江湖小棧

星期六5:30到達門口已經要拎飛等下一輪入座，等候大概45分鐘後可以入座。食物大概20分鐘後便上菜，店員碰上一壺豬油及豉油，需要淋上飯面等候2分鐘才可進食。今次叫了臘味滑雞飯及白鱔飯。個人覺得臘味滑雞飯較為出色，因為臘味有臘腸潤腸，臘肉香口，白鱔就比較厚實彈牙，內裏有較多的細骨，所以吃的時候要小心。煲仔飯較多飯焦，如果喜歡吃飯焦的都應該幾喜歡的，但如果不喜歡飯焦便會覺得吃到牙骹軟。個人覺得餸菜及飯的味道不太融合，可能送的香味，因為太高溫底下而揮發了。整體如果要等一個小時，才能可以吃到，我覺得就應該會有更加好的選擇。整體來講都算，值得一試。…Read More

呢間煲仔飯係荃灣已經一段時間，仍然人龍長長，莫非真係有佢個人之處😏首先，睇餐牌發現佢啲價錢幾得意，無論係鳳瓜排骨，或是豉汁白鱔，都是一律同價，😅咁樣，我只好選擇豉汁白鱔煲。因為全部即叫即煲，所以需要啲時間上枱。上前，員工會先放一樽豉油和一樽豬油。當煲仔上枱，自己馬上加豉油和豬油，再焗佢一焗。萬衆期待煲仔飯一開，豉汁味好香，白鱔新鮮爽口。但煲白飯同豬油有啲失望。煲飯太濕，無乜飯味，食焦太燶和黐底。豬油無乜豬油味😰以一煲$100嘅煲仔飯，個人應為只會食過就算。…Read More

偶然夜晚6點幾行過，終於見唔洗等位，同個fd終於第一之試到江湖小棧o既煲仔飯小炒。裝修環境借用金庸小說為題，餐牌亦用九陰真經包裝，gimmick 野。openrice各食評力推煲仔飯，同fd每人一個煲仔飯(1. 土魷肉餅; 2. 田雞排骨)，加一個腐乳燒通菜，同埋一個花甲粉。真係要等足20分鐘先上煲仔飯，加豬油豉油焗2分鐘，由於多蔥，又有飯焦，確係香，排骨同肉餅都好食，只係本人對白飯喜好較大，對飯焦不太喜好，無食到飯焦。但豬油豉油自己控制加幾多，確實不錯! 花甲粉好辣，個人比較喜歡; 燒通菜，好濃味，第一啖食好好食，食多幾條後，有腐乳部份太鹹，最後都係放棄左。整體飯餸都整得幾好，個人口味因人而異。通菜同花甲粉，值!!! 但一個煲仔 $90/ $95 (未計加一) ，值唔值就要自行判斷，(佢最出色o既並唔係本人喜好)。PS: 我都明白煲仔飯要時間，明白門口開始有好多客等，想多D翻枱，可唔可以俾我食埋個花甲粉同燒通菜先至問我收得未呢?花甲粉 $128 (加一另計)(嗜辣者必定喜歡)，味道唔錯，約10幾隻花甲，無沙。腐乳燒通菜 $ 54 (加一另計)，濃味，食客可以考慮少d腐乳田雞排骨煲仔飯 $90 (加一另計)，OPENRICE所有食評都話必點，請自行判斷。PS: 土魷肉餅煲仔飯已經唔想影…Read More

預先預留位置並沒有用，餐廳內坐滿人堂食會先要你落order，但不能保證你有位置。上次也不是這樣，這樣的服務態度完全不值得，浪費時間以外還給店員無禮貌對待。大家接受到的話可以享受香港特式服務。…Read More

荃灣地獄級超多人煲仔飯 見到網上好多人吹捧佢 今日又嚟試試.晚市1730開始入座 今日1715早d黎到排隊竟然入完第一輪 都仲要拎20號飛最後要等到1915先有得食 等足兩個鐘.今次點咗 ⭐️豆豉白鱔煲仔飯$88先開蓋落豬油 再落醬油 冚蓋焗2分鐘👍🏻白鱔超級高質 厚肉肥美 有彈性👍🏻飯粒 粒粒分明 吸左豬油同醬油好香口😈👍🏻飯焦脆口 會表示啱啱好 加埋豆豉拌飯會更加惹味.⭐️香菇滑雞臘腸煲仔飯$88呢一煲有一個好大嘅問題 臘腸唔夠香😖飯粒完全感受唔到 臘腸香味 香菇味 雞油😰感覺三樣配菜 都融合唔到🤔如果普通餐廳 呢個水平會覺得還好 可以接受🤨但如果係受人追捧 排兩個鐘嘅名店 咁簡單都做唔到呢個質素可以話不能接受.特別講一講服務 店員服務語氣幾差 有種唔休做嘅感覺因為超級多人排隊 只可以話理解食客：唔該 想問問排到幾號？ 店員:十幾廿幾啦～.特別一提 仲要收加一.#hkfunfoodrecord窮遊香港#hkfunfoodrecord_荃灣.#江湖小棧 (荃灣)地址：荃灣鱟地坊30號寶成大廈1號地舖.⭐️評分：味道：3.5/5 白鱔4.5環境：2.5/5 人多都幾迫服務：2/5抵食：3/5 .（記住分享比朋友 追蹤/like 感謝你哋支持🙏🏻）.#飲食 #美食 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #香港美食 #旺角必食 #葵涌美食 #葵興美食 #葵芳美食 #荃灣西美食 #荃灣西必食 #大窩口必食 #大窩口美食 #大角咀美食 #荃灣美食 #荃灣必食 #小菜 #茶餐廳 #煲仔飯…Read More

每次經過都大排長龍，今次終於決心去試吓佢個煲仔飯，叫咗個臘味雞煲仔飯，佢個豬油真心出色，食得出好香嘅油香味，豬油先轉一圈，豉油再轉兩圈，打開個蓋之後見到好多飯焦，個味道都超正。…Read More

江湖小棧 天氣冬自然就想找些暖胃的食物。其中煲仔飯是每年都會吃的食物。荃灣的江湖小棧是一間賣煲仔飯非常出名的店。每看到店外有大量等位的客人就知道天氣非常寒冷。店舖內的裝飾以至食店的餐牌都有武俠小說的味道。因為小絲食量比較小，所以只點了1個煲仔飯再加2個小菜。這裡可以選擇的煲仔飯款式很多，最後點了最普遍的鳳爪排骨，那就可以試到這裡的煲仔飯與其他舖有甚麼分別。鳳爪排骨煲仔飯$88點煲仔飯的客人，店舖會有豬油和鼓油給你自己落。加了這些調味後再焗一焗他就可以食。我覺得鼓油可以落少少，試一試味才再加，因為煲仔飯本身都很夠味。煲仔飯當然要有飯焦，這個就不會令你失望，有大量飯焦給你足過癮。而鳳爪排骨就較為普通，排骨醃得有點鬆軟，但未至吃到不應該有的味道。生啫芥蘭煲$88這個煲很有鑊氣，吃到尾還是暖的，不過調味有點重，送啤酒就一流，很有大排檔的風味。燒紐西蘭羊架$72因為小絲喜歡羊肉，所以就點了羊架試試。這裡的羊架調味方面與其他慣常做法有些分別，味道是偏向中式多些少。燒得不乾身，吃下去有肉汁有咬口，非常不錯。阿偉評價：煲仔飯選擇多，高質素。飯迷必試。推介指數：7/10…Read More

上網搵咗一輪，最後決定山長水遠入去荃灣，就係想試下呢一間「江湖小棧」嘅煲仔飯，咁佢實在係好食嘅，價錢亦都算平88蚊一煲飯， 但係要等兩個鐘頭為咗食一煲煲仔飯又真係過份咗啲，但係都話係山長水遠㗎啦，唔通走咩！因為要同個皇太后食飯，皇黃太后好L麻煩，辣又唔食得海鮮又話唔食得，白菜仔/芥菜又話寒涼，好難服侍，一坐低見到其他人係每人一煲飯而我哋係一煲飯兩份，但係佢嘅特色係落豬油落去撈啲飯係好味嘅👍🏽，佢最出名嘅就係白鱔煲仔飯，但係我落order嘅時候已經買曬，但係其實個北菇雞飯都相當唔錯，下次會喺平日再去試，因為今日實在係太癲，等兩個鐘頭！而家喺香港好食少少嘅舖頭都要等位等得咁誇張呢？…Read More

未到傍晚開門時間目測已經有20人排隊👭🏻👬👭🏻👬👭🏻點可以唔親試下！！！🍲自選三拼煲仔飯(白鱔、臘腸、田雞)🍲客家黃酒雞🐤(必試推介🔥)🍲招牌燒通菜(蒜蓉)🌟天氣涼涼地最啱食煲仔飯，依間人氣煲仔飯有好多食客跨區慕名而來，五點幾已經排晒隊，食唔到第一轉就要等到7、8點喇！未坐低已經要落左單先，所以排着隊諗定食咩😎煲仔飯款式好多，而且仲可以自選配料，價錢相若，所以小妹揀咗最鍾意嘅白鱔田雞再加臘腸，雖然好貪心選三併，但估唔到餸嘅份量都好多，尤其是白鱔相當厚身，食落彈牙新鮮，田雞肉質鮮甜，配埋臘腸一絕！差啲漏咗講，餐廳提供豉油同埋豬油，可按自己喜好食之前加落去，焗2分鐘食得，係人間美味🤩另外，黃酒雞真係唔係度度都食到，依度嘅黃酒雞真係貨真價實，雞肉份量非常多，而且好滑！配埋紅棗杞子薑絲同藥材，酒香撲鼻，未食已經醉🤣(不過要提一提，呢款菜式酒精含量都幾高，食完會紅都面晒，唔識飲酒嘅就要留意😳)燒韭菜就食得多，燒通菜真係第一次，而且有腐乳或者蒜蓉味，今次揀咗蒜蓉燒通菜，面層落咗大量生、熟蒜，好香燒烤味，味道真係幾特別，值得一試！！！不過食完講說話就要小心啦，成口充斥着蒜味，正！🫢…Read More

聽說荃灣有間很受歡迎、食煲仔飯的街坊店，週末的這天準時晚市開門後取了籌號，仍然要等超過一小時，那就來品嚐一下等待一小時的食物吧。啫啫通菜煲($88)上菜時發出嘶嘶聲、不斷冒煙，裡面材料包括了蝦米乾以及豬油渣，因而令整到菜的香味與風味提升了一層，邪惡但不俗。三款煲仔飯一齊上菜，店員會取來豉油和豬油各一瓶讓客人自行加入，放回煲蓋焗一焗就可以開動了。臘味滑雞煲仔飯($88)的臘腸、潤腸、臘肉均切得比較細碎，除了臘味的油大概主要是靠我們後加的豬油來提味。土魷肉餅煲仔飯($88)香氣十足，陣陣土魷味夾著大量香蔥味道吸引，肉餅跟魷魚的比例也可，不會失衡太少土魷。窩蛋牛肉煲仔飯($88)上菜時我們立即把半熟的雞蛋拌均整個飯，盡量讓每一啖飯都沾上蛋液。牛肉的質地偏淋，味道不濃，正正常常，勝在有隻蛋在裡面。這裡需要收取加一服務費，然而店舖生意好、店員都很忙，她們只要見到客人有吃完的東西就會立刻收碟，我們也明白等位的「痛苦」都盡快吃完離開，因此我們四人用餐時間大約為一小時。所有煲仔飯的溫度都很夠熱，基本上三個煲的底部都有飯焦，對喜歡食的朋友來說是可取的。不過，味道方面都是普普通通，沒有感覺很好吃，飯裡的料也不算多，加上在門外足足站了70分鐘吹風才吃到不太值，如等位時間大大減少才考慮回頭。 …Read More

❄️而家天氣凍冰冰最岩就係食煲仔飯🍲！呢間我上網search好似幾出名，所以去試下，點知真係好好食，不過就要有耐性排隊等候嘅人士先可以食到，因為真係太多人食喇🤣店員姨姨會教我地落豉油同豬油嘅次序同份量，就係豬油1圈，然後豉油3圈，最後come蓋焗2分鐘就食得！🍲冬菇滑雞煲仔飯 ($88)非常香噴噴，冬菇真係冇得輸，咬落菇汁又多又濃味，滑雞鋪滿哂系飯上面，冬菇加埋滑雞嘅雞汁浸哂落個飯到，最後食到最底有埋焦香鬆脆飯焦食，好完滿呀😋🍲臘味排骨煲仔飯 ($88)一打開煲蓋勁香，係臘味嘅味道，想講個飯都索完全吸收哂臘味味，好鬼香，而排骨肉份量算可以而且啖啖肉，煮得岩岩好，最後食到最底有埋焦香鬆脆飯焦食，好完滿呀😭個人認為呢個係必食推介🌟🌟🌟🍲土魷肉餅煲仔飯 ($88)首先最想講嘅係呢個土魷肉餅嘅土魷粒係大！大！塊！真係我食過算係最大最足料嘅肉餅，肉餅調味適中而厚肉，食落好重土魷味，配埋啲飯食堅係好食，最後食到最底有埋焦香鬆脆飯焦食，好完滿呀✨🥬金銀蛋時蔬 ($88)有鹹蛋粒、皮蛋粒、小白菜、油炸鬼，我就麻麻地呢個時蔬，因為我個人覺得啲菜太淋，可能因為食左幾個濃味嘅煲仔飯會覺得個時蔬味道有啲清🙈…Read More

呢間餐廳主打即叫即整煲仔飯，任意配搭20款配料🍲仲有煲仔粥、串燒同粵式小炒等🤤💗潤腸臘腸牛肉煲仔飯 ($88)煲仔飯熱辣辣帶米香，容易整到成片脆卜卜嘅飯焦，淋埋自家煉製豬油同豉油撈埋一齊食🍚潤腸臘腸嘅油香滲哂入飯到，再加埋新鮮滑牛，夠哂豐富🐮💗鹹蛋土魷肉餅煲仔飯 ($88)肉餅淋滑，飯面放上大量土魷增加鮮味🦑再加埋鹹蛋令味道更香🥚💗白鱔蝦醬肉片煲仔飯($88)蝦醬肉片軟腍惹味，飯底索哂蝦醬嘅鹹香味特別好餸飯🐷白鱔肉爽肥美，放咗薑絲所以食唔到腥味同泥味🪱💗啫啫通菜煲 ($88)通菜翠綠脆嫩，用上炸豬油、蝦米、蒜頭爆炒好有鑊氣🥬…Read More

6點幾黎到排隊.90號左右，個陣叫緊3x 都唔緊要，等下囉~ 但本身唔知道原來號碼過左廿幾四十張都可以不斷叫返轉頭比人入先，只要返轉頭，嗌到你又要比返前面廿幾號先。到你落左野食，等入位，都可以又返轉頭比四十幾號入先。不斷輪迴🥲好處係可以一早攞飛,肚餓先返嚟攞位.都一定有位俾你食.否則如果遲咗少少又唔介意等嘅，等兩個幾三個鐘都得食物係唔係好食啲就見仁見智，煲仔飯嚟講，我覺得一般，同出邊嘅差唔多，冇話特別好食啲，食物質素唔值嗰個時間成本。…Read More

依間煲仔飯每晚上都有排隊人龍，今次揀咗自選煲仔飯包括滑雞件、窩蛋和白鱔。滑雞件肉質滑嫩不柴口，淋上醬油更增添香味。白鱔新鮮滑嫩，具有魚味。煲仔飯可以自行淋上秘製豉油和自家提煉的豬油，食後齒頰留香。煲仔飯的米粒分明，口感適中，飯焦香脆，非常美味。蟶子：鮮甜有味、肉質鮮嫩且口感彈牙，並且還加上炸蒜，香蔥作為配料，增添了風味。另外，粉絲吸收咗蟶子嘅精華，令到粉絲鮮甜多汁👍🏻非常惹味砵仔焗魚腸: 近砵仔既蛋皮微微焦脆，蛋內有豐富而肥美既魚腸，入口帶有濃郁魚香味，並且加入了薑絲、香菇等配料，令味道更豐富而口感軟嫩。如果你擔心腥味，店家還提供胡椒粉來去腥。總括而言，這家店的自家提煉豬油煲仔飯和其他菜式都非常好味😋無論係煲仔飯定係聖子同砵仔焗魚腸，都超正。如果你喜歡煲仔飯這家店絕對值得一試！…Read More

應該係全港數一數二嘅煲仔飯。荃灣區的話一定係第一👍🏻👍🏻👍🏻因為經常夜晚收工，大約10點左右黎食都會好快有位，如果正常晚飯時間都需要等兩個鐘先有位。不過真係值得等待一下。本人經常食臘味飯（臘肉臘腸）超級足料，每一啖都真心好食😋除左煲仔飯之外，串燒都不得了。特別燒羊架，香氣撲鼻。外表焦香，肉質嫩滑👍🏻另外其他串燒都好有特色，燒鱔，牛舌。間中食下海鮮蟹粥都正，夠鮮粥夠綿 小菜都好食，惹味之餘份量充足。每次食親都好滿意離開😆非常適合三五成群咁黎食，或者夜晚放工一個人黎食都啱晒，一個煲仔飯加一份串燒都好足夠👍🏻☺️…Read More