泰國佬美食 (Closed)

去大埔搵朋友，朋友帶左我去食泰國野。餐廳好細，要坐出面，好彩早到，岩岩坐左最後一張吉枱🙈～生蝦刺身～味道唔錯，醬汁酸酸啲，幾開胃～冬蔭公花甲湯～好足料好多花甲，冬蔭公好濃味，重椰香，凍凍地黎食，都幾正！👍🏻～泰式燒雞全翼～乾左少少，不過都幾惹味～串燒豬頸肉、泰式燒白鱔～有肥美嘅白鱔，夠特別！豬頸肉唔會太乾，好香口～香辣肉碎煎蛋飯～最岩我哩啲重口味人士，肉碎辣辣啲，好香口惹味，白飯夠乾身，溝埋一齊食就岩岩好，推介！👍🏻😋～椰青～幾甜，味道唔錯…Read More

假日午餐通常都會出去食，廣福道周邊有唔少餐廳，泰國佬算係比較新既一間。午餐價錢由五十到七十到，都有六七款可以選擇。揀佐睇落最穩陣既海南雞飯，份量正常，以泰國餐黎講算係淡口味。雖然跟餐送凍熱飲同冬蔭公湯，但五十幾蚊偏貴，大埔絕對有其他更好選擇。…Read More

和裝修前的那家相比(裝修前那家泰國菜就比較正宗泰菜味道，價格也合理)，廚師完全不在水準(一定唔係九龍城那個)。食物：冬陰功湯河冇冬陰功味，入面牛腩非常硬，唔夠冧，豬肉丸好似隔夜(唔新鮮)。豬手飯唔喇喇淋左D生粉汁，且少咗生菜。明爐的湯味道一般，魚肉太蟹。且裝修之後加價，連凍檸茶都冇送。服務：侍應面黑黑，叫給杯水，三個人淨係一杯白水，講話態度麻麻。環境：坐位太細，坐得非常唔舒服。一定唔會再去。…Read More

半年沒有來大埔墟搵食。來到這裡發現開了一間泰式小店 裏面空間很小 只有幾張台 但無論裏面和門囗都坐滿了人。於是坐低試下 門口寫著推介 肥佬勁辣炒飯⋯⋯從來未聽過這個飯，於是喜歡吃辣的我點了這個試下 還有青邁肉碎生菜包和大頭蝦冬陰功湯。 真是充滿驚喜 首先個肥佬炒飯很香 夠乾身 而且夠辣越食香 應該用了很多泰國香料來炒的 喜歡吃辣的值得一試 青邁生菜包夠辣夠香。比起大店的生菜包有過之而無不及。 冬陰功也非常香農。 但可能煩忙時間 店小 外賣多 上菜有點慢。 不過這是一間不錯小店 希望一直保持水準…Read More

泰國佬環境：👣食物：🤢態度：😊性價比：👎🏽埋單大概250-300第一次比分比到轉公仔😥原諒我接受能力低。環境方面，店內似劏房改成餐廳，超逼咁都坐到三枱2人枱既，再逼d坐三個都仲得，夜晚放曬d枱出街，扮大排檔，幾有風味既。食物方面，等我逐樣分享：椰青：甜既，無問題既，細姐。豬牛雞串燒：好鹹既湯渣會唔會好難明？雞滑d，因為有少少唔熟，個汁就橙黃色，甜甜地咁囉。飛天通菜：我覺得個辣剛好，朋友食唔到。（利申，我食譚仔大辣）香辣雞飯：一pat燶左既汁，一pat厚厚既油，一舊舊炸燶炸乾左表面既雞，然後5知係通菜辣定雞唔辣，您當好L燶既啫啫雞煲食係唔錯既。蝦醬炒飯：（重申我5食得）友人食到問候佢高堂咁囉，好少事青檸梳打：友人話無落糖，侍應話唔夠幫佢加🙄🤔態度就不得之了啦，五星級服務，賓至如歸，家既感覺，完全係同呀媽既對話，當您無比家用既時候⋯⋯總括而言，d野食完全唔泰國，好有東北既味道，仲要9點去食都等半個鐘先上菜（得一個廚師？）🤔唔知下一間開咩呢…Read More

聽網上介紹呢間小店價錢合理又不錯所以就上門試試一入到店裏面空間不大 但都有4套枱櫈餐單都算多選擇整潔有條理泰式炒河非常夠獲氣 有d似茶記既干炒牛河咁好味但有帶點泰國特色 整體來說不錯泰式炒金邊粉有花生同青檸撈撈 可以因口味而添或減略嫌有少少痴埋一舊咁 同料有d少不過hkd48左右價錢同材料比例都接受到:)三色冰有三色既帶有少少咬口既涼粉冰 有少少未mix好 因為有d涼粉痴埋一舊 亦偏甜但接受到 都尚算解渴可能因為外賣多所以上菜來說有點慢但小店來說都不錯 希望可以維持質素…Read More

住附近見到新舖 仲見到兩個講泰文師父應該無衰點都試下 1200宵夜得2枱 叫左濕炒河 冬陰功湯花甲木瓜沙律 雞肉豬肉串燒 全部都好好味特別 是冬陰湯底 可惜花甲差小小……有沙 下次都係叫蝦( 見到隔離枱好大隻 )木瓜沙律超好味 木瓜夠凍又好爽脆 绝對有下次！！！…Read More

又來大埔墟搵食了，一路諗緊食乜嘅時候，竟然見到新開咗間泰國菜餐廳，見價錢唔貴就試下啦。餐廳面積較細，大約十個位左右，由於已經差唔多兩點，所以都唔需要等位。午餐有飯有粉，都係四十蚊左右，兼送汽水一罐，算係抵食。今日叫咗冬蔭湯河配海南雞及牛腩，大約五分鐘就有得食，河粉感覺上較為細碗，一般男仕未必夠食，冬蔭功湯味道香濃，個人覺得略嫌唔夠辣，海南雞嫩滑唔鞋，牛腩份量算多，入味之餘亦唔韌，其他配料有蕃茄芽菜等等。總括黎講，呢間泰式小店食物味道唔錯，但有少少唔夠食，下次可以試下個咖喱飯。…Read More