泰風佳味海南雞

真的超級失望！琴晚去咗呢間所謂「香港foodie力推」嘅泰國菜，結果成個體驗係勁差。全部菜都係凍嘅，個炒豬頸肉應該要係熱嘅，但佢只係微溫。而佢個豬手唔係微溫咁簡單，而係完全凍透個種，係凍冰冰嘅！咬落去係淋嘅，但凍嘅就好難食；豬扒更加離譜，炸到好乾，好難咬！連最基本嘅白飯都難食到極點，又乾又硬到一舊舊咁，食落去就好似食緊隔夜飯咁：）更過分嘅係服務慢到想發火！我哋7:45落單同埋畀晒錢，但8:30先有嘢食。同埋佢哋唔按次序出單嘅，佢哋竟然出晒俾排我哋後面嘅單先，感覺我哋畀人當透明。之後問佢哋個店員（染藍色頭髮個位小姐）佢就求其hea答我哋：「得㗎啦，整緊㗎啦。」係咪應該要問一問入面同事大概仲有幾耐先得？唔係要你服務好好，但你哋咁樣差別對待好難唔會令我哋覺得你哋針對我哋。以後見到所謂「foodie推介」我都唔會再信，呢啲推廣根本收錢亂吹水。唔知係咪俾人推薦得多多人食咗水准下降定本身就唔係咁好食，但真係冇人推到咁好食：）總之食呢間野浪費時間金錢之餘仲勁掃興，琴晚嬲到而家都未平復到！…Read More

一直想去食好耐，之前黎過但又啱啱遇著休息，今次特登睇清楚開舖時間，出黎旺角食佢個海南雞飯。個飯好好味，香油飯粒粒分明但唔硬，無骨雞肉以走地雞咁有口感，配埋個靈魂醬汁，好好味。…Read More

上網見到呢個熟食中心平靚正，一早已經鎖定目標，衝住呢間鋪頭嚟試。嚟到見到好多人排隊，叫嘢食都要等一段時間。叫左個豬頸肉炒公仔麵同麻辣豬頸肉炒飯，再加份小食雞翼同豬頸肉，熱奶茶同一杯凍奶茶。豬頸肉炒公仔麵，好似係喺隱藏Menu，要識叫先有嘅。公仔麵炒得好香，但係因為我揀飲擇食，所以用咗一段時間撩走啲配菜。麻辣豬頸肉夠乾身，好惹味。好食到即刻WhatsApp細佬叫佢一定要試吓。已成為粉絲，間唔中就心郁想再食。呢刻打緊食評都想衝過去食。間鋪中間有落場時間，大家留意唔好摸門釘。…Read More

朋友介紹，話旺角熟食中心有檔海南雞飯店出名，已經好多年無去過熟食中心，所以決定今日去試吓。12:30pm左右到，檔口前已經有超過10人等飯/等外賣。店舖各式各樣嘅泰式食品都有，eg海南雞飯/青咖哩黃咖哩/豬手飯/湯麵炒麵..而今次第一次試，所以穩陣啲，揀咗佢個海南雞飯。雞飯$45，轉雞髀+$14，再加$1外賣盒。滿滿嘅雞，可能因為加咗錢嘅關係，個人認為雞嘅份量好足夠！雞煮到剛剛好熟，又香滑又有口感，唔似冷鮮雞。油飯亦好香濃，份量超多。而海南雞除咗雞重要，佢嘅泰式辣汁亦係一個點綴，令整個飯更出色！小總結💬$60一個高質嘅海南雞雞髀飯，物超所值！完全可以再encore！(滿分為🤤x5)好味指數: 🤤🤤🤤🤤抵食指數: 🤤🤤🤤🤤🤤回頭指數: 🤤🤤🤤🤤…Read More

今次去咗旺角熟食市場覓食😗有間主打泰式食物嘅平靚正餐廳平日6:00去到大排長龍▫️泰式豬頸肉撈檬 $54 豬頸肉份量好大方 賣相好靚邊邊位燒得好香脆 肉比較偏瘦 配埋個汁好清新 （就係平時食撈檬嘅汁）檬粉份量超多 仲有啲生菜同打拋葉抵食好味‼️▫️泰式無骨海南雞飯 $45 （連熱飲）海南雞份量正正常常 雞幾香幾滑配埋個自家製酸辣汁 好惹味油飯俾咗成座山咁高😂唔會太淋身都幾好味 呢個價錢真係超值🫶🏻熟食市場環境就一般般 不過勝在有冷氣兩個人去預咗要搭枱！不過呢個價錢完全冇嘢挑剔😆…Read More

平時我都差不多一星期幫襯1次，次次食海南雞飯或者薑蔥雞飯，薑蔥會好香嘅，雞又滑，好好味。但最近男的老闆唔喺度好耐啦，味道其實都唔係相差太遠，但今日唔知係咪換左廚房，還是賭馬輸左，嘩！咖喱好咸好咸，又好少牛腩，薯仔又得3至4舊。薑蔥無骨雞飯，雞的份量今日好少好少，而且雞好大雪味。黃色飯又好乾，無味。今日勁差囉。唔怪得平時一向都排長龍，今日無咩人。…Read More

經常食旺角熟食市場食野的我，今次是經朗豪坊商場天橋穿過去的，不怕日曬雨淋，去到剛剛是中午飯時段，這間泰式食店的人客絡繹不絕，所以等餐要20分鐘都要試下。旺角熟食市場雖然平民化d，要預左同人搭枱，但乾淨企理，有冷氣，有服務員會立即清枱。當然試佢的招牌泰式無骨海南雞飯，包熱飲才$45，雖然價錢平，但性價比高。他們弄的海南雞飯是剛剛好熟的，所以雞肉口感嫩滑，選配油飯，油飯是用雞油、黃姜粉及香料製成的，香味十足，再點特調的泰式醬汁，酸酸辣辣的口味道，最適合夏天品嘗。熱飲不用補錢，奶茶香滑濃郁，不過是港式奶茶，如能配上泰式奶茶，應該更加吸引。…Read More

這家街市熟食中心的泰國菜真的是太好吃了！🍜🥢 每次經過都會看到長長的隊伍，大家都在期待著那濃郁的泰式美味。這裡的菜式選擇超級多，從酸辣湯到綠咖哩，每一道都讓人垂涎欲滴！🌶️🍛而且，出餐速度非常快，根本不用等太久就能品嚐到熱騰騰的美食。無論是想吃經典的泰式炒河粉，還是清爽的檸檬魚，這裡都能滿足你的需求！🍤🍚價格也非常實惠，讓人吃得開心又不心疼。這裡的每一口都充滿了泰國的風味，讓你彷彿置身於熱帶國度。快來這裡和朋友一起享受美味的泰國菜吧！🥳✨…Read More

。而家先知原來朗豪坊對面係有熟食中心我覺得呢間泰國嘢嘅質素唔會差得過九龍城嘅泰國菜以佢50幾蚊嘅價錢絕對係抵到爛食咗幾次佢嘅炒嘢都好好食有鑊氣麻辣豬頸肉炒飯好食唔會太辣淨係有麻辣嘅香口辣味唔會蓋咗成個飯辣度大概係譚仔10-5小辣香口有蒜味但係佢麻辣隻味有少少似老乾媽炒飯配料方面有紫洋蔥保持到洋蔥嘅辛親爽口同埋佢豬頸肉都有好多粒燒過再切粒炒做到外脆內軟同埋炒飯嘅蛋有少少焦香咁好正有冇人明成個飯油亮油亮係我鍾意的東西佢個肉碎飯又係超正會配埋流心窿邊蛋嗰啲豆角粒爽口仲有埋檸檬葉好有正宗泰國肉碎飯嘅味道不過呢個真係再辣啲佢嘅辣椒都幾重手下但係我反而覺得麵食冇咁出色佢個炒金邊粉係重茄汁酸味但係略嫌太濕唔夠乾身同埋湯河佢係船麵湯底自己本身唔鍾意食蒜麵湯底覺得太鹹但加埋凍飲$3都只係50幾蚊嘅價錢嚟講我冇嘢可以挑剔好食好食性價比超高建議大家喺旺角唔知食咩可以去試吓同埋個熟食中心比想像中乾淨企理…Read More

今日中午，我嚟到朗豪坊旁邊嘅旺角熟食中心食午餐。呢度地方寬敞，冷氣充足，真係好舒服，非常適合避暑。我通常會選擇泰風或者隔離嘅車仔麵，但今日決定試下泰風嘅泰式海南雞檬粉。我叫咗食髀免斬，搭配船河湯底，再加一杯檸檬梳打水。等上來之後，湯底嘅香氣已經撲鼻而來，令我口水直流。雞肉滑嫩，配合湯底的清香，整體味道非常惹味，令人一口接一口。檸檬梳打水既解渴又清新，為這頓午餐增添了不少活力。此外，這個熟食中心的環境非常乾淨企理，桌椅擺放整齊，讓人用餐時感到舒適。冷氣都夠，靚過好多其他地方，唔會有悶熱嘅感覺。總體來講，今日的午餐體驗非常愉快，讓我下次再來光顧！…Read More

放工去到旺角想去搵泰國嘢食，跟住就上咗去街市，雖然出邊好熱，但係街市上邊個冷氣都好夠。兩個人去食，一人嗌咗一個嘢食，一個係火車頭炒飯，另一個係海南雞金邊粉。炒飯即時炒出嚟，啲飯好香，每一粒飯都炒到入晒味，每粒飯都分開唔會黐埋一齊。 炒飯入邊啲蕃茄好新鮮，好鮮甜。芥蘭都唔韌，好爽。金邊粉嘅湯味好濃，雞好鮮甜。金邊粉唔會發脹食到個人好滯，雞嘅份量都好足夠，一個大男人食都夠晒飽。老闆都好好人，會同食客介紹有邊樣嘢好食，同埋嗰日有啲乜嘢係新鮮嘅。…Read More

忙咗一整日，夜晚得自己一個人食飯，諗住簡簡單單買盒燒味飯就算，心諗雖然係食飯盒不如對自己好少少，於是就去旺角熟食市場，買好耐都冇食過嘅海南雞飯~可能由於係夜晚食飯時間，一上到去熟食市場已經係人山人海，喺度心大心細食啲咩嘅時候，由於太多人嘅關係，驚再諗要等好耐，於是即刻去買海南雞飯，行到去已經有幾個人係前面買緊外賣，等咗一陣就到我，本來諗住買盒海南雞飯就算，但係隔住塊玻璃望見啲串燒真係好吸引，於是二話不說即刻加多條司華力腸，買返屋企慢慢食。返到屋企一打開，條司華力腸仲係熱，加上佢嘅孜然粉真係好好食，好快食咗條司華力腸打開個海南雞飯，賣相經已唔錯，一食落去海南雞嘅肉質又滑又淋，加上佢個醬汁又好惹味，真係好好餸飯~…Read More

由以前黃店班襯到而家，自從熟食市場裝修之後環境衛生好咗加上以前喺旺角經常同朋友一起做gym健身完畢後都會嚟熟食市場購買海南雞飯我記得以前的海南雞飯雞肉嫩滑油飯香濃，令人10分上癮但係健身後通常都只可以選擇食白飯，這次巡迴熟食市場再次購買海南雞飯，感覺冇以前咁好食，因為啲雞肉鞋咗好多，以前的雞肉10分嫩滑，而家的雞肉很難咬，但係油依然很香，用優惠價加購的菜心，亦都10分新鮮爽口甜味泰式鳳爪酸辣味，十足一口鳳爪，加一口紫洋蔥非常惹味可惜份量太少，食完都唔係好夠喉馬拉盞泰式炒米粉配豬頸肉，意想不到10分好，有啲覺得呢一度由海南雞飯轉咗做炒嘢，，因為見到人哋啲炒嘢都好有鑊氣，豬頸肉份量多到食唔晒，亦都有好多配料如青椒紅椒雞蛋菜等等，10分滿足細食的朋友仔一碗可以分兩餐食。…Read More

放工出來旺角揾食，第一次上來綜合大樓就見到有不少美食及選擇。雖然場地不大，但可以選擇的廿菜式也相當之多，想了好幾回還是吃雞飯吧！這間的海南雞飯不算大碗故跟老闆說要了加飯，油飯可以的，不算太硬，海南雞的份量一般，但是雞肉挺滑身的可以再來Encore多幾碗的吧！唯一美中不足的是熱可可的味道有些奇怪，只喝了兩便完了！…Read More

泰風佳味海南雞呢間都好多人排隊😋落單都等左20分鐘先有得食睇住佢出堂食餐都整得幾靚 😋💛泰式炒金邊粉炒野好夠鑊氣，味道都好泰國食既咁😋入面都好多料，有魚片、豆卜、蛋💛麻辣豬頸肉炒飯麻香都幾香，入面都幾多豬頸肉粒，足料！食落都好香口！好味💛凍檸茶唔會太甜，都幾滿意價錢：$52⭐️⭐️⭐️評分：8/10⭐️⭐️⭐️#即日食即日打系列📍 泰風佳味海南雞 旺角上海街557號旺角綜合大樓2樓旺角熟食市場2號舖…Read More