Thai Food Restaurant (Closed)

見到朋友推薦我就試一試佢，本身都係冬陰功湯愛好者，對冬陰功有一定要求的。當日晏就去食lunch。一嚟到麵嘅份量少，佢碗唔算深 ，所以幾啖食得哂。之後，配菜少 得2個蕃茄仔加少少秀珍菇，一條生嘅生菜，完。雞翼就好食嘅，可能係炸，仲要係即炸嘅冇乜可能會難食嘅🤣到湯底方面，講真，唔係我杯茶，一睇都知係淡，的確係淡而唔酸唔辣，亦冇用椰奶去令個湯底有色有少許椰香味，飲唔出冬陰功嘅味道，3分/10分！金邊粉都算唔錯嘅，有花生乾辣椒青檸，不過就冇一點點張口（ 黏住口）嘅感覺。木瓜沙律算係最正常發揮，份量都多嘅42蚊午餐。講真，如果真係嚟試嘅，唔好叫冬陰功，可以試其他，哩間冇乜特別…Read More

星期日，和太太去元朗行街順便食個輕便下午茶，行到去水邊圍邨，見到有幾間泰式餐廳，諗住求其搵一間試下，行到街尾見到泰妹呢間餐廳同價錢都合理同有很多顧客正在用餐，所以和太太一起入去試試。呢間小店嘅廚師👨‍🍳係泰國人，我們點了香茅豬排🥩凍檬和海南雞飯。香茅豬排🥩調味適中同烹調得剛剛好，令到豬排不會過熟而肉質好柴，而比較特別是凍檬嘅酸辣汁是雪凍，所以撈檬時特別好味😋，檬粉亦有彈性同口感。至於海南雞飯就比較失望，油飯很普通，而雞肉就比較嚡。總括而言，如果經過都可試吃凍檬或者香茅豬頸肉（之前試過），價錢都算合理。…Read More

朗屏站B2出口，約行五分鐘 地段優勢，旺中帶靜，吃到這個質素和價位的正宗泰國菜，是寶。椰汁雞湯 份量剛好， 不濃不稀，偏酸，可能香料引致，不懂欣賞。泰國奶茶其實是茶走，用煉奶沖調， 叫了少甜，突出茶味，另一種的滑溜。 不是奶粉沖，可以一試。炭燒豬頸肉較乾身，必須點秘製汁和 配搭酸菜一起吃。肥瘦均勻， 紋路清晰，絕不油膩。鹽燒烏頭額外多叫，皆因干烤烏頭能鎖住魚肉肉汁，也烤走 多餘魚油，肉質鮮美，配菜如圖，極多。 魚的大小根據當天送貨情況。生木瓜沙律 灼過的鮮蝦開邊，靚。小辣，十分開胃。菠蘿海鮮炒飯 旁邊擺料有腰果、肉鬆。擺在旁邊是一種細心，用烤腰果代替花生，再加分。大蝦大青口， 粒粒分明的黃薑飯和食材，吸睛。咖哩炒蝦碌伴薄餅半熟滑蛋白配自家製咖哩，超級好餸飯。那種咖哩粉主要用來上色，味道不濃，不會搶走蛋白的角色。 大大隻蝦碌連殼沾粉漿炸過，回味無窮。同樣配菜很多：三色椒、洋蔥、豆角等等。每次都吃不完，超級大碟。可以另外加幾十蚊買這個咖哩醬，送禮自備 。 薄餅是普通的細油酥餅。炒芥蘭有鑊氣，爆鑊料頭多，加上玻璃芡 ， 色香味俱全。椰汁糕非常有心思，用多款模具 製作，最後再淋一層新鮮椰漿及烤椰子乾，很有嚼頭。紋理不清晰。也不知道是班蘭葉味道太重，還是加熱器皿問題，有少少怪味。習慣先上湯，然後上主菜，後上配菜、沙律菜等等。欣賞這安排。整體味道不會太濃，吃完不用喝很多水，讓你的味覺有充足機會品嚐下一道菜。 擺碟漂亮，配菜多，變相營養豐富，增加口感和層次。環境乾淨舒適，位置不多，擺位似飯堂，比較傳聲，木櫈設計，有泰國風情，但不宜久坐。主管很細心，同行的客人 太多，會特別提供膠箱擺放手袋。…Read More

叫咗個海南雞飯，啲雞勁多，😍😍啲醬汁嘅味又啱啱好😀好推薦呀🫶🏽🫶🏽炒雞肉河，啲紅蘿蔔係花花形好可愛😍啲雞肉都唔少，味道剛剛好🤭真係好啱食呀！！…Read More

由tuen 門踩去近朗屏，食午餐再踩去天水圍3點坐滿好大份，好好味的船麵午餐set只是$45金邊粉是兩人份量，我食唔晒豬潤好味，餐牌寫有豬紅，但我唔覺有豬皮夠脆豬扒分開上，太好。大件，我都食唔晒。估唔到是炭燒豬扒，好味，唔太咸，仍保持豬扒的原味我加了$8要特飲-龍眼冰，唔太甜，好正!我加了$18食春卷。醬汁唔係泰式辣醬，是酸酸地，似梅子醬上菜速度好慢，可能只有一位廚師。廚師可能沖埋飲品食飽再踩單車有點難度，太飽眼訓，要踩一輪才好啲，無咁眼訓…Read More