Kong Nam style Restaurant (Closed)

碟碟餸菜用心製作 👍不油膩 😆吃後不囗渴 👌味道剛剛好 一定會回頭 🤗煑法認真不求其🤗另外 服務態度誠懇有禮👍有賓至如歸的感覺 比貼士都比得開心啲🤟實在是不吃海鮮的另一好選擇👍👍…Read More

見到網上食評見有上海菜食，難得可以喺西貢唔使食海鮮，見大多食評正面，於是訂位諗住提早慶祝母親節，點知入到有中伏感覺。餐牌選擇少，睇完又睇都唔知食乜好。好難先揀得嗰幾樣嘢，食完唔多滿足。😅😅…Read More

一月七日細仔仔請揾食肥華和靚媽食中午飯，肥華就選擇呢間位於西貢嘅上海菜館用饍，原因係此店在[開飯]，食評界好評如潮，開業至今仍末有負評出現，自命為上海菜控嘅肥華豈能不到此店，探過虚實睇吓此店是否咁堅，事實就係由此店個碗隨餐附送嘅是日例湯開始，到上海式麵食，飽點，小菜及單尾嘅甜品此店都做出高水準之作，同類今日所點之食物，甚至超越肥華之前給予極高評價， 位於佐敦嘅上海滬點小廚菜館，食過呢餐咁高水準，價錢又合理嘅上海食物，肥華可以講一句，以後專誠入西貢，唔一定係食海鮮，而係食上海菜亦非奇事😋👍😋👍😋👍😋👍…Read More

西貢行完山，去市中心搵野食，唔想食西餐同海鮮, 真係諗唔到食咩，行過海鮮街附近，見到有間食江南菜，望落個鋪面及裡面，裝修都幾骨子整潔，就決定入去食，估唔到有驚喜 ！！爽口海蜇海蜇爽脆, 味道有少少麻辣，涼伴菜黎講，食物溫度合適，味道唔錯。麻醬雞絲粉皮雞絲粉皮青瓜絲伴，雞肉鮮甜美味，配上香濃的芝麻醬，味道很清新。好開胃。上海小龍包剛剛蒸好送上，熱騰騰，皮薄肉嫩，皮內充滿湯汁，口感好豐富。窩貼皮薄多餡，皮底煎得好脆估唔到窩貼都好多湯汁，超好味。炸雲吞一口一隻，雖然細細粒，但唔會覺得淨係食皮，肉既份量都足夠，沾上甜酸醬，中和油膩感，越食越想食。銀芽炒鱔糊黃鱔肉厚肥美，伴銀芽韮黃一起炒，口感爽脆，味道濃郁但不會太咸，又不會太油膩，口岩我口味。酸辣湯師傅非常好刀功，所有食材都切幼絲，湯底好夠味，酸辣度適中。高力豆沙即炸即食，熱辣辣軟綿綿，有豆沙餡但不會太甜，好中意食😋…Read More

江南菜難得聖誕假前席，當然就係同我老婆行吓睇吓西貢有咩好食啦，江南菜嘅裝修同環境都唔錯，鍾意食中菜嘅我哋當然就要試吓啦蟹粉小籠包石崗梁財當然就一定要試吓定係小籠包啦，見到佢哋有蟹粉小籠包二話不說就一定要叫啦，佢哋嘅蟹粉小籠包，粉皮特別薄，而且餡料特別多，食落去層次感特別多，好好味金磚豆腐另外我哋都叫咗個餐前小食，呢個金鑽豆腐，用咗真材實料嘅豆腐，炸起外脆內暖好好味菠蘿咕嚕肉另外都推介佢哋嘅小菜，佢哋嘅菠蘿咕嚕肉，咕嚕肉查起上嚟好味，而且其他菜館比，佢哋嘅炸粉冇咁多，酸酸甜甜嘅醬汁，在配咕嚕肉真係好好味鮮味雲吞雞煲拎去主菜，終於都嚟到啦，就係砂煲雲吞雞，佢哋用咗真材實料嘅靚雞，加上大量嘅雲吞，喺依個寒冷嘅冬天食絕對係補身又保暖，而且份量10分鐘，兩個人食到飽肚都一定可以豆沙鍋餅另外最後我哋甜品叫咗豆沙鍋餅，豆沙入面仲有陳皮味好正，而且佢哋嘅豆沙鍋餅皮唔算原，炸嘅時間都啱啱好，令到成個豆沙窩餅都唔會覺得太油膩或皮太厚喺西貢呢個咁多姿多彩嘅餐館，佢哋算係江南蔡志忠嘅數一數二，下次去開西貢如果想食江南菜都一定會諗起佢哋，另外佢哋仲可以幫客人加工海鮮，下次一定要試吓。…Read More

節日早收工，同屋企人入咗西貢行吓，經過萬年街見到呢間江南菜好多人食，記得上次試過印象非常唔錯，一於今晚同屋企人試吓先~枸杞花膠燉雞湯天氣凍冰冰，飲返盅燉湯就岩哂!熱辣辣上枱，花膠滋陰潤燥又養顏，飲落香甜又滋補，雞件仲好滑嫩添～蟹粉蒸滑蛋大量蟹粉、蟹肉絲鋪滿滑蛋，超吸引！！蒸蛋口感嫩滑，充滿蛋香，好邪惡又滋味既菜式～醉雞聞落有淡淡酒香，咬落雞肉軟嫩富彈性，好入味！雲腿浸津娃娃菜娃娃菜好軟嫩鮮甜，香滑可口，絕對係健康之選！改良擔擔麵一上枱濃厚花生味撲鼻而來～肉碎鮮香爽口，麵條爽滑有蛋香！鮮肉上湯大餛飩皮薄滑溜，咬開內餡細膩滑順，超爆餡，好正！脆皮鍋貼多汁內餡再配酥脆餅皮，真係百吃不厭！…Read More

《😋晴晴港飲港食 #misshcfoodie 》Happy Friday 入咗西貢今次唔係食海鮮而係試咗呢間京川滬菜環境都幾寬敞乾淨叫咗幾款特色小炒同小菜價錢亦都好抵食咕嚕蝦球 $138酸酸甜甜好開胃蝦球外皮炸到好脆入面嘅蝦肉就好爽口欖菜肉碎炒四季豆 $98好香欖菜味而且唔會好油膩四季豆都炒得好乾爽餸飯一流👍薑蔥魚腩煲 $98用砂鍋特別有鑊氣一上菜熱辣辣噴唒煙😮‍💨啱唒冬天食完暖笠笠薑蔥好惹味 略嫌魚腩太多骨🫣醬爆肉$98豬肉用咗腩肉 半肥半瘦少吃多滋味🤭醬汁非常惹味 有少少辣夠香口另外仲叫咗2個包點小籠包 (4個) $48生煎包 (2個) $20人均價錢: $250 (Dinner)味道: 7.5/10環境: 7.5/10服務: 7.5/10回頭率: 7.5/10📍 江南菜地址: 西貢萬年街79-81號地鋪電話: 27998083…Read More

放假去咗西貢玩😎 出海返來又凍又肚餓😂第一時間揾間嘢食先!我哋揾到呢間江南菜唔錯,可能係因為天氣太凍既原因，店內座位爆滿😄🔹胡椒炖豬肚湯(2位）冬天超級暖胃熱辣辣既胡椒豬肚湯必食‼️真係健脾養胃！滋補養身湯🤤飲嗮整个身體都暖咗🤭🔹川味水煮魚色澤紅亮誘人🤩睇到就食慾大增😊邊煮邊食，配菜有寬粉/芽菜/木耳/等等……幾豐富，香辣好滋味👏👏🔹金磚豆腐金黃色既豆腐外脆內嫩🤤配埋椒鹽粉，超正👍🔹鷄絲粉皮鷄絲同青瓜、粉皮再搭配上芝麻醬，攪拌均勻！口感清脆爽口🤤麻醬味濃郁🤤非常香🔹XO醬蝦仁炒飯炒飯粒粒分明，份量十足!蝦幾大隻👍好抵食…Read More

江南菜🌟整體: 入西貢唔一定要食海鮮嘅 可以試下上海菜 🥸🏠環境: 酒樓feel 乾乾淨淨🧑🏻‍🍳服務: ✅☆║．．．．．．．．．．．．．║☆‼️蟹粉小籠包(4隻） $ 88✅ 皮薄餡靚，一咬落去d肉汁爆哂出黎 淡淡蟹味 啱哂凍凍地天氣‼️ 銀芽韭黃炒鱔糊 $138✅ 上海菜必叫嘅菜式 濃味菜式配白飯一流✅ 鱔糊 冇骨 啱會孤寒 大大條 啖啖厚肉‼️ 川味回鍋肉 $ 98✅ 呢個幾大碟 食極都仲有咁 唔算好辣 香口多✅ 回鍋肉輕微炸過 ‼️ 鮮肉上湯小餛飩 $48/12隻✅ 咁凍天氣食碗小餛飩 係好暖心嘅事‼️ 蔥油餅 $25✅ 外酥內軟又充滿蔥香味 ‼️ 黃金炸饅頭 $ 28/4個✅ 即叫即炸 外脆內軟‼️桂花洒釀丸子 $28✅ 中國傳統甜品之一 味清香，丸子煙韌，有淡淡的酒味📍 西貢萬年街79-81號地鋪G/F, 79-81 Man Nin Street, Sai Kung⏰ 星期一至日08:00 - 22:00☎️ 電話號碼 27998083📷 Fujifilm XE4 + 23mm F2📩喜歡我的文章，可以關注我及讚好以作鼓勵…Read More

搬咗入西貢成年都未試過呢間，之前見佢新裝修食上海菜，但係夜晚小菜選擇不多，所以只去過一次，見呢幾日好凍，本來睇西貢人日報介紹富雅, 行到過去真係太凍坐唔到 平時落車見到佢哋有羊腩煲, 都唔係好理解點解上海菜館有羊腩煲,不過都試吓啦,等咗一陣，一嚟到要等佢煲熱，又開蓋，wah咗一聲，啲羊腩真係羊腩,唔係出邊嗰啲羊肉扮羊腩有啲仲有骨添，腐竹同冬菇都好入味, 個汁超好送飯，個腐乳值得一讚淨係撈腐乳都 咗一碗飯  睇嚟今個冬天有地方食飯 …Read More

今日同朋友經過西貢一間叫江南菜既中菜餐廳，就入去試下！我地先叫左一碟開胃涼拌小食，胡麻雞絲粉皮，麻醬既酸甜味同雞絲粉皮好夾，青瓜亦都好爽口，整體嚟講係食主菜之前都係一個好開胃嘅小食。之後我地就叫咗一碟脆皮鍋貼同埋一籠小籠包。鍋貼口感脆皮之餘，煎出黎既金黃色都好靚，咬落去好多汁，中間肉餡味道適中。小籠包方面，輕輕咬開湯汁就湧出，鮮甜惹味，然後再蘸浙江醋和薑絲一齊食，酸酸地既味可以輕輕緩解肉餡既油膩。之後我地仲叫左一碟江南脆炸膳，趁熱食嘅時候，口感超級脆！味道有少少似生炒骨，酸酸甜甜既味好易入口，亦都唔會食到膳既腥味。最後，我地叫左一個紅燒肉菜飯同埋胡椒豬肚湯。腩肉既三層肉好分明，肉再加脂肪都好鬆化，調味亦都啱啱好唔會過鹹。配菜飯食既時候，蔬菜都可以令口感無咁油膩，亦都好明顯咁樣食得出菜油味。胡椒豬肚湯份量雖然唔係好多只有得一盅仔，但係味道方面係水準之上，豬肚食落去口感都夠爽口，飲落去好暖胃同好足料，而家咁凍既天氣飲完之後暖笠笠。…Read More

江南菜西貢萬年街79-81號地鋪今天去了朋友介紹位於西貢的江南菜，由巴士站步行大約3分鐘，有前後兩個入口。（後門較近巴士站）我們準時六點開飯，坐了一回便開始出現了人潮了，好彩有兩層，不然食客就要在外面等了。我想這食市有許多常客，在食飯時間，有幾個背住打高爾夫球袋的人，入內好熟練放下行李，坐埋一起進餐，另有兩三圍係一家大細來進餐的。我們兩個人叫了兩餸，一個小點，兩湯，一碗白飯，吃得滋味又滿足，朋友果然沒有介紹錯。江南篤鮮燉湯 $58熱辣辣嘅燉湯，有雞爪，瘦肉，淮山，筍，腐皮，用料十足，味道很鮮甜。胡椒燉豬肚湯 $58以豬肚，雞爪，瘦肉做基底，使用了大量的胡椒粒，所以味道很香濃，最適合在這種寒冷的季節，喝完立即暖笠笠。蟹粉小籠包（4隻）$88即叫即蒸，熱辣辣新鮮出爐，夾起唔會穿，咬落去超多汁。（小心爆汁啊）✅推介江南脆炸鱔 $168包了一層很薄的冰糖粉漿，炸得非常香甜酥脆，Size分量剛剛好，喜歡吃香口酥脆的朋友絕對可以叫一碟自已食，真是好好味。😋蘇杭東坡肉$168晶凝通透咬落去帶有淡淡的滷汁香甜，上層的肥肉入口即溶，下層的軟嫩入味，輕輕一撕便能撕開，送飯一流。(想像一下好似食緊薑醋豬手， 又腍又索曬薑醋汁)白飯$10一碗白飯2個人都食唔曬。今晚超飽， 份量十足， 味道超水準。…Read More

呢個星期日去左西貢坐船，晏晝係附近搵野食，海鮮飲茶又麻麻地，近海旁餐廳見到呢間江南菜意外地人多等位，望一望原來係食京川滬菜館，價錢好抵食咁、野食種類款式選擇都算多。.前菜首先叫個「惹味素鵝 $68」層皮炸得酥脆，素內餡好有口感，加左啲蘿蔔絲好爽口鬆化。「酥炸銀絲卷 $30」一層層既銀絲卷，唔痴牙又香，必點之選。.小菜類點左「銀芽韮黃炒鱔糊 $138」鱔糊肉質較爽脆又彈牙，加上清新既銀芽韮黃。「茄子魚腩煲$98」呢個真心好讚👏🏻魚腩係用大魚，先炸後淋汁，鎖著肉汁，魚腩又滑又多，好惹味。「肉絲炒麵$68」午市優惠價，十級推介，啲料多到滿瀉咁，多芽菜好爽口，麵底脆卜卜到加左汁都唔會好軟身。.甜品「豆沙鍋餅 $42」豆沙鍋餅軟糯Q彈，紅豆餡料唔會太甜。「薑茶丸子$28」其實係薑茶湯圓，薑味濃好暖胃。.星期六日要加一，性價比真心好高👏🏻夠晒正宗。…Read More

江南菜 👻星期六同frd去到西貢玩當然要睇下依到有咩食見到啲cafe或者海鮮都成日食就決定試新野試下依間江南菜新開又幾有特色整體都幾好呀🥰.🔅蟹粉小籠包 HKD 88除咗一般小籠包見到佢有加蟹粉當然要試下啦熱辣辣咁吸咗啲湯先蟹粉令個湯再昇華咗🔅黃金炸饅頭 HKD 28新鮮炸起個皮勁脆配埋煉奶真係黃金組合🔅胡麻雞絲粉皮 HKD 68雞絲份量都幾多又夠嫩粉皮晶凝通透又有咬口大量既麻醬啱哂我一定要多醬先好食😆🔅海味雜菜煲 HKD 78雜菜煲啱哂貪心嘅我可以食多幾款菜最鍾意佢啲蝦干好夠鮮味🤩🔅菠蘿咕嚕肉 HKD 98咕嚕肉要外脆內嫩依到都整得幾好隻汁酸酸甜甜啱啱好大大碟都好快就清咗🤣.整體黎講:特色菜式 幾有驚喜😚.🎈 江南菜 (西貢)西貢萬年街79-81號地鋪…Read More

西貢比較出名既係海鮮，多數人都會去碼頭旁既酒家飲茶食飯，但其實其他街都有好多好野食，好似係萬年街既依間都係晚飯好選擇之一。望個門口都覺得有傳統感覺，入面環境有點懷舊帶點古色古香。店員都係叔叔姨姨，係親切有禮個種👍🏻蟹粉menu好吸引，叫左個蟹粉鮮肉包 （$36）同埋蟹粉小籠包 （$88），依d即叫即蒸就最正。蟹粉包熱辣辣標哂煙，包身軟熟，蟹粉同肉香並重，正😋小籠包皮薄有彈性唔會一夾就爛，湯汁熱騰騰連肉汁勁正，小心辣親嘴😋江南燉湯 $48清澈唔油膩，好清甜，入面都幾重料有雞腳，荀，准山等等。紅燒豆腐煲 $78好耐無食哩味餸，簡單又好味，入面係滑嫩豆腐，芡汁唔會丸過杰，煲仔做到少少鑊氣食起上黎更香👍🏻糖醋魚 $118酸酸甜甜大量洋葱🧅配炸魚都無熱氣既感覺，個汁開胃拌飯不錯。高力豆沙 $26 一份兩件，新鮮炸起漲卜卜，蛋香加紅豆餡再沾大量沙糖，邪惡但好味。酒釀丸子 $28桂花香突出，帶淡淡酒香，勁多丸子🙈整體黎講有質素而且價錢唔貴，個人推介蟹粉menu，下次再encore!…Read More