D'lite Veggie (Closed)

上網周圍睇吓長沙灣邊度有素菜食！竟然比我見到呢間不過改咗名！唔緊要有電話就打電話去問吓今日開到九點太好啦唔使出去九龍阿媽唔使行咁遠☺️今日觀音誕就同阿媽去食素😙阿媽好開心呀佢話呢間好好食同埋坐得好舒服😌好想講一講呢間真係好舒服嘅我哋叫咗個套餐都係$188不過唔鍾意食白飯阿媽話想食個炒麵全部野價錢我都覺得好合理！最重要味道好清淡⋯好適合我同阿媽！最後貫徹始終都唔會浪費包走三盒😅阿媽話聽日同老友一齊分享☺️值得推薦😃做人好簡單⋯知足者常樂😊感恩仍活着❤️…Read More

經朋友介紹去左一間素菜館到食，素菜對我黎講都算陌生，始終香港周街都唔算太多素菜餐廳選擇咁因為我地都唔知點揀好，就叫左個二人餐，可以有湯+白飯+3款小菜+甜品，兩個人食一定夠哂飽菠蘿咕嚕素球，估唔到佢係用咩整，但係炸到脆卜卜，入面都冇死硬，好軟熟，而且D汁酸酸甜甜，好好味，送飯一流辣汁四季豆叉燒，叉燒竟然會有焦香味，唔會好乾柴，做得唔算好差喎，而且佢係用辣汁，辣辣地幾惹味，幾香濃既汁，夾埋D四季豆，又幾好味杞子雲耳浸淮山，成個菜好鮮甜，同埋超級健康，D淮山切得好夠薄，雲耳夠爽口，又唔會好悶金湯海皇翅，呢個湯都係全部用素整架，入面有D菇，仲有應該係粉絲做既素翅，有少少素蟹肉咁，個湯底有少少似係南瓜做，都幾好飲我地另外仲叫左個冰梅涼瓜，夠哂冰涼，而且D涼瓜好脆口，酸酸甜甜咁，一D苦味都冇，不過呢款唔係個個都會鍾意，但我同朋友都覺得好味…Read More

第一次來泰有營，看名字以為泰式素食口味，原來係中式素食小菜有鑊氣，味道好，碟頭量足，還送了例湯糖水，抵食! 裝修企理，服務員工有禮貌，決定過年跟家族親友訂位吃好素…Read More

個個都話要健康飲食，平時成日大魚大肉，不如食返餐齋食物選擇好多，又坐得幾舒服四季豆炒叉燒比起平時嘅齋叉燒多左陣煙薰味，食落更加似叉燒，而且醬汁幾惹味椒鹽鮮魷 $88下?!初初都唔係好肯定係齋但炸得金金黃黃，上面沾上香辣粉，令本來無咩味嘅蒟蒻(扮鮮魷)變得好惹味金湯海皇素翅 $88真心覺得擺酒仲洗咩用真魚翅口感似到十足十，食完一碗想encore菠蘿咕嚕素球呢個就令我覺得廚師好用心平日嘅素面筋大大舊食落會好似食緊舊粉但佢整到細細粒，沾滿哂酸甜醬超開胃!最後食埋糖水，大滿足…Read More

我同老公今日想食健康啲，於是就嚟咗長沙灣呢間素食餐廳，聽講品質唔錯，而且非常之抵食首先，值得一讚嘅係呢度環境舒適，乾淨，很有中國的古典味道二人餐都只係$168 ，選擇亦好多首先可以選擇素湯或金湯海皇翅，金湯海皇翅別出心裁，材料有金菇、粉絲、南瓜等等，顏色鮮艷吸引，味道香甜濃郁，真的幾可亂真然後可選擇三款小菜，其中包括杞子雲耳浸淮山，營養豐富，味道清新，雲耳尤其可以補充鐵質，係健康之選另一款係南乳家鄉齋，材料有雲耳、茄子、紅蘿蔔、蘑菇等等，非常豐富，送飯一流最後一款小菜係豉汁南瓜蒸排骨，一開始好好奇究竟點樣可以模仿排骨豬肉呢？原來師傅用豆品造成排骨的質感，配上豉汁，真係好似食緊豉汁排骨飯!而南瓜亦吸收晒豉汁的精華是日甜品有紅豆沙，我哋仲加咗椰汁杏仁露，很香滑，非常滿足…Read More

我男朋友話早前經過長沙灣有間樓上素食餐廳， 本人一直都好中意素食中式菜， 所以特登搵日上去試。泰有營一聽個名以為係泰菜 😂 其實唔關事係素食酒樓， 主打中式菜。經過元州村同一兩個街口， 位置唔算難搵。一上到去， 原來呢間餐廳都有幾多街坊熟悉， 星期五晚好多都係一家大細上去食晚飯。 而且， 望落個價錢都真係唔貴， 如果我係街坊都會當做平日晚飯既好去處。除左樓下既正價餐牌， 我地就揀左$168二人餐。 會包金湯海皇素翅， 三道菜， 同兩碗飯。再另外叫左兩道小食， 冰梅涼瓜同芒果海鮮卷。先上左金湯海皇素翅，原來係南瓜底， 加上素翅 蟹柳等。個湯好清甜， 有淡淡既南瓜味。食得出啖啖素翅 同真既冇分別冰梅涼瓜好香梅味，但係怕酸既/怕梅味就建議諗諗先芒果海鮮卷炸得好脆 可以做到外脆內軟釀係入面既沙律都有香甜芒果同沙律味而家好難係其他地方食到我以前中意個隻芒果海鮮卷，呢間就做到以前個種味再黎主菜， 菠蘿咕嚕素球。 酸酸甜甜， 素球炸得好香， 熱辣辣咁食仲食到脆口外皮。配料都好新鮮， 撈飯一流， 撈左半碗飯。辣汁四季豆叉燒， 對我黎講四季豆先係重點， 辣辣地好惹味， 四季豆好爽， 食得出鑊氣之作先有呢個味道。叉燒係少見嘅， 但係質感都好好食， 似係有醃過， 又另一種味道， 一樣好味！之後就係南瓜豆鼓排骨，即叫即蒸，所以係最後先試碟，陣陣既豆鼓香，上面有"排骨"，下面鋪左南瓜做底，南瓜配上豆鼓非常之match， 我將南瓜整碎撈埋D 飯一齊食。排骨，"骨" 係中間條面筋，肉就係出面既豆腐，雖然唔可以話好像真，但係對佢既配搭同心機真係欣賞，而且夠哂入味！食到尾聲，D 菜好送飯到成碗飯都食哂，最值得讚係店員既好態度，雖然都多人，但係對顧客都好有禮貌，翅湯都會為我地分湯。下次會叫埋我中意食素既媽味一齊去食，或者都係過時過節既好選擇。…Read More

原本見到泰有營呢個名 以為係泰國菜🤣🤣🤣🤣點知原來係中菜 仲要唔係一般嘅中菜餐廳 係帶有佛教特色嘅素菜😂😂😂不過其實味道唔差 唔會太鹹太濃味☺️而且價格非常相宜👍🏻👍🏻👍🏻👍🏻一個二人餐都係百零蚊 可以揀湯或者翅做頭盤 兩個主菜同埋白飯 仲送埋甜品🍮雖然主菜份量比較細碟 但頭盤份量比較多 二人餐都會上一煲 加埋白飯同甜品其實好飽🤓唯一可能就係位置比較偏僻要喺地鐵站行10分鐘左右再上樓上舖 同埋裝修比較老派🤯…Read More

泰有營素食星期日，屋企人放假，今日我地唔去飲茶，轉移到長沙灣開餐。上網睇左一陣好多人都介紹「泰有營素食」，因為尼間餐廳，素食選擇多，餐廳價錢貼地，所以今日專登同屋企人試一試！#金湯海皇翅金湯有陣類似雞湯+南瓜湯既味道，個茨汁唔厚似用南瓜淆成！海皇翅味道有別於街頭既碗仔翅，南瓜湯內放了金菇菜、素蟹柳、海皇素翅，入口口感豐富！ 個素蟹柳做得幾似，無論味道定係外型同真蟹柳相似度十分高！而個魚翅好夠爽彈 都幾似魚翅👍🏻#黃金流沙蝦黃金流沙其實就係依家好出名嘅鹹蛋黃，味道一流，鹹蛋黃好出色，素蝦都好大隻，外表炸得好脆好乾身，完全唔油膩，感覺同真蝦差不多，好好食。#菠蘿咕嚕素球菠蘿咕嚕素球係有驚喜，外貌同咕嚕肉冇分別，同坊間食到既咕嚕肉汁基本上是一模一樣，唔講真係唔覺得自已食緊素菜！而且醬汁調得非常好，素球細細粒外脆內軟，炸得吾油膩，外層微脆，菠蘿香甜，加上爽脆三色椒，口感一流！#鼎湖竹笙金瓜扒上素呢碟餸我哋好期待 因為點左之後 侍應行埋黎話最少要等半個鐘！上菜個陣 賣相十分吸引！ 而且好足料，有大量爽口嘅竹笙配上好新鮮嘅蔬菜、冬菇、木耳、雪耳等等，口感豐富，比較清淡，食落感覺十分健康。…Read More

#泰有營素食 (長沙灣)屋企長輩👴🏼間唔中都話想食素食。今次搵左呢間「泰有營」😂原本以為有泰式素食，但原來都係中式素食黎。大家唔好因為名誤會左呀。#金湯海皇素翅黃金顏色茨汁似用南瓜淆整🎃加埋金菇、素蟹柳、假翅，口感豐富。素蟹柳同真蟹柳相似度十分高。係一個甜甜地茨湯，幾特別。#菠蘿咕嚕素球上台嗰陣好驚訝🙀外貌同咕嚕肉冇分別。而且味道都好相似只係偏酸一丁點。#鼎湖竹笙金瓜扒上素好新鮮嘅蔬菜🥬配上爽口嘅竹笙。比較清淡但係食落感覺十分健康。#黃金流沙蝦外表炸得好脆，🍤素蝦都好大隻，唔似真蝦咁實淨比較軟身，但同樣好食。#蛋白杏仁茶最後食埋個甜品就大滿足啦。杏仁味好香加埋一絲絲蛋白。好滋潤！順帶一提，其實食套餐會抵食好多㗎！…Read More

今日約咗個食素嘅朋友食lunch 佢就介紹咗呢間泰有營素食 睇見個名就覺得係泰國菜x素食 原來係一間食中式菜式嘅餐廳嚟嘅😂入到嚟覺得氣氛好peaceful 同外面煩囂嘅感覺豁然不同🙊 靜靜地食餐飯都係唔錯嘅選擇 原來都有幾多人係買外賣返去食嘅今次試吓佢個三餸一湯 金湯海皇翅 份量相當多 幾乎每人有三碗😮 湯底係南瓜湯 入面仲有金菇 蟹柳 同埋素翅 口感都幾豐富辣汁四季豆叉燒 可能係我地都食到辣嘅 略嫌唔多辣 四季豆唔會太硬😬 素叉燒 都幾有蜜汁味 不過口感同真嘅豬肉都有啲分別 呢個俾較彈牙怡香茄子 呢碟炒得幾惹味 幾好餸飯👍🏻 除咗茄子外 仲有啲素肉碎喺面添 涼瓜炒蛋 呢碟做得幾出色 炒蛋好滑 半生熟咁 同埋佢嘅苦瓜係一啲都唔苦😻 連友人唔鍾意食苦瓜都肯食加咗碟小食 黃金豆腐 外脆內軟 香口野就啱晒我喇 真係好值得推介😚因為呢個二人餐太豐富 我地太飽 冇食到甜品😂 應該都夠三個人食…Read More

好一段時間冇食素菜喇，今晚同朋友係長沙灣揾到間素食館，見門口大大個2人特價套餐menu，價錢相當抵，十款小菜任擇三款，加埋一個湯同甜品，樣樣都好吸引。2個人好有默契就上左去。店鋪裝修自然，燈光和諧，加上佛像嘅裝飾，感覺舒服。食具潔白幹淨，印有荷花圖案，脫俗優雅。除左2人套餐外，食物款式選擇相當多。我哋係門口已鎖定2人餐，另外再加多2個小食。金湯海皇素翅湯底滑口，茨汁吾厚，材料豐富，有好多素翅，份量每人足夠2大碗。菠蘿咕嚕素球紅紅綠綠，顏色鮮豔奪目，咕嚕素球外層炸至金黃，沾滿甜酸醬，內層完全吾'肥'，味道酸甜而不膩，好美味！怡香茄子煲茄子軟腍潤香，鮮咸適口惹味。平時食嘅茄子煲好油膩，但呢個家常茄子煲吾會，佐飯無得輸。杞子雲耳浸淮山雲耳同鮮淮山共通點係「爽脆」，鮮淮山吾會滑潺潺，加上芹菜獨特香味，一道簡簡單單，健康素菜，味道清新，多種顏色，賣相吾錯。因不想浪費，2人餐只要了一個白飯。白飯大大碗，煙韌中粒粒分明。是晚甜品：紫米露紫米露濃稠適中，吾太甜，煙煙韌韌有口感。黃金豆腐大廚師廚藝了得，將平平無奇嘅食材，炸出外層金黃皮脆，內裡口感鬆軟滑嫩嘅黃金豆腐，點上酸甜醬汁,香酥美味！一粒一粒吃不停。香芒海鮮卷另一香口小食，外皮鬆脆，內裡餡料間夾著香濃幼滑嘅沙拉醬、素海鮮同芒果肉，啖啖充滿香芒味，入口熱辣辣。微酸帶甜，醒胃！又多一個價錢大眾化，食物美味嘅素菜食堂收藏及推介俾朋友啦！…Read More

身邊有幾個朋友都有濕疹同皮膚過敏，大家約出黎食飯都好歎揀食咩好。朋友建議去食素食，上網睇到依間不如試下。位置係長沙灣，出左地鐵站行7、8分鐘左右，係樓上鋪，環境清幽新浄。揀左2人餐再加多2個小菜，2人餐可以選一個湯三個小菜，有白飯同甜品。湯揀左金湯海皇翅，湯頭鮮甜配料好足，有菇菌同素蟹肉仲有素翅。2人餐小菜選擇都多，素肉叉燒大家可能都有食過，但依度嘅叉燒不得不讚，辣汁四季豆叉燒味道惹味香口，叉燒口感超似一點都唔乾身。菠蘿咕嚕素球係有驚喜，素球細細粒外脆內軟，口感一流，唔講係唔會覺得自已食緊素菜。杞子雲耳浸淮山夠味得黎有鮮甜味，淮山係薄片口感爽口清甜。另外還有冰梅涼瓜和黃金豆腐，涼瓜冰冰涼涼，脆口帶點酸甜，沒有苦味是甘甘的，好岩夏天食清熱氣又好味。黃金豆腐外脆內軟，豆腐好滑好香豆味，帶少少椒鹽調味已經好好味。最後係甜品芝麻糊，好香芝味麻，而且唔會好甜，食完飯食碗岩岩好。…Read More

其實深水埗長沙灣一帶都蠻多素食店，雖然都以傳統中式齋菜為主，但就以價錢實惠，抵食夾大件取勝，平日簡單解決兩餐都唔錯。這天來到長沙灣順寧道一間叫「泰有營」的素食館，聽名字我第一個想法就是吃泰國菜，實際上有甚麼吃呢？看下去就知道了。餐廳的入口在兩間雜貨店中間，門外有展示午市套餐餐牌，行樓梯上一樓就到了。樓梯有點窄，上落時要很小心。泰有營逢星期一至五都有 HK$43 特價午餐，有粉麵飯食再加碗素湯。另外也有更特惠的下午茶餐，散叫的選擇也非常多。所以，雖然店名叫泰有營，但這裡其實吃廣式小炒為主，午餐的菜式也跟香港茶餐廳很相似。店內有大小圓檯也有四人檯，看起來幾適合團體聚會。除了平日特價午餐，也有這款素食小炒跟白飯例湯的套餐，供應時間還到下午五點，十分方便。平常屋企無乜湯水飲，午餐有素湯飲很開心，湯好味料也非常足呢。 黃金豆腐 HK$68我最鍾意出街食炸豆腐，因為自己唔會在家開鑊油做，這個外脆內軟夠香口，不過我覺得可以加多一點椒鹽。隨豆腐有一個泰式甜酸醬(泰式原來在這邊 XD)，點醬食比較有味。 南乳家鄉齋(午市套餐) HK$58其實我暗地裡很喜歡吃南乳粗齋，雖然很多素食者會覺得這個很悶很普通，但南乳煮一堆蔬菜就是好吃呀，不是嗎？這裡的南乳家鄉齋比想像中多料，細看之下原來有茄子、蘑菇、荀、粉絲、玉米荀、黑木耳和白木耳等，下面仲有黃芽白鋪底，吃起來很豐富。例是平常南乳齋會有的腐竹就沒吃到，可能家鄉不同的關係。 欖角四季豆叉燒 HK$88想再加個菜吃，看照片素叉燒很吸引就選了這款。小菜看起來很夠鑊氣，四季豆和叉燒都有入味。原來除了四季豆還有我不喜歡吃的韭菜，另外我覺得素叉燒可以再切薄一點更好吃。泰有營環境舒服，可以坐很久，小菜價錢合理，茶又幾好飲，都幾適合約朋友食素傾計。由長沙灣地鐵站行過去可能有少少遠，住九龍區可以搭巴士，附近蘇屋村有好多巴士都到。…Read More

食齋菜? 好多人都會話「不了」，連我都好想「不了」，但出得黎食野就要作出新嘗試，次次都係食果啲都總會有啲厭倦，今次就同朋友黎左長沙灣食齋菜，近期食啲野都係多肉少菜，今次就一於掉轉食全素宴! 一上到去啲擺設就好有中國風，古色古香。我地叫左個二人餐都只係$168，仲可以十揀三款菜式，套餐仲包括湯同是日甜品，都可以話係超級抵，出面食齋個價錢都唔平，但呢到就可以搵到間價錢親民嘅齋菜餐廳，而且味道好有家的感覺，就算我唔係一個食齋嘅人對齋菜都唔會再有抗拒感。金湯海皇翅入面有素翅、素蟹柳同金菇，素蟹柳令到海皇翅提升鮮味，素蟹柳嘅口感比起蟹柳更加彈牙，金湯海皇翅味道非常濃郁，味道調味得恰到好處，兩個人分每人都有2-3碗，分量夠哂豐富。我地仲叫多左個小食(香芒海鮮卷)，炸得金黃香脆，食得出係即叫即炸，入面包住左芒果肉同雜果，仲可以點沙律醬食，味道酸酸甜甜，更加開胃。菠蘿咕嚕素球個樣睇落去同一般嘅咕嚕肉無分別，素肉炸得好香脆，仲有彩椒粒同菠蘿片，令到個菜式更為豐富。辣汁四季豆叉燒，叉燒嘅仿真度無論味道同口感都非常之高，素叉燒口感較為彈牙，四季豆同素叉燒都好入味，食落去有少少辣，好惹味，送飯一流。紅燒豆腐唔係只有豆腐咁簡單，除左有彩椒之外，下面仲有娃娃菜墊底，豆腐好嫩滑，豆味香濃。最後仲有是日甜品-紫米紅豆沙，原汁原味，唔會加左好多糖做到死甜，所以食左都唔會好膩，連我呢啲唔鍾意食甜品嘅人都幾鍾意食呢款甜品。今次無肉之旅食得好滿足，令我對齋菜改觀唔少~…Read More

上次係附近食完野，見到哩頭都好多小店，喜歡光顧小店的我今日放假一於拉埋個朋友再黎發掘下先，行下行下，朋友對間素食館話有興趣，我唔多情願地跟埋入去(平時食野都偏清淡的我，覺得唔需要去食齋甘乏味吧？ )沿住樓梯走到上層，地方寛闊企理，店內四周都可見到觀音像，朋友完全唔理我，話要叫個二人套餐，有三餸一湯加埋白飯同甜品，唔洗太用腦諗，落單。湯，有兩款選擇，朋友終於問我想飲邊款了，素湯和金湯海皇翅，我揀左金湯海皇翅，而小菜我就點左波蘿咕嚕素球同辣汁四季豆叉燒，起碼聽落個名都唔多Dry先，朋友就話想食杞子雲耳浸准山，話可以明目兼補脾胃。個湯先上，原本以為只係每人一小碗既份量，但畢到成4碗出黎，顏色金黃，飲落甜甜地，當中有素翅、金菇同仿蟹柳。波蘿咕嚕素球，望落都好似平時所見既咕嚕肉，D素球咬落似雞肉既質感，幾特別。辣汁四季豆叉燒，嘩，幾可亂真，幸好叉燒食落係豆味咋，四季豆配辣汁炒，夠野味。杞子雲耳浸准山，味道清清地，准山爽口，而且食落唔會滑潺潺，店員見我地食完哂野，跟著就主動問我地飲唔飲糖水，是日甜品: 蕃薯糖水，糖水飲到有薑汁味，我食完真係好飽，想即刻瞓返個午覺。…Read More