Salaam Namaste Curry House

一入去燈光係柔和加昏暗嘅黃色，由正宗印度大廚主理，唔知係咪配合返印度嘅飲食文化😂主題好出。一場嚟到當然試最經典嘅咖喱及必食烤餅！點咗Mix Vegetable Masala 馬莎拉雜錦蔬菜($72)、Chicken Curry 咖喱雞($72)、Cheese Naan 芝士烤餅($30)、Mango Lassi 芒果乳酪。Mix Vegetable Masala 馬莎拉雜錦蔬菜($72)Masala口味同咖喱差唔多，都係偏向濃味，香港人可能會食唔慣，香料味道蓋過蔬菜原味，入面包括薯仔、青豆、茄子、車厘茄，係好濃味咖喱撈蔬果。呢碟係最後加，本身諗住食啲蔬菜refresh一下😂但結果更加口渴。Chicken Curry 咖喱雞($72)就係普通咖喱雞，醬汁偏稠身，每件雞肉都好掛汁，但唔算太油膩，份量一般。Cheese Naan 芝士烤餅($30)芝士好足料，面頭鋪上少少蔥花，賣相唔錯，好惹味。但配咖喱食就偏重口味。Mango Lassi 芒果乳酪乳酪都係偏稠身同偏甜，可能我本身想解渴，但變咗越飲越口渴。(飲品係另一份Menu，忘了拍😂😂)成份餐單其實仲有其他好多食物選擇，就今次食完嚟講，建議都係補充多啲水份🥂推介：🐾🐾🐾🐾價錢：🐾🐾🐾🐾味道：🐾🐾🐾賣相：🐾🐾🐾…Read More

舖頭位於廣東道，平時絕對唔會路過，呢次咁岩係built in pro訂左野黎攞貨先至過左黎，見佢好似幾吸引就入左去試試佢，由返印度人自己主理，用英文落單但有漢字餐牌，裝修同一般印度餐廳都係一樣暗暗黃黃的，店內唔大，但佢仲有樓上，我冇上到去睇牛肉炒飯充滿油脂既炒飯，係好味既，舊牛好嫩滑又有牛味，正，炒飯色香都有，熱辣辣上枱，係油多左啲，但印度野本身係咁都要接受青咖喱雞比牛肉炒飯較辣的咖喱，一定要夾埋烤餅一齊食，好好味，就咁食個咖哩既野會有啲Over，雞肉如果可以多返少少，大舊返少少我會更鍾意，但整體係好味既洋葱烤餅底脆肉煙韌，不得了，係必食之選佢既烤餅，仲有好多唔同款式，呢次好快飽左都冇食得多，但真心正原味乳酪繼續就算原味都好夠甜既飲品，健康人士奉勸你飲其他，飲呢個就佢係肥仔水前菜呢個係叫咩都會送贈做前菜既酪餅，脆卜卜，點點個醬係幾好既，但得兩塊真係好少…Read More

食了一間在油麻地的惹味印度菜，味道都幾正宗，D餸入面有好多唔同嘅印度香料mix埋一齊好好食。餐前小食選了素菜咖哩角Vegetable Samosa，塊皮比起其他地方食到的較薄，入面D餡以薯蓉為主，雖然叫咖哩角不過都只係有少少辣。主菜試了一個素食菜式，叫做菠菜燴印度芝士Saag Paneer，味道幾香濃，D印度芝士粒嘅質感同平時食到嘅芝士好唔同，呢個餸用黎點Naan Bread真係絕配。D Friend話想試吓呢祰乾果印度烤餅Kashmiri Naan，甜甜地幾好食。佢基本上係傳統嘅Naan Bread，入面再放咗D南瓜蓉。呢度嘅芒果印度奶昔Mango Lassi都幾好飲，D芒果味唔係好藥水味嗰種，叫佢少甜少冰味道啱啱好。…Read More

突然想試下中東菜，就見到呢間餐廳價錢又唔算好貴。總共叫左三樣菜兩杯嘢飲一坐低店員好好態度，而且問我地熱唔熱坐耐左怕我地凍會幫我地熄冷氣。海鮮炒飯好香咖哩味，而且係比較長嘅米飯平時食開嘅唔同比較特別。蒜蓉包好似係必點，軟硬適中包嘅邊邊位都幾香脆，係中間有少少油膩但都好食。魚係最後先到因為都需要d時間不過魚肉嫩滑唔會烤到d肉鞋曬而且一黎就熱辣辣香噴噴，都聞到咖哩味。飲品就比較普通芒果個杯太甜檸檬個杯就反而冇乜味但整體黎講嘢食都幾好食好正宗食厭左平時嘅菜式可以試下其他…Read More

呢一間位於油麻地嘅印度菜味道正宗而且價錢相宜，兩個人叫咗一份印度菠菜蓉芝士同埋一份瑪莎拉羊肉，再加一份牛油Naan Bread同埋一份蒜蓉Naan Bread，四樣嘢味道都唔錯。印度菠菜蓉芝士Saag Paneer好香菠菜味，d印度芝士一粒粒有咬口，好多香料而味道又唔會太濃，點Naan Bread好正。瑪莎拉羊肉Lamb Muglai Masala唔辣啱晒我，d羊肉唔會煮到乾晒仍然juicy有肉汁，d薑絲番茄等配料都新鮮好味。兩款Naan Bread都熱辣辣好好味，點呢啲多汁嘅印度餸真係好掂。…Read More

沙拉姆咖哩屋主打正宗印度料理，使用大量香料製作。我們點了二人套餐，有前菜、主菜、甜品和飲品，非常抵食！Set for Two Person 2人套餐 $358Appetisers咖喱角(Home-made Samosa)咖喱角熱辣辣，酥皮口感鬆化。裡面夾著豆蓉和薯蓉，餡料非常豐富。炭燒雞塊 (Chicken Tikka)雞塊有炭燒過的焦香，蘸點自家調配的烤肉醬汁，香濃惹味，讓人回味無窮。印度脆餅 (Papadum Masala)脆餅有五至六塊，薄而香脆。配搭薄荷醬清新可口，美中不足的是有一點點過咸。Main Course咖喱雞(Chicken Curry)雞肉肉質滑嫩。乳酪咖喱醬香濃細滑，吃起來好濃的奶香味。蔬菜咖喱 (Vegetable Curry)蔬菜有南瓜、薯仔、蘿蔔、青豆，洋蔥等等，非常豐富。咖喱汁味道辣香，非常惹味。印度黃米飯 (Saffron Rice)印度黃米外觀細長、飯粒乾身、粒粒分明。蒜蓉烤餅(Garlic Naan)烤餅有三塊，外脆內軟，配搭咖哩一流！Drinks芒果乳酪 (Mango Lassi)芒果乳酪很大杯，但略嫌太甜。香焦乳酪 (Banana Lassi)香焦乳酪很大杯，味道鮮甜，但味道略嫌太甜。Desserts是日甜品 (On the House)甜品是印式豆蔻香米布丁，口感有點像暖稠的西米露煮至濃郁的狀態。配搭提子乾、果仁，口感豐富，為這一餐畫上完美句號。今餐性價比高，三百幾元吃得很飽。菜式使用大量香料製作，味道層次相當豐富。除了少部份菜式偏咸外，其他菜式均滋味無窮！整體來說無論食物、侍應態度、價錢都非常好。…Read More

今晚吃了一頓令人滿足的印度菜，同時令我對印度菜有另一番體會，首先印度菜不是只有咖喱，第二是印度菜有多個菜式都可以不辣，第三是印度菜所用香料帶出來的層次感是非同凡響的。先來個小食，素菜咖喱角，熱辣辣不油膩很好吃，咖喱角內主要是薯仔蓉和豆蓉，是有點飽肚的。第二道菜是印度牛油雞，他的汁醬以蕃茄加上牛油作主調，不辣，廚師落了很多香料，所以吃起來的時候味道很豐富。第三道菜是不辣的乳酪濃汁咖哩牛肉，印象中是第一次吃到不辣的咖喱，味道不錯，醬汁的味道很好，牛肉不會很韌。吃印度菜當然要入鄉隨俗，不吃白飯改吃印度薄餅Naan，原味、蒜蓉及牛油各一客，用來點牛油雞及乳酪濃汁咖喱牛肉真的一流。這個是瑪莎拉鷹嘴豆，有點辣，味道比想像中好，鷹嘴豆的味道加上印度香料後不會很單調，效果不錯。另外推薦大家嘗試這個印度芒果乳酪，我點了少甜少冰，炎炎夏日喝這個最好。…Read More

適逢父親節一家人出街食飯，就試吓平民印度餐廳🙌🏻店員介紹咗個6人餐（$1198加一），真係好夠食，味道都唔錯，值得一試👍🏻1️⃣Appetizers 前菜-炭燒雞腿有總共六舊嘅雞髀同雞胸，因為係鐵板上，所以好惹味🤤香料味十足！雞件都夠大嚿，作為前菜都好飽肚🤣-炭燒魚同樣為鐵板上，樣貌好似䱽魚，啲皮煎得好香，夠味之餘又唔會好鹹，連雜菜嘅味道都好正😋-炸雜菜個人覺得似印度版嘅天婦羅🤣雜菜以薯仔為主，所以就有啲似薯條又夾雜埋啲菜咁，亦都較熱氣。有兩款醬汁可以點，分別為青瓜醬及辣汁，兩款都好印度口味。-瑪莎拉脆餅脆餅同炸雜菜係放埋一碟，兩者都好夠份量。而脆餅就好似小食，亦都較油膩，但脆脆地又好滋味🙌🏻2️⃣Main Course 主菜-瑪莎拉免治羊肉雖然係免治羊肉，但肉質都係羊腩咁。馬莎拉呢隻味我唔太熟悉，都似咖喱味，但又唔係印度咖喱，點Naan同飯食都係唔錯嘅選擇。-咖喱蕃茄牛腩呢隻就係印度咖喱，唔辣，相比起蕃茄其實我食到薯仔多好多，而且薯仔好好食。牛腩方面都夠每人一至兩舊，同樣點Naan同飯都好正。-鷹嘴豆咖喱我覺得最辣就係呢款咖喱，我都幾喜歡鷹嘴豆，因為平時食中日西餐都好少接觸到鷹嘴豆，而我覺得鷹嘴豆最適合就係配印度飯🙌🏻-炒雜菜都係似中式嘅炒雜菜，但佢都真係幾雜，椰菜、菜心、紅蘿蔔、青椒、芥蘭乜都有🤣🤣-蒜蓉薄餅-洋蔥薄餅老實講，兩款Naan嘅味道其實都差唔多😆而且好厚身好飽肚，六個人食最後都係打包咗兩塊返屋企🤓-印度飯印度米都係較長身，而且用咗少少香料炒，炒至乾身，食落都好印度味😆配合咖喱食真係好正💕4️⃣Drinks 飲品可以揀泰象啤或橙汁/芒果汁，亦可以加$20飲芒果/香蕉乳酪 （Mango/Banana Lassi）。芒果汁都正常發揮，偏甜，亦都試咗香蕉乳酪，都係平時印度餐廳嘅發揮。乳酪味同香蕉味都好平衡，啱啱攞上枱飲嘅時候仲有啲沙冰感覺，正🙌🏻👍🏻5️⃣Desserts是日甜品係米布丁啊！而佢嘅布丁好搞笑，係流質嚟嘅，一大碗俾我哋自己分。米布丁裏面有米同豆蔻，所以都係香料味重，但值得一試，因為喺出面應該唔容易食到。📍總結：-餐廳有兩層，超過5人就會上樓上坐。樓上唔太通風，但亦都冇異味，都算坐得舒服。-6人餐貼咗喺2樓唔當眼地方，如果想食就要特登問佢攞Menu。-餐廳開咗好多年，相信佢有穩定客源同質素先可以屹立得咁耐，所以都推薦一試🙌🏻🙌🏻…Read More

這家印度餐廳真係又抵食又好食。印度胡椒薄餅一人一件，是餐前小食，免費的。另外再嗌咗個小食，就係呢個素菜咖喱角Vegetable Samosa，因為六個人所以叫咗兩份，每份有三個，熱辣辣好好食。印度燒烤拼盤Tandoori Mix Grill，入面有烤雞、烤魚同埋羊肉卷。呢個係印度無骨烤魚Fish Tikka好好食，雖然好少開但係一啲都唔乾，好Juicy，好食到要encore多一碟。呢碟係印度牛油雞Butter Chicken，雞肉嫩滑又夠入味。菠菜蓉印度芝士Saag Paneer味道唔錯。呢個係瑪沙拉羊肉Lamb Masala，羊肉好食，d香料都好正，以上三個餸用嚟點印度薄餅最正，點汁好好味。牛油手爪餅Lachha Paratha蒜蓉印度薄餅Garlic Naan牛油印度薄餅Butter Naan芒果味印度乳酪Mango Lassi印度啤酒Kingfisher…Read More

鍾意食印度菜就係鍾佢D香料同埋用Naan Bread點嗰D一盤一盤有汁嗰D餸食，仲一定要用手唔好用刀叉，咁先食得地道。食印度野唔一定要食咖哩，佢有好多其他菜式都唔錯，就好似今晚嘅Butter Chicken印式牛油雞同埋菠菜燴印度芝士Saag Paneer，兩個都唔係咖哩，不過兩個餸用Naan Bread去點黎食都好正架。Butter Chicken印式牛油雞酸酸甜甜味道唔錯，廚師用咗好多印度香料，感覺都幾正宗。菠菜燴印度芝士Saag Paneer其實就係菠菜蓉再加入印度芝士一齊煮，D印度芝士煙煙韌韌都幾好食。用黎點Naan Bread真係正到無朋友。呢度D Naan Bread即叫即做熱辣辣，其實就咁食都好好食。野飲叫了芒果印度乳酪Mango Lassi 同埋德國修道院小麥啤，兩樣都好飲。…Read More

今晚吃了一餐精彩的印度菜。第一度是送的胡椒脆薄餅，胡椒味好香，點埋綠色的汁好好味。呢個烤魚最有驚喜，上Openrice睇返個英文名叫做Tawa Grilled Fish，雖然係燒烤但係唔會燒到乾爭爭，仲有佢D香料好好味。呢碟係Butter Chicken，佢個汁主要以番茄為主，落咗好多款印度香料，所以個味道好有層次感。佢個咖哩羊肉唔係好辣，不過咖哩好香，呢間野D菜式都係以香料取勝，真係幾好食。食印度野當然唔少得印度烤餅同手抓餅啦，用黎點Curry Lamb同Butter Chicken真係無得輸。雖然係印度餐，不過我地飲咗德國麥啤，味道唔錯，麥味夠香。…Read More

小店由印度廚師們主理，每位廚師行過見到食客都好笑容，熱情地打招呼，令人感覺輕鬆舒服。店面細小，只有大概20-24座位，枱之間連接緊密，坐起來狹窄。食物方面 - 附送小食印度脆餅︰每位食客都有一卷好似墨西哥Nachos 嘅小食，偏薄身，唔硬而且脆口。上面灑滿鹽巴、黑椒，有種辛辣感，偏咸。燒烤拼盤 - 每次去到不同印度餐廳必點，只要基本傳統菜式Tikka 煮得好，對其他食物都較有信心。熱鐵板捧上餐枱，肉汁仍然滋滋地燒住，感覺好似小時候去西式扒房。Chicken Tikka︰用酸奶醃漬過加咖哩汁燒烤，四大件雞胸啖啖肉，食落嫩滑唔柴口。香料帶點微辣，調汁基底其實做得唔錯但偏咸，落鹽份量重手了。食完會口渴，同時鹽太多已經蓋過部份咖哩香。Tandoori chicken︰選用雞腿肉就算經燒過一樣嫩滑，汁底同Chicken Tikka差不多，只係香料味無咁重，而且咸度較正常。Fish Tikka︰濃郁咖哩味！唔咸偏淡，可以突出咖哩粉香料。比較辛辣，一時唔為意就會搶到喉嚨，嗜辣朋友不妨一試。Lamb sheek kebab︰羊肉串肉質鬆軟，香濃酥味，係高質素嘅羊酥，絕對無酥臭！食材係用心挑選，可惜調味真係十分咸，咸到唔想食晒成串。印度炭爐烤鯧魚︰同燒烤拼盤一樣，熱鐵板捧上餐枱。鯧魚比想像中細條扁身，肉質嫩滑，魚骨、魚皮焦脆，口感豐富。但肉量唔多，同朋友分享各半條就未夠滿足。香料炒椰菜花薯仔︰薯仔煮到又綿又粉，椰菜花炒得爽口。但依碟蔬菜真係10個咸，咸到食咗兩粒薯仔已經頂唔順，大半碟都無食到。原味烤餅及香甜奶油烤餅︰原味烤餅熱辣辣，麵粉香加上剛烘熱出爐嘅感覺好滿足，澱粉人會鍾意依種充實質感。奶油烤餅係女店員推薦，鬆軟、一層層一絲絲嘅酥餅好傳統。奶油味唔重，其實食落比較普通。總結︰經過附近，又想試新嘢，不妨一食。但如果特地嚟或者翻桌，就不了。…Read More

好耐無食印度野. 心血來潮想食咖哩同NAAN , 剛好旺角行完街, 就搵下附近有無印度野食啦. 搵到間馬上打去問下有無位, 佢話有位咁就馬上去啦. 佢位置比較偏喺油麻地廣東道, 比較靜. 啱曬我唔鍾意迫. 入到去全部員工都係印度人. 太多野想食, 選擇困難症又出現, 之後友善嘅員工主動介紹2人晚餐SET, 都幾多野食咁. 最後我地就TAKE左2人晚餐SET. 因為第一次食, 想試多D唔同食品. 個SET 嘅STARTER 有春卷/咖哩角任選一款.  咁我又唔怕羞問下可唔可以兩款各一, 佢就直接幫我問下大廚可以嗎? 大廚其實就係老闆. 老闆笑笑口就話無問題. SET DINNER 都好豐富. 春卷/咖哩角, chicken tikka , 印度脆餅, chicken curry, vegetable curry, saffron rice, garlic naan. 飲品就叫左個Mango lassi 同荔枝汁. 樣樣都好好食. 不過我最推薦Chicken tikka (勁Juicy)  同Garlic naan ( 外脆內軟). 今晚好滿足. 之後一定會再來食. 仲未試LAMB & FISH 嘅菜式. …Read More

朋友話好耐冇食印度嘢，所以我哋就搵咗一間小店去試。人不算太多，店員服務都好好，會同你講解，傾計。我哋點咗一個二人套餐，入面都幾豐富，基本上都會食得好飽，不過我哋都想試佢嘅薄餅，所以另外點咗一份，最後都係食唔曬。 咖哩角同春捲我比較喜歡食咖哩角，因為佢個味道好豐富。炭燒雞塊真係可以一試再試，好好味果然係印度餐必食嘅菜。 印度脆餅好食但係味道偏鹹。我中意食Naan,就咁食已經有味道，口感鬆軟有層次，加埋咖喱汁更加美味無窮。咖喱雞的汁味偏濃，咖喱蔬菜的汁偏辣，不過都好好味呀。印度黃米飯因為質地本身都唔吸水，所以係會一粒一粒，偏乾身硬身，我就不太喜歡呢個口感。如果中意食粒粒乾身炒飯的朋友應該會愛吃。我叫左杯茘枝汁，太甜，甜到要加水😂另外廚師還會出來問你食後感，有無問題，有無要改善的地方，feel到佢好有heart.…Read More

✨個人一直好想嘗試正式的印度餐，不過好擔心衛生問題🥹然後見到香港本地有好多評分好高嘅印度餐廳，終於去食佐第一餐🤗✨通過openrice訂座，備註用中文寫佐會過敏的食品，不過進店先發現，店員全部都係印度🇮🇳人，都淨係講英文😂。✨餐廳有2層，上層有可以容納20人開party嘅位置（店主好熱情感同我地介紹，叫我地再去多次。）我地今次係一樓用餐，餐位比較少，都坐得算舒服。✨餐廳有個2人餐，但係今次唔係好啱我胃口，所以直接單點。✨蔬菜咖喱角，裡面好多薯仔😂，咖喱味好吃但係超級頂飽。而且皮都係同往常一樣，比較厚，吃完一只，喉嚨好干😂✨瑪莎拉牛尾，咖喱汁好好味，但覺得容器比較細，如果可以再多d咖喱汁就好了🥹✨蒜蓉烤餅，上台嘅時候超級香，但係呢，食入口就覺得冇咩蒜蓉味🥹之後店主同我地傾計，我地反應佐唔夠蒜味，店主叫我地，一定要主動同店員說明要求，可以再加蒜😂✨最後加佐一條，印度炭爐烤鯧魚。加入檸檬汁之後，成條魚🐟香味撲鼻，超級快就比我地清碟，條魚真係值得100分！…Read More