江記

Open Now

Now Closed

家庭式經營，由細個食到依家，炸菜肉絲鳳爪麵的味道真係令人一食再食湯底有味又唔會好咸，鳳爪味道好入味夠淋。咁多年食物水準味道依然keep住，厲害！唯一缺點…夏天去食就會汗流浹背了😅

好多時候越簡單嘅嘢就越難做得好，點解？因為大多數人都睇唔起呢啲簡單嘢，是但求其，不過我深信只要肯花心思去做，一定有知音人，就好似呢間舖頭嘅炸菜肉絲，食過就知老闆嘅誠意。三個人一人一碗，一個要絲爪麵一個要絲爪米一個要雲吞加炸菜肉絲麵，三個人都話佢個炸菜肉絲真係無得輸，呢度嘅炸菜肉絲同其他地方食到嘅最大唔同就係個肉質，佢呢度會先烹調啲肉絲，所以特別煙韌有彈性，零舍有肉味，呢啲心機野，就表現出佢嘅誠意。

今次行過一家好有人情味嘅小餐館，無拘無束噉坐低嚟嘆頓平民午餐🍜。內裏嘅鳳爪雲吞麵真係睇得我口水直流，一試之下，鳳爪入口即化，但仲保持住啖啖肉嘅Q彈，外層滷得唔錯，正到不得了! 雲吞肉餡彈牙得嚟鮮美，配上嗰啖啖有勁嘅麵，可以講得上係完美搭檔。湯底嘅嘢，嘩，清甜帶點微辣，着實提升咗整體滋味。真係好想大叫一聲：太正喇！真心推介比大家，下次又想再嚟試吓其它嘢，希望都有驚喜咁。找到呢家小店，係無意中嘅驚喜，真係「食在好味」啊😋👌🏻!

住咗喺荃灣咁耐每次去香車街時都係大排檔或者老闆娘米線，車仔麵多！咁你見到人哋話呢度有好好飲嘅奶茶，咁就同男朋友一齊過嚟搵食，去到原來奶茶係冇嘅係隔離舖頭叫，一坐低有個好親切嘅姐姐話佢哋剩係得四種食品，鳳爪、牛腩、雪菜肉絲、雲吞，然後我就揀咗鳳爪牛腩麵，男朋友就咁雲吞麵，嚟到嘅時候冇乜特別份量不多，大部份食客都睇得出係熟客，食落去其實真係冇乜特別，跟住加咗啲醋同埋辣椒油就覺得好食咗，環境欠奉人情味濃！兩碗嘢加埋80幾蚊冇嘢飲，招牌寫住有分大細嘅面，但係我哋兩碗面都好細碗我問佢帶嘅意思佢話多一個餸就等於大，即係兩個餸就48，所以男仔可能要特別叫佢加面底如果唔係就會以為大等於面底多，如果想體驗下舊式嘅茶水檔可以試吓，佢隔離幾個鋪位嘅車仔麵店好食好多

叫左碗絲爪面（$46）有兩隻鳳爪幾大隻 味道冇色水咁重 唔算話好入味 食落同一般茶樓鳳爪係好唔同 偏向咸同新鮮 值得試我最中意係榨菜肉絲面 湯底鮮甜 估唔到用咩煲 順喉 榨菜唔係包裝個種辣又重鹽 反而係保留到爽脆清甜既口感 同冇豬騷味既肉絲好夾 面又係特別 唔似一般上海面粉 粉感輕啲 彈牙啲 另外大食既可能要叫大碗整體來講 係碗家常用心的面 食完有種意猶未盡 排檔係舊街市地下上一層 舊舊地 但枱櫈干淨 夏天會焗焗地 但感覺就係有種安心 可能係小時候類近既回憶

已經幫襯咗接近20年的上海麵鋪，因為在街市裡面，只會天氣涼嘅時間才會幫襯。😆最喜歡佢嘅鳳爪，真係好入味，必點。我每次都會食 “絲爪米”，即係 “炸菜肉絲鳳爪米粉”，有時會叫多個 “淨雲吞” 同朋友 share。雲吞係細細粒，個皮又薄又滑。佢嘅麵都同出面唔同，有啲似日本拉麵質地，不過食完會好飽，所以我都係鍾意食米粉多啲。😆

在大排檔內找吃 ... 這檔菜牌極度簡單，但顧客不少，並於點菜時直接向檔口內煮麵的姨姨或店主直呼菜名，看來很多熟客！有人現場包雲吞一點都不奇怪，但竟然還有人砍鳳爪的腳指甲，所以鳳爪肯定是現場做的，自己炸，自己滷，很難得，不得不點。它的menu只幾樣麵食，但真的不想浪費，問老闆可不可以只點淨鳳爪，他說不行，問他有什麼油菜，又只有菜心，menu十分 customer unfriendly，很有“性格”！那個“鳳爪麵”真得很好吃，口感一流，軟、靭程度剛好，皮剛離骨，還有點咬勁，吐骨吐得很暢快，而且味道很特別，有點燒鴨味，應該用了醃燒鴨的香料滷製。娘娘不是鳳爪的fans，不過她也對那鳳爪的味道讚不絕口。而她自己點了榨菜肉絲麵，還可以。那剛才在包雲吞的婆婆，瞬間又在炒榨菜肉絲，原來她才是隱世㕑神。埋單時我還和老闆聊了一會 ... 原來從他老爸開始他們已在香車街街市做了50年，現在是這街市𥚃最老的一家，也是唯一打從街市開張做到今天的唯一一家。 可能我之前點過淨鳳爪，又問長問短，老闆跟我強調鳳爪是自己現場做的，（我都知啦），他還說他們用的是日本鳳爪（指住旁邊的空紙皮箱）！嘩，真還是假呢？我真的吃

十多年前舊同事帶我嚟食，從始年年都一定最少嚟幫襯幾次，因為位置在舊式街市無冷氣，只可以等秋涼後嚟食。我通常都叫細絲蓉麵，雪菜肉絲配上海雲吞麵。一般都會覺上海雲吞是主角，我就推介雪菜肉絲先係，加埋醋及辣醬，好味開胃 有時我都會叫絲抓麵，即係鳳抓配雪菜肉絲麵，鳳抓爽口入味，當然都要加醋及辣醬啦另外，會係隔嚟合記叫杯茶加件油多，食油多或鮮油多一定要加沙糖，咬落去索索聲，正啊講真，唔係好食到嘩嘩聲，不過耐無食就會囉囉攣😄

🥢荃灣隱秘40年大排檔老店蠔油鳳爪牛腩炸菜雲吞上海麵🥢好鐘意捐窿捐隙搵食的我，一直都知道，荃灣香車街街市入面有好多隱世美食老店，今次同大家去試試一間在區內比較有名氣的上海麵店，完全還保留了十年如一日舊時風味🥢蠔油鳳爪牛腩上海麵$42🥢炸菜雲吞麵 $42🥢去到現場的姨姨已熱情招待，因人多沒位置，所以會先問我哋會唔會飲嘢，如果飲嘢可以坐隔離間舖頭叫佢哋啲嘢飲就唔使等位啦🥢鳳爪麵我真係第一次食，好似冇咩地方見有呢樣野食，黑媽媽的鳳爪食落鬆鬆軟軟好入味，而牛腩就軟腍似平時車仔麵食到的牛腩咁上下，最正係佢個牛腩湯，牛腩味超濃，配上海麵都幾唔錯🥢炸菜雲吞麵的雲吞上枱時雖然已經爆開咗，雲吞皮都算幾滑同幾薄，佢嘅榨菜肉絲係自己整嘅我覺得好好食喺第二到唔到，不過麵質有點過腍，湯底好鮮味似足小時候去食上海麵店的感覺，注意返因為有炸菜所以都比較咸的🥢隔離舖頭都提供有奶茶咖啡飲，坐大排檔咁熱梗係要飲返支大可樂🥢總括嚟講可以一試嘅，，如果對比現今世代嘅上海麵來講又唔算話特別好食，但想食舊時嘅味道風光可以過嚟試吓，味道都算中規中矩。 呢個街市除咗有好出名嘅米線食，仲有豬扒麵，大排檔小

江記雖然堂食暫停，但外賣服務照常營業，鳳爪呀、雲吞、肉絲等等，一樣照常供應，呢種味道係其他地方搵唔到呀我哋一食返，味道依然好好味！可以滿足吓自己的脆弱心靈😅😋😋👍👍👍

感謝科技的進步，早在十年前，像江記這類店，若非街坊十年又或是有相熟於此？那來得知？今早早到荃灣，想認真對自己好一點，所以花十分步行至此。地址寫二樓，但應該算是一樓，不知道有沒有更正。偏僻是談不上，但不懂路的就不懂。典型街市熟食檔格局，細心看，其實舊而不污糟，店主都算有心經營這類店一般只賣幾樣，好讓隔離鄰舍有生意做，也如此多了一份人情。店主自然各有故事，留待大家發掘。我有備而來，點的是絲爪麵。絲圼榨菜肉絲。爪是鳳爪。先說絲，份量有的，但印象不深。榨菜貨色普通爽口，肉絲叫貨醃鹹出水，和榨菜炒勻備用，其實兩者沒有很融洽的味道。再說鳳爪，顏色偏深，但沒問題，這是舊時做法，曾有段時間，香港人忌黑，所以酒樓鳳爪多放紅色素，所以我反而開心。鳳爪炆得淋，色水夠，調味足。麵，本以為是上海麵，但入口有鹼水味，不重，但與上海麵掛麵素麵一類不同。湯底清甜，和以腩汁，鳳爪汁，舒服，榨菜肉絲點睛，和諧。整體而言，其實是好食的，但拼上價錢要打折，42元。鳳爪做得好，麵也爽口，如果調味要算上人情的話，也不妨一試。

荃灣香車街熟食市場有幾間隱世食店，呢間就係其中一間，如果唔係有高人介紹，我諗我都未必識搵食搵到上去。一間好普通嘅麵店，主要賣嘅只有牛腩、肉絲、鳳爪同雲吞，四樣都好食，不過最有驚喜嘅係佢嘅肉絲。佢嘅肉絲同出面食到嘅最唔同嘅地方就係老闆係事先煮過，而唔係將D肉絲求其用滾水淥熟，所以食落去就有好大嘅分別，我平時喺出面好少食雪菜肉絲炸菜肉絲嗰D，不過黎到呢度就一定會叫肉絲。我去過幾次，D熟客都會叫「絲爪」，即係肉絲加鳳爪，有機會大家都要試下呢間嘅肉絲。

位於荃灣香車街街市1/F既家庭式上海麵檔……先講環境，大約有1O張可以坐到八個人嘅大圓枱， 自己隨便搵位坐， 坐滿咗就要等下。 因為呢度好受本區街坊歡迎，長時間都係坐滿人，所以好多人搵唔到位都選擇離開。呢道地方唔算乾淨，但佢啲麵真係好好食，所以就算怕污糟嘅你都要嚟試一次。食物款式會寫在白板上，無餐牌或圖片供應。想食邊款就同職員order, 記得要有耐性吖。因為得一個煮，所以等待需時。款式有牛腩、雲吞、鳳爪、炸菜肉絲等等……再配上海麵、米粉或河粉。其實選擇唔多，不過唔緊要，因食客來呢到都係選擇食最出名嘅鳳爪上海麵。 今日我地叫咗一碗炸菜鳳爪上海麵同埋一碗榨菜肉絲米，再加多一碟鳳爪。 呢道既鳳爪係自己炸完，再用醃料醃好，再慢火炆。呢種味道係出面係食唔到的。最大比較係出面嘅鳳爪好多時係未食d皮已甩曬出嚟同淋啤啤。呢度d鳳爪係完整無缺， 斬曬指甲， 食落去軟硬適中， 再加埋自家醃料鳳爪超入味。真係好鬼好食同與別不同。至於……上海麵淥得啱啱好，同鳳爪好匹配。榨菜肉絲，唔講唔知，都係自己加工㗎， 唔太喊。**呢度係無得淨鳳爪賣的，想食必須跟麵底上。唔夠先可另加一碟淨鳳爪。**

小妻小時候經常在香車街街市打躉！事沿媽媽早年是在這兒的茶檔工作，某年暑假弄像腳的她行動不便，於是我便到茶檔工作過了一個工作的炎夏！     而隔鄰的江記更是我自少吃大的上海麵店，味道充滿兒時回憶至今吃也津津有味。                                                                                                                                                                                                                                                                                                                                      小妻例牌點上絲蓉麵即炸菜肉絲雲吞麵，很喜歡這兒的上海麵即叫即煮的好爽口，而炸菜肉絲吃下是清爽的，但最愛是四十年如一日的菜肉雲吞，皮滑餡足

年初已經想黎食，突然有好長時間冇開，搞到另一半囉囉攣，最近黎過街市幾次，又因為我而去左老闆娘，所以滴哂汗都要搵日陪下佢。而家天時暑熱靠幾把牛角扇真係幾難頂，起碼要過左夏天先再講對另一半而言，江記係佢嘅童年回憶，大大話話食左廿幾近三十年，雖然味道上都會有少許轉變，但感覺依舊。就算隔幾耐黎，老闆都會認得打個招呼，又記得你食開啲乜，我諗呢啲就係大多數人口中嘅情懷。鋪頭位於香車街街市，家庭式經營幾十年，只賣上海麵、雲吞、鳳爪、榨菜肉絲、牛腩。我地兩個每次黎都係叫同一樣野，榨菜肉絲雲吞米、淨爪。榨菜肉絲雲吞麵佢哋嘅麵好煙韌，先淥好再過冷河再放熱湯，利用冷熱水嘅交替，保留麵彈性，口感非常好。呢度雲吞極細粒，皮較厚但夠滑。自己鍾意榨菜肉絲味道，少少咸但就令碗麵冇咁寡，記得叫老細加咸菜，再加埋辣椒油，正蠔油鳳爪試過買過俾好多朋友食，個個都問我喺邊買，要encore咁話。呢度嘅鳳爪炆得好淋，但又唔會咬落去散晒，仲可以有𦧲骨嘅感覺，而且好入味，一碟基本上唔夠，每次都食夠兩碟先收手順帶一提，呢度係冇飲料供應，可以叫隔離茶檔嘅咖啡、奶茶、汽水等，我最鐘意檸廉！