Ha Noi Vietnamese Cuisine (Sai Yeung Choi Street South)

**餐廳環境：** 地舖位置方便，裝修簡約，座位ok～ **👨‍🍳 服務：** 職員態度友善，見我揀唔定仲主動介紹招牌菜，上菜速度亦快⏱️！ **🍜 食物評分：** **1. 河內小食拼盒 ** 蝦餅同春卷最出色！蝦餅外皮脆到「咔嚓」聲，蝦肉鮮甜🦐；春卷餡料足，熱辣辣脆口，蘸酸辣醬更惹味～ **2. 香茅沙嗲串燒 - 牛肉 (3串)香茅味突出，牛肉 juicy 唔韌，沙嗲醬濃稠帶微辣，食完想再點！ **3. 極品牛三寶湯河粉 ** **湯底真係無得輸！** 飲得出係長時間熬製，牛味濃郁帶香料香🌿～牛筋煮到半透明，入口即化；牛丸彈牙爆汁，河粉份量足，大滿足！ **4. 椰汁三色冰 ** 椰奶香滑唔假甜，三色冰口感有層次，夏天飲超清爽❄️～ **💬 個人感受：** 比起連鎖越南餐廳，呢間更有人情味同鑊氣！牛三寶河同串燒必點，會再回頭～ …Read More

越式菠蘿炒飯賣相唔錯，飯粒炒得鬆軟，菠蘿切塊金黃混入，顏色鮮艷帶少少焦邊。飯吸晒菠蘿汁水，入口甜酸平衡，配埋蝦仁同蛋碎增添鮮味，質地乾爽唔油膩，菠蘿脆口唔會過軟，份量一碟夠飽。🍍雞絲沙律菜葉新鮮，雞絲撕得細細條，配埋紅蘿蔔絲同青瓜絲，賣相幾清新。醬汁微微酸辣，入口雞肉嫩滑無柴，蔬菜脆生解膩，質地多層次，唔會太濕或太乾，簡單但風味足，食落去開胃。🥗西貢咖喱牛腩配法包咖喱濃郁，牛腩煮得軟爛入味，配埋法包烤得脆脆地。入口咖喱香料撲鼻，牛腩juicy帶少少筋，辣度中等後勁溫和，法包吸汁後軟脆對比好，份量啱晒，食落去暖胃。🥘越式香茅雞翼4件份量啱做小食，雞翼烤得外皮焦黃，香茅味淡淡滲入，賣相簡單帶烤痕。入口皮脆肉滑，汁水鎖住唔乾，香茅香氣清新唔搶味，質地嫩滑，配酒或飯都夾，食落去有特色。🍗椰汁三色冰顏色鮮豔，紅綠白層層疊，椰汁淋得均勻，賣相涼爽誘人。入口Q彈，椰汁甜潤唔膩，質地滑順冰涼，熱天飲解暑。🍨龍眼肉新鮮，冰塊細碎，顏色透明帶果肉，賣相簡單但吸引。入口龍眼甜脆，冰水微微甜味解渴，質地爽口無渣，果肉彈牙，飲落去醒神，尤其夏天啱晒。🥤…Read More

今日旺角行街，天氣熱辣辣想食越南菜，酸酸辣辣開胃啲，見到呢間咁多人讚，應該無死，黎到門口見到餐廳坐左8成滿，即刻行入去，遲多幾分鐘仲要係門口等位先入得坐低即刻叫嘢食，餐牌選擇好多，款式好豐富咁多選擇唔知揀咩好，見到有個二人餐都幾抵食，即管試吓二人餐有主菜，有小食仲有得包特飲，仲要餐廳唔收加一，今時今日真係無幾多間會唔收，果然都係小店有良心我地要左個二人餐（$198），豬肉卷撈檬，扎肉湯粉，田園灼時蔬，安南鮮蝦紙米卷，仲有兩杯特飲另外再點一個香茅沙嗲串燒（雞肉）（ $68 ）超大份既豬肉卷撈檬一個人食完都飽到上心口，抵食到癲仲要豬肉卷外皮好香脆，入面肉質好juicy夏天都係要食撈檬先夠開胃札肉湯河，湯頭好香甜，河粉份量多到食唔晒，你個二人餐其實夠三個人食呢個生菜成個小山丘咁，多到咁真係好癲上面d炸蒜蓉好香好惹味鮮蝦紙米卷又係比平時食開嘅大份好多紙米卷爽口清新，配埋酸辣醬，真係幾飽都仲食得落香茅沙嗲串燒係令我最有驚喜，沙嗲醬超級香濃惹味，串燒燒到外皮好香脆，入面好Juicy ，配埋香濃嘅沙嗲醬，唔會有人可以抗拒到串燒份量唔敷衍，咬落啖啖肉，食得好開心最後再黎一杯椰果/芒果椰汁西米露，簡直係絕配，椰汁味好香，好欣賞佢呢啲特飲唔會好甜好甜，西米煮得好冧，配搭得好好，食完飯飲一杯就完美作結呢個價錢又抵又好食…Read More

同朋友去太子整頭髮，之後去食晚餐，河內越式料理裝修簡約舒適，主打正宗河內風味越南菜。香茅雞翼湯檬粉：雞翼外皮帶有微微酥脆感，肉質嫩滑多汁，充滿雞肉鮮甜和香茅的清香味道。湯味香濃而又清新，常有酸辣開胃的特質，檬粉滑順細膩，吸收了香茅雞翼的香氣和湯底的味道，口感爽滑且帶有湯汁的鮮味。越式香茅豬扒湯河粉：口感是滑順幼身的河粉，搭配外酥內嫩、香茅味濃的豬扒，浸泡在滋味豐富、帶有香茅辛香和鮮甜層次的清甜湯底中，呈現出一個香氣十足且口感多樣化的美味組合。椰汁紅豆冰：紅豆的軟糯與椰汁的絲滑相互融合，帶來一種甜蜜且清新解暑的感受。鮮芒果椰汁西米露：芒果果肉鮮甜多汁，西米軟Q彈牙，晶瑩剔透，椰汁香濃滑順帶奶香，口感層次豐富。順化渣手打蝦餅彈牙爽口，外脆裡嫩，肉質鮮甜且層次豐富。香茅沙嗲串燒雞肉鮮嫩多汁、香氣豐富，外酥內嫩，吃起來既香濃又帶有香茅的清爽味道。…Read More

木系主題裝潢 應覺舒適 食物選擇豐富 而且充滿越式風味 正♡⋯⋯食評⋯⋯♡ ☻ 4.6/5 ✨ 雞絲湯河粉湯頭鮮甜又帶清香，雞絲嫩滑入味，河粉彈牙滑溜，令人口齒留香。 ✨ 河內豬頸肉沙律豬頸肉烤得香脆，配搭新鮮切成一條條的爽口蔬菜，調味酸甜平衡，吃起來清新又開胃。 ✨ 越式豬扒包豬扒多汁厚實，夾住酥脆麵包，配上香濃醬料，每一口都令人忍不住再吃多一口😋。 ✨ 法式牛油雞翼雞翼外皮香脆，牛油香氣撲鼻，肉質鮮嫩多汁，味道層次豐富😍✨ 檸檬蜜糖薑茶 & 熱奶茶檸檬蜜糖薑茶暖胃解膩，酸甜適中熱奶茶香濃滑順，兩者完美平衡😍…Read More

放工同同事一齊去太子食飯揀咗越南菜去到6:30pm已經滿座幸好等咗一陣間就有二人枱越式豬扒包用半條長法包開邊搽牛油烤到外脆內軟香茅豬扒煎得鬆化夾埋生菜芫荽蘿蔔絲味道口感好好法式牛油雞翼好香嘅牛油味 皮脆肉滑雞翼炸粉唔厚入口唔算油膩芒果牛油果鮮蝦米紙卷芒果香甜配上熟成牛油果蓉加蝦仁爽口同粉絲嘅Q彈呢個食落感覺健康又好清新極品牛三寶湯金邊粉有生牛肉片、牛丸同牛展同洋蔥等配料牛肉湯好濃好有牛味牛肉唔嚡份量足金邊粉唔會煮到好淋整體好食椰汁珍多冰同椰汁綠豆冰都正常發揮唔會好甜…Read More

今日我同朋友去咗一間好正嘅越南餐廳，試咗幾樣特色嘅菜，真係食到我心坎度！首先，河內特色綜合河粉，呢碗河粉真係好有層次！湯底濃郁，配料有生牛肉、同埋新鮮嘅蔬菜，食落去口感滑順，真係好惹味！每一口都有唔同嘅風味，令人回味無窮。接住嚟係河內牛丸撈檬，牛丸好彈牙，撈麵嘅醬汁係咪超級入味，淨係食麵已經好開心，加埋牛丸就更加完美！每一口都係幸福。然後試咗青木瓜沙律，呢個沙律清新又爽口，配合咗花生同埋香菜，酸酸甜甜，真係好適合夏天食，幫我解膩！飲品方面，我叫咗椰汁珍多冰，椰汁香濃，軟滑，真係好消暑！一口飲落去，心情都變好啦。最後唔可以唔提嘅係甘草紅棗菊花茶，呢杯茶唔單止好靚，味道都好清新，飲完之後感覺好舒服，仲可以幫助消化，真係一舉兩得！…Read More

今日帶媽子嚟到弼街，因為佢話想食下越南野，所以我哋揀咗呢間河內越式料理。未夠七點，餐廳已經Full house，生意非常好，餐牌款式多，有粉麵飯、小食等，選擇超豐富軟殼蟹米紙卷 $74 🦀 四件份量十足，餡料多到一啖咬唔晒，肉厚多汁，配埋酸汁非常開胃芒果牛油果鮮蝦米紙卷 $68 🥭🦐 配搭超清新，芒果味突出，食落好舒服濱海伴香茅牛肉 $76 🌿 香茅牛肉份量多又入味，肥牛醃得恰到好處😇金不換香葉同生菜包一齊食，自製生菜包口感特別，值得一試越式炸春卷（2件）$24 🥢 炸春卷外脆內嫩，香脆可口，份量適中，點套餐就可以用優惠價嗌到順化炸蝦餅（大）$76 🍤 兩大塊炸蝦餅切成八件，炸得鬆脆彈牙，配雞醬更加滋味，兩個人食好啱份量兩個人食得飽飽，埋單$318，仲冇加一，CP值高，真係幾唔錯😋…Read More

今日老婆唔想食得咁heavy揀左呢間越式小店，味道夠晒正宗，又唔算貴，性價比爆燈！ 🍛 越式咖喱牛腩飯咖喱椰香濃郁，唔係好杰身個啲🍃牛腩炆到勁淋，入面仲有薯仔索盡精華，淋落啲飯到撈埋食勁滿足🥗 西貢牙車快夏日救星！越式雞絲沙律堆到成座山⛰️，青瓜絲、蘿蔔絲、薄荷葉爽脆到震，撈魚露食魚酸辣醒神無得輸，健康又好味，食完成個人refresh晒！ 🐷 越式豬頸肉炭燒香氣逼人🔥！厚切豬頸肉燒到邊邊位好脆口，肉質彈牙唔乾柴，重點係好香濃豬味👍🦀 軟殼蟹米紙卷米紙包住大大隻炸軟殼蟹，青瓜絲同米粉塞到滿，即叫即炸勁脆身☕ 越南滴漏咖啡叫左凍咖啡所以已經滴好左，咖啡味好香濃青檸梳打青檸梳打：爆炸多青檸，梳打氣足酸爽透心，解咖喱膩一流…Read More

今次去咗呢間河內越式料理真係幾有驚喜！ 首先呢碗「河內特色綜合河粉」，湯底清甜濃郁帶有牛骨香，河粉夠滑，配料份量十足，有生牛肉、牛腩片、扎肉、雞絲、香葉卷，配埋新鮮香草，每啖超豐富好滋味！跟住係「香茅牛肉三文台」，香茅味好出，牛肉醃得入味，夾埋啲配菜一齊食勁惹味。另外「濱海伴香茅牛肉」就超正，牛肉煎得香口，配料豐富，夾埋生菜同檬粉一齊食，清爽開胃，加上醬汁酸酸甜甜味道清新好醒胃。 飲品方面，「牛油果沙冰」夠晒濃郁，飲落去好Creamy，綿密滑溜，牛油果味好濃，甜而不膩；而「蜜糖柑桔冰」就清甜解渴，甜甜地帶少少柑桔酸，味道清香且夠晒解膩。 總結：環境整潔，坐得舒服，食得好滿足！如果想食正宗越南菜，呢間絕對值得試，尤其個河粉同香茅牛肉，真心推介，下次會再encore～…Read More

👧🏻 夏天無咩胃口食越南菜就最開胃❤️🍴雞絲撈檬 $60大大份的雞絲撈檬 好似食極都仲有咁 加埋酸酸甜甜既汁 好開胃🍴越式牛柳粒紅米飯 $118有驚喜! 第一次係越南餐廳見到既菜式😆份量都係好大份 牛柳粒幾嫩 加紅飯既配搭 五顏六色 賣相一流👍🏻🍴軟殼蟹米紙卷 $74好足料既軟殼蟹米紙卷 就黎覺得個米紙要爆了🤣點埋魚露 味道剛剛好🍴上湯灼田園蔬菜 $22叫主食仲可以加配小食👍🏻蔬菜上面仲有我既最愛 炸蒜🤤🥤凍檸茶🥤檸檬蜜糖薑茶好想讚佢個薑茶好夠薑味🥹即刻成個人都養生了📍河內越式料理@旺角西洋菜南街204號…Read More

今晚冇煮飯，行過見到呢間越南嘢，咁我哋就入去叫啲外賣返屋企食。越式蒜蓉包口感好好，拎到返屋企都仲好脆。牛油雞翼，啲小朋友最鍾意食。越式春卷，又係好足料好趣好好食。仲有一個牛肉越式半米粉，都係配生菜，紫蘇葉，傳統越式錄淋汁，超開胃。本來想叫個越式咖喱，但係最後怕小朋友食唔到，所以叫做越式蕃茄牛腩，甜甜酸酸好好食。埋單三百零蚊左右，一家五口食超抵，唔使日日食住家飯咁悶，Overall 都好滿意，可以encore。…Read More

最近同朋友行經之前返工成日會食嘅越南餐廳河內越式料理，就買外賣返屋企重溫下佢嘅美味。今次揀左一款未食過嘅順化牛肉檳河，餐廳都做得幾正宗👍 牛肉醃製得好好食，加上越式米粉整成正方餅狀，夾上各種蔬菜配料同香葉，再加埋魚露，夏天食好清爽，不得了😋😋招牌越式三文治有豬肝醬，扎肉同其他香菜，蘿蔔絲等等，個包外面夠晒脆，食落少少煙韌口感，加埋各種豐富味道嘅配料，好滿足！香茅豬扒撈檬，豬扒即叫即炸，外皮酥脆，香茅味突出，配上清爽檬粉同越南魚露醬汁，酸甜開胃，加埋爽滑檬粉，味道豐富。牛腩河，湯底有獨有牛肉香氣，飲起嚟鮮甜順口，牛腩片夠嫩味濃，份量亦唔少。越式河粉特別滑溜順口，加埋少少香料同辣椒，太好食。…Read More

## 食評：性價比高的越南餐廳今日喺繁華地區遇到一間非常好味的越南餐廳，雖然係外賣，但職員態度非常溫柔仔細，服務質素一流。### 食物評價餐廳嘅食物種類繁多，我哋選擇咗*牛三寶湯河*（有生牛肉、牛展同牛丸），湯頭清甜，肉質非常新鮮，食落令人感到滿足。牛肉的鮮味配搭湯底簡直絕配，我哋連湯都飲晒。另外，我哋仲叫咗**豬扒撈檬粉**、**豬頸肉加蛋飯**、**牛肉米紙卷**、**香茅雞翼**和**蝦餅**等其他小吃。質素都幾唔錯，肉質新鮮，搭配嘅醬料酸酸甜甜，非常清新惹味，食落口感輕盈，值得一試。### 飲品餐廳嘅**牛油果沙冰**非常好飲，奶香味濃郁，牛油果嘅香氣亦好明顯，飲落真係好舒服。### 總結總的來講，呢間越南餐廳真係性價比高，食物質素好，服務態度佳，絕對值得推薦！下次有機會再嚟試其他嘅菜式！同埋就算係外賣，拎返屋企食都唔影響佢嘅質素，真係唔錯！…Read More

晚飯時間餐廳座無虛席 非常熱鬧 呢度嘅菜色選擇都幾多👍🏻河內牛肉沙律🥗香嫩牛肉切片 加埋清新又爽脆嘅紅蘿蔔絲同洋蔥絲等 再配上酸酸辣辣嘅醬汁 份量大方越式豬頸肉撈檬 加炸春卷(兩件)🍜香口豬頸肉燒得外脆內嫩 搭配冰涼檬粉 炸春卷 炸得外酥內香 用料十足 幾款都係以開胃醬汁做配搭🤤越式咖哩雞扒飯🥘有別於一般咖哩 越式咖哩香料較濃郁 味道特別雞扒大大件又煎得焦香惹味 配白飯一流😉法式牛油雞翼🐓一上枱就聞到香味 濃香牛油混合蒜香 炸皮薄脆 雞翼金黃香口 雞肉保留到嫩滑多汁😙椰汁紅豆冰🫘紅豆煮得好腍 配上香滑椰汁 甜甜地又唔太膩椰汁冰🧉椰香味重 十分透心涼 消暑之選…Read More