Thai Orchids Cafe & Bar (Closed)

因為電話冇哂電，所以冇影到相，遺憾......講返正題，我同1個好耐冇見ge friend約埋係旺角食飯，係openrice見到comment唔錯就揀佢~星期六7點都唔洗等，意料之外ar~~嗌咗3個菜：菜包飯、蝦醬豬肉炒飯、黑椒芒果炒牛肉粒。菜包飯就麻麻地，以前食嗰d仲好食d...蝦醬豬肉炒飯炒得幾香，再配埋個有芒果ge開胃餸，非常之好食，加埋d牛肉粒炒得唔錯，所以食得好飽~~~最好ge地方係我同個friend傾都唔知時日過，由7點坐到差唔多9點，即使出邊有人排隊，但係d職員都冇表示唔耐煩，仲時不時幫我地斟水。俾著其他鋪就算唔趕我地走，都會行埋嚟串幾句怒睥下，當我睇到個鐘都唔好意思拿拿林埋單走~~咁好ge鋪頭，下次一定會去再幫襯~~~~~…Read More

星期五晚上少不了很多地方都要等位，而呢間成日睇戲係宣傳睇到既朗豪坊泰國菜就要等上45分鐘入面既地方坐得幾舒服，但俾既水有很強烈既生水味嗌左幾個比較出名既菜：大蝦冬蔭公：嗌左個小既版本：冬蔭功夠惹味，夠辣，入面既大蝦亦絕不欺場雜錦串燒：本身無諗過嗌既菜，食落有驚喜，最驚既係串燒燒得太乾，食落冇味，但呢個串燒燒得一啲都唔乾，肉質亦有彈性，加埋唔會太濃味既醬汁，唔錯!炒金邊粉：呢個餸反而比較失望，金邊粉唔夠香，亦唔夠彈性，入面既材料未見突出椰青海鮮焗飯：好靚既一個餸，飯既椰漿味很香濃，飯入面亦有很多椰肉，但個人唔鍾意入面既三色豆店員既服務亦尚算殷勤平均消費：$115 …Read More

到達門口, 職員完全管不了秩序, 任由等位的客人你一句我一句地報上各自需要的座位數目, 混亂的管理加上無規矩的客人, 真難堪:(看似人手不足夠, 多番舉手終於能夠落單:(不錯的炸小吃, 沒有不好的油味, 亦不油膩, 彈牙爽口, 加上醬汁真的不差!份量不算多, 炒得夠香, 芥蘭難得新鮮, 吃下無渣甜甜酸酸的汁, 真的令人開胃, 加上炸得剛好的魚塊, 伴飯吃非常享受, 可惜件數不多這烤雞真是讚, 雞肉多是脾肉, 全很嫩滑, 烤得入味, 令人滿意!:)…Read More

第一次食泰‧蘭花,平時睇戲就經常見到佢嘅廣告,不過始終無動力去食...硬係覺得佢得個樣...今晚去朗豪坊睇戲,朋友又想食泰菜,見佢夠晒就腳,一於就入去試吓我哋兩個人叫咗冬蔭公湯(細),青瓜沙律,菠蘿飯,炒通菜同南爪海鮮...叫得太多...叫少一樣就啱啱好個湯幾好飲,有兩隻大蝦,夠味,飲兩啖即刻開胃晒沙律酸酸哋,飲完湯再食佢可以中和返,我幾鍾意啲蕃茄仔,幾新鮮個飯就一般,無咩菠蘿味,當用黎飽肚就ok...不過我見好多檯都有叫佢,唔通佢係招牌菜海鮮就更加一般,無南瓜味,只係一pat橙色嘅野包住啲海鮮...飲品我就要咗最愛嘅青檸梳打,幾醒胃,正朋友就要咗杯薑蜜,都話幾好飲可能我哋叫得太多野,埋單要四百幾...不過個環境真係唔錯,坐得舒服…Read More

這是一間變調的泰國菜，重裝飾，沒品質！　整體都不太好，唯獨燒風鱔比較正常；酸辣椰汁雞湯味道還可，不過飲落好似章住個口咁，唔知用咗咩牌子的椰汁呢！個招牌椰青海鮮焗飯，第一啖都唔覺有乜問題，再食就越來越章口，相信又係D椰汁的問題吧；至於個芥蘭＆肉碎煎蛋真的鹹到入唔到口，埋單時竟然仲夠膽問好唔好食，咁咪坦白D同佢講好鹹囉，點知仲駁咀噃..........:(　最令我不舒服的是女侍應的眼神和態度，眼神非常凶狠，而且態度惡劣，好似想殺人咁.....　加水仲衰過茶餐廳，大力倒到滿瀉周圍滴......　還要再來被人虐待嗎？　　…Read More

於6點30開始到店內 這段時間不多人一開始 有女服務員帶位 本來想揀位見到雙人位想坐..但又留意唔到已訂座於是想坐落去..但個女服務員就態度十分唔好+無耐性佢想強行迫走我地去第二到坐就係呢個時候男服務員出現 佢好識做幫我地安排返雙人位Next,開始點野食叫左 羊架配紅咖哩 +左飯$12 同薄餅$201.羊架-份量有3隻 都夠大隻 肉質都唔會太老紅咖哩-有點帶甜,充滿棷香2.小食-香蘭葉包雞(4隻)無香蘭葉香味1開食食其實唔錯 雞都夠滑不過4隻之中 有1隻就炸過龍啦..炸到太乾 攪到有D似臘肉味..3.大蝦冬陰功湯(細) 大蝦-得一隻 唔新鮮湯底-唔夠辣 但夠辛有好多菇成晚就係大蝦冬陰功湯有D失望不過有UA戲飛 星期6有9折$260幾食到呢個質素唔錯啦到最後個女服務員態度有改善所以整體唔錯啦!…Read More

因為本人有張由UA戲院送的一張＂食$300減$100嘅惠優卷＂，由於仲係新年假期唔知可唔可以用，咁就已經打電話問過可以，咁我同老公就去食啦！去到門口就比同個店員睇我有張惠優卷，今日真係適用嗎？店員答可以之後，二話不説就帶我地行入餐廳的二人枱。我就見當時只有兩至三張枱，我同店員講可以坐室外嗎？（比較有泰feel)店員一聽已經唔多滿意，可以，不過你要7：00帶翻張枱比我，我一望店員隻錶已經6：06，我當時已經諗到，未坐底，未睇餐牌，未order,又點知我自己一定可以7：00之前就比到張枱貴公司吒！我自然反應下就答店員，如果你d 菜嚟得快，我可以吖！咁我地就坐咗出室外喇！但行出去時起碼有3個店員個咀同眼神已經表現出不滿，而認定我地係衰客！直到我坐好，見個店員不斷同其他店員講解我地頭先嘅對話，仲做埋動作！到我睇餐牌時，其他客都可以任坐，而我地亦好似比店員不斷眼神交流，好似吹我地快d 叫野啦咁！我地好快叫咗4個餸，而大約6：30已經到齊！我地又好似睇時間做人，6：47我已經叫埋單！咁我只係check下單之麻，另一個店員亦回敬我一個唔滿意嘅表情，$276，我請願比現金（費時又玩野話要食夠$先可以比卡）個店員一找錢放底就喺我張枱，佢可能知道我一蚊tips都唔會比！冇錯，我全部拎走，但我老公比咗封利是一個店員，因為只有佢當我地係人，亦只有佢招呼我地！講真就算唔係過時過節唔想比人咁黑口黑面啦！何況新年流流！我地做錯咩？因為我用張優惠卷！你估免費呀！比咗$276換來一肚火！喺一個少於30分鐘嘅晚餐嘅情況下，我覺得食物係ok嘅，但試問，喺有限時間同比人不禮貌對待下，仲邊有心情品嚐食物吖7：00前我地離開哩間餐廳，我地同自己講過一定唔會食！…Read More

用ua戲飛有8-9折,,,,,又幾好食,,,,而且唔貴,,,,,所以成日黎食不過大約7點開始就大排長龍!!~~~~推薦食物: １）冬陰公湯麵,可選配菜: 豬頸肉!!!　　個湯底好正!辣辣地~~~好好食~~~２）海鮮南瓜”中”　　係個南瓜入面，用咖哩煮左好多不同的海鮮！不太辣～好好味３）咖哩青口　　中意食青口的朋友～ｍｕｓｔ點！！！！！！好味到不得了！！！　　但ｅ個菜不在ｍｅｎｕ內的．．．是在枱邊”橦”起度的硬卡紙度的！！以上係我平時成日都點的菜～～其實我去過好多次了！不過次次都無拍照！上次同朋友去食先咁ｏ岩有影相～～～由上而下,.雞肉扎...不好吃=_="""left邊...唔記得咩黎!!擺得落口的right邊...蝦餅...好食!!中間...春卷...入面包住一些凍凍地的菜絲瓜絲...好好食的！！下面...豬頸肉....當然是好好食啦配埋佢個醬......一流～～～～～忽然唔記得個”險”字點寫！！睇住圖先！！好好食啊ｅ個～～～我記得唔洗１舊水的～～又係好鬼好食－＿－諗起都流口水！！！！…Read More

約了朋友在這裡lunch,順道聚一聚。星期六,十二點半就到朗豪。幸好未到一點,仲有位。二人被安排在比較外圍的卡位位置。:(order左4樣食物及一個甜品。青木瓜沙律,個人比較偏好泰式沙律。酸酸甜甜十分開胃,爽口又微辣。蔬菜冬蔭公湯,因為唔太食得海鮮,所以選擇了蔬菜,味夠濃,但蔬菜未有太配合湯,有椰菜花在湯裡,可能因為未夠入味,過份爽口,所以有點怪怪的蒜蓉包, 放太久了(在上台時已即時入口),但已經變軟,不再爽脆,牛油味放涼了就會變得油膩。too bad:(香葉炒飯,香葉即係九層塔,炒得很香,但過份油膩,吃到一半已經要放棄了,但份量十分多。青擰梳打, 這是我喜愛口味的青檸梳打,夠刌味,又有盬在底。不會只有甜味。很有層次。芒果糯米飯。芒果甜不錯,份量真的也比較多。服務:因為坐在較遠的位置,店員未夠細心,舉手多次才發現我們。…Read More

之前從不曾來過這一間「泰蘭花」吃飯，這夜來到朗豪坊，見這裡不曾幫襯過，決定一試，想不到這間泰國菜館的食物，竟是意想不到的好吃，實在令自己感到甚為意外。來到的時候可能時間尚早，即時便能入座，不過坐不多時，全店已經滿座，店外已有人在陸續等候，可見這店子的生意不俗。店內的陳設裝潢不算豪華，但開揚的設計倒也不錯。叫來一款小吃「椰香肉碎蝦米通」和一道主菜「蜜沙文牛腩」加「蒜蓉包」，再來一客兩串的「燒風鱔」，作為是夜的晚餐。「椰香肉碎蝦米通」十分好味。這小食的蝦雖只得一只，這唯一的中蝦倒也爽口新鮮，脆脆的米通蘸上以椰汁為主調味，香甜惹味的豬肉碎在上面後，每口都充滿香脆的滋味，個人甚為喜歡。「蜜沙文牛腩」所指的蜜沙文，其實是店內多款咖喱中的其中一種，因為見它的名字得意，教人摸不著頭腦是何味道，而且餐牌中所顯示的辣度又不厲害，只得一隻辣椒代表，愛嚐新的我好奇心起，當然要一試。這道「蜜沙文牛腩」出色的地方不在牛腩，而在咖喱汁。這味道甜美的咖喱汁無論蘸牛腩、蒜蓉包還是蘸米通吃都一樣十分好味，教人食指大動，胃口大開。也喜愛這咖喱的配料中有腰果，雖然浸在咖喱汁中難免不會香脆，仍覺可口。此外，薯仔雖然份量不多，也煮得十分軟腍好吃:):)，反而作為主菜的牛腩，肉質只是普通，而且太瘦，成為了這道菜最失色的地方:(。一客五件的「蒜蓉包」水準頗佳，香脆的蒜蓉包蒜蓉甚多，即使沒沾上美味的咖喱汁，已頗好味，在沾上美味的咖喱汁後，滋味更佳:):):)。至於兩串「燒風鱔」，風鱔肉質雖然稍為軟腍了點，蘸上開胃的酸辣醬汁後，味道是不錯的:)，可惜上桌的時候不夠熱，也扣了點分數:(。但綜觀這晚所試，這間「泰蘭花」的菜式味道仍令自己喜出望外，整體水準實在是在自己意料之外的好。希望下次再來的話，可以再嚐一嚐這裡的廚師推介菜式，看看是否更加好味吧:):):):)！…Read More

This is the second time I have visited this restaurant and I have enjoyed eating here on both occasions. I really don't understand the negative reviews regarding the service etc as I have found the waiters and waitresses more than accommodating when I've asked to change tables etc. Ultimately, it is the quality of the food that we should be talking about!! I really enjoy the food here...the prices are more than reasobale, and there is a wide selection on offer. I prefer to have a lot of dishes 'light bites' compared to main courses as I enjoy trying different types of food. The main highlight for me is the 'Bread Pot Curry'. Basically, this is curry in a hollowed out bread. I like this as not only does it look nice, it tastes nice as well!! I'm not sure how authentic the food is for a Thai restaurant, but for certain, this is a really nice restaurant to have a casual meal with friends.…Read More

本來訂左枱食炸猪扒，後來怕熱氣朋友又話呢間唔錯所以轉左食呢度。酸辣無骨鳳爪沙律因為大家都唔食得辣，又得呢個同柚子沙律的醬汁先可以分開上所以叫左呢個。但估唔到個汁好香酸酸地又唔係好辣，個辣味係個口度慢慢帶返出來好好味，鳳爪凍凍地本身就無乜味但就幾爽口，加埋個汁好開胃，唔錯！炸蝦餅炸得個面幾香脆，但個餅心就空既，如果佢可以做返個蝦餅心肥滿ｄ，食落個口感彈牙ｄ就好喇。:)攬角肉碎炒蜜糖豆攬角肉碎帶有好濃好香既咸肉味好正，個蜜糖豆都好爽脆，但入面就帶有少少草青味，兩者配合一齊食一清一濃又可蓋過草青味非常好。其實如果用肉碎撈其他麵飯食都會相當好味。咸蝦醬猪肉炒飯唔記得叫左個攪角肉碎係帶咸，仲驚緊兩個都帶咸會食唔到，點知放到口邊有好香既咸蝦味但食落又唔會太咸反而帶有少少甜味，成個飯都炒得唔錯。環境方面，因為坐左入舖都ｏｋ，如果坐出面商場走廊位可能好嘈就麻麻喇。本來估佢會無九龍城的泰國菜咁有風味，但食落都有佢自己既特有味道比想像中好，份量都可以接受，整體幾度菜都唔錯，有機會會再來試下其他。…Read More

今晚相約朋友到ｍｋ講下旅行事宜晚飯時間第一次聽到朋友極力推介下就到此試一試叫咗三樣．．．OK WO~..比想像中好如果想平啲，　咁就要中午黎食喇有水準，　唯一可惜服務員太小人ｌｕ…Read More

入面坐位一般, 坐出面會比較闊落,但人會俾人望住晒...2 個人叫3樣野, 份量岩岩好, 一個牛腩, 炒金邊粉同咸魚炒芥蘭牛腩係湯個種, 好似冬陰公既味道, 食得辣既人可以當湯飲個人覺得炒金邊粉呢個菜係可以見真章! 還好, 佢既炒金邊粉濕度控制得好好, 色同味都夠, 配料都俾足, 不過最好就多2隻蝦啦~~炒芥蘭又幾出奇地好喎~~,炒得香, 菜又林, 我一個人可以食成碟呀~~總括就係, 食物賣相不俗, 味道濃郁但欠缺特色…Read More

一星期前女友人JY約埋舊同事尋(15-1-2011 Sat)晚食飯,先約定o黎朗豪坊等.齊人喇,女友人N記得呢o度有泰國餐廳,就話o黎呢間.我o地有七個人,不過其中兩個有事,係唔食飯,傾完偈先行離開o既.咁剩返五個人食,我o地叫菜喇.我睇到有個$128.00o既唔辣脆炸原條烏頭,就覺得好奇,所以叫呢個,其他由N發板.佢叫o左:1.柚子蝦沙律柚子好多,有腰果同蝦仁,蝦仁爽,腰果脆,柚子唔酸,我覺得辣o左啲.但個個食o左下一個沙律至食呢個就話好辣.當我都食o左下一個再食返呢個時,都覺得呢個係好辣.味道: 4.8分2.酸辣無骨鳳爪沙律呢個酸辣程度可以接受,白色o既無骨鳳爪好方便食,又爽,食完一隻又一隻,不過食食吓,佢o地o既男舊同事B發現有牙簽,我o地呢班唔識食o既人就疑惑應唔應該出聲.我話問佢o地其實係咪應該冇牙簽?佢o地問女侍應,女侍應答唔應該o既,牙簽係用o黎拮香葉包雞.佢o地主動換過個畀我o地.咁我o地都有另一個酸辣無骨鳳爪沙律.食完真係想o係咁凍o既天氣下,走出街擘大口吹凍返.味道: 5分3.鹹魚炒芥菜食o左兩個辣辣沙律後,食飯啲唔辣芥菜先,點知熱烘烘o既芥菜都係辣o既,唉!其實只有成張枱,只有一個食得辣o既N,使唔使咩o野都叫辣呀?我食啲啲就放棄啦,但最後都夾一粒鹹魚食,只有鹹味又唔香.味道: 3分6. 芒果雞肉炒飯呢個係後加o既,因為JY話想食隻,而N話諗住叫白飯,佢o地o既男舊同事P話睇吓白飯價錢….經過佢o地一輪討論後,決定叫多個炒飯先,唔夠至再叫.咁我發板,揀o左呢個咁新奇o既炒飯.o黎到,都唔係好大碟,芒果肉唔酸,飯粒唔散開,雞肉唔係咁夠味.不過食完三個辣o野食呢個就舒服晒.味道: 3分4.我叫o既脆炸原條烏頭落單時女侍應問我o地係咪要原條,JY就玩佢問係咪有半條?我同女侍應講佢講笑咋.咁女侍應就介紹呢個係起o左骨出o黎都炸埋,好脆口,汁係酸酸甜甜o既.o黎到,都幾吸引,有脆漿o係面o既,但食落口唔脆o既?而且只係微暖,唔蘸啲汁就冇味,蘸o左就好食好多.味道: 4分5.酸甜豬肉呢個等好耐,催極都未到,女侍應話要炸.終於到o黎喇,賣相同菠蘿咕嚕肉一樣,食落,味道都一模一樣,但佢炸o左都唔脆,又係腍o既.味道: 2.8分7.兩碗白飯,佢o地話要酸辣無骨鳳爪o既汁撈o黎食,我冇食到.8.JY話想飲o野,但佢怕飲唔晒,就同P share一杯龍眼冰,我冇問佢o地好唔好飲.9.咁我要杯好似$25.00o既珍多冰啦,珍多冰只有綠色o既大菜糕,淡茂茂.而杯冰呢,就好夠椰子味,亦好夠甜,冰已經係碎但唔多,好味.味道: 4.5分10. 芒果糯米飯 X 2呢個係N叫o既,我諗住係佢o地唔叫o野飲o既人食,點知佢o地都分畀我o地,甜甜地o既白糯米軟腍腍兼煙韌;紫米就唔多夠腍;芒果有啲酸.N佢o地覺得唔夠分就叫多一個.味道: 4.5分食完去toilet我至知飽,真係唔覺唔覺.埋單$673.00…Read More