泰榮華

Open Now

Now Closed

印象中上次食沙爹王已經係5六年前既事.今日經過.一於試下.首選黃咖喱豬排飯.豬扒超級鬆軟，表層沾滿曬香茅.黃咖喱甜甜地，好適合香港人口味.一D都唔辣.再配埋薄餅，新鮮，點咖喱簡直極品.除左價錢貴左小小.其他都好滿意.

突然好想好想食串燒 就選左呢間試下 舖面唔大 應該大概只坐到10,12枱客左右 同男友食晚飯 叫左4串串燒，1個飯，1個小食雞肉，豬肉，牛肉，雞腎牛肉麻麻地，同汁好似不太夾雞腎燒得有啲乾，不過食落脆脆地，我個人覺得冇肉汁但有啲香口都唔差，但應該好多人唔太喜歡豬肉同雞肉反而有驚喜，雞肉好嫩，仲有汁留出泥，真心好食，豬肉沒有肥膏，而且好厚旦一啲都唔乾，好食蜜椒雞翼呢個對鐘意食蜜糖雞翼既人泥講真係好對胃口雞翼熱辣辣炸出泥加左蜜糖後都仲脆到一個點，真係加好多分！！！值得一試！！！！碳燒豬頸肉炒飯又係有驚喜，本身諗住炒飯出泥想搵粒豬頸肉都難，但呢個炒飯起碼有10舊一口豬頸肉 當叫一串豬頸肉3舊都25蚊 呢個飯都係58蚊抵之外，個飯絕對唔馬虎，碳燒真係有碳燒既味道，而且個飯乾身得泥係有油份，粒粒分明，唔會乾到好難呑！！！真係要試！！份糧絕對唔少，2個人食夠有突！！！真係過海食飯又想試下呢啲小店既小菜手細，呢間值得一試，好食過酒樓，太興，翠華！！

呢問餐廳應該食開咗好多年，我行過好多次，但都冇幫襯過，今次都係第一次去食。叫咗四個菜， 其中豬頸肉公仔麵同埋蝦醬雞翼都好好食呀!個椰子雞煲味道很特別，有少少冬陰公feel最緊要係有啲路邊嘅座位可以方便食煙

呢間成日經過但係都冇去食過～咁今日同屋企人就一齊試吓佢啦見今日凍凍地咁我哋就叫咗個胡椒豬肚雞煲佢都好香胡椒味呀個湯都好好飲好夠味，冬天食真係啱晒！同埋佢啲雞好似食極都食唔完咁我哋四個食都覺得好多啊呢啲moment梗係要叫返支酒啦！咁我見到好多隔離枱都叫咗馬拉盞通菜咁我就試吓啦唔怪得知咁多人叫啦，真係比出邊食嘅夠味好多！跟住再叫多個炒烏冬， 好有鑊氣又唔會太油又唔會太乾身， 真係整得啱啱好！不過佢哋呢一邊得一個員工，等左十分鐘先有人理我。如果太趕時間就唔好黎喇！但係野食係唔錯既！

一行6人6點正就黎泰榮華🍻🍺同食個早dinner正喔，我唔客氣喇，我要瘋狂勁叫野食喇牛油雞翼，雞軟骨，燒牛脷（好食到要encore) 通菜煲，咸魚炒芥蘭，星洲炒羅白糕，泰式炒金邊粉，咖哩軟殼蟹配蒜蓉包，仲有登登登登....好惹味嘅辣雞煲個雞煲係出色之作喔，竟然有生根鋪面，同埋送生菜🤤🤤燒牛脷好淋好入味，牛油雞翼好鬆化，外脆內滑 咬落去唔會成口油鋪頭面積唔算好大，但勝在乾淨企理，而且送餐快，值得一讚嘅係，員工都好樂意介紹食物俾客人I will be back

約左幾個月終於約齊9個同事今晚係公司附近食呢間每日Lunch經過但只做晚市嘅泰榮華。😁我地6點半已經到餐廳, 由於時間尚早, 我地係第一枱客, 餐廳裝修簡單, 店員都唔多不過服務都幾熱心, 菜式選擇多, 單單係燒烤食物都已經超過20款, 我地9個人揀下揀下最終點左超過20款食物。😮泰式冬蔭公(大)我地點左一客大嘅冬蔭公，份量有大概6小碗，材料都幾豐富，酸多於辣，幾啱我口味。蒜香牛油雞中翼呢款雞中翼有驚喜，外層好鬆脆而且帶有牛油香味，雞肉嫩滑，蒜茸好惹味，不過都幾辣。蜜椒雞中翼蜜椒雞中翼味道帶甜，不過相比之下，我比較喜歡蒜香牛油果款。腰果椒鹽豆腐味道比預期辣好多，椒鹽豆腐唔夠香脆，不過腰果就炒得夠香口。馬拉盞通菜沙嗲串燒拼盤 串燒拼盤包括魷魚鬚、牛肉、豬肉、雞肉同雞腎各兩串，味道都唔錯。原條粟米栗米加左調味燒香，好食。牛脷、雞軟骨、燒青椒牛脷都幾軟腍，青椒味道香濃。紅燒茄子茄子厚身，軟腍入味。炭燒豬頸肉蒜茸包豬頸肉比較乾，蒜茸包就好香脆惹味。鮮蝦炒金邊菠蘿炒飯咖哩焗法式軟殼蟹咖哩加入左蛋漿味道都幾好，不過比較稀身，難以沾上軟殼蟹，軟殼蟹同蒜茸包香脆可口。泰式蠔餅蠔餅夠香脆，蠔仔都唔少，味

食過幾次都未失望過 佢未算係正宗泰菜但一定係岩香港人口味既泰菜 真係好好食所以要介紹下👍🏻食物質數好 服務態度一流 價錢上都算抵食 我最鍾意食佢哋嘅香葉玉碎炒飯 味道香口

今日有朋友生日😃 ，所以就出嚟食飯生日朋友提議試下這間佢話幾好味😋， 所以我哋都順生日朋友意思一行十人就去咗這間食，這小店雖然佢嘅地方較為狹窄逼夾簡陋😑 ，亦都沒有洗手間😑， 如果需要也出去外面附近公廁都唔係太遠👌，店員方面眼見唔係太多員工得2 ，3個 🤔其中一個應該係老闆 ，因為見佢哋忙到甩轆，所以都唔好講話有什麼服務 ~店舖細又多客~明嘅 !果然冇介紹錯✔✔✔，我哋叫咗好多嘢食，真係碟碟都好正，超好味 ~👍👍👍👍尤其是麥皮蝦😍😍😍另外叫咗蜜椒雞翼同牛油雞翼, 馬拉盞通菜, 椒鹽雞軟骨，冬陰公湯河 ，串燒， 椒鹽鴨舌, 避風塘軟殼蟹 ，雞柳四季豆 ，炸香蕉( 唯一我覺得唔好食) ，豬頸肉， 生菜包 真係非常滿足🤗而我哋因為咁多人去食，所以都可以試到好多唔同款嘅餸 ，但係仲有好多都未食過所以嚟緊有時間， 都會同屋企人再次去食🤗真係值得推介 我哋個個都食到舐舐脷 👍👍👍我們吃飽後原來朋友話我知，這間店舖是一個爸爸 70年代在街邊賣串燒養家😢，直到現在開店舖給個仔經營🤗， 原來小店背後都有一個小故事😄

初頭行過聞到串燒香味，店舖格局又唔錯，都有串燒店同泰國店既味道，所以入去試下，裡面仲有唔算細既內籠重點：：店員呀姐一黎就不停推介食雞煲（老實講我想食泰菜唔係🐔煲），跟住不停sale明爐魚，貴價小炒，最後我地叫左個咖哩炒貴刁，四條串燒，一個炸豆腐加飛天通菜炒通菜，菜有點老，但夠穫氣，都唔錯伏，同茶記一樣，咖哩炒河扮貴刁呢個炸豆腐配泰式辣肉風味，但個汁好咸，甜豉油太勁 最後串燒，真心唔好食，肉好老好鞋，同九龍城任何一間泰菜比都差好遠最後影漏左波蘿冰，大樹波蘿，呢個唔錯幾有特色，但問可唔可以小冰被黑面中肯d，其實食物唔算最差，但服務真係唔得，個招呼呀姐（似係做好耐）係咁sell想賣既野，我地叫其他野食後仲行過來暗示我地唔識叫，點解唔聽佢講，呢個位真係blacklist

一嚟就有位，先嚟支啤酒，點個炸蠔餅做頭盤，粒蠔見到嫁，絕非蚊型，買相唔錯，可惜個餅太油淋淋。第二味，生菜肉碎包，辣辣地嘅肉碎配上新鮮生菜，去咗D油膩。又再嚟支啤酒，同埋支裝可樂，點解有可樂，原來上泰榮華FB 些牙佢個Page 就有可樂送。跟住...跟住...就到泰式串燒喇，魷魚，雞軟骨，茄子，腸仔，牛柳粒，雞翼... (未能盡錄)...又嚟支啤酒要清熱。食食下，馬拉盞牛肉翠玉瓜出場，好有蝦醬味，不過呢碟下次可以唔叫，唔太鍾意個汁一踢踢。見到隔離枱碟嘢好大碟，叫軟殼蟹麵包$148，伙記話係新菜式，今次太飽，下次再試軟殼蟹啦。

可能我比較蠢同埋路痴搵都搵唔到友善嘅 店員喺門口度接我避風塘軟殼蟹真係正到冇朋友炸到啱啱好又夠惹味送酒至愛豬頸肉法包真係好正佢除咗 豬頸肉燒到啱啱好仲 擺咗蒜蓉同芝士上去兩個mix埋一齊簡直係絕配法包又鬆軟反而佢個四川雞腎我仲以為係一串串好大碟起碼有2x 舊有少少甜唔係我想像中嘅味道 不過雞腎好有咬口炒得好好牛油雞翼都好正我覺得略嫌多粉咗少少唔係坐得好舒服但係店員有禮 價錢尚算抵食因為兩個人食唔到啲乜嘢下次一定要食串燒

第2次黎呢度食野, 今日大約8點多黎, 差不多已經滿座, 只淨下最後一張2人枱比我地坐. Lucky坐下後店員不停問可以點菜未, 我地先叫兩樣, 打算慢慢睇後再加, 不消5分鐘, 店員問了兩次要唔要加野?!有點煩~串燒併盤$118 (10串)好豐富, 豬牛雞, 魷魚, 腎各兩串, 味道唔錯, 亦不會燒得過火. 但凍得太快, 之後已經無咁好味蝦金邊粉 ($78), 本來打算叫普通金邊粉($50), 店員問我地加唔加蝦, 老公又口快快話加, 亦無問幾錢.我後尾睇個MENU明明寫$55, 但最後埋單時係$78. 無計, 鬼叫自己無問清楚咩.但整碟蝦只有3細隻, 好呃人, 而且除了蝦之外, 無乜配料, 最多只得必有的豆干,花生碎.味道唔夠酸, 不過金邊粉份量夠多.小炒王($70)完全中伏, 跟我平時食開既小炒王可以話係完全唔同, 呢個係泰式味道.用翠肉瓜, 蔬菜及急凍海鮮炒的. 完全唔係我地平時食開既小炒王, 味道亦偏向濃郁及味精.

繁忙時間去到雖然好多人，但如果唔坐室內就唔洗等位，天氣幾凉，好舒服。食物有獲氣，好味，又特別，份量唔多唔少，可以食不同款食物，扺食!炒蘿蔔糕:特別，多配料炒通菜:好大碟，3個人都食唔哂，好夠味牛油雞翼:超推介，好好食，唔油生菜包:夠味又清清地，好食

每逢星期五一定要黎個HAPPY FRIDAY 慶祝一下, 同友人一行四人不約而同諗起相聚既地方-泰榮華星期五晚客人不算太多, 一坐低先點飲品青檸梳打 $25朝日啤酒 $20蒜香辣椒牛油雞翼 $68一客8隻, 面層有一堆蒜香牛油粒, 不得了, 一定要夾埋雞翼食, 好香口惹味, 我地4人一共叫左2碟, 大力推薦! 溫馨提示：記住要待涼先好食泰式生菜包 $78豬肉碎辣辣地, 當中有檸檬菜/辣椒等泰國香料, 夾埋新鮮生菜食, 真係食唔停口鐵板辣炒咸豬肉 $78豬肉會有少少肥, 青椒/辣椒/洋蔥一切炒, 香辣惹味, 一整片放入口都唔覺得太肥, 煮得好出色泰式金邊粉 $50好大碟, 夠獲氣, 味道可以同大型泰式餐廳比美, 酸酸地好開胃 印尼蝦醬炒飯 $50蝦醬味好出, 咸香味, 真係有海鮮一齊炒, 絕不媽虎, 飯都炒得好乾身同三五知己飲杯酒,食餐飯. 呢到絕對適合. 最重要係飲飽食醉, 唔睇價錢落單, 埋單都係$597 無加一. 抵！

身為九龍人嘅我 過到海就變路痴多得港島區朋友帶我吃喝玩樂今晚佢地帶我食泰國菜生菜包微辣 咸咸地 味道不錯但差少少香味 香料不夠足燒豬頸肉呢個同平時食嘅唔同大塊有口感 燒得香噴噴再上蒜味醬汁 好惹味炒金邊粉酸maymay 好開胃小朋友都可以食啊麵質炒得岩岩好 唔會易斷 煙煙韌韌嘅蝦醬炒飯一啖落口 飯唔會太乾身 剛好好香嘅蝦醬係口腔 好味道都係唔辣嘅 小朋友岩食炒豬腩肉 (實質個名忘記了)唔食肥膏嘅我 比朋友落力地推薦"唔覺肥架！ 送酒一流呀！..."的確一放入口果下係有啲難受但食落辣辣地 咬咬下 將肥同瘦混埋一齊又真係唔覺肥 仲幾夠鑊味蒜茸雞翼唔好睇佢乾爭爭咁 雞翼嘅肉嫩滑 外皮鬆脆 再加上一堆重點蒜茸好juicy 好香口 又係送酒一流炸雞軟骨炸麵有啲厚 好快淋雞軟骨偏大件 食得不多爽快本來叫左炒菜 但追左單之後依然漏單希望下次黎有得食 不過七大一細都食飽飽仲飲左兩set酒 都係每人一百蚊埋單