汕頭八合裏海記牛肉店

先做補充:年頭坐高鐵去左, 食汕頭八合里海記牛肉火鍋, 覺得汕頭牛肉火鍋,還是"福合埕"果間好食d.今次同一幫朋友去深圳華強站呢間超人氣汕頭牛肉火鍋店食,我地是6點前去到,好彩仲剩一張大台.交通:羅湖口岸上地鐵，5個站到[華強路]站D出口(落馬洲上地鐵，會展中心轉羅寶線)，行上路面轉右行，1)穿隧道過對面馬路就是(汕頭八合里海記)，方法2)兜遠d過對面馬路，最好6點前到，因太多人食啦 , 我地order晒所有牛肉,但有2,3款賣光, 黑拍葉好唔掂, 好老好老 , 生菜皇帝菜好抵食6蚊碟,但居然冇豆腐,好彩有炸腐皮......另埋單時wechat 掃一掃關注佢地，即每人免$5醬料，茶錢，最後埋單6人食左人仔476 ( 每人80人仔),盡興又經濟,同行朋友仲外賣牛丸回香港. …Read More

牛痴必試牛肉專門店 – 汕頭八合里 返深圳重頭戲在第二天到訪汕頭八合里牛肉火鍋，由於出名多人，我地4:45pm已到達晚飯，來到時全場已半滿。 這兒出名吃黃牛，餐牌清一式全牛，牛肉全部即日鮮。早上屠宰便送到店內，完全無經冷藏加工，保證新鮮﹔來吃除了可品嚐到美味的牛肉外，亦上了一堂寶貴的牛肉分類課。聞所未聞的部位如牛朴肉、吊龍伴、匙肉、五花趾、鮮栢葉、匙柄、牛粉、牛筋、牛鞭等等等。真係乜位置都有得你食，各式其式，總有幾款岩你口味。 吃了八九個部位，大家最愛的是牛朴肉，肥瘦比例恰到好處，味濃鮮，有少少咬口。而雙層肉既有肉味又有濃濃脂香，也是要一點再點的。食家極愛這兒的牛筋，彈性及質感非平日吃到的可媲美。 不得不提這兒的手打牛丸，全部用人手打出來。既充滿彈性亦帶濃濃肉香，超美味，這晚吃了半打，唔夠喉決定買多兩斤返香港再吃。 謹記早到，5:30pm已全滿要等位，我估再夜點起碼等個幾兩粒鐘先有得食，午餐留肚早點來晚餐準沒錯。 福田口岸打的來吃20蚊，很方便，吃得飽飽埋單每人才100蚊人仔，滿足啊，牛痴必試呢﹗…Read More