Thai Empire (Closed)

每天都會為午餐食乜而苦惱一會。。。上水區坐得舒服，價格相宜的選擇蠔仔粥，湯底味精唔算重，蠔仔同肉碎都入味，但稍為扣分在食到少少蠔殼。係人流超多嘅上水區，想舒舒服服40幾食個午餐，哩間算幾好…Read More

小食併盤，炸蝦餅新鮮炸起金黃鬆脆，聞得到的蝦鮮味，外層香口，裡面蝦膠勁彈而結實，滷點甜酸醬就更醒神。炸魚餅，強烈而霸道既檸檬葉味道，魚味濃滲著咸香，像魚蛋般富彈性。紮肉卷，外皮炸得香口脆脆，肉質有咬口，咸咸的肉香。四眼姐姐您到底知唔知咩叫做串燒呢？依盤野邊忽似串燒呀呀？打電話時都覺得奇怪點解生菜包連串燒併盤要收我百七蚊，比完錢已經再問多次我要串燒併盤喎，有無錯？您真係冥頑不靈，仲要話正確無誤。仲要話剛剛用晒蝦膠要即做，所以要等耐少少。我心諗蝦膠點串燒呢！最終等左廿分鐘！串燒併盤只需 $42，小食併盤要 $104 架，最大問題係食唔晒好浪費，而且除蝦餅外，其他我唔多鍾意食呢！春卷無掂過、魚餅一舊、札肉卷一舊、蝦餅兩件，好飽食唔落喇！豬肉生菜包加辣，開呀！又係咁，有點失望。炒到水汪汪，無咩色水，賣相麻麻，大打折扣，聞就香噴噴。炒得香噴噴，有香茅、洋蔥、乾蔥頭、等等。豬肉生菜包加辣，又係淺色師傅炒呢，勁濕影響鑊氣又唔辣囉，香料味又唔夠突出。好采酸味夠重，豬肉汁又夠多，撈混再用鮮爽生菜包住食都美味可口。記得有一兩次係深色師傅炒，上色夠深，程啡色既豬肉鬆，賣相較較好，夠乾夠辣夠香口，厚口味又好食少少。半盒都係汁，有無加辣架？同平時差不多乍喎，味道夠酸十分開胃，肉味濃又多肉汁，爽脆生菜捲住大量餡料塞入口，又幾好食既。衰在勁濕啫，一咬噴到成手都係囉！可能太多肉汁，所以連香料味都蓋過，太濕又將辣味沖淡晒呢！大量肥豬肉好有趙頭又非常香口，係唔多健康啫。肥豬肉併上肉鬆有咬口，質感有趣。酸味濃溢出微弱辣味，當然開胃，食極唔厭。我叫加辣但好似比平時仲淡左囉。幸好夠酸，味道夠濃，有紫洋蔥乾蔥頭免強夠香口，肉鬆有咬口又香噴噴，用生菜捲住食都好好味！如果勁辣就更刺激更好心啦。生菜鮮爽多水份，一濃一淡配搭得宜好味道。加辣都唔辣既，勁多肉汁，好濕喎！都勁多肥豬肉，我都明白要有肥豬肉先香既。成盒生菜包食晒已經好飽，仲點食得落咁多小食呀！人家一心想食串燒架！本想食蛇羹飲蛇湯，但蛇王兄被大舖搬細舖，依家得兩張圓枱仔只坐得七八個人乍，行過見到坐滿晒阿叔，兜個圈比多次機會您，仲未捨得走，仍然無位，我又唔想外賣蛇湯蛇羹，算！轉去飲冬陰功湯食生菜包。大蝦冬陰功湯，勁酸我鍾意，香茅及椰奶味強烈而辣味較弱，質地厚帶黏，蝦味唔多突出。蝦肉嚥韌不爽，基本上無味道的！飲完泰拳，打個冬陰功湯補補去先，以泰補泰麻。泰式炸蝦餅，高質有料到，正！剛剛炸起新鮮出爐，金黃鬆脆、乾爽香口，食到索索聲，聽得到的美味！蝦膠滲出肉汁，鮮味彈牙有靈魂，絕對唔會係翻熱死屍食物！沾上甜酸醬就更醒神美味，大滿足！海南雞半隻，點解又有骨架？我講明要去骨架喎，依家取消左？上次又係有骨。冰鮮雞味道明顯不過，雞肉微滑硬淨實實的，雞味微弱，油感十足，香甜味好削，麻麻地。質數、味道都係泰亞萊、唐人坊較高水平。點解今次海南雞有骨架？顏色深黃就夠晒靚喇，但雞味弱又食到成口油呢。無天然肉香或雞甜味，配上泰式酸汁免強合格。宅到自盡！lunch 牛腩麵外賣，dinner 又黎多劑外賣！…Read More

冬陰功湯，大路正常，椰奶味強，香茅味道出眾，質地有點水，味道強酸夠開胃醒腦。豬肉生菜包，勁多肥豬肉又勁多蔥！今次係深色師傅炒喎，豬肉鬆醬油味濃厚，香料味弱而蔥味強，完全都唔 balance 既。肉鬆有彈彈不算乾，酸味濃，生菜捲住食都合格。嘩！生菜有條活生生黑色又長又幼既線蟲爬爬下呢！好采我睇到啫，容乜易放左入口架！嚇死！海南雞半隻，死實既味道同口感，毫毛生氣！油味重，雞味淡，使人提不起食慾。求期浸滿泰式酸汁匆匆食完算數，唔難食但唔好食。炒貴刁，貴刁嚥韌非常有黏性，不幸地黏到一舊舊，想分開都唔易呢！只有甜味，味道單調，寡得過份，只有少少蛋碎加幾條芽菜，食兩啖放棄！從未如此難食過！係咪換左廚房呀？還是 lunch 比 dinner 既質數差咁遠？隔離有個四眼阿叔食客投訴豬軟骨湯粉勁難食，退貨唔比錢添呢！…Read More

每次早放工，多數會覺得肚餓，最喜歡四處找新餐廳試試。泰皇悅在上水開業都有一段時間，但很少機會在那邊逛，倒是第一次光顧。肥牛湯金邊粉轉湯底不用加錢夠均真，但明明是點了喇沙湯底，但呷一口，卻是咖喱的味道，真的很奇怪，究竟係咖喱定喇沙先？肥牛片吃起來牛味略嫌單薄，金邊粉反而沾上了「咖喱」湯幾惹味。熱檸檬茶茶味一般，但天氣有點冷，喝杯熱茶的感覺很舒服。店方還有WiFi提供，可以上下網，慢慢消磨時間。…Read More

聖誕節同父母、女朋友一齊食飯，去左食附近既泰菜。半年無食過, 上次食樓上, 今次俾左門口位, 好大風好凍…..叫左個炸魚餅, 感覺同炸蝦餅差唔多, 都係打起有膠質, 都幾好食得一粒蝦, 同太水, 差左好多軟殼蟹黃咖喱好勁咁，超多汁, 幾好食, 配埋個簿餅唔錯馬拉盞椰菜苗就好唔得, 我以為係一粒粒球體, 差好遠, 又硬….叫左個芋頭焗飯, 好失望, 又油又無味…..整體既食物差過以前好多, 節日出去食飯真係差D…Read More

上水好少有泰國菜, 其實有一間我地都好開心叫左咖哩雞, 但好鬼鞋, 味道冇乜, 只係食到好重味精, 食完好口渴另外叫個菠蘿炒飯就勁濕, 料又唔夠, 好似隔夜叮熱咁另外上菜都幾慢, 尤其如果你坐樓上, 真係等成世!…Read More

呢間泰國野成日都係好多人去食。不過，我都成日去食，因為泰國菜比較惹味。今次我叫左「泰式辣肉炒金邊粉」，佢既配料真係好足，包括有草菇、青椒、紅椒、車厘茄、椰菜、四季豆、金不換等等，所以話點會唔惹味。而個金邊粉都有好多汁，食落無咁乾，加上個汁有少少辣，夠曬惹味。小結，泰國夠惹味，值得ENCORE！…Read More

為遷就媽媽, 間中我都會嚟上水搵食, 今次佢介紹我嚟呢間泰菜試試店內坐位唔多, 不過等咗一陣就有位了.  本來只安排坐二人枱, 比較窄, 但店員很細心的空出隔離張枱, 等我哋坐得舒服啲, 讚兩個人居然點咗:生蝦刺生 ($9x)蝦夠新鮮, 好爽口, 個辣汁酸辣度適中, 正冬蔭公($5x)兩個人飲份量啱啱好, 又唔太辣, 唔錯泰式炒金邊粉份量真係大咗啲, 如果淨係點了呢個, 應該可以食得晒沙嗲串燒 (雞牛豬各2串)三樣嘢我只食咗雞&豬, 兩樣都好味, 唔靱, 有肉汁~ 至於個牛....我食唔落啦, 結果個金邊粉&兩串牛都要外帶了食品質素唔錯, 而且店員個個都好快手快腳, 下次多人嚟可以試多啲其他嘢…Read More

這晚放工, 與朋友即興來到上水舊墟這間餐廳食泰國菜, 因為已經差不多9點, 所以一到步就有位了。兩個人點了一個細的海鮮冬蔭公湯、泰式金邊粉、紅咖哩豬頸肉和一份薄餅。海鮮冬蔭公湯要了少辣, 十分足料。金邊粉酸酸的, 很開胃。紅咖喱很香口, 豬頸肉爽脆。薄餅很鬆脆, 不過有點油膩。…Read More

泰菜一直都係媽咪至愛菜式, 所以星期日就與她再訪泰皇悅.生蝦刺身 – 每隻生蝦上都放有一小粒紅椒和蒜片, 再沾上泰式生蝦辣醬, 無需多說, 兩個字: 勁正! 若要做得正統一點, 青瓜應轉做苦瓜, 能減低紅椒或辣醬為舌頭帶來過辣的刺激.海鮮菠蘿炒飯 – 飯和海鮮是高於菠蘿很多的, 用匙從頂部把飯端在碗中有些難度, 腰果卜卜脆、海鮮沒有雪藏味, 菠蘿人人愛吃, 只是嫌菠蘿少了點; 乾爽的飯粒加入了蛋絲, 很甘香.柚子鮮蝦沙律 – 這道菜幾乎每次吃泰菜都必點的. 蝦只有兩至三隻, 柚子不澀卻未算清甜, 就是很普通那種啦~ 沙律汁很多也落在材料底部, 所以吃到最底就會覺得味太濃.黃咖喱雞 – 黃咖喱應該是香多於辣的, 但這碟幾乎是沒有甚麼辣味, 失去咖喱應有的辣! 雞肉…好似是雞柳, 唔算好食. >.< 成碟來說, 薯仔最掂.冬蔭公 – 好多料, 應有的都有, 例如蝦、菇、蕃茄等, 但湯底偏咸, 喝一碗就令人百感交雜~ 還是我在泰國跟厨師煲的好^.^這碟拼盤是跟餐的, UM….春卷較好, 但雞翼…唔夠味啊馬拉盞通菜 – 是我一向偏心蔬菜還是甚麼呢? 我喜歡這碟啊, 雖然馬拉盞味道帶點港式.…Read More

原來轉眼已經半年無黎幫襯喇 ﹗其實一路以黎每次都係外賣自取返屋企食自己，撞啱今晚展兄黎我屋企幫手維修，順便同佢老婆一齊晚飯啦。今次都係第 1 次坐低堂食，原來有樓上雅座喎。泰式豬肉生菜包，可以揀雞肉架，不過勁乾勁鞋囉，所以試過之後每次都只食豬。今次無加辣，怕展兄兩公婆食唔到，依家只係正常既微辣。今晚好明顯係淺色師傅煮囉，另外一個師傅會加色，賣相更討好、味道更濃。依個豬肉生菜包合格啦，微辣帶酸，豬肉鬆都炒得幾好，口感唔會乾鞋。馬拉盞通菜，見味味都係肉，叫碟菜食吓啦 ﹗趁熱食會好啲，一凍左勁油入唔到口呀 ﹗通菜夠爽夠嫩又多汁，加上香口馬拉盞，質數滿意啦。紅咖哩牛腩，最初打算叫咖哩海鮮，但見阿嫂大肚唔食得，都係轉牛啦。用瓦煲上特別熱辣辣，又能持長時間保持溫度 ﹗泰式咖哩一般都唔會太辣，而且會帶椰香添 ﹗依款紅咖哩真係好香喎，微辣中帶椰子甜味，質地仲好滑喎 ﹗牛腩又軟又棉，牛味濃又無渣，好味道 ﹗配菜都好好味，茄子、蕃茄、薯仔索盡咖哩汁，正。淨伊麵，要加 HKD20 蚊架 ﹗用黎撈紅咖哩牛腩超好味 ﹗伊麵又烚得剛好，嚥靭有咬口，連食兩碗 ﹗泰式生蝦，一望就知係即日做，而且無雪過，蝦肉帶光澤又濕潤。傳統泰式生蝦跟苦瓜、蒜片同辣椒，要夾埋一齊食先最正架 ﹗特別冶味，增添味道層次。苦瓜味甘、蒜片味辛、指天椒味辣，淡水蝦味道清淡配上泰式酸辣汁非常美味，肉質彈牙又帶爽呢 ﹗阿嫂有喜唔食得生野，只可以望住我地食喇，哈哈 ﹗冬陰功湯，睇牆上面張海報相仲以為係用碗上，點知成鍋黎喎，鍋下面仲可以點蠟燭添 ﹗冬陰功湯蕃茄味濃，酸味較重，辣味及香茅味都輕微，免免強強啦，都叫做好飲既。泰式明爐烏頭，可以揀酸菜肉碎或冬陰功，我一向都食開酸菜肉碎既。泰皇悅既爐同樣係?個老問題，火力唔夠囉 ﹗得支點香薰既蠟燭仔，燒成個鐘都唔滖啦 ﹗等呀等，等呀又等，頭同尾都係凍既，得中間熱囉 ﹗唔理咁多，食左先講。唯有由中間開始食啦，魚味雖淡，但肉質嫩滑加上酸酸甜甜好開胃，烏頭細骨少啖啖肉，食得特別暢快 ﹗食完魚腩部份，再將魚頭魚尾移到爐中間加熱，熱食味道好好多 ﹗美味 ﹗炸雞翼，阿嫂想食就隨便叫啦 ﹗仲叫左個蒜蓉包點紅咖哩食添，但我唔記得影相囉。雞中翼炸到幾油膩喎，仲炸過火搞到肉好乾，完全無晒肉汁，味道一般。豬肉生菜包、馬拉盞通菜、紅咖哩牛腩、淨伊麵、泰式生蝦、冬陰功湯、泰式明爐烏頭、炸雞翼、蒜蓉包 ﹗兩個男人加一個大肚婆唔係食好多野啫，哈哈 ﹗最後只係剩返少少通菜，因為太油囉。展兄咁客氣掙埋單，咁好啦 ﹗下次到我請食飯喇 ﹗…Read More

之前嚟過一次，今次再嚟，因為真係好味道，老闆娘夠親切，似一啲住家式鋪頭咁，充滿人情味。。我哋每次必嗌生蝦刺身，因為蝦身夠爽，配個汁簡直係絕配。。我就勁鐘意庶蝦的，所以我每次又係必嗌，佢哋嘅庶蝦係可以單嗌一舊嘅，因為係特大庶蝦嚟。。唔似一般泰式餐廳一碟幾條幼幼嘅。。但我當然會獨享一條架啦。。今次我哋嗌咗唔辣嘅明爐魚，因為朋友食完辣之後，個嘴會變咗孖潤腸。。不過朋友覺得反而上次個冬蔭功湯底會好味過呢個唔辣嘅。。個炒金邊粉同冬蔭功湯就一般般啦。。不過不失。。過得去啦。。不過我哋一定會再去，因為人情味已經值回票價，味道亦唔差，價錢夠公道。。抵讚:)…Read More

今日寶貝突然打比我話約開飯~我緊係奉陪啦~心中立即諗到想試問呢間泰國野~就決定黎呢間~!可能時間尚早,所以唔洗等位,仲可以自己揀坐邊到~正~一坐下就即時點餸~難得寶貝吹鷄,當然係由佢拍板啦~寶貝們唔食得辣,所以今餐清清地~生菜包 - 好新鮮的生菜,好入味的豬肉粹~可能因為唔辣的關係,所以少左份惹味感~菠蘿炒飯 - 好味~好香好夠料的炒飯~份量真係好多~唔會欺場~!飯粒混合左菠蘿肉,酸酸甜甜,水準之作煎蚝蛋餅 - 用鉄板上枱,炸炸聲,睇到都開心~而且蚝肉份量好多又大粒~蛋皮好有質感~唔似係加左豆粉水~正~泰式拼盤 - 一般魚餅蝦餅都有~仲有春卷,豬肉卷,個樣好似差唔多~但各有味道~魚餅有魚味,蝦餅有蝦味,唔會炸完唔知食緊乜,上枱仲係熱騰騰,唔會有炸起好耐的感覺炒通菜 - 好保守的款式,唔知係油定係水太多~感覺炒得肥膩左少少一邊傾一邊食,全場唔算好多人~但坐座無虛席!總括黎講.真係唔錯~ 值得再去試佢的咖哩系列~…Read More

又係煩惱食咩晚飯既時候喇，試多次泰皇悅啦，想食海南雞呢 ﹗一落火車就打定電話叫外賣，去到即攞唔洗等麻。泰式豬肉生菜包加辣，上次食過麻麻地，尊登黎試多一次。一打開個盒已見到跟上次完全唔同，心諗我就係要依個喇 ﹗上次炒到好濕，好多水，白色豬肉無顏色，味道不酸不辣，無咩香菜香料 ﹗今次就唔同喇 ﹗香氣直撲鼻孔，鑊氣夠又熱辣辣，顏色癢眼又炒得夠乾爽 ﹗香菜、蔥頭、洋蔥都切得夠幼細，味道更濃郁。即刻撈一撈再用生菜卷住食，正呀 ﹗夠晒辣又香口，酸度剛剛好再夾著淡淡香菜，好味 ﹗真係認唔住要一口氣食晒呀 ﹗剛才尊登將生菜放係冰箱一陣，食既時候先攞出黎。豬肉炒得香口乾身，乾蔥、洋蔥、香菜好惹味 ﹗用冰涼爽甜多汁生菜包住食，一冷一熱、一脆一嚥靭，味道豐富又幾重口感，好味呀 ﹗食落又唔係覺得好辣乍喎，又唔多見到有辣椒，我既勁辣後副作用又出現喇，火燒後欄啦，哈哈。去骨泰式海南雞半隻配泰式酸汁，除雞翼外都去晒骨喇 ﹗傳統地有麻油味，烚完雞用麻油按摩過啦 ﹗雞皮唔緊緻，肉質偏腍而且唔夠滑，唔關師傅廚藝事，係隻雞本身不太好啫 ﹗雞肉本身無咩味，真係靠晒依個泰式酸汁喇 ﹗夠酸帶非常微既辣，好開胃，撈飯一定好正。食食下突然諗起手撕雞，如果依隻係手撕海南雞的話，必會更好味 ﹗生命有 tick 2 喎，今次好好味呢。…Read More

蔗蝦、豬肉生菜包加辣、泰式燒雞半隻，一人前外賣速遞晚餐係咪太大食呢？三個送差不多百九蚊，價錢合理啦 ﹗食完剛好狂風雷雨又落雹，好采早食飯啫。蔗蝦，續件計。食蝦餅食到有啲悶咪轉?囉 ﹗蝦膠鮮味彈牙，外層炸得乾爽金黃又勁鬆脆，大啖咬落去索一聲呀 ﹗高品質 ﹗蝦膠就食唔到有蔗甜味喇，無緊要，只係舊蝦膠已好好味。豬肉生菜包加辣，今次都係一般乍喎。顏色偏白，加色不足。加辣變左加酸，夠晒酸但唔夠辣。炒得好濕呢，碟底成灘肉汁。用鮮爽生菜卷黎食，味道還可以，只係合格乍。食過五六次，只試過一次個師傅既出品特別唔同，刀功幼、味道濃、色水深、香氣夠 ﹗泰式燒雞半隻，泰國香料味道好香，內外都帶淡淡甜味，雞未算太肥，雞髀肉嫩滑，雞胸肉都軟腍，味道唔錯，轉頭已經比我食晒喇 ﹗…Read More