永利特色雞飯‧車仔麵‧街頭美食 (Closed)

永利特色雞飯‧車仔麵‧街頭美食 屯門今日去屯門返工，喺附近見到呢一間好多人食緊嘅茶餐廳，諗住就一於入去試吓🤣入到去人山人海，好難得先搵到一個位🤣佢嘅午餐有雙餸飯，車仔麵，午市套餐，好多都包湯同埋嘢飲，我就叫咗個海南雞瀨粉，口痕好想食瀨粉🤪同埋一碟油菜～例湯係粉葛黃豆煲排骨，好好飲，飲完完全唔口渴，睇嚟落足料！海南雞好滑，一啲都唔鞋，肉質爽口，配上熱辣辣嘅瀨粉，簡直無得頂😋😋佢嘅蒸魚套餐都只係$50，下次一於試吓！…Read More

永利特色雞飯‧車仔麵‧街頭美食 (屯門)屯門石排頭路5號偉昌工業中心地下G號舖放工實在太餓，星期五決定在石排頭路一帶的食肆「醫肚」才回家，決心做「無飯」主媽，經過街角位給一張寫著鐵板的餐牌吸引，肚餓最啱食鐵板！大份之餘還可食什麼也有的雜扒😍80年代雜扒配薯菜(+$8配特飲）$75非常豐富！整個鐵板有豬扒、雞扒、腸仔、煎蛋、火腿！
多款汁醬選擇，可選黑椒汁、白汁、洋蔥汁、蔥油汁、咖喱汁扒餐還跟牛油方包、羅宋湯
還可配白飯/ 意粉/薯角上枱時在熱騰騰的鐵板上倒上黑椒汁，發出吱吱的響聲，證明鐵板熱度十足。我雞扒豬扒煎炸到脆卜卜再放上鐵板上，嫩滑的雞扒大大塊，豬扒也有我面咁大😆薯角炸到脆卜卜！滿滿的蛋白質，但又沒有油膩感，送荷包蛋一隻。一個鐵板滿足各種願望，食完還飽到挺著肚，女士的話兩人食也絕對夠飽。這個價錢可謂超值！…Read More

早上屯門見完客大概11點左右，肚餓嘅我經過呢間餐廳，被佢嘅特色雞飯吸引，即刻入去試試。，餐廳門面雖然沒有華麗的裝修，但就好有地道美食小店的風味。餐廳內以4人卡座為主，牆上掛有電視供觀看，整體感覺都很整潔及企理的。:)餐廳主打特色雞飯及車仔麵；亦供應有扒餐、多款大碗飯及碟頭飯、更有傳統街頭美食等。選擇種類確實很多元化。《水門雞飯 - 配蒜香飯》（$52）配熱飲（$3）/凍飲（$5），呢個價錢十分抵食。碟雞份量十足，而且已經去骨及雪凍，肉皮之間有層汁凍；再配上泰式酸辣醬汁，內有青辣椒，非常開胃。至於個蒜香飯以蒜油拌勻，帶有微微蒜香但不油膩，飯粒爽身不濕，啱曬我口味。餐飲熱奶茶亦都好好飲，絕對有茶餐廳的味道。《瑞士雞翼》（$22），由於11點左右太早了，可惜好多特色小食要都係下午茶才開始供應，所以唯有試咗呢款瑞士雞翼。雞翼肥美夠肉嫩入味，亦都頗不錯。午市更提供有客飯套餐，下午茶時段更有85折優惠，真心感受到生意不易做。一間小食店嘅價廉物美，食物味道質不錯，真的值得推介，多支持小店。下次一定要去要試下車仔麵同其他小食。…Read More

過嚟山景探朋友，傾傾下夜咗，驚無咩野食，點知行過輕鐵站對面，見到「永利特色雞飯．車仔麵．街頭美食」，一睇餐廳個名就知我驚無野食嘅諗法係多餘。入到嚟，反而發現餐廳食品種類繁多，令我三心兩意！因為又想食下西式鐵板扒餐，又想食下海南雞。可惜胃只有一個，於是今次就揀咗最鍾意食嘅車仔麵，好在佢完全冇令我失望，仲有驚喜😋呢日我叫咗個四餸車仔麵，包括甜酸齋（$11）、瑞士雞中翼（$11）、腩肉（$11）、韭菜餃（$9），主食係粗麵（$11），醬汁就揀咗牛腩汁，跟餐加多杯熱檸茶（$3）。雖然名為甜酸齋，但成日最驚啲麵筋太酸，又太腍，估唔到呢度啲甜酸齋味道恰到好處。至於個瑞士雞翼，唔會太咸，但又入味；腩肉則好厚實，韭菜餃亦用料豐富，配合上彈牙嘅粗麵，好快就完成一碗。👍🏻👍🏻👍🏻既然開咗個胃，我就叫多份奶油多士（$15），牛油非常厚實，邪惡得嚟，真係十分美味！下次想再嚟試吓其他嘢食😋😋😋永利特色雞飯．車仔麵．街頭美食地址：屯門石排頭路5號偉昌工業中心地下G號舖…Read More

屯門物價一般都比市區平，食野當然唔例外啦！工廠區一帶有唔少平民茶記，呢間永利就係其中之一🧐除左碟頭飯，呢度仲食到舊式茶記既鐵板餐同車仔麵，都叫做多選擇，我地就叫左個雜排鐵板餐同4餸車仔麵野食未到，店員就已經拎定張大紙巾黎，以防一陣鐵板餐淋汁上去會彈到，好體貼😍鐵板餐跟左個餐湯同牛油方包，個羅宋湯都幾濃幾開胃😋黎到主菜啦，醬汁都有幾多選擇，洋蔥/黑椒/白汁/咖哩/葱油，咁我就叫左最大路既洋蔥食雜排就係貪佢夠多野食，佢有豬排雞排腸仔蛋火腿，再加d薯條做配菜，仲可以配多個飯/意粉/薯角，肯定係夠飽既。食物質素還可以，絕對對得起個價錢，70幾蚊就食到，正常西餐廳起碼過百嫁啦🤫個車仔麵都係大件挾抵食！見到個碗同個杯既比例就知有幾大份🤣芝士腸有成5條，魚皮餃又係大大粒，整體味道正常發揮，都係以量取勝😎…Read More

去開工廠區，諗住頹食但遇到比預期有質素的餐廳😋餐廳選擇多到爆有中餐、午餐、常餐、待餐、扒餐、沙律餐等等等等我叫左沙律餐白汁魚柳餐配薯角，跟香腸煎蛋就咁一個餐已經好豐富，魚柳外脆內滑、薯片都外脆內軟好好味😊加埋凍飲共💲55埋單個人認為性價比幾高👍🏻😊…Read More