活水和風食堂

Open Now

Now Closed

之前睇戲行過見到開左間新既日式餐廳～外觀同個menu都幾吸引～一有機會即刻黎試試～星期五7點幾坐滿左7成～我地兩個人去食有張舒服既卡位坐～食物種類都幾多選擇～我地叫左個蟹子沙律～安格斯牛肉鍋～吉列極上鹿兒島黑毛豬牛肉鍋一黎到已經暈到好香～但牛肉食落麻麻地～如果肥d應該會好味好多～個湯味道唔錯～偏甜～蟹子沙律正正常常冇咩特別～個吉列豬勁大塊勁厚～本身對佢好有期望～但食落真係好失望～一黎塊豬冇咩味道～二黎炸得有d乾～一d都唔juicy ~仲要唔知點解連d椰菜都唔好食～叫套餐有9折～埋單$239～雖然食物一般般～但服務同環境都唔錯～有機會都會再黎～希望到時食物質素有改善～下次黎試下拉麵先～

之前在附近睇戲路過，發現新開一間小店，被門口餐牌吸引，終於有時間去一試，點了一個我最愛的鰻魚定食及月見豚肉丼，份量適中，味道不錯，雖然是小店，但服務不錯，職員很有禮貌。除了有定食外，還有其他小食及套餐，選擇算多，可再來

滑蛋曼魚定食因為到長沙灣MCL睇戲...所以無意中黎左呢間野食野因為就係隔離ja朋友叫左拉麵自己就叫左個滑蛋曼魚定食定食有包前菜, 沙律, 味噌湯野飲就另外加七蚊呢所以冇加另外...晚市9折而且免加一幾好幾好....講返個飯..蛋汁同曼魚汁融為一體而且好多汁每一啖都有丫...曼魚都好食可以encore食到好飽....沙律就比較一般..不過都ok座位都ok因為我地坐左四人枱..再夜d會多d人收銀ee都好好人呀

返教會之前當然要跟弟兄姊妹一起吃個晚飯想不到在工廠區內都有如此性價比高的日本餐廳這是新開張的餐廳，晚市都做九折今天是平日，平日的話下午來會爆場，晚上來會比較好，如果過了七點來也會開始多人從餐牌可見，這裏的價錢絕對實惠！當然要看看食物才能決定它的性價比小妹點了天婦羅定食$78，有四件蔬菜天婦羅及兩件天婦羅虎蝦只是賣相已經超值了！最令小妹欣賞的是天婦羅蝦不是用那些完全沒有味道而且不彈牙的急凍蝦肉蝦肉看來是實色的，肉質一絲一絲，濃濃的蝦味而蔬菜天婦羅亦很好吃沙律及前菜也不錯弟兄姊妹們亦有試其他菜式尤其是鰻魚滑蛋飯及照燒雞扒飯最為吸引！照燒雞扒飯是限量的，在外面的餐廳經常能吃到這個菜式，小妹就想為什麼這裏是限量的，但當看到這碗飯時就知道了看看～那麼大塊及厚的雞扒而且他們說味道也不錯.這間餐廳的食物除了賣相之外，味道也是超過這個價錢所期望的！大家不妨來試試！！（聽說不要吃他們的吉列豬扒就可以）

已經食過好幾次，第一次食係經過食左個拉麵，之後幾次都係食晚餐，味道，質素都唔錯，價錢亦非常親民，而且整間店入面的員工都好好服務態度，鋪頭新裝修光猛乾淨，令人覺得食得放心又舒服

星期四的晚上，家裏沒煮飯，只好到附近醫肚。剛好長沙灣戲院在做特價，＄45蚊一張戲飛，食個飯先去睇戲。長沙灣呢頭我都唔係我熟，周圍都係工廠大廈，行左一陣，係福華街見到呢間日本餐，所以入去一試。呢間餐廳2019年6月新開張，我去個陣仲做緊九折優惠，坦白講，都係我食嘅主要原因之一。餐廳裝修由綠色作為主題，樓底算高，感覺寬敞。左邊有卡位，而我去嘅時候人唔多，坐左落去都唔想走。餐牌入面選擇多，有天婦羅，和牛，拉麵，串燒。而我最欣賞係佢係餐牌頭幾頁會講下食材嘅來源，以及煮食嘅方法，令到我可以知多D食物嘅背景。而呢個係二人套餐，見到隔離枱食鴨胸沙拉嘅時候佢地會俾埋芝麻，仲要自己磨，為整個晚飯體驗加分。我今次就食左天婦羅定食，好豐富啊，兩隻虎蝦都好多彈性。而黎到日本餐廳，不得不配服佢地對細節嘅要求，每份餐嘅擺盤都好精美，仲會配埋調味粉，就算係筷子都加左點綴，呢幾方便都為餐廳加左唔少分。總括黎講，呢間日本餐無論係食物質素，裝修，細節位都做得比好多餐廳好，性價比高，我一定會推介。

環境舒適日式定食近年係荔枝角番工，經常光顧茶記，好少周圍搵好嘢食，但近日老朋友約食飯，本身怕OT會趕唔到飯局，但朋友們特地約係長沙灣，方便我放工黎再聚。其實依邊近工業區，平日晚過咗19:00晚餐根本冇咩選擇。但意想不到，我地尋到依間小店。由 (荔枝角站B1出口)行6mins,又或者（長沙灣站C2出口）行6mins,小店設於小行間。*溫馨提示:如果大家用google map搜地址，輸入（長沙灣曉悅）會更準確。日式小店環境舒適柔和的綠色配原木嘅裝修，帶日式氣氛之餘，有一點大自然嘅氣息，我同朋友坐係店內卡位即沙化椅，店面寬闊，店內約有5-6張卡位枱及沙化椅，也有不少活動式枱及椅，係一個放工後同朋友閒聊休息嘅好地方。昔日令人著迷的蟹籽沙律（$38）一直都好喜歡日式嘅蟹籽沙律， 切咗做絲嘅青瓜，同一絲絲嘅蟹柳一直都係最佳拍擋，唔知由幾時起屋企樓下間元×賣嘅蟹籽沙律係切成扇形，個人認為切絲嘅蟹籽青瓜蟹柳絲沙律先最能保留到沙律嘅精髓。一絲清爽嘅青瓜，配合軟綿綿嘅蟹柳絲，一個開胃嘅前菜，如同一個清涼嘅冷麵，酷熱天氣警告下，係街到行到身水身汗時，依個小食就最討喜。嫩肉甜湯有菜有肉安格斯牛肉鍋（$92）一

睇到呢間活水和風食堂係荔枝角返工的朋友發現的，趁佢新開張有九折免加一黎試下味店面不大，但氛圍溫馨，被我鍾意既青檸色包圍，令人心安💚😌清雅柔和的竹紋和紙吊燈。坐定定，先歎一啖熱茶🍵，似乎比一般麥茶更甘香。問老闆茶中是否有玄機，原來茶底係用麥茶+綠茶，難怪茶湯綠綠地，仲有少少綠茶既草青味🌿開場白就不落俗套，更加期待接下來的戲肉了🤨燒芝士年糕（$30）一直覺得燒芝士年糕介乎鹹點和甜點之間，這間是偏向鹹點，但不是靠重鹽，而是落胡椒粉來提味，頗有個性。年糕有油香但不油膩，芝士份量也剛好，細嚼慢嚥之下，竟然有少少失落已久的年味。7種野菜天婦羅（$42）今晚好恨食炸野，於是又叫了野菜天婦羅，七種蔬菜分別係：蕃薯、南瓜、茄子、金菇、冬菇、秋葵同埋⋯粗壯健康、甘甜多汁既大蔥！炸金菇係今日的No.1❤️炸金菇之所以好食，全靠菇菇豐富的氨基酸同糖經過美納反應量變產生質變，由菇味變成肉味！但又唔可以炸得過火，怕失去鮮嫩的口感。呢到既金菇剛好炸到上脆下嫩，爆出一絲絲甘甜，係烚水最易流失的珍貴風味～朋友亦很欣賞切成厚片、煙韌粉甜既炸蕃薯🍠同南瓜🎃可惜茄子🍆切得較薄，無得爆漿sosad整體黎講，佢炸功同味道都正常，但

今次是第二次嚟呢間食。食品質素有水準，試了天婦羅，吉列豬扒，拉麵。食品選擇不算多，但幾樣都做得用心，服務也十分好。唯一有些想點的沒有了。地方也很寬敞。價錢可以接受！

工作完畢後，剛路過一間窗明几淨的店，是一間日式料理餐廳，乎合我今天的胃口和心情，門口貼著全日九折，應該是新開店，就不妨一試吧。餐牌選擇頗豐富，點了頭頁的定食: 天婦羅。最喜歡的是海虎蝦，蝦味勁重，肉質結實。我點餐時不注意到有寫蝦的品種，吃的時候在想，好像是虎蝦呢？😅除了兩條蝦，還有炸菜物，有外脆内軟的青椒，口味清淡切成扇形的茄子🍆，日本蕃薯片🍠，日本南瓜🎃 (憑我口感應該是日本品種)。我很喜歡後面兩種，都是鬆化帶澱粉的彈性。炸物們粉漿厚度適中而不油，亦緊包住食物👍 隨炸物附上岩鹽一瓶，十分講究，我個人不太能吃咸，點伴有蘿蔔蓉的天婦羅汁已有咸甜剛好的味道。伴菜有偏咸味柚子汁沙律，十分肥美飽滿的八爪魚兩隻，吃得到麵豉顆粒的麵豉湯。這湯有少蔥花，而且不會死咸，有誠意。放工時段後，人們絡繹不絕地進來晚飯。在這非常傳統的和風雅座上，我彷似孤獨的美食家上身，一邊毒食(對我是毒不是獨) 徑自享用定食，一邊偷看住人們點的餐，談笑的樣子。雖然日本劇中美食家總愛不斷發掘新的餐廳和隱世小食，但我應該會再來這不太熱鬧的橫街的日式料理餐廳，再裝一次孤毒的美食家😅

今晚約了朋友晚局，路經新開的日本餐廳，街坊價錢，但環境唔錯，出菜快，又讓我們坐了個鍾，服務態度好。我點了天婦羅定食，炸蝦好有驚喜，非常詢鬆脆和新鮮，滑蛋豬扒飯也很好味，豬扒有肉汁，蟹子沙律好大碟，芝士年糕惹味，仲有優惠不用加一，好抵食，下次會再來試試其他！