So Thai So Good (Closed)

今日去青衣探朋友，順便係青衣城食餐飯。行左個圈揀左呢間泰贊，但成件事就真係唔太讚。可能平日關係，餐廳人客已經唔算多，但服務態度認真麻麻，甚至乎可以話比茶餐廳仲差，啲語氣好似係我地阻住佢地做野咁- 青木瓜沙律 & 炸雞Lunch Set跟呢2款小食，青木瓜沙律好咸好酸，而個炸雞就唔差，唔會太乾，但只係味道比較淡。- 蠔仔炒蛋上菜個賣相就唔多討好，而且味道都比較淡，食到一半侍應好似先醒起俾漏左個辣椒醬有左個醬成件事又真係好返少少，但都值得一讚係啲蠔仔冇怪味，但食到最後先發現好多油係個碟底到。- 泰式船河都係好淡味，完全冇個種牛骨嘅香味，只係一個有顏色嘅清湯。配料就冇乜特別，都係急凍野再烚熟佢。埋單個陣依然係冇乜禮貌，多謝都冇一句。埋完單送張Coupon都係直接擺係枱面就走左去🤷🏾‍♂️ …Read More

好耐無行青衣城就黎左行順便搵下野食啦，見環境ok又想食泰國野就揀呢間試，點知就中招。。。其中點了海南雞飯同椰汁大蝦海鮮焗飯。海南雞飯算正常，都算滑既，不過不失。椰汁大蝦海鮮飯，黎到賣相好似唔錯，之後就夾入邊既材料睇下同準備食之際，發現海產未熟透，不能吃下去，唯有叫職員再處理全部都要再烹調了，之後就全熟了。都有點了其他食物，不過因為這個不足令整頓飯都大打拆扣了。呢個經歷真係有點誇張，呢次晚餐並不愉快。而且呢個價錢吃這個質素是十分不值 👎…Read More

呢排工作太忙碌 收咗工都唔想煮飯喺OpenRice見到青衣城嘅依間泰國嘢 出咗外賣精選套餐 $39有飯有嘢飲好吸引喎即刻打電話去落order最後嗌咗個泰式滷水豬手飯 同埋黃咖喱牛腩飯 兩杯野飲 加埋$30就有馬拉盞通菜平時好少食豬手 男朋友話個豬手炆得好夠林滷水汁唔會太鹹味道幾好而且份量都好足夠 仲有半隻滷水蛋同埋菜跟一杯雪碧 $39來講真係超值我就試咗黃咖喱牛腩飯，咖喱甜甜地 椰奶味偏重 不過辣度就好少啦 鍾意食辣嘅人可能會失望 我呢啲唔食得辣嘅人就非常滿意入面牛腩都好大嚿另外仲有牛筋 薯仔同埋洋蔥 呢啲配菜都好足料 撈飯食好滿足至於馬拉盞通菜 對我黎講偏辣 不過食落都好爽甜 而份量相對$39飯餐嚟講就偏少喇總括而言埋單$108 呢個價錢同質素絕對係值回票價 特別推介黃咖喱牛腩飯 我下次都會再encore 同埋想試埋佢嘅泰式香葉肉碎飯 而且呢間餐廳嘅環境睇落都幾靚 氣氛幾好下次再去試埋堂食啦…Read More

係青衣城搵食，去So Thai so good 叫左個近期大熱既海南雞飯！雞油飯夠香，唔會太濕或太乾，雞係泰式海南雞，無骨個種，啲雞都夠嫩，唔會好肥，份量都夠。整個海南雞飯，比快餐店既好少少啦，起碼食到肉。最敗筆係碗冬瓜湯，真係唔得啦，好似倒左一樽胡椒粉落去咁，好大陣胡椒味，飲落又辣，又咸。…Read More

因為有會員卡，想用埋張優惠券，所以特登去青衣食呢間泰國嘢。去到見到有下午茶，揀咗一個海南雞飯，同埋一個泰式豬手飯，下午茶餐加$30可以要一碟通菜，另外用咗一張會員優惠券換咗一碟燒豬頸肉。全餐最貴就係呢一碟海南雞飯，啲雞真係好少，tea set 好似$60左右。反之，呢碟泰式豬手配飯，肉個份量就有雞嘅幾倍咁多，食極都食唔完。仲平啲，好似$50左右。加配呢碟飛天通菜，真係抵到不得了， $30 ，同散叫一樣咁大碟。免費嘅泰式豬頸肉，份量都唔少。兩個人下午茶食呢幾樣野，結果係點呢，就係要打包囉。俾返啲食評先，豬頸肉唔會太過肥淋淋，調味汁亦都好好味，只係炭燒味唔夠香。海南雞冇咩雞味，不過滑嘅，油飯好香。豬手雖然肥，但係食落去唔覺得好油膩，配埋飯係啱啱好。通菜比較接近左香港人嘅口味，冇辣度。總括而言都係改良咗成為香港版嘅泰菜。下午茶餐，性價比高。一個男經理，做嘢好快，講嘢冇尾音，好似好趕時間咁，其實佢只係忙。我欣賞佢呢類人，少少串串地，超級話頭醒尾，你講咗半句佢就知你想點嗰種。好可惜做服務業就好多時俾人覺得冇禮貌。如果行過路過，都應該會有下次。～報告完畢～…Read More

今日親人想食d開胃既，酸酸甜甜既野，所以外賣揀泰式菜。幾間可選擇既泰式餐廳裡，見到呢間有原個菠蘿海鮮炒飯，應該幾開胃，於是揀左。再加個辣既馬拉盞炒通菜～細食既兩個人食應該夠。OK落單～好快外賣就到～打開銀色錫紙，出現半個菠蘿同埋在內既海鮮炒飯。賣相好好，海鮮亦工整地排在炒飯上。除左菠蘿，仲加左提子乾，增加酸酸甜甜既味道，非常易入口。馬拉盞炒通菜唔會好辣，我食左唔少通菜。又係美味既一餐～下次有機會可以再試呢間其他菜式～…Read More

之前在尖沙咀食過尼間，尖沙咀嘅服務及食物都OK，可惜尼間嘅質素相差甚遠:(服務同茶餐廳差唔多！比較粗聲粗氣，唔似尼個集團嘅風格！有啲失望Weekend lunch special ~泰式鮮蝦炒金邊粉（$62）~賣相同相片相差甚遠個金邊粉唔似炒過:(蝦同圖都係完全唔同Weekend lunch special ~泰式鹵水豬手飯（$60）～份量OK，味道都算唔錯！…Read More

又係一個中午嘅好選擇(◐‿◑) 一間泰國餐廳 通常見到多人喺餐廳入面食我就會外賣拎走其實都幫襯左好多次㗎啦 疫情期間佢哋都做咗好多優惠 儲夠指定印仔就可以免費送一個指定午餐^ω^所以都吸引咗我去買 呢一個”海鮮冬蔭功炒金邊粉” 價錢$60 一打開 估唔到 會有咁多海鮮🦞係面到ಥ_ಥ 都有三隻蝦 兩舊青口 同埋幾舊魷魚 仲諗住呢個價錢會好少材料 啲金邊粉會有啲辣 可能因為冬陰功嘅關係(≧∇≦)不過辣辣地仲好味 唔會太乾身都唔會太濕 好有彈性 金邊粉軟硬適中（＾∇＾）份量都算好多架 最特別嘅係有冬蔭功湯味 酸酸辣辣特別開胃😋😋😋呢個價錢仲會包一杯嘢飲㗎 希望遲啲仲有得食呢個餐啦🥺 Lunch time都幾多人排隊 ~~如果唔想企喺度等位外賣就最啱啦🤩✌🏻✌🏻😽…Read More

經過很多次都被藍綠色裝潢吸引，今日終於跟老公一起光顧了！服務生帶位後，竟然只給一份菜單讓我們分著看我認為幾位客人來店，就應該給幾份菜單，這是基本禮貌吧！餐具包裝精緻，沒想到打開是免洗餐具，不響應環保，又不美觀且難用。鮮蝦炒粉絲（口味清淡，味道一般）泰式醬汁雞煲飯（雞肉外皮酥脆好吃，但雞肉口感又乾又柴）脆炸蝦餅班戟（最滿意的一道料理，搭配上臘腸片，別有風味）泰式燒烤拼盤（除了小八爪魚味道像沒烤熟以外，其他都好吃）:(總而言之，味道很一般，CP值不高，是吃環境舒服的，不會推薦。…Read More

之前食過大埔果間唔錯，今日係呢間餐廳食晚餐，點了一道廚師推薦的xx雞排煲仔飯，餐牌幅圖明明有好多汁好似福建炒飯咁，點知上到黎係得兩三條菜心加塊雞扒(如圖，攞起左菜心)同埋“醬油汁”好少既飯，仲要煲仔飯唔夠熱無飯焦!!! 幾十蚊一碟飛天通菜味道就同普通係屋企抄碟蒜頭通菜味道差不多。最後為了不浪費，唯有食曬個雞排(白)飯，將就當一餐。同一集團，無理由質素差甘多。我一向好重視性價比既，除非你質素好高擺盤好靚，否則你分量嚴重不足，仲要收幾十蚊再加一，實在令人難以接受。…Read More

黎到青衣呢頭搵野食，咁岩想食泰國野，行過見到啲圖片幾吸引，又好多人外賣，諗住佢質素應該唔錯，不假思索就入座，佢午市既餐，連飲杯熱飲都要加 $10 既，如果叫杯凍既泰式奶茶仲要正價咁收費，咁樣收費其實都算啦，明碼實價唔講得。但係佢食物同飲品既質素都真係幾差下。泰式炒金邊粉係我好鍾意食既泰菜之一，但呢間既質素係我有生以來最差既一間，佢上菜慢到爆都算，因為見佢外賣多單，到佢上菜既時候，啲金邊粉淡色到白色，蝦既質素唔錯，無蝦腸，而且都幾爽口，有啲櫻花蝦，帶少少咸味，吊返起啲味，不過整體係好淡味，我罕有地食剩一半，因為平日我好少食剩野，唔想浪費食物，但呢個真係食到個人無乜心機再食落去。凍泰式奶茶又甜到令人唔想飲，成餐飯我都食到個人唔太開心。價錢唔係特別平，質素唔太好，真心覺得 so thai so not good！…Read More

泰國酸辣鳳爪配菜夠多，有蕃茄仔、生洋蔥、芹菜、蔥同紅蘿蔔絲。配埋醬汁，食落酸酸甜甜好開胃。鳳爪份量好多，食到d軟骨好有口感。海南雞雞件夠大夠新鮮、肉夠滑，點埋酸汁更滋味。泰式鹵水豬手好入味。肥膏同肉嘅比例啱啱好。重有配菜鹵水蛋同埋菜心。…Read More

疫情關係是日晚餐選擇在外賣速遞平台下單。之前未試過So Thai So Good今日就決定試一試泰式蒜茸牛油雞翼（$65）冇乜蒜茸同牛油味，不過味道都可以嘅，偏乾咗小小。泰式濕抄河配豬頸肉（$75）首先，質素方面有大大嘅進步空間河粉黏在一起（雖是外賣我地收到都馬上開餐，但可能都不及堂食咁新鮮滾熱辣掛）不過部份粉條之間都是白色的:(其次，份量方面同樣有待改善其實我唔係要求滿到瀉但起碼要夠飽肚先。泰式蝦醬炒飯伴大蝦（$95）呢個除咗個飯字之外...冇嘢係岩嘅最後收到嘅應該係菠蘿炒飯配燒雞個炒飯有菠蘿 提子乾 青豆...完全冇蝦醬:(至於隻蝦..都唔洗多講了95蚊問心真係唔係好抵分享完就算都有諗過即刻打番去講但因為用外賣速遞平台嘅關係覺得應該好麻煩食物嘅質素及份量都未如理想所以..結論只係唔會再光顧。…Read More

好久沒食泰式料理，想念起酸酸辣辣的味道。今天經過這家名字很可愛的So THAI So Good。發現下午茶還滿划算的，就來試下囉。脆炸雞排煲仔飯發現好多人點我們也來試試吃起來～恩～港式的煲仔飯！雞肉有一點硬但還行，飯份量超多吃完很飽。泰式鮮蝦炒金邊粉另外一道點的是金邊粉。他的金邊粉吃起來比較沒有泰式的風味，口感上蛋跟金邊粉沒有很搭，味道普通略為失望整體而言，食物份量滿大的，味道沒有很道地，也沒有特別出色。…Read More

服務差劣，落單粗聲粗氣，冇禮貌，食物唔掂，份量少，唔好食，尤其那個海南鷄飯，好似兒童餐咁細，鷄冇鷄味......所謂嘅優惠簡直係考人計數，咁複雜不如唔好比，總之食到一肚氣。…Read More