泰迷你廚房

間唔中都係荃灣購物，今次一條冷，求其揾食。呢間第二次幫襯，上次食湯粉，不過不失嘅。今次，見隔離問，佢介紹海南雞飯，有2款，一款招牌，即正常，一款泰式燒海南雞，配黃薑飯，咁食個招牌，睇下要唔要拆佢招牌。（講笑）我真好彩，佢比左隻脾我，我隕離問嘢個都無佢嘅前菜係我最愛嘅酸菜。之後，就係黃薑飯真係有薑油味，但又唔太油。最後試，佢嘅海南雞，一來佢比個雞脾，剚令到我牙骹較左，算有雞味，滑嘅，食左我平時少食嘅雞皮，亦都滑，有啫喱得黎無乜肥膏，$45包一杯熱飲嘅價錢，我唸我一定會再黎幫襯。支持小店。唯一美中不足 都係呢個場問題，D位迫少少 同埋快餐店式，你食完，好即焠咪阻人做生意囉。…Read More

今晚原先打算去泰仔處買外賣，愛人看見有間名叫”泰迷你” 見個名頗有趣，反正都是吃飯，試試新店吧！整個商場都是店舖細細，此店名又幾貼題。愛人決定一試，何謂泰式車仔麵⋯⋯五餸麵$43~愛人點了墨魚丸、冬菇、肥牛、菜及雞絲，墨魚丸一開為二，質感頗腍，但反而冬菇又未夠腍，雞絲帶點點雪味，愛人覺得，這個車仔麵，港式比泰式情懷濃厚。三餸麵加冬陰公湯底$41~筆者選擇了豆卜、豬腸、雞絲:食店選用迷你豆卜，欠缺豆卜應有的豆味，豬腸不過不失，加$3選擇了冬陰公湯底，但仍吃到那雞絲點點雪味⋯⋯湯底唔夠杰身⋯⋯但值得一讚是，原先筆者打算點冬陰公淮山麵，店員建議同樣餸菜可以點餐較為划算。餐配兩款小食另加$28~豬頸肉配無骨鳳爪:鳳爪唔錯，但豬頸肉雖是熱騰騰的煮出來，味道方面沒有泰式風味，較為港式⋯⋯餐另加梳打$10~值得一讚，餐加$10 可有原裝泰國梳打水，愛人點了咸檸檬梳打。而筆者點了青檸梳打。未知是否新店還是店員新請，無論店員和㕑房感覺仍在磨合中，尤其店員，仍未懂得打電腦的收銀機，筆者想取回收據，最後見他們需時才弄到出來。但也感到誠意，相信他們會繼續努力，必有進步空間。…Read More

本身想黎呢個商場食餃子但7點等位人數實在太驚嚇，於是轉移陣地黎試下呢間泰菜。其實我成日黎呢邊啲商場見過好多次想試的了。餐廳位置不多，好窄，不過呢個商場既小店全部都係咁，所以我都將就將就，唔太介意。佢既全日套餐都好抵，全部都係40-50幾蚊左右連飲品。加15蚊仲有小食。另外就有啲單店食品如炒菜同湯就50-60蚊左右。我地兩人叫左兩個餐同兩款小食，份量剛剛好。呢碟已經包含兩款小食，豬頸肉同炸串串丸。豬頸肉份量都多，味道可以，但偏乾身。串串丸就有幾款丸，牛、墨魚，豬肉等，全部都炸過，口感唔錯，味道都幾好。呢款泰式海鮮炒金邊粉，即叫即炒，入面海鮮份量都唔少既，金邊粉份量剛好，口感都ok。可惜調味略嫌不足，只帶點淡淡酸味，不過相對清淡，唔會太油。另一款係香辣肉碎飯，但唔記得影相份量剛好，肉碎偏瘦但調味都ok, 都一樣係唔多油，係唔夠辣。…Read More

16-6-2019 (Sun)晏晝,老公買嘢返嚟做lunch,由佢自己發版,佢喺呢喥買咗個泰式臘腸炒飯,青檸梳打同海南雞(例牌),盛惠$97.00.睇見份量都正常,泰式臘腸口感有少少彈,但味道係甜嘅,菜莖略苦,炒飯味道清淡,覺得成個味道九唔搭八.味道:1分開頭飲青檸梳打都OK冇問題,點知越飲越苦澀.海南雞(例牌),跟嘅酸辣汁有啲辣,我就用蔥蓉算,俾咗雞胸同下髀,皮滑,雞肉唔算好滑但好彩又唔係好嚡.味道:4分…Read More

下雨被困，唯有揾食e肚，見到餃子排爆，試吓這家，兩個人叫咗個泰式車仔及招牌海南雞飯。車仔面雞亦及豬頸肉是即炸，味道可以，湯底味濃。海南雞不是去骨的，肉貲滑。不過舖頭幾細，服務ok，埋單86元，性價比高。…Read More

入去叫個車仔麵餐等左幾個字，一黎到翻一翻碗野，頂！有飛蟲！咪叫佢黎換過，唯有再等下囉，點知佢攞入廚房唔夠一分鐘就攞返一碗比我！根本就係只掉左隻野！早知整亂混合曬D餸同麵先，依家佢當新一碗都得啦！！以後都唔會再幫襯佢！…Read More

今天經過餃子屋，實在太多人，轉移到旁邊新開的泰國菜，價錢不是太貴，而且份量也頗足夠，不收+1 ，可以一試。叫咗馬拉盞炒通菜，幾入味，菜新鮮。豬髀飯都好林，無骨嘅，食得好方便。最驚喜係豬頸肉，外皮好香脆。座位方面，商場內的小店，當然不會太寬闊，我們坐在場邊的人為，也算不錯。服務態度值得讚。…Read More