Thai Palace Restaurant (Moved)

今日要帶啲小朋友去九龍城玩，本身食開嗰間泰式餐廳只開夜晚，咁唯有搵其他食晏晝啦，今次就交咗比佢哋選擇。餐廳有午市提供，但係其實都唔係見到好多人係入邊食嘢，都有一點伏味。午餐有＄39至＄53都有選擇，跟餐每包一杯飲品，如果想嗌特色飲品就加錢，因為想比佢哋試吓泰式食物，所以都盡量係泰國最出名嘅嘢俾佢哋試。海南雞飯＄43，跟餐仲送咗碗湯，但都係味精湯，試咗一啖就冇飲到，雞肉都幾滑，但雞味欠奉，旁邊嘅油飯，份量就幾足夠，但係冇乜味道，好彩有旁邊嘅醬汁，撈埋飯食先至夠味豬手飯＄53，同之前喺泰國食到嘅完全唔一樣，個汁淡到不得了，豬手質感都還可以，但係唔值呢個價錢。…Read More

食泰國菜到九龍城是常識吧？云云近百間當中，隱藏了不少高手這一間都算係滄海遺珠被整路工程地盤擋在外頭，常常搭車經過但又好少會行過經朋友力推，先知自己一直走寶了！要搵好野食，要落足眼力，咪行過牆上貼滿推介圖片內在格局是家庭Feel雖然係泰菜，但我地都常食得清淡健康點，所以點的都比較家常[海南雞] (半隻)兩口子食飯只點了半隻，點知都好足料！食到肚皮撐開先食得曬此海南雞的水準比起什麼海南雞專門店更好！首先大大隻，雞脾啖啖肉，仲有皮是黃油色又有彈性，而且肉質保持結實雞脾啖啖肉，結實得黎都好嫩滑其實單食已經好有雞的鮮味，但係點埋小店的秘製醬汁，味道就更加有層次醬汁香口刺激而不辣，味道平衡得宜[蛋包鮮蝦金邊粉]金邊粉就食得多，蛋包住的真係第一次！有大大隻鮮蝦在上面賣相好可愛，但原來打開入面有勁多粉！蛋包除了香口一點外另一個好處就係保持入面的炒粉的溫度其他小炒都幾夠鑊氣好味的椰青真係可遇不可求我地兩個人兩個椰青，兩個都好清甜相信係老闆的眼光夠好，入貨有水準原來仲有張小圓台，幾岩三五知己聚餐…Read More

九龍城大部分泰菜都係晚市先開，而呢間就全日都開😄 有午餐，大都係60元內包野飲，今口嗌左菠蘿炒飯，雖然無個菠蘿殻墊底，但味道一啲都唔差，仲好足料咖，除左有菠蘿之外，仲有雞肉同蠟腸，十分惹味😋😋😋生蝦係食泰菜必吃既🙈🙈連埋蒜片點埋泰色酸辣醬，正👍🏻👍🏻👍🏻另外仲叫左燒鰂魚，鰂魚大大條，又唔多骨，用鹽燒到剛剛好，唔會太咸，魚肉又滑一滑，絕對要encore!!!!最後，就緊係睇埋價錢啦，絕對抵食👍🏻👍🏻…Read More

👧🏻 燒鰂魚$132好味指數⭐️⭐️⭐️⭐️⭐️/5👧🏻 尼款鹽燒鰂魚食法系有講究嘅😂1） 先由魚肚切開魚皮，如果魚頭系你12:00方向，以U型切開🍴2) 以逆時針方向，將魚皮揭開。haha 睇到魚汁流咁出黎👏🏻3）直接夾起d魚肉，再點魚皮嘅鹽黎食會食到魚鮮味, 相比起就咁食魚肉會重味d😍而唔點泰式醬汁系因爲酸味濃,蓋過魚嘅鮮味,所以點鹽食 真系好正😉P.S 上菜速度真系好快, 醫肚餓👍🏻👍🏻泰皇閣-袖子沙律$70好味指數⭐️⭐️⭐️/5泰式酸味味嘅沙律第一次食😂 好新奇而且有小小辣, 不過食完又系覺得開胃🌱補充：D staff 系幾nice👍🏻椰青必叫*椰肉好容易整開 好正！出小小力就食到 又唔需要驚d椰水整到個身都有☺️…Read More

專程去九龍城食泰國菜  叫左3樣－ 咖哩炒蜆 冬陰功 蛋包金邊粉咖哩炒蜆令人有驚喜幾大隻 而且咖哩香得黎唔辣冬陰功也不錯 只係有D辣價錢合理炒邊粉賣相吸引 味道可以值得一試!…Read More

泰皇閣是我必去九龍城捧場之一泰菜,店舖設計是地道泰風情小店,坐位就比較迫,但我來過好幾次捧埸推介👉🏻生蝦大隻又厚肉虎🍤好爽口,不似某些泰菜店舖啲🍤又薄又細隻,而海南雞🐔也是我必食之一,嫩滑而有雞味,哩間小店食滿$300,現金找數,仲會送明爐🐟卷一條,條魚講真不過不失,尚可接受,其他菜式蝦餅魚餅也做得不錯它的咖哩🦀蟹肉新鮮實淨,咖哩味道適中亦用了蛋埋獻汁,送🍞一流整體來講值得一試👍…Read More

今日放工好想食泰國菜，好自然就諗起九龍城啲泰國餐廳，而呢間泰皇閣就位於富豪東方酒店的隔離的轉角位，非常易搵。夜晚唔使排隊，入面間隔裝修都乾淨明亮。首先上檯係椰青，鮮甜肉滑，非常解渴泰式乾炒海鮮河，河粉炒得爽口乾身，芥蘭清脆，有魷魚同蝦，蠔明爐青檸蒸烏頭，一上檯魚已經係熟的，再淋啲湯落去煮幾分鐘，食落魚肉鮮甜嫩滑，加上冬蔭功味湯底同清檸的香味，辣辣地，非常惹味，兩個人好快就食晒半打串燒，牛雞豬各兩串，加上沙嗲醬好香口，肉都燒得好滑。埋單最後連加一$308, 價錢抵。依家仲可以食物叫满$300就送一條明爐清蒸烏頭，好優惠。…Read More

店內貼滿晒唔同菜式嘅相,一路睇Menu一路睇相揀心目中想食嘅泰菜。見到依張古法秘製鰂魚沙律嘅相嘅時候就覺得好吸引,估唔到上到枱見到好大碟賣相仲更吸引。依個絕對係一碟好考廚師功力嘅沙律,因為要成條魚起晒肉再拎去炸。炸魚食起黎超方便又香脆,而且又啖啖肉再配埋酸酸甜甜帶有少少辣嘅沙律同醬汁,超開胃而且送飯亦一流。我見有幾枱客人都叫左依碟檸檬燒牛肉,老闆亦推介話係招牌菜,我就一於試下。燒到粉嫩紅色嘅牛肉燒得啱啱好,好嫩好juicy。配埋以大量蒜蓉,辣椒同檸檬汁所調製而成嘅醬汁,酸酸辣辣好惹味。馬拉盞炒椰菜苗係男朋友每次見到Menu上有就一定會叫嘅菜式之一。微辣嘅馬拉盞令椰菜苗顯得更香口惹味。…Read More

好耐無食泰國嘢，諗起九龍城有好多選擇，又聽過同事話泰皇閣幾好味，於是就約咗朋友去開餐。馬拉盞炒椰菜苗 - 椰菜苗好爽脆，配馬拉盞好夾，超有穫氣，仲食到粒粒蝦米，好香，正! 泰式乾炒豬肉河 - 啲河粉好得意，唔係平時食到嘅條狀，切到正方形咁樣，好大片，炒得好乾身，食到碟底都無咩油，甜甜哋，又煙煙韌韌，配埋豬肉同爽脆蔬菜，好味。黃咖哩雞 - 好重椰汁，無咩辣味，啱晒怕辣但又想食咖哩嘅朋友，食落香口又惹味，裡面有雞肉、薯仔、蕃茄仔、青椒及洋蔥，加入蔬菜令咖哩更清爽。燒鰂魚 - 雖然鰂魚只係用鹽燒，好簡單，但就可以最直接食到魚嘅原味同鮮味，魚肚加入香茅一齊燒，不但可以辟腥，仲為魚肉帶嚟清新嘅香味，老細教我哋魚肉就咁點魚皮嘅鹽食，果然食到魚鮮味; 另外，點埋個泰式醬汁，酸酸哋，好惹味。2種唔同食法，各有風味，好特別呀! 呢餐埋單每人都係百幾蚊，同事果然好介紹。…Read More

九龍城食飯，泰國菜是首選吧！既然約得泰國菜，朋友又無咩心水，就帶佢去我食開果間泰皇閣試下啦餐廳環境不算寬敞，但幸好老闆總是安排四人座位比我，兩個人坐仍算舒服，而且餐廳仲有免費wifi提供，對我呢d成日爆data既人黎講，算是十分貼心既小服務。咸魚炒芥蘭芥蘭有揀過，食落爽脆，沒有菜渣。而且落咸魚時好明顯沒有在客氣，咸魚味十分夠，配飯一流燒豬頸肉豬頸肉表層燒得焦香，咬落時透著焦香味。而豬頸肉肉質軟淋，外脆內軟，十分過癮拼盤蝦餅爽口彈牙，咬落有蝦既鮮甜味魚餅充滿香茅既香味呢個係咩我研究唔到😂但食落感覺似炸燒賣，都幾好味，搭泰式辣醬意外既夾!春卷炸到脆卜卜，用料十足配埋杯咸檸7，大滿足…Read More

今天放工約咗朋友食飯，見今天太熱了，所以我們選擇食泰國菜，講到食泰國菜梗係去九龍城，我今次選擇這間［泰皇閣］，除了價錢相宜，而食物款式選擇亦很多！這個黃色招牌非常搶眼，位於啟德道轉角位。餐廳仲有此優惠，凡惠顧滿＄300即送《明爐青檸蒸烏頭魚》牆壁上掛滿各款菜式相片及價錢，方便客人點菜。天氣咁熱梗係叫返兩杯嘢飲解解渴，青檸梳打/芒果沙冰👍🏻一入門口就見到，店員bbq各種串燒及海鮮所以今天我都order咗鹽燒大頭蝦，蝦肉非常新鮮彈牙，蝦頭亦多膏👍🏻😋冬陰公湯，酸辣到適中，配料亦相當多，喝落非常醒胃紅咖喱牛肉，牛肉肉質嫩滑，再配上蒜蓉包融入紅咖哩汁，簡直是夢幻組合…Read More

今晚約左朋友去九龍城食泰菜，由朋友帶路去佢食開既「泰皇閣」。老實說這店位置並非泰菜集中既熱門街道，如果唔係朋友帶路真係未必識黎食！但食完後覺得絕對值得過黎一試店舖1800開始晚市，我地係晚市第一枱客，天還未黑就晚餐了😎😎價錢平實、款式都好多、平時會食既呢道都有！最緊要係有我至愛既串燒咸檸七$25杯，夠咸味、桔仔亦夠味！好解渴菠蘿海鮮炒飯$78望落個菠蘿好似唔大，但內裏非常足料，飯亦塞得好實，可分足三碗！用料足除左飯多，料都好多（有蝦、魷魚、肉鬆、腰果、青口、菠蘿等），菠蘿好鮮甜蒜蓉包$25脆夠蒜味串燒半打$75好欣賞呢個串燒，堅好，一定要試即叫即燒唔係翻燒，唔乾、超juicy豬牛雞都好但如果要排位，第1位係雞，超滑，好第二位係牛，牛肉唔乾唔會硬，但又唔會醃到淋曬無咬口第三位係豬，偏淋身但都唔會鞋拼盤$118全部新鮮即炸，好香口又脆口，炸粉唔會過多，新鮮魚肉鮮製，彈牙唔腥，淡淡香茅味平實既價錢，專業既質素…Read More

之前我黎D野食都幾好都可以，最重要佢地唔會吹我地走，但到一大班黎食D間真係好有問題喇，多人的話去第二間把啦。事原我地四個人黎九龍城食泰國野啦，叫左【生蝦刺身】【秘制泰式豬手煲】【蛋包鮮蝦金邊粉】【檸檬燒牛肉】【馬拉盞炒通菜】【串燒三併】【燒烏頭】【芒果糯米飯】等，初頭岩岩坐低都冇咩事，叫住D野食先，我地唔係一次過叫哂，張枱又唔係大費事叫咁多住，分開左叫，食到中後段，我唔知果個落單既人係老闆定員工，佢開始成日係我地附近行來行去又有發出"嬋嬋聲"，間唔中又問我地碟野食完未，但其實我地都未食完，之後又問我地D野黎哂未，根本未黎齊，見佢個動作想叫我地食完快D走咁，仲要係一路行出去一路大大聲同出面既客講話未得未有位上樓上啦，同我地講話出面有人等緊。一諗就把幾火，我地唔係黎食快餐店呀，點解唔可以坐係到慢慢食呢，我地係食到一大半，但我地都仲有野未黎齊同都未飽，就好想吹我地走咁。各位一大班黎唔好喇會吹人走架。埋單都要成七百幾八百蚊，最慘我地叫果D野唔算好突出，個馬拉盞炒通菜都叫惹味，但【生蝦】果日可能唔新鮮唔爽口，其他就普通啦，真係比佢地搞到忟忟地，之後我自己一個都唔想黎。…Read More

今晚無拿拿落左九龍城呃飯食 新朋友一早已坐下這間『泰』小店等候我們。小店招牌雖大但舖面比較不起眼，唔留意既話行過左都唔知 話明小店裡面空間唔大，大約容納30人左右。不過好似有上層的。 内裡都算是光猛整潔，坐位寬鬆不迫，冷氣足夠一踏入門口就見小店人們在燒烤各類串燒，果陣BBQ味令人食慾大增 燒雞全翼 賣飛佛真系燒雞翼 我鐘意食大大隻 燒得好靚仔呀~~ 雞翼本身應該經過醃製，完全不用蘸上附上的泰式醬汁都好夠味生蝦刺身 蝦肉厚身 新鮮彈牙 再蘸上泰式酸辣醬汁將蝦鮮甜味帶出 頂瓜瓜古法秘制鰂魚 店員一放上枱大家異口同聲咁『嘩！』左一聲 賣相吸精之餘，大家都覺得堆頭什勁。原來廚師將條魚拆骨起肉切片拎去酥炸，魚頭連魚骨都炸埋一d都唔浪廢，之後仲排得靚靚再冧上秘制醬汁及配料，酸酸辣辣仲正過上海菜既松子魚 此魚大推~~~~檸檬燒牛肉 5成熟少少見紅 燒得不錯 肉質嫩但有好多筋 醬汁用上好多蒜蓉辣椒同檸檬汁 食落感覺唔會太膩。招牌炒飯 用上好多配料一起炒 再蓋上一層薄薄蛋皮，構思上有d似日式蛋包飯，再加上創意將隻炸蝦放上包飯面，另賣相更突出整體而言，食材新鮮，烹調適中唔會過份咸或酸辣。p. s.做緊prom 門口大大隻字寫住食滿$300(cash 埋單) 下次再黎即送明爐烏頭一條『抵』…Read More

最喜歡，約埋幾個好朋友，到處去食飯，聯絡一下，平時多是用信息聯繫外，大家都會約定了見面，傾談一下，工作上的情況，是一件開心的事情。今次，大家都不約而同地，想食泰菜，又點可以唔去有小泰國之稱的九龍城呀！車來車往的太子道，交通之便利，真是不錯的搵食好地方！抵食又大碟的食物，點可以唔食指大動呢？晚飯時，食滿$300元，現金付款，仲有明爐烏頭魚奉送，絕對超值！芒果蟹肉炒飯：這是新出品，我都第一次食，見到都好吸引，芒果鮮甜，蟹肉鮮味，炒飯底，飯粒分明，金黃色、加上有洋蔥，增添色香美味。檸檬燒和牛：好少食泰菜有和牛食，今晚我地豪一豪，來一個地道的泰式燒和牛，牛肉只是燒得五成熟左右，肉的中間還呈粉紅色，好嫩滑、肉質鮮美、點上泰式醬汁，酸酸辣辣，增添味美，口感一流。…Read More