泰風SO

Open Now

Now Closed

唔使飛出香港，我都食到媲美泰國嘅泰菜，心情即刻開心晒🌟！話咁快，就黎同大家嗌醒好去處。今次我一於點哂份泰式炒金邊粉。啲蝦仁爽口得滯，金邊粉Q彈過彈弓，豉油同魚露味好入味，喺嗰辣度之中尋到小小嘅香甜。不過，如果你唔嗌辣，記得同師傅講聲「少辣啲」噃！再講吓個三色糯米飯，嘩，呢個真係搶眼！啲糯米飯雖然唔甜過頭，但一搭嗰新鮮嘅芒果，簡直係味蕾嘅叮噹，畫龍點睛嗰種感覺。唯一美中不足嘅嘢，就係份量方面啲芒果比得少咗啲，其他都準冇得頂！哎喲，再講吓個芒果紫白雙色糯米飯啦，醬油醃過嘅糯米同嗰煙燻味，兩者拍檔咁有型，真係味到喇叭咁。咁大盒海南雞飯竟然無埋汁是咋啲，希望下次唔好漏晒啊😂！哇，4色糯米飯簡直美到冒泡，食得我心都花哂🌺！味道跟相片一樣好，特別係黑白糯米飯保持水準。佢啲芒果又甜又多，令人痴心妄想咁嘆為觀止。加上地下唔使等，下次都要試吓其他佳餚，實行要搶先一步！🍴🥭🌈

隔左1 星期左右，又黎幫襯佢。今次encore 冬陰功海南雞金邊粉$48，再加個炸蝦餅$30。原來個炸蝦餅可以拼魚餅或者淨蝦餅，仲可以加件數，$5 件，咁如果多人食都幾方便，可以叫多幾件。不過我以為係中間有個窿個隻蝦餅，點知係薄薄地既，好似魚餅咁薄，有啲失望既，不過最衰自己之前無睇其他人既食評。。 

今晚屋企得 2 個人食晚餐，想食泰國湯粉，夜晚呢邊無咩選擇，咁就過左黎葵廣泰風so，叫左個冬陰功海南雞米粉$48，泰式生菜包$40，仲有泰式無骨鳳爪$30，加埋$120 都唔使，2個人晚餐黎講好抵。間鋪頭細細地，一個人負責收錢，廚房好似都係得一個人做，但都幾快手，佢叫我唔好行開，好快拎得，又真喎，大約10 分鐘就拎得。冬陰功海南雞米粉唔算好辣，海南雞幾滑，幾好食。泰式生菜包都幾大包，不過好咸，我諗下次唔會再叫了。泰式無骨鳳爪酸酸地幾開胃。

一直都有幫襯呢一間外賣好多年。泰國人老闆娘有善態度親切，食物抵食又好味。但自從轉咗手之後就真係越嚟越差。以前食豬頸肉湯粉有六七塊，而家得三四塊細細片，雖然味道不變，但係份量細咗好多，仲要加價加得好犀利，目測最少加價三成。重點係新老闆娘態度極差。希望個新老闆娘可以睇到呢個post。外賣小店主要都係做熟客，一係喺附近住，一係喺附近返工嘅客人，親切嘅服務係回頭客主要嘅動力，佢哋真係要檢討吓，如果唔係我驚遲啲都做唔住。

有次又在新都會附近活動完，於是到葵涌廣場ET鹽水雞旁邊的泰式店看看有沒有糯米飯，因為上邊有脆脆的那種泰式糯米飯小店應該一早已經倒閉。這間的糯米飯，很多都染(彩)色的，只有一兩盒是只有白色或紫色的糯米飯，當然選擇沒有色的比較好啦。無論白色定還是紫色的糯米飯，味道都不算太甜，店方會提供少許比較稀的椰漿，很少見到這樣稀的椰漿，其實是不是溝了水定還是它的質地本身就是這樣呢？用來配合糯米飯吃，味道就冇咁淡，不過還是偏稀。說是芒果糯米飯，當然除了糯米飯，芒果也非常重要，不過近期我們見到街上的芒果，很多都非常難吃，一係就生骨、一係就芒果味好假，這兒亦都唔例外，芒果味道假得來都不太像水果的香氣，結果我哋都吃不完。不過，這兒的人員就可說是非常串，當你問她選購糯米飯是不是就只有放在該櫃上那些，她亦都是相當晦氣的回答你「就只有這些，要還是不要。」態度晦氣，沒有誠意，不太友善，況且芒果都不太好吃，下次再買我都會買第二間。

抽起條根好想食糯米飯，記得以前中學特登出葵廣就係黎依間餐廳買糯米飯以前食真係好好食，好似20幾蚊，大大份。今次一開，就知道份量明顯減少咗好多，兩盒飯都唔知有冇用到一個芒果。一去到店員會問你嗰飯想要咩色，今次叫咗黑糯米同埋斑斕味。糯米飯係煙靭，但就唔係話好重斑斕味，只可以話係普通椰汁糯米飯，甜甜地。佢配嘅椰汁係有少少鹹嘅，總括嚟講係鹹甜鹹甜咁。芒果份量超級少，可能係一邊芒果？而且係孫同埋有筋嘅同埋留意到佢切芒果又係依隻手，收錢都係呢隻手，都真係幾唔衛生！期待咗咁耐，變左咁嘅質素，都有少少抑鬱嘅～短時間內都唔會再試

冇得堂食下最好幫襯下啲小商戶，都算有驚喜，價錢合理質素可以，買咗米卷$35、芒果糯米飯$30、豬頸肉$58先講講米卷：越南米卷食得多，其實佢都大同小異差唔多米紙包住有生菜、紅蘿蔔、青瓜、扎肉仲有啲泰國嘅香葉，唔知叫咩名但味道好特別！香濃得來但又唔會搶走其他食材嘅味道！最最最為驚喜嘅係佢嘅醬汁！一般出面食嘅都只有一款酸辣汁，但佢就再多一款辣嘅沙律醬好好味！有啲似鳳爪汁溝沙律醬嘅味道芒果糯米飯：係斑斕味同黑糯米，糯米飯唔會好林椰汁都唔會話超甜可以接受豬頸肉：大同小異都差唔多，知道而家豬頸肉來貨貴，所以佢個份量都可以接受，個豬頸肉醬汁酸酸辣辣幾開胃食完真係好想去泰國旅行

好味👍🏻而且價錢平！味道好正宗，香葉肉碎好野味，而且辣度適中！炒金邊粉亦都好味，麵質彈牙條條分明，唔會好油，蝦亦都大隻，仲有好多配料！甜品試左椰汁糕同千層糕，兩款都有驚喜！椰汁糕：粟米夠多而且西米彈牙唔係軟林林，面頭椰汁食到有花香味，都係第一次千層糕：買左3色，有紫薯、黑芝麻、斑斕個人比較鐘意斑斕同黑芝麻，黑芝麻好濃，真係好濃！比出面食過既芝麻糕濃好多斑斕味好香，老闆娘話佢地唔會用色素，用新鮮斑斕葉做

呢間泰風so嘅豬肉生菜包($38)，一直係我喺葵廣搵泰國嘢黎食嘅首選。如果食得少少辣，推介食小辣或中辣。如果覺得生菜唔夠飽，個豬肉用黎撈飯，都好好食㗎！份量之多，女仔一個食，一個豬肉生菜包，已經可以做一餐😋...#FoodieS #泰國菜 #葵廣美食 #葵廣 #葵廣掃街

見佢舖頭名幾有趣，啲野食大部份都平，賣相亦都睇落唔錯。唔想食太多澱粉質，見佢有海南雞沙律，第一次見，幾特別，所以就叫一份試下，外賣拎返公司先食。無論海南雞定沙律，一直心目中都唔辣，雖然佢味道係惹味，雞肉既份量都算多，而且口感好，算滑，只不過食完勁口渴，唔知佢係咪多味精？而且佢辣到我狂咳，店員無同我講係辣，覺得呢方面要改善，應該要問客人辣度，或者要唔要有辣味？始終好少海南雞辣。整體性價比都幾高，始終只係35蚊一份，都無得太多要求既，如果辣度可以自選，咁就會比較好少少。

黎到葵廣一定要搵野食既，今次我就買左個芒果四色糯米飯，試下有無泰國既味道🤤。唔知點解我一拎就見到四色變三色，可能蝶豆花賣哂啦，都唔緊要，我自己都鍾意原味。咁當然即刻落奶啦，第一件事我係食芒果先，咁都唔錯既，係幾甜🤩。之後就食糯米飯，試左個班蘭味，係幾香既，都食得出有班蘭既香，唔係就咁上左啲綠色既糯米飯。之後黑糯米同白糯米都正正常常，中規中矩，都係食開既糯米飯味🥳。依個糯米飯絶對係可以幫我一解思泰國既愁🤣，希望快啲可以去泰國食啦。

葵芳廣場向來多美食，行過呢間純粹突然間想食芒果糯米飯見到做晒宣傳，好多大台都報道過四色芒果糯米飯好似係招牌貨於是叫一兜試試最期待嗰隻黑色糯米竟然無晒貨得返傳統白色、班蘭綠色同芋香紫色本來想唔食算，但都叫咗嚟試我對芋香無乜興趣，加上又無黑色所以就試咗白色同綠色算由四色糯米飯變三色糯米飯，再變兩色糯米飯芒果入口比較乾身，果香味唔重唔夠濕潤，欠缺juicy感不過芒果肉都仲可以接受椰汁比較失望，好似水一樣，唔係汁味道較淡，無咩椰香味，少少黏稠感都無糯米飯就見仁見智質感都有黏稠感，不過唔係糯米飯煙韌感顏色就唔太自然，有啲奇怪講真，真係有少少中伏感比唔落正評，但又廢事俾負評，俾個OK算

今日經過想食芒果糯米飯就買左份外賣；返到屋企滿心期待，一打開倒椰汁；椰汁稀過水；冇椰汁香味（好高境界）之後再食飯；有的膠味；而綠色冇班蘭味，埋顏色飯就好似染左色既糯米飯；冇特別。食左幾啖；掉左。只有一次；永冇下次！

記得5月嚟葵度食過一次泰風SO當時舖頭仲係二樓 舖位較大有大範圍立食地方 雖然好難相信但嗰次係我第一次食芒果糯米飯暖暖甜甜咁 椰汁又香從此就愛上左呢度菜今次二訪 店舖搬左落地下 方便左唔使上上層 但就無得堂食囉泰風SO嘅芒糯係「四色芒果糯米飯」有白糯米、黑糯米、班蘭味糯米、香芋味糯米四款糯米飯搓成波波球形狀幾可愛比起一般芒糯係算特色啲今次滿懷期待買一盒做甜品即買即有即食唔使等 似乎細盒左綠色班蘭味、紫色香芋味尚算軟熟香芋係好香但黑白糯米都煮唔透㗎啲米起哂骨救命 係好明顯啲米仲生椰汁亦比唔夠估唔到質素差左咁多葵廣有好多間泰國食店二樓有一間上次食過唔錯 真即叫即整 芒果又多啲所以小編不會再訪泰風SO了

四色芒果糯米飯 好色彩繽紛重點是每一款口感 味道都唔同🍚白糯口感煙韌 清淡的椰香味🖤黑糯比一般的硬 但幾有咬口💗粉紅糯沒有紅菜頭味 而且比較甜💚青糯是班蘭 煙韌中帶點清香 份量都幾多 但芒果唔甜 可能季節不對