Wing Li (Moved)

我同男朋友都係九龍人今個星期日去黃金海岸拍拖仔上openrice搵到呢間出名既奇味雞煲心思思想試下！要左半隻雞，份量就唔係太夠喉ｄ奇味愈煲就愈濃，要係咁加水但熱辣辣真係好有風味！叫左一客酥炸雞軟骨($55)起初驚好少，但又ok喎臨尾加個公仔面再撈煲到最尾既奇味汁，正呀！不過我地ｄ汁太杰啦，咸到我都食唔到應該加左水稀少少似番湯先撈半隻雞煲，一個公仔面，一碟雞軟骨食到我地２個超滿足超full 特別既一餐！…Read More

之前差不多一星期都幫襯一次,因為我太喜歡這裡的雞煲,但到了夏天的關係,便少了幫襯,但經過幾個星期,終於都捱不住對雞煲的相思之苦,所以就算覺得熱都要去一次. 一去到諗都唔駛諗就叫雞煲,通常我都只是和我太太兩個人,所以會叫半隻,雞煲會跟菜,另外叫多一碟小菜就ok,以前是不會叫小菜的,次次都叫手切牛,但手切牛要冬天才有,而且上年開始她們的手切牛保持不到質素,明明手切變橶切,口感不好,所以現在已經沒有叫 !雞煲半隻跟生菜.我和太太都是嗜辣之人,所以會叫大辣.今次叫的小菜是黑椒鐵板牛柳,都好惹味.最後再叫埋出前x丁,就係成餐的精髓所在,用雞煲煮出前x丁,簡直此麵只應天上有,人生難得幾回吃!如果人多去就可以叫多啲小菜,因為啫啫通菜煲和爽脆魚皮等等都是好好味,我試過同朋友嚟食後,竟然下次他們自己搭車入嚟食,但我的朋友係住九龍的,可想而知有幾吸引呢!…Read More

見到d食評話呢度有深圳奇味雞煲 , 就擇日同相公黎試一試叫左:奇味雞煲半隻 $88 (包一碟生菜)XO醬爆鱔球 $62香辣水煮肉片 $48兩個出前一丁一個白飯奇味雞煲 ~ (原來有分大中小辣 , 老細同我哋落單時無問 , 係後尾個伙計話我哋知 , 攪到鍾意大辣既我哋只可試到唔覺得辣既小辣煲)開頭食既時候相公不大欣賞 , 一黎同正宗深圳雞煲既味道相差好遠 , 二黎味道唔夠. 但當滚左一輪後 , 可能個湯厎濃左 , 老公突改口風話好味 , 仲要加個一丁落去索湯汁食 , 果然不錯 , 仲要encore多一包添! 雞既份量都不少 , 相公後尾都食哂d雞XO醬爆鱔球 ~ 鱔夠新鮮 , XO醬味唔夠 , 但都幾大碟香辣水煮肉片 ~ 叫左加辣 , 但都唔係幾辣 , 肉片夠淋成晚最精彩都係個雞煲同出前一丁 , 小菜就略欠火喉喇…Read More

上星期天氣凍凍地行開屯門, 之前朋友介紹係何福堂入面有間好好食既大排檔, 甘就去搵下啦, 去到真係有好多好多排檔, 搵左一陣就搵到, 係間7仔斜對面...坐低一心唸住叫個"奇味雞煲", 叫都未叫, 格離左右有好香既味飄緊埋黎, 再望下四周, 嘩甘多人食雞煲.... 甘問下d小二, 佢地話係奇味雞煲, 不過佢地仲有好多款, 咩醉雞........等等.. 甘我地就即刻叫左個奇味雞煲, 係有d辣辣地, 真係又辣得好好味, 不過唔食得d人要叫佢少辣好了.... 我地再散叫左d菜, 肥牛.... 落去十下十下... 真係一絕.... 真係好正.... 最正就係個煲d湯汁... 一定要再去食過.....另外, 我地再叫左一個o者o者介蘭煲... 呢個煲見到周圍好多人食所以試下, 嘩 又真係同出面食個d味唔同.... 入面有豬頸肉一齊炒...d汁, 味... 真係好香... 就算未食入口, 個香味而經係幾張台聞到.... 正..又係好好味.. 呢間有排檔真係掂:) 一定會再反去幫襯…Read More

一行五人,無既定目標食肆,在附近閒逛觀察,最後落實幫襯此店.叫了:金沙三寶$58 - 鮮魷,茄子,豆腐,沾蛋黃炸,稍鹹,可以接受.酸菜豬什$48 - 豬什腍,酸菜夠酸,味濃送飯正.焗魚腸$50 - 魚腸乾淨,熱辣辣香噴噴上檯,第一時間清碟.刴椒魚頭$50 - 整個魚頭,蓋滿辣椒蒜茸蒸,魚雲香又滑,微辣,送飯送酒也相宜.蒜茸白菜仔$32 - 唯一一個沒膽固醇的菜,炒得清爽,OK!5白飯$402可樂$161啤酒$16小菜望落不算大碟,但越食越有,侍應阿哥招呼週到,服務很好,埋單$310,算經濟,可以重臨!…Read More

上星期日老公開車去屯門食飯,發現一個新地方雞煲**好正,之後再加個出前一丁,辣辣地.芥蘭煲**肉鬆蒸水旦**加落d飯到比小朋友食,成碗都食晒.金沙三寶**同乳鴿**(店員推介)必食:):):)而且地方比較大,小朋友又有地方玩,後面有個錶位停車場,就算錶位冇位都可以放在街.店員見到有人來抄牌都會通知食客.…Read More