感覺你唔放落去都重有分,呢個價錢放埋落去真係扣到負分. (唔食好過食)餐廳環境有外國雪山木屋的感覺,因為裝修以木為主. …Read More

十月尾的遭遇。一行四人去旺角食個晚餐 朋友偏愛德國菜。揀了地點方便的派格餐廳。環境都算不錯 唔會太迫 都是一個傾計的好地方。點了三樣菜德國豬手 確實整得唔錯 幾香脆！香菇刀削麵 不過不失。最令人失望甚至劣評的是 藍蟹肉沙律。賣相其實幾靚 但一入口 腥味濃郁 感覺係蟹肉唔新鮮。前後兩次向一位中年女侍應反映 佢堅稱沙律是早上新鮮製造 只是我們自己食唔慣呢種味道。雖然我們不是海鮮專家 但呢種腥味真是太難頂。其實我們唔打算要退錢 但咁大間餐廳 服務態度差劣 令人太失望。P.S. 歐洲餐廳冇供應水 我們都理解。亦叫左一枝礦泉水 只是朋友湊巧感冒 問侍應要一杯熱水都不為過 回應竟然是冇。呢個服務態度 真是劣評😑…Read More

「一剔牌」運動產品分店遍佈港九，但並非全部直屬品牌，有部份專門店為特約經銷，所以各店老闆未必相同。旺角花園街一幢舊式大廈的地下、一樓及二樓經裝修後，變身成「一剔牌」專門店已經有一段時間，但三樓卻是一間餐廳，直覺上覺得這間餐廳和地下的專門店有點關係，反正要食午飯，一於去試一試。原來餐廳隸屬於本港一間專門售賣運動服飾的零售集團，除了代理「一剔牌」之外，並全資擁有一個誕生於德國的攀山用品及服飾品牌「BigPack」。餐廳正是以這個自家品牌為名字。餐廳的裝修根本就是模仿一間歐洲雪山度假區的小木屋。靠近門口位置放置了一個木架，上面有很多攀山煮食爐具作為裝飾。下層放置了很多雜誌，介紹這個自家品牌。餐廳的中央位置則放置了一個小木桶，售賣來自德國的生啤。靠近牆邊的一列餐枱，由於附件剛好有一些結構柱，店主利用了木板包封柱子，裝扮成木屋支撑柱的模樣，然後再加裝一些掛鈎在柱子上，既可作為裝飾，同時也可讓客人掛外套或隨身的小背包，甚有心思。牆邊有很多大背囊及照片，簡單介紹BigPack贊助的攀山隊伍的出征紀錄。餐廳標榜european regional alpine cuisine，但到底甚麼是歐洲地區性阿爾卑斯山區菜系？說穿了，是德國菜。所以，晚市有鹹豬手、各類烤腸等主菜，另一方面，也主打芝士火鍋。而且餐廳有德國品牌生啤及各款樽裝啤酒。午市則有多款套餐，最終選了美國紐奧良低辣雞柳配寬條麵（$70）。餐湯為洋蔥清湯，只見到洋蔥絲，其他湯料全部隔走。味道偏鹹，稍欠肉味，應該是熬煮的湯料不夠豐富。寬條麵外觀甚吸引，雞肉帶微辣，十分惹味。寬條麵有一點點嚼勁，但麵身卻稍微硬了一點，雖然不是乾硬，但就是差一點點。麵條配合巴馬芝士香蒜忌廉汁可以彌補不足之處，如果醬汁再濃稠一點則更美妙。餐廳大部分侍應生只能說英語，感覺上餐廳定位好似高級一點，而且以旺角區的小型餐廳來說，座位空間也算寬敞。也可能因為這兩個原因，餐廳的價錢比不上旺角女人街兩列排檔傍邊行人道上的食肆那樣大眾化，但勝在不會趕客，如果午飯時間夠長，可以在餐廳內休閑地看看書，也是一個不錯的選擇。…Read More

走進旺角，都是人多車多的想找個寧靜一點又坐得舒服的環境用餐，我會想到『Bigpack Cafe派格餐廳』位於旺角花園街76A號3樓這間餐廳以背包做主題，專吃德國菜地方寬敞而且充滿陽光的環境，蝴蝶結姐姐最愛吃這裡的salad，不但份量十足，而且賣相味道也很討好點了烤雞田園沙律和三文魚凱撒沙律酸酸的醬汁與沙律十分匹配跟餐還配一杯飲品呢寧靜的環境，一邊傾計，歎着悠閒的慢生活—————————————————————————『Bigpack Cafe派格餐廳』地址: 旺角花園街76A號3樓電話: 2388 5408營業時間: 星期一至日11:00-15:00; 18:00-23:00…Read More

旺角行完街揾下有咩晚飯食先，原來係花園街Nike 3樓有間由Bigpack 開的餐廳，Bigpack係賣戶外用品的，依家仲開埋餐廰, 我哋6點已到，太早未有客人所以我四周圍影下相先，有外籍人仕招待，餐廳內有戶外用品擺設，我們被安排坐在窗口側邊， 向外望係波鞋街景 , 我們點咗2樣推介食物, 煙火腿沙律及1set 扒包括牛扒, 豬扒, 五餐肉及一大堆薯菜，仲有兩杯啤酒，附送餐包。餐廳6點鐘先開，3樓一開lift 門既環境門口擺放了很多戶外餐具bar counter餐廳主要以木飾設計，很有戶外大自然feel, 燈飾光暗配合下好relax 去食飯. 更有產品擺設, 不過無得買的!等開餐la!係自家制包, 外脆內軟, 好好味架!沙律好多種菜, 加埋d煙火腿肉咸咸地ok好味!主菜來啦! 2人份量, 好大份, 有大塊牛扒, 豬扒, 厚切五餐肉扒, 仲有好多既脆薯角同菜, 讚! 冰凍啤酒, 爽!…Read More

一直跟不是芝士愛好者的男朋友說要吃芝士火鍋他終於跟我去吃了一頓了!這家餐廳的入口有點難找 跟NIKE 共用同一電梯所以看到NIKE 的電梯就進去按3字樓就可以了餐廳仿照德國餐廳的裝潢 長木枱及長櫈職員很貼心地安排了靠牆的二人桌 跟旁邊的桌子都有距離 真好 嘻嘻基本上我們沒有細閱menu 因為目標清晰明確 芝士火鍋!芝士火鍋來到前先送上兩個麵包 可能是仿照外國餐廳慣常做法吧麵包有先烘過 微暖 也有點外脆內軟的效果為這頓芝士火鍋帶來好開始芝士火鍋終於來到了濃郁的芝士 不會跟其他餐廳一樣加太多cream而變成白汁火鍋而且還有點酒香 是一個挺出色的芝士火鍋配料方面先有德國腸仔拼盤 包括了五款腸仔提及這五款的名字、做法、材料有什麼?! “講呢啲 食左先算啦”個人比較喜歡白色的腸仔(最左邊的) 味道比較清一點左後的帶點香草味 右邊兩款紅色的都不錯前面的感覺像是最為熟悉的脆皮腸除了肉類 還有蔬菜類的配料薯仔是跟芝士火鍋最配!其他的西蘭花、紅蘿蔔及蘑菇 我們覺得不點芝士比較好吃最後當然少不了麵包! (不過沒有單拍麵包 哈哈)麵包跟芝士 正!不過如果這個麵包可以選用硬身一點的麵包就會更好飲品方面都點了一杯啤酒名字應該是杯上的名字吧 哈哈不過味道有點偏苦 不是我的菜整體來說 這家餐廳的食物質素不錯 環境舒服 職員也友善值得推介…Read More

星期日下午打算系屋企附近搵食記得家姐之前提過體育用品店樓上的德國餐廳set lunch不錯所以就出發去試下。其實之前open rice都有睇過呢間餐廳的Cheese Fondue但覺得價錢唔平所以冇試，，今次打算先試午餐。用餐環境不錯，當天星期日中午1:00去食，當時都是只得3檯客。個人認為價格都有d關係，附近餐廳普遍兢爭大，set lunch都較實惠。但聽聞晚間人流較多，但值得留意的是餐廳內大部份痤位都是”導演凳“我覺得如果想同朋友坐得耐d傾計就唔太舒服。跟餐的蕃茄湯和多士。可能對於大部人會偏酸，但我個人覺得剛剛好。應該係打爛d蕃茄肉煲但有留返少少蕃茄蓉，多士非想香脆。如果湯比較熱就perfect魚柳煎得剛剛好完全冇腥味值得一提係本身跟飯但我唔想食飯所以server肯換薯條比我。炸豬排跟salad同意粉。豬排炸得很香脆但沒有任何汁所以比較乾加上肉好似完全冇腌過所以冇味。這道菜實在一般。每份set lunch跟熱或凍餐茶一杯。整體來說其實不錯，我應該會夜晚再黎試下佢地既cheese fondue。但中午這個價位，有很多其他同類型的選擇！價格： 大約$80-$90一位免加一服務：Server很親切和helpful美味程度：味道不錯抵吃程度：旺角花園街這個價位的set lunch有少少偏貴…Read More

豬手幾咸，較乾。皮不算脆，較硬。大蝦意粉不錯，蝦肉質感不錯，汁帶鮮味。四色pizza可以，但因有羊奶芝士，較"蘇"，不是個個愛吃。香腸拼盤只是一般，在citysuper買到的貨色。好唔慣香港餐廳無水provide, d食物又偏咸，逼住叫drink…Read More

bigpack cafe一般西餐廳同女朋友慶祝 上網見到唔少正評於是試下我自己叫左一個豬扒拼薯條豬肉既肉質尚算林 好容易咬醬油同舊扒都幾夾不過薯條就炸得麻麻唔係話好熱整體上都值得一試…Read More

男朋友想食德國菜, 於是上OPENRICE搜查, 發現Bigpack Cafe人氣高企, 非常多likelunch打去book即日夜晚都無問題!星期五晚上心情特別好, 7點去到, 大約有1/3 入座率裝潢加入左德國元素, 有木桶,長Brench...等等, 氣氛幾好!去德國餐廳, 德國豬手係必點由於只有2個人, 所以只Order 豬手同德國腸德國腸既選擇有幾款, 見Openrice好多食評寫既雜錦香腸拼盤都係切好一片片覺得一片片唔夠一條條食咁滿足  於是就簡左家鄉風味香腸拼盤德國豬手配有薯蓉同酸菜($288)上菜時,已經起左骨 切好一塊塊 食既時候好方便!外皮好香脆 個人覺得比Berliner同King Ludwig更出色!薯蓉同酸菜都中上水準美中不足既係 只配芥末醬 因為Berliner有提供其他醬, 有款蜜糖醬幾唔錯!家鄉風味香腸拼盤配有酸菜同少量沙律(~$190)麻麻地 因為我鍾意食脆皮既香腸..呢d腸就無呢個口感而且中間長長偏橙果隻腸個味道十足ikea食既熱奇腸味道正常,但會覺得唔值$200德國啤酒亦都係今晚重點之一其中既fruh既特點係exclusive in hk亦即是只有bigpack先飲到, 咁特別,即使叫返杯fruh ($64)size比其他啤酒細, 酒杯預先雪凍左, 好貼心 易入口,味屬於清甜, 非常適合女仔男朋友order既係另一款較甜既啤酒(~$68)名就唔記得, 大家可以問staff,佢地會介紹唔同啤酒既分別座位附近有一班大約10人既客人, 佢地坐長brench叫左好多野食同啤酒, 聽到佢地既歡笑聲同乾杯聲, 好不熱鬧!頓時覺得, 下次一定要帶好多朋友黎聚會...一定好開心好熱鬧!…Read More