Satay Inn (China Hong Kong City) (Closed)

We found this restaurant specializing in east asian dishes inside the food garden of a commercial complex. There was an outdoor area for smoking customers as well. There was a set lunch menu with wide selections for different kinds of food. Customers could also pick from the regular menu. We have chosen the Singapore style curry chicken with rice and Thai style beef dice with rice. We ordered some satay just to try. The service of the staff was also a plus. The curry chicken and beef were good. Tea was inclusive in the set lunch. Overall it's a place to consider for an enjoyable meal…Read More

記得兩年前去沙嗲軒試過出位的招牌菜式，感覺上樣樣都唔錯，今次再來一試，發現水準不變，好味指數同樣爆晒燈，食物新鮮不在話下，當中大部份的汁醬更是由新加坡引入，不少醬汁都是由呢度的師傅自家秘製而成，煮法亦跟足當地傳統，多年不變的正宗味道，難怪一直不乏忠實食客。 其中必點的就是這裡的招牌菜「海南雞飯」，採用本地新鮮農場雞，並特別除去皮下脂肪，而且完全無骨，口感比坊間的更嫩滑而不膩，蘸上從新加坡入口的甜豉油以及自家製的新加坡辣椒醬及薑蓉，味道更是出眾。雞油飯非常的入味，原來是先用雞油炸香蒜蓉，再用雞骨熬製多小時的雞湯及班蘭葉去煮，出來的鷄油飯不膩，飯粒分明，齒頰留香。這裡的「肉骨茶」堅持用上超過十種藥材炮製，口味最為本地食客偏愛，一支骨的肉排，煲到離骨，肉質更好嫩，湯底有糊椒的香，不辣但有胡椒香，不錯。另一招牌「沙嗲」，以烤肉配上獨特配方的沙嗲汁，每日新鮮烹調，味道惹味可口。在牛肉沙嗲串上塗了自家製的沙嗲汁，口感如置身在星洲吃串燒一樣，充滿地道風味。「星洲蟹粉絲煲」則嚴選鮮味濃郁、肉厚清甜的肉蟹(約一斤多)，一打開蓋光聞到香噴噴已令人口水流，入口更是不得了，粉絲吸收了肉蟹的鮮甜，超級的滋味。愈邪惡就愈吸引，呢碟黃金魚皮簡直好味到令人失控，沾上了鹹蛋的魚皮，香脆美比，那鹹蛋的香在魚皮上，發揮得淋漓盡致，令到我也按奈不住，麻煩你再來一碟呀!記住留肚食甜品，如果是有選擇困難症者就最好，不用想全部吞落肚便可，因為各自各精彩，試過你便知點解。沙嗲軒電話：2738 2368地址：香港九龍尖沙咀廣東道33號中港城平台１座3號舖…Read More

11月22日，正式開始推出旅遊氣泡，唔知有幾多人會有興趣。  好多朋友講開呢個問題，大家都對新加坡表示耍手擰頭，話呢個地方太悶，除左食，要食海南雞肉骨茶胡椒蝦香港大把地方有得食，又邊駛搞氣泡。  食左當去左旅行都可以自欺欺人，於是便來到很久不見的沙嗲軒。 今次點的當然同上次不一樣，先來兩杯啤酒加黃金脆魚皮，呢個黃金啤酒時光，最適合愛酒之人，脆魚皮加鹹蛋黃醬，叫人吃不停口，個晚一個人差不多KO一碟了。 白肉骨茶White Pepper Bak Kut Teh的味道，不會太辣，是那種好soft的溫柔，就如許光漢係你耳邊唱別再想見我，那種細緻而突出的香氣好正。 肉骨茶就感受到強烈的感覺，和白肉骨茶剛剛相反，如果剛剛係細膩的溫柔，肉骨茶的藥材就感受到跳舞群組的激情，肉骨的粗獷，又令人想起當時工人階級的飲食習慣而創造出來的辛酸。 香辣通菜個種惹味，簡單而隆重，J小姐話不如叫兩碟，你可以想像我地幾鐘意食。 胡椒蝦大隻得一個點，蝦肉新鮮彈牙，胡椒不會蓋過海鮮的鮮味，成日都話海鮮不應該配太過重口味的做法，因為怕唔新鮮，但呢到絕對沒問題，星馬整海鮮，從來都係重味，好吃就是了。 之前吃過這裡的蝦煲，個個都讚不絕口，今次食星洲蟹粉絲煲 ，一斤的大肉蟹，吃下去真係以為自己去左新加坡，大肉蟹又多肉，雖然不會好似呢排食大閘蟹蟹膏的興奮，條條粉絲索晒成個湯的精華，正到不得了。 呢度嘅甜品我最愛嚤嚤喳喳，不會太過強烈的奶味，一會就清倉了。 朋友吃的五味蓮子清湯，愛養生的女孩必定會喜歡，我就寧願叫多個西米布甸。 馬六甲椰汁西米布甸勁精美又靚，吃下去也對辦，仲好過嚤嚤喳喳。 很久不見，整體水準好似仲好食過上次，可能，呢度嘅廚師都為咗J小姐嘅回歸而開心，希望你回來後和這𥚃一樣，繼續進步吧。 沙嗲軒 (中港城) 尖沙咀廣東道33號中港城平台1座3號舖…Read More

想係香港搵到胡椒蟹既餐廳甚少，朋友指定想食胡椒蟹，滿心期待為朋友興祝生日，點知蟹瘦無肉食甘，438一只蟹，點知肉又林，又小，好似得返個殻甘。一上枱真係呆左另一樣signature 海南雞，賣曬.叫左個沙嗲串燒雞牛豬各2，點知只有牛雞各3,都懶得換啦之後叫個咖喱牛腩，又黎左個牛腩通菜煲真係瘋狂黎錯野(個咖喱牛喱得個咸字，茶餐廳都整得好過佢)唯一好食啲既就係個炸魚皮。餐廳員工唔算少，但係落單都等左好耐先有人，無下次…Read More

自己同好多香港人一樣，真係幾鍾意去旅行，尤其是可以品嚐當地美食就更開心，家陣無得出外，好彩係香港都有好多正宗菜色。以前係中港城返工，都經常去皇家太平洋酒店內的餐廳用膳，偶爾仲會同同事食 Buffet，無他，一來就腳，二來食物真係有水準，而今次係4人限聚令期內，湊夠一檯麻雀腳開餐。由於早到，跟另一位朋友先來個 Happy Hour。原來餐廳近日推出優惠，兩杯 500ml 啤酒（sapporo / 青島）加一碟即炸黃金魚皮都不過 $180，而且仲可以兩個人 share，連埋加10%服務費，人均都不過 $100左右，個炸魚皮拎上手仲有微溫，咬落卜卜脆，帶陣陣咸香，配埋啤酒無得輸，消磨時間最佳良伴。差不多等到天荒地老朋友先到，好彩有杯啤酒加魚皮頂肚，二話不說，即刻點菜。雖然是平日的晚上，餐廳都有8成客人，看來口碑不錯。係沙爹軒無可能放過肉骨茶，而且仲要有新加坡同馬來西亞兩種口味，真係引死人。早幾年同太太再度蜜月去星加坡，竟然係一日之內食足「黃亞細」、「松發」同「路邊人」三餐full portion既肉骨茶，所以第一時間先來個白肉骨茶White Pepper Bak Kut Teh （HK$95）。肉骨茶是原個砂鍋上，陣陣胡椒香氣，本以為好辣，但飲落又覺得輕盈，或者是我太重口味了。腩排炆得好稔，一咬即開，蘸點一下黑醬油更可口，略嫌油炸鬼未夠多。另一款肉骨茶（HK$108）走馬拉風，瀰漫著藥材味，個人反而偏好，最鍾意係可以配碗白飯，用來泡飯食一流。雖然自己大食，但都要食得健康，所以每餐都會加碟菜，而香辣通菜 （HK$98）有些少鑊氣，又辣辣地好惹味。每次去星馬，當然要食特色菜，海鮮中的麥皮蝦是其中之一，另一款就是胡椒蝦 （HK$318），大廚把大蝦背位蝦殼割開，好讓味道更易於逼入蝦肉內，未上檯已經聞到陣陣胡椒香氣，入口又不覺辣，下次再食一於要大廚落重手！整晚的亮點，莫過於是星洲蟹粉絲煲 （HK$438），原隻足一斤肉蟹，砂鍋一揭蓋仍在冒煙起泡，賣相澎湃，雖然蟹蓋吸引，但置底的粉絲絕對不能錯過，蟹汁完全滲入粉絲，惹味到一個點，超正。甜品雖然四個人，都只簡單的點了三款甜品share。或者最多人認識既一定係嚤嚤喳喳 （HK$68），芋頭粒、蕃薯粒及西米煮得夠稔身，入口滑溜，不錯。另一道五味蓮子清湯 （HK$68）記憶中第一次食，舀一下，好多桂圓肉同蓮子，尤其是蓮子食落粉糯，而清湯甜美，要消滅一碗毫無難度。三款中個人覺得最具風味係馬六甲椰汁西米布甸 （HK$63），椰奶蓋滿了西米布甸，很濃稠的質感，西米布甸煙韌有嚼口，拌和椰奶味道更佳。係香港要食到星馬菜既地方不少，但個人喜歡的不出五間，而沙嗲軒正是其中一間。…Read More

香港與新加坡的旅遊氣泡將於11月22日起生效，旅客來往兩地毋須檢疫對於久未外遊的香港朋友絕對是喜訊！但車媽媽對往新加坡旅遊興趣真不太！但對於正宗新加坡菜便十分喜歡了！我吃新加坡菜必定第一時間想起皇家太平洋酒店的沙嗲軒！喜歡欣賞迷人景致可安座於餐廳設的室外露台，而我還是喜歡光線較足的室內用餐多點！由即日起至11月30日於晚餐時段沙嗲軒推出雙十一餐飲禮遇優惠可按此，無酒精飲品及甜品均有買一送一優惠，好友即時點了邪惡的美祿恐龍＄62來嘆！來這兒不吃黃金脆魚皮＄50便笨蛋了！但吃魚皮不喝啤洒又好似唔夠爽皮一於豁出去啤啤佢！Sapporo生啤＄180/2Pint。每次吃這兒的黃金脆魚皮都好味到停不了口，因為真係香脆甘香又不油膩非常好吃，我覺得餐廳應該弄小食包裝將魚皮出售哈哈！接下來的小吃是家鄉福建餅＄78，香軟餅皮下以生菜、蛋絲和蝦肉等作餡料，吃下略帶甜味很可口。繼而當然要重溫黑白肉骨茶啦！這兒的肉骨茶可選鴛鴦口味，一次過便可嚐盡新加坡和馬來西亞的風味，而我偏愛喝馬來西亞重藥材味的肉骨茶多點，但這兒的香濃胡椒味新加坡肉骨茶亦十分好味道！配上有咬口的一字骨和油炸鬼吃真的很可口！鼻子忽然聞到陣陣香氣原來是星洲粉絲蟹煲＄438要上檯了！大大隻肉蟹於煲中浸浴很享受的樣子耶！第一時間享用那質地紮實又鮮甜肉蟹，但那索盡蟹肉鮮氣的粉絲才更令我神魂顛倒呢！最後來一碟香辣通菜＄98炒得夠香口又惹味，始終是蔬菜多吃兩轉也無妨呀！甜品決定掃餐牌然後開心Share！點上珍多椰汁冰＄62，以椰汁、椰糖、綠豆粉條炮製出的地道甜品，口感滑捋捋味道充滿椰香。摩摩喳喳＄68其實跟我們的喳咋差不多，但加添了東南亞風味即時景緻艷雅！！五味蓮子清湯＄68清甜美味內裡的龍眼肉最為吸引我！但我最喜歡是這客馬六甲西米布甸＄63，以粒粒晶瑩的西米加入椰漿及棕櫚糖凝固成半圓球狀，吃下嚼勁十足又滑捋捋的加上椰奶將味道提升真的很可口，這樣開開心心便暢聚了一整晚期待下次再聚再笑餐飽的！…Read More

早已接受了插翼難飛的現實，在這個時勢，能跟朋友一嚐星馬風味，那管只是身在尖沙咀，亦已十分滿足。況且，沙嗲軒的出品，素來有番咁上下。快樂星期五，啤啤佢係有必要的，而最佳的佐酒小食，莫過於是邪惡到極的黃金炸魚皮。濕潤的金縷衣輕輕的附在炸魚皮身上，咸香脆口，好食到一個點，是令人難以抗拒的魔鬼，我沒有『安哥』一碟已經很有自制能力。一客送酒小吃唔夠，再來份家鄉福建薄餅就好。煙韌的餅皮包裹著酥香既豬肉、蝦，以及花生碎等，吃起來香口有層次之餘，還帶點辣，蠻開胃，送酒一流。相信大家都知道，星洲與馬拉的肉骨茶，兩者有著截然不同的風格，沙嗲軒好在可以來個鴛鴦湯底，一次嚐盡星馬風情。淺色那邊是新加坡版本，胡椒味偏重，辣得過癮。深不見底的是我較喜歡之馬來西亞版本，藥材味作主導，醇和易入口。兩者的排骨亦來得鬆化。粉絲蟹煲用上了周身肉的越南肉蟹，賣相先聲奪人。吃這味要暫時放下儀態，用手拿起蟹鉗，大啖大啖咬下去，肉多味鮮。墊底的粉絲是精華所在，煮晒味肯定正。重口味既筆者，食菜也要求要惹味的，爽脆的香辣通菜正中下懷。掛念檳城的煎蕊，因而要了Chendol，酒店當然要求賣相好看，以杯上。五味蓮年湯很足料，甜到入心。被引誘，最终還喝了新加坡名物，美祿哥斯拉！…Read More

Staycation去了 Royal Pacific hotel,沙嗲軒包四餐,整體感覺唔錯,下午茶多士普通,可能因為自己唔係太鍾意食煎炸嘢,蝦麵好好食，食過返尋味 。紅豆冰一般，我見其他枱啲人都食唔曬紅豆冰。晚餐 胡椒蝦有驚喜，非常好食，係我嘅至愛， 海南雞飯亦有水準， 沙嗲味道不錯，正常水準，薏米水稍為淡咗少少，不過都ok，不過不失。早餐椰漿飯好好味，只是份量太少,肉骨茶亦不錯。環境不錯，坐得舒服。 侍應殷勤，整體感覺良好。…Read More

拆禮物日約咗幾位好姊妹食晏，順便聊聊近況！這間沙嗲軒已經係同姊妹們第二次嚟喇，以尖沙咀區嚟講，主要係坐得舒服，就算假日嚟嘅話，人流亦唔算太多，令人感覺好寫意。而呢度嘅星洲甜品薈萃拼盤係吸引我地再嚟嘅第二個理由。我地六個人都嗌咗幾多嘢啊，大路嘅就係一定要試吓肉骨茶、馬來椰汁咖喱雞、沙嗲串燒等。我地仲嗌咗個特色臘味煲仔飯，可能嗰日天氣凍，想食啲熱辣辣嘅食物。印度千層油酥餅係用嚟蘸咖喱汁食嘅。肉骨茶係小妹嘅推介，藥材味濃而且肉排非常軟腍。我地傾下講下，唔經唔覺又到四點！有機會再嚟品嚐特色星馬菜！…Read More

炎炎夏日，讓我更想食新加坡菜刺激一下味蕾，雖然不能外遊，但留港也能夠享用正宗新加坡菜餚。這晚來到沙嗲軒，可以一邊細味娘惹、喇沙、串燒、肉骨茶、海南雞，一邊欣賞維多利亞港絕美景色，體驗不一樣的亞洲風味。肉骨茶是必點的，若想飲鴛鴦肉骨茶，就記得預先同餐廳預訂啦! 一邊是藥材，一邊是胡椒，各有風味，我就較喜歡藥材味啦!即炸黃金脆魚皮 HK$50，那份鹹蛋黃好甘香，入口即化，魚皮鬆脆可口，食到停唔到口。雞、牛、豬沙嗲串燒 HK$138 半打，好誘人的燒烤香，配上秘製沙嗲醬，惹味可口。招牌海南雞 HK$268 半隻，皮滑肉嫩， 雞皮下沒有多餘脂肪，香氣豐沛，怎少得配碗雞油香飯 HK$28。除了以上美食，我們還點了2款限定「東南亞特色美饌」。*推廣期至2020年8月31日*亞參盲鰽魚HK$148，厚身盲鱧魚塊搭配茄子蕃茄，辣味點到即止，好入味，開胃又能刺激味蕾。巴克豆參巴大蝦煲HK$318，集酸甜辣於一鍋，頗重豆味，大蝦爽彈非常，醬汁剛好被大蝦吸收，除了鮮味，又帶點微酸辣。星洲甜品拼盤* (班蘭蛋糕、椰子雪糕、馬六甲椰汁西米布甸、炸香蕉) HK$138 兩位用，這盆是4位份量，完全集合了最有代表性的甜品， 炸香蕉外脆內軟，斑蘭蛋糕夠鬆軟，中間還有新鮮水果呢!非常滿足!…Read More

在還未可以外遊之際, 要吃東南亞菜式, 就得找一家美味的啦~ 上年這月份, 我就在馬來西亞吃榴槤、喇沙及肉骨茶. 今年就到沙嗲軒吃新加坡菜, 味道很正宗!  我是極愛喝肉骨茶的, 沙嗲軒的鴛鴦肉骨茶有齊黑白兩色, 黑色是藥材味較重, 白色是胡椒味較濃. 一字骨有少少嚼勁, 不會煮得很軟腍, 這最為欣賞. 吃時放油炸鬼及加入黑豉油, 正宗食法. 我自己較愛喝藥材味, 而胡椒味其實亦很不錯啊~ 平時呢款有機會在set lunch menu找到, 但最好都是預先向餐廳pre-order. 沙嗲串燒半打為一份($138), 有雞、豬及牛, 燒烤味很濃, 再加上沙嗲軒自製沙嗲醬汁, 好惹味啊!! 此時, 來個椰青清清熱, 可以刮到椰肉的椰青最受歡迎~ 還有那些必點菜式呢? 有! 招牌海南雞(半隻$268), 雞皮及雞肉都好滑, 薑蓉、黑豉油及辣醬不能少, 沾甚麼醬就隨個人喜好, 但最緊要配一碗雞油飯($28), 油香滿口, 太正了! 不知大家有否吃過檳城亞參喇沙呢? 那個味道頗特別! 今次吃的是亞參盲鰽魚($148), 屬於皇家太平洋沙嗲軒的「東南亞特色美饌」菜譜(供應至8月31日), 煲內亦有矮瓜及蕃茄, 是吸汁的材料, 酸酸辣辣, 很有趣. 魚好滑的啊~ 同樣供應至8月尾的是巴克豆參巴大蝦煲($318), 帶點娘惹風味, 吸滿參巴醬的大蝦夠彈牙, 連殼也要一起啜. 煲內的豆豆是東南亞特有的, 口感一點也不像香港的豆角、扁豆一類. 其實已經好飽啦~ 但出名的黃金脆魚皮, 又怎能不吃呢? 與黃金乜乜同一類, 魚皮沾了咸蛋黃, 極為邪惡! 好啦, 吃到這麼多, 來個充滿東南亞特色的星洲甜品拼盤($138/兩位)~ 全都是我喜歡吃的!! 包括鬆軟香甜的班蘭蛋糕、冰凍椰子雪糕、炸香蕉及馬六甲椰汁西米布甸, 最緊要是甜度適中, 又有極多芒果、士多啤梨及火龍果, 很合口味~甜品數量是按位數計, 要吃, 記得要pre-order. …Read More

📍尖沙咀🍽沙嗲軒.位置唔算就腳，但係因為信用卡有折所以就去試吓，新加坡菜不嬲都鍾意食，呢度人唔算多都幾好錯，洒店餐廳嚟講嘢食質素都有保證。.🥘肉骨茶 好大煲，六個人食每人都有一舊骨仲有正。啲肉好入味，唔似得街上有一啲咸到死。最鍾意就係嗰啲藥材味！唔錯唔錯。.🍤麥皮蝦好多地方食麥皮蝦都係啲味流晒係啲麥皮度，入唔到啲蝦到。呢度似乎都有呢一個通病，不過辣味就好出，只係份量有啲小，一碟得五隻。.🍜海鮮喇沙湯面呢個喇沙就非常出色， Tang唔會太油，海鮮亦很足料，棉質都好好。我哋之後仲將麥皮蝦啲呢個喇沙就非常出色，湯唔會太油，海鮮亦很足料，棉質都好好。.#利利仁飲食雜誌九龍區…Read More

我哋係酒店嘅住客，本身打電話去book左位，去到侍應竟然話冇book到，要我哋喺餐廳門口企左5分鐘。餐廳唔夠人手，去到要被迫坐戶外位置，又有蚊，成餐變咗餵蚊。侍應服務態度差，環境又唔舒服，水都冇杯。當我地想點餐嘅時候，幾分鐘都冇侍應行過嚟。感覺仲差過麥當勞，我不如食快餐好過。最後係我自己拎住餐牌行過去侍應同佢講話我想點餐，感覺仲差過茶記。跟住本身叫三樣嘢，兩樣嘢都冇，我又要再揀過。套餐又冇，牛肉又冇，成間餐廳得幾個餸？今晚我等左1小時嘢食都未嚟，都唔知入邊有幾多個人煮緊嘢食。成世人第一次食嘢係嬲到特登上嚟OpenRice比評價。…Read More

好一段日子冇嚟沙嗲軒了🤤 果然有啲菜式係食極都唔會厭🥰，久唔久要食翻次過下口癮😛·【海南雞飯🐔】HKD268每次嚟都一定會點👍🏻 城中有好多海南雞飯選擇，但要數出色嘅呢間一定上榜🥇 海南雞味道如昔，入口十分滑嫩而且富雞味👍🏻 附上嘅油飯香口而不油膩🤤，真係幾好食㗎，食極唔厭！·【黃金炸魚皮🐟】HKD50超級邪惡嘅小食😈 一人來一碟都不過份🤩 自家制嘅炸魚皮被鹹蛋黃完整包著，入口味道濃郁到不行，而且炸得香脆，容易令人食不停口！有無炸魚皮fans呢？🙈…Read More

喜歡吃重口味，所以特別鍾情東南亞菜，如果想坐得舒服一點，我會選擇Royal Pacific的「沙嗲軒」，不但食物質素好，而且價錢相宜，是不用等糧頭都吃得到的酒店美食！黃金脆魚皮 $48 說到我最愛的沙嗲軒美食之一，一定是這碟黃金脆魚皮，由師傅現做，上桌時還是暖笠笠的，而且沒有坊間包裝魚皮那麼甜，鹹香鬆脆，有水準。每次來都會點，卻每次都讓我置身人生交叉點，又邪惡又美味，該怎麼辦？還是吃了再算！沙嗲 $138/ 半打 來到沙嗲軒，沒理由不吃招牌沙嗲串，今天吃了雞和豬，面層都烤得微焦，卻不會太乾身，沙嗲醬由師傅秘製，充滿花生香氣，yummy！招牌海南雞 $268/半隻，油飯 $28 採用了黃油雞，雞味重，雞皮脂肪不太厚，皮薄肉嫰，女士們可以放心吃；喜歡吃飯的還不要錯過他們的油飯，香軟味濃。麥皮牛油大蝦 $318 麥皮蝦也是這裡的招牌菜，卻是第一次吃。麥皮用蜜糖炒過，甜甜的、脆脆的，可以當零食全部吃掉！虎蝦超大隻，吃起來啖啖肉，鮮甜味美。星洲甜品薈萃 $138無論吃得有多飽，我仍是有位置吃甜品的，這個甜品併盤有夠大堆頭的：黃金香蕉球、斑蘭蛋糕、馬六甲椰汁西米布甸、椰子雪糕、水果。我最愛的是斑蘭蛋糕，非常軟綿，充滿斑蘭香氣，拍得住星洲名牌，配以甜美的椰子雪糕，倍添滿足！…Read More