Video
Above information is for reference only. Please check details with the restaurant.
Signature Dishes
Review (40)
今日約左寶貝喺佢公司附近食午餐,佢推介呢間話唔錯~當然要一試了舖頭地方唔算大,枱櫈放得算密,我呢D米之連人差D要則身先可以埋到位幸好未到正式食飯時間,所以未見好多客人~我地揀左個比較濶落的位置坐坐落服務員哥仔就放底杯水同問我地要乜野,我地睇左一陣餐牌就落單去到日式餐廳,我一定會叫的係蟹子沙律,雖然唔係乜野名菜,但可以睇到餐廳做食物的心思~蟹子沙律 – 主要係以青瓜絲同蟹柳絲為主,再加D粟米同蟹子~蟹子份量唔算多~冇乜興奮的感覺,沙律漿係用BB牌沙律漿,酸味較重,撈起後入口..噢~係室溫作品,感覺一D都唔清涼,如以正價貨品的話呢個份量我認為少左D~日式咖哩豬扒烏東 - 咖哩味唔夠香濃,結身得黎又啖味左少少,感覺就好似飲芡汁咁,炸豬扒冇想像中咁厚切,外層炸得好香脆,只係簿身得濟,冇左軟淋淋的肉質,烏東就一般,唔算得上特別彈牙,湯底係普通的味噌湯底,幸好唔算太咸呢~傾下講下放飯時間又過去~臨走前點都要去下洗手間洗個手~店舖本身冇洗手間設備~要解手的話要去外面的公厠..要行到鬼咁遠一個人黎食的話就唔係咁方便了~總括黎講..算係見識過佢的出品~小本經營唔會有太高要求,亦唔見得好有誠意之作,可見的未來相信唔會再見,真心希望佢地他日可以有所進步
continue reading
外賣幾款飯及小食，味道一般不過不失，而且不需要等。 問題係比漏左三文魚。 我向服務員講， 佢竟然話幫我跟， 點知回頭話比我知，我冇叫三文魚。 我比張單佢睇， 佢話冇收我錢所以冇。 吓吓吓。。。 三文魚不新鮮，我一食就知。 有點乾身。 另一個豬扒冇咩驚喜， 味道就ok.
continue reading
星期日晚，諗住食日本野就揀左呢間都幾就腳的試下﹗
7:35pm來到被安排到第二邊鋪的角落位﹗
先講服務態度就真系茶餐廳服務， 大家明白啦！ 睇餐牌都幾多野食，但價錢並不便宜，壽司、刺身、小食等價格在均和民之上，拍得住尖沙咀的價錢。
叫左個刺身拼盤配冷烏冬，刺身不厚切，三文魚未見肥美、墨魚亦很薄身，只能說是不過不失﹗
再來的是我好鍾意食的螢光魷魚，醬油味道明顯過甜，一咬魷魚就爆哂0的甜醬油味出來，一0的鮮味都無。帶子刺身直接放在冰上，賣相係好睇0的不過口感實在太冰涼，五十多元有三隻刺身，帶子太凍不鮮甜，麻麻地﹗
再要了個鐵板牛柳粒，唔係有鐵板上枱都算喇，0的所謂牛粒切到好似牛件咁大粒。
牛粒上打左個鹹鹹甜甜既濃味芡汁，牛粒又肥又多筋，我都真係第一次食到舊肥到成件火腩咁既牛粒，有相為證，打芡明顯是牛不新鮮唔靚有問題了吧，靚牛加0的海鹽便可以了，真係睇見都唔開胃，同工友吃到扁哂咀﹗
今日真系黑仔夜晚又整餐咁野，真係嬲死人﹗
continue reading
今晚同老婆嚟大圍＜聚龍居＞探朋友，之後朋友揸車落＜河合居＞食日本菜，原來依家由富健街轉入顯徑街左邊線已經通返車喇，揸車去 ＜河合居＞真方便。今晚個油甘魚鉸好新鮮，師傅燒得好香，外脆，魚肉好嫩 ，溫馨提示“油甘魚鉸每晚限定供應”牡丹蝦好鮮甜，肉質細嫩，炸蝦頭送酒一流，但揸車嗰位朋友無得飲 三文魚同帶子，再一次推介，👍👍😋
continue reading
由細到大都keep住黎食 本來都應該好有感情 但係經過一次翻新裝修成間鋪頭啲原本服務生走晒 三間分房三十張枱只有三个服務生 而且燒物類既野食上菜時間更加係要一個鐘至一個半鐘不等 又多漏單 多次催野食都未到 最終等半個鐘一个雜菜天婦羅都未黎:]其實整體食物係好食既 可惜最近物價飛漲 老闆決定喺食物度落手如清酒煮蜆既蜆size細左一半都算係情有可原 但係晚飯時段人手不足既問題導致客人等左成半个鐘都未有野食真係呢間店鋪既最大問題 今日見到老闆因為客人誤坐另一客人預訂位置嗰樣个嬲樣同惡樣真係小弟同其母親都好驚
continue reading