江記

今日午餐嚟到荃灣香車街街市覓食，去咗二樓江記食上海麵。店舖夠大好易揾，乾淨又企理，店員姨姨友善親切。點了個雲呑鳳爪麵做午餐，一陣碗麵就嚟到，份量適中，都算夠飽既。佢個麵底異常好食，爽口彈牙，鳳爪有两隻，好入味，半淋，口感非常之好，上海雲呑有四粒，細細粒有d肉味，不是我喜愛的廣東雲呑。整體滿意。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚🥚[糖果]性价比：🥚🥚…查看更多

家庭式經營，由細個食到依家，炸菜肉絲鳳爪麵的味道真係令人一食再食湯底有味又唔會好咸，鳳爪味道好入味夠淋。咁多年食物水準味道依然keep住，厲害！唯一缺點…夏天去食就會汗流浹背了😅…查看更多

好多時候越簡單嘅嘢就越難做得好，點解？因為大多數人都睇唔起呢啲簡單嘢，是但求其，不過我深信只要肯花心思去做，一定有知音人，就好似呢間舖頭嘅炸菜肉絲，食過就知老闆嘅誠意。三個人一人一碗，一個要絲爪麵一個要絲爪米一個要雲吞加炸菜肉絲麵，三個人都話佢個炸菜肉絲真係無得輸，呢度嘅炸菜肉絲同其他地方食到嘅最大唔同就係個肉質，佢呢度會先烹調啲肉絲，所以特別煙韌有彈性，零舍有肉味，呢啲心機野，就表現出佢嘅誠意。…查看更多

今次行過一家好有人情味嘅小餐館，無拘無束噉坐低嚟嘆頓平民午餐🍜。內裏嘅鳳爪雲吞麵真係睇得我口水直流，一試之下，鳳爪入口即化，但仲保持住啖啖肉嘅Q彈，外層滷得唔錯，正到不得了! 雲吞肉餡彈牙得嚟鮮美，配上嗰啖啖有勁嘅麵，可以講得上係完美搭檔。湯底嘅嘢，嘩，清甜帶點微辣，着實提升咗整體滋味。真係好想大叫一聲：太正喇！真心推介比大家，下次又想再嚟試吓其它嘢，希望都有驚喜咁。找到呢家小店，係無意中嘅驚喜，真係「食在好味」啊😋👌🏻!…查看更多

住咗喺荃灣咁耐每次去香車街時都係大排檔或者老闆娘米線，車仔麵多！咁你見到人哋話呢度有好好飲嘅奶茶，咁就同男朋友一齊過嚟搵食，去到原來奶茶係冇嘅係隔離舖頭叫，一坐低有個好親切嘅姐姐話佢哋剩係得四種食品，鳳爪、牛腩、雪菜肉絲、雲吞，然後我就揀咗鳳爪牛腩麵，男朋友就咁雲吞麵，嚟到嘅時候冇乜特別份量不多，大部份食客都睇得出係熟客，食落去其實真係冇乜特別，跟住加咗啲醋同埋辣椒油就覺得好食咗，環境欠奉人情味濃！兩碗嘢加埋80幾蚊冇嘢飲，招牌寫住有分大細嘅面，但係我哋兩碗面都好細碗我問佢帶嘅意思佢話多一個餸就等於大，即係兩個餸就48，所以男仔可能要特別叫佢加面底如果唔係就會以為大等於面底多，如果想體驗下舊式嘅茶水檔可以試吓，佢隔離幾個鋪位嘅車仔麵店好食好多…查看更多