水飯鏜 (Closed)

水飯鏜，呢個名很特別，吸引咗我入去。原來水係代表湯水，有靚湯配飯或粉麵；飯當然是有飯食啦！自選配搭快靚正！水方面，選了胡椒豬肚雞湯，配米線$50。原來好大碗，又足料，一上桌，聞到好香的胡椒味。豬肚全部大大片，煮到好淋，天氣轉冷，飲胡椒豬肚湯暖胃，超舒服。最初以為是有雞湯味而沒有雞，原來有成五六舊雞咁多，雞皮爽，雞肉嫩滑，份量真係大，飲埋啖湯非常夠飽，暖胃又美味！跟餐仲有熱飲送，抵食！自選雙拼飯，選了特厚豬扒配雙蛋$53, 跟餐熱飲選了熱華田，好香濃，好溫暖哦！ 特厚豬扒，真係有大半寸咁厚，啖啖肉，煎得外層脆脆的，裏面一點也不乾，爽口又新鮮，食肉獸啱晒！雙蛋是太陽蛋，蛋黃滑嘟嘟的，伴飯吃一流。伴碟還有一片蕃茄和青瓜，賣相不錯，朋友大讚這個豬扒煎得好好味！朋友試過我碗湯米線的雞，覺得好味，追加一份小食醉雞$35,性價比超高！其他餐廳食一碟醉雞起碼$60元。醉雞冇血水，煮得夠熟，但雞肉仍然很嫩滑，特別是雞皮，非常入味，酒味極香，杞子也不吝嗇的給你灑很多飾面，吃完口裏有花雕餘香，超好味！抵食推介！

平日我同老公去開市中心或者新墟搵食,原來華都商場都有好多特色小店，天氣開始凍凍地經過見到呢間餐廳有湯飯就岩哂我，我就叫咗個皮蛋玉碎湯飯，反而老公就叫左口水雞飯，餐廳嘅價錢非常親民，兩碗飯都只不過係$50以下，而且仲包嘢飲，冬天嘅時候飲啖湯再食一碗飯真係非常之幸福，皮蛋都落左好多，好足料！老公就大讚個口水雞話真係啖啖肉而且好入味好滑身，送飯一流咁話，餐廳食得出非常用心經營，希望香港可以保存更多呢一種嘅小店！

因為喜歡喝湯, 這裡有個湯飯吸引了我, 網上看到了這間餐廳, 有時會來華都覓食, 但都未食過這間, 找到了原來是間小店, 小店的好處是, 價錢很實際, 性價比高。來吃午餐都有飲品送, 熱飲不另收費, 我選了華田, 幾濃味。花旗蔘杞子雞湯飯$50用心煲出來的雞湯, 色澤濃郁, 味道也是, 濃濃的雞香, 感覺很滋補, 剛好我分到的雞是雞腿部分, 特別的嫩滑, 煲完湯仍有雞味, 不是雪到無味的雞, 還有花旗蔘, 杞子, 龍眼肉,  有家的感覺, 清熱的花旗蔘, 可平衡雞湯的燥熱。涼拌青瓜$25蠻大碟的涼拌青瓜, 青瓜很爽口, 醬汁麻麻辣辣, 還有很多蒜粒, 夠風味。留意到商場有我喜愛的小熊學校佈置, 真開心。

放工後來到屯門華都商場入面呢間新開餐廳—水飯鏜，餐廳名字有趣，供應特色水飯系列。餐廳主要供應午餐和晚餐，有時會有早餐供應，可以去Facebook查看更新是日餐牌。點了藥膳羊肚菌雞湯米線$70:入面真材實料，有不少雞件、羊肚菌、厚冬菇、桂圓、杞子、紅棗、准山。飲落雞湯味濃郁，相當暖胃養生。雞肉大件，肉質嫰滑肥美，加上索晒雞湯精華米線，一絕﹗涼拌皮蛋$25:微辣惹味，開胃~奉送既熱西洋菜蜜夠晒滋潤清甜﹗餐廳定價合理，食品不錯，不難成為是附近返工居民飯堂。

屯門新開張的水飯鏜最出名就當然係水飯啦🤣🤣（即係佢嘅湯飯）鋪頭唔算好大應該係家庭式小本經營但佢啲湯料真係非常豐富🥰🥰.最鍾意食就係佢嘅藥膳川芎當歸雞湯 $68特別係秋冬天食暖苙苙 非常滋補養生😍入邊仲有紅棗川芎當歸等藥材最值得一讚係佢每次碗湯都係熱辣辣😍😍.另外亦叫咗醉雞小食 $35估唔到呢個價錢醉雞份量都唔少😌酒味非常重 仲有少少酒嘅苦澀味🤩雞肉非常嫩滑😋.朋友叫左個常餐 $48濃湯鮮茄肉碎豬扒米線🍜仲有薯餅配沙律🥗😍佢話湯底非常香濃蕃茄肉碎都好足料！薯餅炸得香脆可口沙律水果粒粒非常滿足😝

呢個app好好用，知道好多隱世黃店，共建黃色經濟圈。我覺得黃店還黃店，都有分好味既黃店同唔好味既黃店，唔係黃店就一味盲目去就好。海南雞米線，米線湯有驚喜，好似係雞湯米線，但係雞就認真麻麻。餐牌有寫配料芽菜芫荽蔥，店員係再主動問要唔要，我話要，結果黎到係無，而且係無海南雞醬。 我問唔係有配料咩，佢話轉左米線所以無，又話加番俾我，結果加番配料係一片青瓜同半片蕃茄，先記得俾番個醬我。如果係咁，我其實叫霸王雞仲抵食，海南雞係要貴4蚊😨同埋，好味既海南雞真係有好多都好好味仲要平過佢，例如孖寶，不過唔知佢咩色又想支持黃店就黎左呢間。不會一次定生死，希望改善，會再來#招牌雞不招牌#奶茶唔好飲#見人地隔離食口水雞d好正所以想食#可能炒野好好聽到好有鑊氣聲#招牌炒野會好d#黃色經濟圈#都要質量好

何以　這土地　淚再流，何以　令眾人　亦憤恨，昂首　拒默沉　吶喊聲　響透，盼自由　歸於　這裡一入餐廳已經聽到一首振奮人心嘅願榮光歸香港餐廳位於華都商場一樓，有著茶餐廳格局一般茶餐廳應有既公仔麵常餐當然唔少得水飯系列就當然係鎮店之寶，一於叫黎試下一碗賣相精緻既胡椒豬肚雞湯河就送到我面前雞件大概有五舊，肉質相當嫩滑，胡椒豬肚湯底果然唔惹少，辣味十足，夠哂暖胃，原來辣度仲有得揀添，建議大家唔係好食得辣就揀少辣會較容易接受河粉細滑，仲好索湯添另一碟肉絲炒麵夠哂鑊氣，麵餅好脆醉雞又係餐廳另一出色菜色，雞肉夠凍夠滑，每件雞吸收哂酒既精華