Boss House

Weekend breakfast😋早餐都幾抵食👍🏼分別叫左沙嗲鮮牛肉公仔麵和沙嗲雞塊公仔麵早餐😆包埋炒滑蛋，香草蒜茸多士都係佢地既推介👍🏼蒜蓉都幾多下好濃郁😉另外加多幾蚊就有件薯餅😋港式早餐點會少得佢🤣另外我地再加左個超邪惡既奶醬多士🥪花生醬都好足料🧈爆曬醬出黎😆跟餐有杯嘢飲☕️要試下佢地既葡式咖啡，我好似第一次飲🤣好特別☕️咖啡味道都好濃郁☕️推介大家試下👍🏼一試可能愛上左呢種味道😝…Read More

一朝早想食豐富美味嘅早餐，就去咗 #波士冰室 ！裝修懷舊嘅茶餐廳！座位夠晒闊落，早餐款式選擇好多，都幾特別～食早餐梗係要食沙嗲牛麵啦！🍜沙嗲鮮牛肉公仔麵我就係轉咗出前一丁嘅面底，再加個薯餅，蒜蓉丹麥多士！蒜蓉丹麥多士焗到香噴噴，咬落去又鬆軟再配上惹味的蒜蓉正呀！軟硬適中的沙嗲牛麵～薯餅比較厚身咬感豐富。🥩西冷牛扒併餐肉配上炒蛋蒜蓉丹麥多士再加薯餅，非常豐富加飽肚又大份！西冷牛扒咬咁鮮嫩再配上惹味的黑椒汁絕配。餐肉係厚切嘅午餐肉啊！最後當然嗌返杯凍檸茶消滯啦。飽肚滿滿。…Read More

叫咗常餐 瑞士雞翼唔熟 ，瑞士汁唔入味，得塊皮有色。雞翼入面唔熟，仲有血 。撈面都冇乜味。。。好淡炒蛋一樣冇味，仲好散，唔好食。脆豬叫咗多奶多牛油結果嚟到又細舊又普通。冇乜牛油，食落都脆嘅但唔香。朋友嘅餐佢都表示唔好食，蔥油冇味，沙嗲牛面好一般紅豆冰算好，奶味都香！不過紅豆一粒粒 ，個人就鍾意紅豆蓉多啲。不過呢啲就因人而異嘅但整體價錢都唔平，人均都60幾70唯一讚係店員服務態度算幾好環件都算乾淨本身想食下啲懷舊茶餐 結果好失望冇下次…Read More

今個星期日是個滿滿行程嘅一日，行程結束後，就醫一醫肚，田力氣好好去玩，於是去到位於銅鑼灣的波士冰室食早餐。以QR Code下單，全日不收取加一。魚香茄子班腩+白飯+紫薯紅豆冰($102)欖菜肉鬆四季豆+白飯+柚子熱情果梳打($96)沙茶玉樹牛仔肉($72)服務值得一讚係侍應相當友善，即使忙到踢晒腳，但依然招待周到。…Read More

嚟到灣仔想食個早餐 普通茶餐廳座位又唔夠闊落 我會推介呢間波士冰室。呢間波士冰室 勝在 新派冰室 座位闊落 服務員態度好 而且選擇好多。首先就叫咗一個餐肉蛋公仔麵 正正常常冇得輸 餐肉厚切大大份 煎荷包蛋 配上軟硬式中的公仔麵 港式情懷。之後就叫咗佢哋個主打 厚切豬扒 奄列 配上蒜蓉 丹麥西多士。丹麥西多士 焗到香噴噴 配上蒜蓉份外惹味 火腿蛋奄列 蛋黃味濃鬱 火腿絲又有的 用來做早餐就醒 胃。拳頭豬扒 大大 塊 的非常 厚切。咬落豬肉味濃， 最後配上杯檸茶消滯。…Read More

辛福的下午，我踏進了「波士冰室」這塊平民美食天地。啲座位唔算太貼，閒閒地搵個位坐低，一份咖哩牛筋腩飯就噏到面前。牛筋腩軟得黎仲有嚼勁，咖哩香但唔會辣得太過火，鋪落白飯上面，簡直係絕配！舊式嘅環境加埋香滑嘅食物，真係食得好過癮！講起甜品，我落咗個奶醬多士。🍞 啲多士煎得金黄，邊啖咬落去都係酥脆，夾埋甜甜嘅奶醬同花生醬，攪拌出一種無得頂嘅滋味。嗰個滑溜溜嘅蛋白杏仁茶更加係撲涼撲涼嘅，一杯飲落去，個人都精神晒！啱哂熱辣辣天氣嘅就係凍鴛鴦嚟了！呢款飲品喺我心目中係標準嘅港式涼快，咖啡同奶茶嘅絕妙組合，令人一試難忘！😋今日嘅飯局喺到講完，波士冰室嘅味道老實講真係正！啱啱好，唔洋氣但卻親民得嚟又咁夠格調，我哋下次走過依度，絕不能錯過。👍🏼…Read More

行過路過想食個下午茶，見門面都唔差，門口個餐牌定價唔太貴就入去試試！自己點餐幾方便，點了一個「惹味黑椒汁海鮮燴螺絲粉+葡式凍咖啡」咖啡先到，可是喝一口就不想喝，味道很苦，咖啡味很少，可能我唔識葡式咖啡係咩味🤦🏻‍♂️ 之後等了差不多十分鐘，螺絲粉到了，第一眼望落去以為叫齋螺絲粉，海鮮係邊🤔 摷左好幾下終於見到好細粒嘅魷魚同細蜆肉，基本上成個餐 99% 都係螺絲粉，黑椒汁無黑椒味，完全唔覺得點惹味！第一次就非常失望，雖然係下午茶餐，但水準都唔好咁掛 🤦🏻‍♂️ 真係多謝晒…Read More

之前食過荃灣嘅波士冰室念念不忘，今次就黎灣仔食番個下午茶過下癮。蔥油豬扒煎蛋撈丁 $49餐飲配熱鴛鴦煎至金黃嘅豬扒，再淋上濃郁嘅蔥油，非常惹味回味無窮。同埋唔少得嘅熱鴛鴦，奶茶同咖啡嘅組合，香濃好味，好有香港特色。吉列魚柳併薯條，加配花生醬西多士 (半份) $48餐飲配熱奶茶魚柳炸得香脆，搭配熱辣辣嘅薯條同花生醬西多士，口感層次豐富。再配上一杯熱奶茶，係經典嘅港式下午茶。下午茶餐C - 鹹魚雞粒炒飯 $53餐飲配熱咖啡炒飯入味，鹹魚嘅鹹香同雞粒嘅嫩滑，好有飽足感，配埋一杯熱咖啡提一提神。…Read More

濃厚港式的味道👅今日假期同屋企人食個靚早餐見了呢間茶餐廳裝修環境衛生乾淨性價比高，仲比佢個蒜茸多士吸引著！沙嗲鮮牛肉公仔麵🍜沙嗲味濃郁，食落好香又唔會太鹹炒滑蛋+香草蒜茸多士炒蛋份量都多，蛋香嫩滑！香草蒜茸多士外脆內軟，超濃郁！西冷牛扒併雞肉腸火腿奄列+香草蒜茸多士牛扒都好大塊，配埋黑椒汁超惹味火腿奄列好大份，中間仲有火腿真係勁飽！超豐盛嘅早餐！📍 波士冰室 (灣仔)灣仔莊士敦道35-45號利文樓地下A號舖…Read More

今早和媽咪路經灣仔的波士冰室，見內裡裝修企理，就順道入去嘆個早餐啦😉 我們叫了早餐E 及F，分別是吉列魚柳，及西冷牛扒，兩個早餐都有拼雞肉腸、火腿奄列、香草蒜蓉多士，及餐飲一杯。另外，媽咪想吃湯通及丹麥多士，我們也加了一個豬扒湯通粉，及加$5 轉做香草蒜蓉丹麥多士。 ～ 吉列魚柳：這個魚柳可說是茶記中的世一，入口熱辣辣之餘，魚肉肉質細嫩，加上外脆內軟，帶來吃早餐的高級享受😎 ～ 西冷牛扒：牛扒大大件，牛味十足，肉質嫩滑，加埋黑椒汁，簡直有据扒feel👍🏻 ～ 雞肉腸：味道不鹹，很有咬口。 ～ 火腿奄列：蛋漿不會煎得太熟，蛋香十足，入口juicy，連埋火腿絲一起吃，美味可口。 ～ 香草蒜蓉丹麥多士：丹麥多士外鬆內軟，味道帶有一點甜，入口有濃烈的蒜香，這個絕對值得加$5 享用。 ～ 豬扒湯通粉：嘩！豬扒有成塊面咁大，煎得很香，厚肉有質感，配通粉吃一流。 ～ 餐飲：我叫了熱檸茶，媽媽加了$5 轉熱鮮奶，健康有益。 整體來說，波士冰室的茶記早晨套餐性價比高，魚柳、香草蒜蓉丹麥多士一試難忘，確是茶記世一，加上招呼親切，下次一定會再來。…Read More

放工仍然趕得切下午茶的尾巴，揀左灣仔港鐵站附近的「波士冰室」以懷舊茶餐廳作主題，綠色為主調，面積不大，但下午茶時段人客不多，可以任坐。波士下午茶餐選擇不少，黑椒汁海鮮燴螺絲粉 $50 啱晒有少少餓嘅我，店員送上枱時差啲比佢嚇一跳，份量和午餐有得揮，用上當然是雪藏海鮮，但大廚也出手慷慨，有超多魷魚、蝦仁、蜆肉；並加上三色椒粒，黑椒汁相當惹味，微微地辣，有少少汁，最緊要唔油膩。奶茶紅豆冰$12比例太正吧！紅豆超多不過凍奶茶甜左少少、淡左少少😓…Read More

今天週未，約了朋友行一年一度灣仔會展電腦節，選一間近會展位的餐廳，上次去過這間吃，環境不錯，食物價錢便宜有水準，今天再去吃，坐下看了一會餐牌叫了洋蔥豬扒拼火腿飯  豬扒有厚度，肉身好軟霖，一切已切到，濃郁豬扒香味同洋蔥香味，配飯汁好鮮甜，火腿薄薄，滑身，特別香火腿味吉列魚柳旋渦蛋包飯  魚柳炸得金脆，入口特别脆卜卜，好鮮魚香味，少見，旋渦造型蛋舖在飯上，吃一口蛋，蛋身好嫩滑，蛋連同飯一起吃，濃香蛋味同飯香味，有層次口感凍檸檬紅茶  好鮮香檸檬茶味，甜度剛剛好凍檸檬利賓納  少有，見到叫一叫，各有鮮檸檬茶香味同利賓納清香味，味道搭配，適中甜味火腿滑蛋三文治  厚三文治，飽底好軟熟，火腿味好香同滑身，蛋身厚，特别鮮香蛋味，好嫩滑，不同平時口感…Read More

今天剛要去港島辦點事，見灣仔電車路這間茶餐廳很多食客，又有卡位，比其他茶餐廳沒有那麼擠迫，使入去試試！裝修也頗特別，有一種懷舊香港的氣息。坐在茶餐廳內看著電車，細味一下香港的味道午市有套餐，見炒牛河賣完有點失望，幸好有豬扒司華力腸飯、吉列魚柳飯、咖喱、常餐等等。我最喜歡吃焗飯，便叫了芝士焗雞扒飯🥰焗雞扒飯賣相中規中矩，真的是熱辣辣，不是將貨就價的午餐。芝士味道濃郁，最欣賞的是那塊雞扒，厚厚的，切開芝士汁滲入了雞扒之中，甚為好味。🎉我雖然平時食很少飯，但那個飯底做得不錯，軟硬適中，雞扒芝士的香味滲在飯中。簡單一道平凡的菜色也做到大餐廳的味道，不錯👍🏻飲品叫了凍檸茶，茶底味濃，夠凍，真消暑。見到有特色多士，下次再試🥰…Read More

突然好想食番啲中式家常小菜，見到對面波士餐廳裝修得幾靚，所以就入去試下，坐位都好舒適寬落。我地總供叫左兩個小菜套餐。蒜蓉炒菜心啲油落得多左少少，蒜蓉味唔夠濃，菜心還可以，不過不失。咸蛋蒸肉餅呢款真係經典家常小菜黎，賣相都唔錯，豬肉蒸得剛剛好，吾會好硬，不過咸蛋略為細左少少，如果可以大番啲，咁就更加好味。另外我地跟餐叫左個例湯，例湯用料都算相當豐富，有好多紅蘿蔔及瘦肉。值得一讚係侍應姐姐相當友善，見到佢都忙到踢晒腳，但依然保持住笑容。…Read More

食早餐，如果經常選快餐店，就會發現其實沒有太多選擇，整天都是米粉、公仔麵等等。這天趁星期五，下午要外勤工作，所以很早就相約同事，一同到公司附近的「波士冰室」，貪它們有超美味的香草蒜茸多士之餘，最重要是款式多，有唔同搭配，果然是：「多款揀，先至係(波士)老闆！」😋👍🏻由於款式多，我們樣樣都想試，最後決定叫了吉烈魚柳($44)、西冷牛扒($45)兩個餐，打算一人半塊西冷、半塊魚柳。而兩個餐分別都配有雞肉腸、火腿奄列和香草蒜茸多士，超級豐富。而我亦+$4轉了香草蒜蓉丹麥多士，亦+$7點了健康五穀蛋白麥皮兩份分。吉烈魚柳🐠🐠口感緊實、肉質鮮美，烹調時火喉掌控得很好，外皮香脆，內裏依然嫩滑。西冷牛扒🐮🐮煎至外皮焦脆，內部保持鮮嫩多汁，肉質鮮美，調味黑椒汁味道濃郁。至於香草蒜蓉丹麥多士🥪🥪口感鬆軟、外酥內軟，味道香氣四溢。香草和大蒜的組合使得它的風味更加豐富，非常適合搭配咖啡享用。我哋兩個都叫咗葡式咖啡☕️☕️，味道非常濃郁，不會太苦或太甜。它的牛奶部分非常柔軟、順滑，能夠平衡咖啡的濃郁味道，使得整個飲品更加和諧。波士冰室地址：灣仔莊士敦道35-45號利文樓地下A號舖…Read More