Thai Yummy (Closed)

公司附近唔多野食唯有出車黎食，附近無乜車位，下午有餐叫包飲品好抵食，海南雞飯雞滑好味，  蝦醬炒飯唔夠香， 濕炒雞絲河勁多汁，闊河粉好味，椰汁雞湯粉好鬼椰～～飲品就求其左啲，店面有點細不過算坐得舒服，溫馨提示：下午要俾現金架…Read More

冬蔭公湯有驚喜，泰式生蝦好有份量，而且肉質鮮甜。泰式抄肉碎佐飯一流。另外咖哩抄蟹亦保持水準（時價$238-$298）。三人晚膳合共$608，雖然不是十分便宜，但食物水準很高，會再來的…Read More

幫朋友搬完屋,在屯門藍地小巷周圍行下,感覺有點像去了離島,一條彎曲的小路,路旁佈滿小店,有花店,西餐廰,菜檔…琳琅满目.....走了一個圈我地被一間泰國餐廰門面吸引住,不是太靚,吸引之處就是终於有間餐廰可以坐門口吸煙啦…坐低隨便點了個4人餐,味道竟然有驚喜,由其冬蔭功湯冬蔭功很出色,味道恰到好處,很鮮味,不太酸也不會過甜,其他食物不錯,除了炒飯有點失色,太淡味…Read More

話說我倆十分喜歡到屯門藍地鋸扒，打算walk in，誰不知真的巳滿座，所以就改去附近的泰國餐廳【 泰美味 Thai Yummy】。(PS: 屯門藍地大街其實有不少好吃的餐廳喔!)Name: 泰美味 Thai YummyAddress: 屯門藍地大街1號地下看了一會兒餐牌就想好了要吃什麼。【咖哩蟹肉】HK$138蟹肉巳跟咖哩溶為一體了，十分香濃的咖哩味，而且咖哩汁是甜甜的，好好吃!如果對蟹肉要求高的話，可以點咖哩蟹(時價，這次我問了是HK$268)。 吃咖哩又怎可以少得【牛油烤餅】(HK$32)呢!!烤餅一到，我倆即手持烤餅，沾上咖哩蟹肉一口一口的吃。再可以點餐時+$35要麵包，用來點咖哩。吃泰國菜又怎可以不點【生菜包】，因為我不吃辣，所以點了小辣，再跟侍應強調小小小小辣即可。上菜時，很香的豬肉味，個人覺得有點生肉味，又有點烤豬味，很複雜的香味。豬肉粒較大粒，味道很好，而且不辣喔! 太好了~最後，還有我最喜歡的【泰式金邊粉】(HK$52)。份量算多，材料也不少，都有5隻蝦，蛋亦不少。入口濃濃的茄汁味，跟我在泰國吃的一樣!最後，還點了杯青檸梳打及芒果沙冰 :)…Read More

爸爸朋友介紹藍地有間泰國菜，今日一家人去食晚餐～入到去睇menu, 睇到滿心歡喜，食物款式相當多。我地5個叫左7-8樣野，結果食完大家都覺得唔好食，無下次:(:(「秘制冬蔭功湯  $55細」 ，個湯味道偏酸，不辣，溫度不夠熱，而眼見材料落足，但南薑，香茅，紅辣椒味全部唔出。「豬頸肉沙津 $58」豬頸肉一般食落油份重，口感會爽口的，但呢到個豬頸肉肉質似普通豬肉，很乾身很硬。「菠蘿炒飯 $68 」，呢個炒飯味道尚可。「香葉肉碎炒金邊粉$52 」，呢個炒金邊粉食落無味的。「炸蝦餅 $58」 麵包䊯面很厚，炸得好油，蝦肉餡料部分佔不多。「無骨酸辣鳳爪 $58」無錯是無骨鳳爪黎，但味道上又是無味的，而且鳳爪份量比一般少。香辣炒軟殼蟹 $138 配料很多而且很咸,蟹件也很少。泰式燒牛肉 $72 牛肉又乾又無味。近期，最差的一個泰菜，食物醃料及調味也不好，仍有很大進步空間，服務方面態度不積極，亦有待改善。…Read More

爸爸生日，由於爸媽都不願走得太遠，加上之前到泰美味吃過好幾次午餐，便預訂了爸爸生日正日的這個晚上來嘗嘗它的晚餐。（由於港嬸住在屯門，且就在餐廳的不遠處，故步行約15分鐘即可到達；但對其他人來就，這位置可說是頗吊腳）由於一早訂好了位置，所以約等了5分鐘便可入座，餐廳共有兩層，樓下裝修較「正規」且有泰國風味，上層則較像私房菜。爸爸生日快樂！因為在網上預訂，咖哩炒蟹可享半價優惠～這道半價後才$164元正，咖哩汁香濃不辣，蟹肉鮮甜，份量也正好有一大隻肉蟹之多；只是用汁來送飯吃也非常開胃！香辣田螺煲是餐廳精選，份量不少，而且每隻田螺也大大隻，爽口彈牙，吸收香辣汁後真的滋味無窮。蠔仔煎蛋，之前港嬸和男人已經作先頭部隊試過一次，蠔仔比上次的小了，但份量還是很多，以鐵板奉上，故可一直保持熱度和香脆，略嫌墊底的芽菜生了點。泰式炒金邊粉，酸甜開胃，不錯。蝦醬炒飯，鹹香惹味。燒鱔，是餐牌上沒有的廚師推介，鱔非常肥美，燒後甘香美味，只可惜價錢太貴份量太少，如沒記錯這一小碟已索價$138（約1/3條鱔），不過知道現在街市都要百多元一斤，而且父母吃得開懷也就說得過去。椰青是爸媽喜愛的，清甜好喝。芒果沙冰沒有食甜，而且有淡淡芒果幽香，好喝！加上沒有拍照的白飯、蒜蓉包、汽水等，六人一共$820，不算很便宜，但只要家人吃得開心，無價！…Read More

尋晚去左藍地大街, 見到一間泰國餐廳, 細細間, 環境唔錯, 車可泊餐廳出面, 於是入去試試, 我地兩個人叫左兩個晚餐, 有湯, 小菜2款, 白飯2碗, 飲品, 價錢$60 per set (加一)小菜一: 泰式香葉炒肉碎- 好香, 好味, 仲好食過好多九龍城好多出名的泰國餐廳, 雖然係set, 但份量都好大小菜二: 咖哩炒海鮮- 好大碟, 有驚喜, 好正, 必食!!!! 有青口, 蜆, 蝦, 蟹柳, 魷魚, 仲有好多配料......, 個咖哩汁炒得好好,  好濃飲品:  凍飲加$3, 特飲加$8埋單共$145, 咁嘅價錢有咁嘅食物真係好抵,  一定會再去!!…Read More

今次同好朋友食生日飯..本身根本就無打算寫(因朋友個個都唔會相機食先..我費事阻住..)所以就無影相..一直都覺得無相既食評係唔太好..但..食完呢餐..再上黎見到竟然有4個笑臉..我就真係忍唔住要寫..當日我地book左6點..可算係最早一批晚飯客人..生蝦..表現正正常常不過不失啦..柚子沙律我地一致都覺得好味..柚子鮮甜..當中配合酸甜帶點辣既醬汁..令人相當開胃..不過..隨後的食物就真的不知發生什麼事~泰式拼盤..坦白說..所有肉類都是鞋的..串燒又好..香茅雞又好..全都是凍和鞋的..蝦餅都是凍的..當時只不過是六點多?應該是第一批客人..應該沒理由說所有食物都是一早整定吧???蒜 蓉包一上檯見到法包上的蒜蓉牛油仍是奶黃色..完全未融入法包的..一吃..是又凍又'un'..無焗過一樣..蒜蓉牛油好像是搽了上去就算.. 完全沒烘過的跡象..我們出聲問侍應..他還說一向都是這樣??不過如我們要求再焗過都可以..當然我們要求再焗啦..隨後看見鄰檯的..根本就不是這 樣..人家的是帶金黃啡的..我們那些應該是一開始在焗爐未有預熱的情況下'求其'照焗得來的結果..連牛油都未溶就給我們..你蝦我未用過焗爐嗎??? 爐溫夠的話..即使兩分鐘牛油都已融入法包啦..之後再上檯的蒜蓉包就正常了..起碼蒜蓉牛油已不能清楚看見..因已融入多士中..冬蔭公(大)從來冬蔭公只會不夠飲..從未試過可以剩下一大碗大家都不願再飲的..第一啖還可..第二啖已不能再喝..超咸..本來我已打算放棄不喝就算..我認為..湯應該是一大煲的..出事的話..應該是整煲都一樣..再換都應該是咸..而且我'小人之心'的認為..向食肆要求更換..從來都是自找危險的朋友堅持和侍應生說'很咸'..結果他們很有誠意地幫我們更換..喝得出再拿出來的是多了份椰奶味的..不過仍然是很咸呢..真的喝不下..吃到這裡..真的有猶豫..應否再叫其他食物?但真的未飽..結果我們再叫一個泰式炒貴刁..心想正路泰式食物..應該不會再出事吧..結果..來到的是帶點紅色的貴刁..一向在其他地方吃到的都是啡色呀..吃進口感覺太像西炒飯的味道..即茄汁炒..>~<茄汁炒的泰式貴刁..真是第一次吃..不難吃的..不過有點新奇而矣..um..坦白說..我看見同場是坐滿客的..但明顯是因為周圍沒太多食肆選擇..所以才會這麼多人..我和朋友們一致都認為這裡的食物質素真的不及格呢..雖然口味很主觀..不過一起在街吃這麼多次飯..從未試過大家都覺得不好吃呢~希望'泰好味'會好好改進一下食物質素吧..絕不能靠因周圍沒選擇..仍有生意就而求其了事的..當然..這夜我們要再吃下場啦..…Read More

Happy Friday 同舊同學聚一聚,0係FB見到好多LIKED,所以BOOK位試下先.我地BOOK左6位,坐左戶外,感覺好舒服,因為天氣又涼涼地~!!我地開頭叫左一碟生蝦刺身,食落好彈牙,好味道!!之後即刻叫多一碟.串燒就OK啦~同九龍城果D差唔多.咖哩牛腩好想試,因為黃咖哩配薄餅好鬼正,但穩陣起見點左個咖哩炒蟹,個汁真係正!!蟹又新鮮,必食推介.仲有原個菠羅炒飯,菠羅好甜,賣相一流.反而炒金邊粉就個樣靘靓,食落就無咁驚喜.小食:炸蝦餅好好味,好彈,好彈.燒豬頸肉就好香口.其實整體食物都有80分以上.服務態度都唔錯,我地坐戶外,不停有暖水供應,因為怕我地凍親喎~~so warm~!!下次朋友生日都會再去食過.:):):)…Read More

朋友介紹話食過好味所以今日3個人去試下，預早訂咗位去到無須等候，環境唔錯，見天氣無咁熱又有把大風扇座outdoor枱都幾舒服，一入門口待應都幾熱情款待即刻安排入座比水我哋，服務態度幾好，打開menu見價錢都唔算貴，食物質數都唔錯，一定會再試！咖喱牛腩：唔太辣好香咖喱味，牛腩好腍好味炒金邊粉賣相同味道ok!生蝦刺身抵食炒菜一般啦，如果乾身返啲會好味啲蒜蓉包好香脆，送咖喱絶配呢個香辣蟹真係相當有驚喜，見到menu圖文並茂寫住招牌菜式，但係幅相係怖滿辣椒，本身都唔敢試，落單時待應都有推介，我話見到咁多辣椒唔敢試，佢話唔係好辣架咋，好！咁就叫個小辣試下，一食落口我以為去咗灣仔食橋底辣蟹，好好味，未試過食泰菜有呢款餸食，下次再去要挑戰下個中辣先！ 生菜包夠乾身唔會水汪汪都好味！…Read More

我是揸車才經過這間泰國菜，因為我係被門口吸引才入去試試。我和先生2個人去，車子可泊餐廳停車場及街邊。入到去試了咖喱蚧，生蝦，蝦餅，紅咖哩雞，蝦醬通菜。賣相都ok，味道方面咖哩蚧，生蝦同蝦餅都好好味！咖哩蚧個汁炒得好好，再加上薄餅點黎食一流。蝦餅味道同外邊好吾同，好有蝦味吾識形容~生蝦新鮮！不過，今次無影到相。可惜！下次會再去到時再俾大家睇下~~…Read More

朋友介紹所以遠道而來一試 , 打開餐版發現價錢十分大眾化圖文並茂都幾吸引 , 點菜時員工服務態度好好 , 有問必答 , 上菜亦很快:) .....食物質素也很好 , 份量十足 , 雞很滑一定要試 !! 生菜包越食越辣相當吸引 , 青咖喱牛肉配薄餅:):):)....個薄餅十分正 , 整體黎講咁嘅價錢有咁嘅食物真係超值...值得翻轉頭再幫襯 !!…Read More