水上人生滾粥 (Closed)

由於染咗大感冒，想食清淡啲，所以我們今晚去咗粉嶺聯和墟嘅「水上人生滾粥」食晚飯！我們叫咗皮蛋魚腩粥、田鷄粥同魚腩牛肉粥嘅粥底煲得好香滑軟綿，魚腩嘅肉質相當鮮甜嫩滑，田鷄嘅肉質非常結實彈牙，牛肉亦好鮮嫩鬆軟，而且份量超足料豐富，真係好抵食呀！豬膶腸粉因係即叫即製，所以質感好軟滑，入面嘅豬膶餡料份量都幾多，質感相當爽滑！豉油皇炒麵同炒米粉唔係一早炒好，係即叫即炒，所以鑊氣十足，而且相當乾身，唔會有好油膩嘅感覺！…Read More

今日中午我們喺粉嶺做完嘢之後搵咗個喺粉嶺住嘅朋友一齊食午飯，我們問佢有咩好介紹，佢就話喺聯和墟嘅「水上人生滾粥」嘅出品都幾好，所以我們就去咗食午飯！我們叫咗炒米粉同豉油皇炒麵係朋友話嚟到呢度必叫嘅，因係即叫即炒，所以炒得好夠鑊氣同好乾身，而豉油嘅味道亦啱啱好，唔會好鹹，而且份量十足！叉燒腸粉亦都係即叫即製，腸粉嘅質感好軟滑，包著嘅叉燒份量好足料，而且味道好香甜！炸鷄中翼嘅外層炸得好香口脆身，入面嘅相當嫩滑，而且肉汁都幾多！豬膶粥一嚟到我們已經嘩咗出嚟，因豬膶嘅份量超級多，平日食開其他地方祇係得三至四件豬膶，但呢度起碼有八大件以上，真係超抵食呀，而且質感非常爽滑，味道亦好鮮味！皮蛋鮮魚腩粥嘅粥底煲得相當香滑軟綿，魚腩嘅肉質非常鮮甜嫩滑，而且份量亦都係超多！皮蛋鹹瘦肉粥嘅皮蛋好甘香，鹹瘦肉醃得好入味，但唔會過鹹！…Read More

之前有一晚突然想食宵夜，去左買佢既粥同米粉食，發覺幾唔錯。於是，今日又再去試，但係結果都頗為失望皮蛋瘦肉粥 - 哩間既粥真係幾唔錯，唔似連鎖集團海字頭咁水咁唔似粥🙈 而且皮蛋份量同以往食過既皮蛋瘦肉粥相比都算多，最重要係佢個瘦肉係用鹽醃過，本人表示十分喜歡炒米粉 - 第一次試既時候覺得佢炒得好有火喉。今次再試簡直係失望超重油味又冇火喉，吃完一啖已經覺得enough油炸鬼 - 又係好重油味，重油味唔係代表佢多油，真係有種油味！其中一邊已經炸到入面既面粉都已經脆左，面粉不再是面粉。結論就係粥可以再試，其他就免了。…Read More

每日不是燒爉飯，碟頭飯便是茶餐廳食到有點悶，在粉嶺聯和墟有一間比較出名的粥品店，「水上人生滾粥」今天一於食下粥，改下口味。粟米菇粒粥 - 粟米菇粒粥入口清甜帶著淡淡的粟米和香菇味，雖然香菇粒比較少。食粥最怕食到最後變了一潭水，而這裏的粥食到最後還是一樣綿密，正！炸兩 - 不知為何每次食炸兩都是很細碟而且油炸鬼腍晒很難食，但是這裏的炸兩是整整一條油炸鬼食的時候還脆卜卜的，而且鼓油是分開上，喜歡多鼓油的可放入去點真是十分細心。…Read More

今晚經過聯和墟，見肚仔餓就搵野食啦，行行下就去左呢間粥舖試下，入到去先黎點左個皮蛋瘦肉粥同叉燒腸，個粥味道ok,最緊要平得黎又用料足，叉燒腸皮夠薄夠滑，味道都ok但就略嫌份量少，因佢地係開放式廚房，食食下見到個靚仔廚師起勢噤炒麵，聞到味道又幾香喎，噤我見未夠飽就點埋個炒麵試下，點知食落又有驚喜喎，$14炒得有鑊氣又夠味，應該係即點即炒，唔似一早整定，而家真係好少地方粥舖搵到，下次再黎都要再點炒麵食，呢間值得再去…Read More

20170302--是日到訪時間大約下午三時三十分，店內座位空間有點狹窄，大約只有5-6個客人，尚算舒適。到此店光顧已有數次，粥品味道尚算合格。點了艇仔粥($20)+炒麵($14)，剛坐在看到半開放式廚房位置，廚房有三位員工在工作，但好像只有一位是做出order的，而這位也有點HEA，食物出得有點慢，可能下午茶時間，每人也想有點放鬆的心情吧:艇仔粥($20)--粥底綿，材料有豬皮、水魷、生菜和瘦肉，配搭一起份量足，吃不出有放味精，清清淡淡，味道一般。炒麵($14)--我個人不愛吃炒麵，家人跟我相反，愛吃炒麵，每此到此店必點炒麵，因為此粥店的炒麵是即點即炒的，我看到廚房拿起一個炒麵放進鍋的手勢，不久，我的炒麵上桌了，所以非常肯定不是炒好一大鍋，再夾出來的出品。炒麵新鮮炒起有鑊氣，豉油味剛好，非常好吃，可惜份量少了一點。埋單:$34--炒麵出色，艇仔粥味道普通，侍應服務不是不好，不過留意到有個別侍應聽Order時經常聽錯。用餐期間，聽到有兩位食客點了及第粥，要試真正的生滾粥的味道，相信應該是吃及第粥之類的，才會品嚐到生滾鮮甜的味道，下次再試及第粥。…Read More

睇完牙要食流質食物，於是行過隔離買粥，聽屋企人話水上人d粥唔錯，咁我就叫個皮蛋瘦肉粥，攞埋私家飯盒外賣帶返公司食(朝早睇完醫生後返工)。拎到返工司差唔多食晏，個粥隔左成個幾鐘都無出水，個粥bug起黎好綿，開個盒蓋已經忍起食慾，香噴噴，好正！ 我唔需要叮熱，因為溫度剛剛好唔熱親口，我拎走個時粥真係好滾我下次無病無痛都去食。我見除左粥有炸物 炒麵 仲有豆漿住附近的你地都要黎試下。聯和墟除左食豬手，都仲有唔少美食食肆，yummy…Read More

最近天氣又凍又濕所以小公主都有小小唔舒服咁唔舒服就梗係要食粥啦先發覺而家原來想搵間粥店都唔係易事因為想食完可以快D番屋企休息所以就揀左係粉嶺既水上人生滾粥喇雖然住係北區，不過都係第一次黎食及第粥 ~$18因為男友好鍾意食及第粥(豬雜粥)所以就點左呢個同佢Share弼好綿好滑，而且有米香豬雜質素唔錯好怕d豬雜會淋baba好似雪左勁耐無哂texture好唔新鮮咁但呢到所有部位都唔會豬潤同豬肚都好爽而且有d豬油入左個粥到，令個粥更香油炸鬼 $7其實唔舒服就唔應該食煎炸野不過我真係太為食所以最後都係叫左油炸鬼多數粥店d油炸鬼去到晚上都會淋哂但呢到新鮮既程度係似岩岩炸出黎超級香脆，點粥一流咸肉粽 $14小公主對咸肉粽係無抗拒能力呢到既粽中間d餡做得幾好當然十幾蚊隻唔會要求有好多料但最基本既肥豬肉有先調味所以中間d飯吸哂，特別香同好食不過咸旦黃既質素要改善下手拉齋腸粉 ~$14齋腸超級滑可以好似食烏冬咁滑入口而且d醬放哂係枱面可以任加岩哂我地d醬怪三絲炒米粉 $14炒米粉唔係預先炒好一大堆夾比你而係你落單即炒料落得足，唔係得面頭先有而且米粉條條分明好乾身好味到我要打包多一份走估唔到呢間粥店咁好食樣樣食物都好有水準仲要價錢咁平，值得一試再試。…Read More

同事話想食炒米粉，今日又黎左水上人到食，呢度啲出品真係平靚正。至愛白粥，又綿又滑，大大碗好抵食。同事嘅炒米粉，因佢唔太食蔬菜類嘅野，幾乎全走炒齋米粉，夠獲氣又乾身。炸兩，新鮮包起，有咬口又好味，最緊要多醬！試下好多人讚嘅豬潤腸先，好多豬潤，爽滑唔腥，好正喎。仲試左炸雞翼，一碟有六隻，炸得香脆，點雞醬好好味！一人幾廿蚊就食飽飽，好扺食。…Read More

上星期因為腸胃炎後而去了連鎖店吃粥，之後便發現自己粥癮起。今天工作晚了，回到粉嶺已經差不多晚上9點，便在回家路上找粥。記得在聯和墟有一店開至很晚，便坐小巴到聯和墟吃粥去。這店是以魚湯粥底作為賣點的， 去到後已經是9:15，店差不多已經準備關門了。我急急坐下，點了上星期才吃過的牛肉腸和艇仔粥。和連鎖店相比，這兒的粥底明顯地高出很多班，很綿而且有米香。雖然內裏的配料沒那邊多，但價錢亦較便宜，只是18元。而只賣12元的牛肉腸也是即叫即製，味道剛剛好，軟綿綿而且有米香，甜豉油亦比上星期吃的來得好味道。在差不多吃完的時候，看似負責人的年輕哥哥有禮地問我要不要再追加東西，之後亦有有禮地問我可不可以先埋單。然後和員工們說笑，看來在這兒工作也頗快樂。晚上吃這麼多真是罪過，幸好這些都是低卡路里的食品，相信（減肥之）神都會原諒我(^_^)。…Read More

叫了2碗艇仔粥，豬潤腸，炸倆，炒麵。實不相瞞，除了艇仔粥好食兼大碗外。其餘都唔係好得…炒麵，叫作即叫即炒，不敢肯定是否只係炒番熱，但就炒到膿膿地，係失敗。炒麵色水夠晒(直情過黑)，但完全無豉油味，成碟炒面無味無道，仲係有D細碗，就算真係即刻制作都無意義，因為色香味三樣都缺。炸倆，失敗中即失敗，油炸鬼是即時炸起的，但仲油淋淋就已經拎去包腸粉…令到炸倆食落係好硬，不是脆，是硬… 油淋淋滿口油，仲有點”益”味…o係舊式粥舖食到又凍又淋既炸倆，都仲好食過佢。為求做到”即造”，令到食物做出來仲難食O左，何必呢….豬潤腸，普普通通。只有艇仔粥，OK好食，材料有炸魚片切條，半啖瘦肉，半啖免治牛肉，兩三條魷魚絲。材料少，但勝在粥底好味，不濃不淡。店舖通道及座位都很窄，經常會被人撞到或要搬枱夾枱讓位比人，食碗粥O者，都要搬兩次枱... :(食o野真係要親身試過先知... 不能聽人講。…Read More

大肚日子已經踏入尾段了，自32周後，情緒和身體都有了轉變，令我有點不適應，我以為自己一直都陀得不錯，沒有特別不適，但原來去到孕尾期，的確是辛苦的，醫生就懷孕蜜月期已過=_=阿b仍然陀得好高，頂著我的胃，令我胃口仍然不太好，而家每日只係覺得肚餓要食野，但又無頭緒想吃乜？屋企樓下「水上人生滾粥」經常性坐無虛席，一於又去試試先。豬潤粥   hkd 26廿六蚊勁大碗，我真係唔知係自己胃口細？定佢真係超大？我真的沒可能自己一個人吃光。粥底綿滑，豬潤亦有起碼五六大塊，喜歡吃豬潤一定大滿足，喜歡它們細心地另試一羹蔥，那喜歡就落不喜歡就那走啦，加入勁多蔥後，粥多了份蔥香，我很喜歡。這裡簡直大件夾抵食，難怪不論天氣冷熱都有很多客人啦。我試過有次勁喝經過買了杯凍豆漿，um，味道超淡，我一向都不是重口味的人，我都嫌淡，相信很多人都不會口味。這裡油器只有油炸鬼，若可增添一些其他會更好。另外若加入中式糖水又會更精彩啦^_^這裡的姐姐都很好，眼見我腹大便便會親自上前收錢，唔使我大住個肚行埋收銀處呢^_^…Read More

早排病病地，無乜胃口，又黎到水上人食下粥咁。人幾多，又要撘枱，但坐位都算濶落，撘枱都無所謂嘅。炒麵，即叫即炒，有豉油香，炒得乾身，軟硬適中，好食。炸兩，上次見好多人叫，今次等我試下先。等左好一陣先有得食，又係即叫即包，油炸鬼好脆，腸粉夠韌，落齊醬好食，勁大碟。皮蛋瘦肉粥，皮蛋瘦肉都唔算少，味幾好，但稀左啲。齋腸，又係好大碟，黎到白雪雪，賣相一般。食腸粉梗係要落醬，豉油麻醬甜醬辣醬再加芝麻，真係一流。有米香，又夠韌，又平又好食呀！食飽飽都係廿幾蚊，好抵食。…Read More

每次提到要食炸両，腸粉，而家都離不開呢間水上人，即叫即整，炸両內既油炸鬼好脆，就算加左塊粉皮包住，外賣自取番到公司依然脆卜卜，只售$13, 一盒打開滿滿的，一盒已可作一個午餐了！還有My 飛佛豬潤腸，售$12, 一碟三條，豬潤粒切得適中，咬落好爽好有口感！亦試過佢既皮蛋瘦肉粥，但料少，啲料碎濕濕，擺一陣攪幾攪，已開始變水...…Read More

病病地想食下粥，黎左水上人，唔講唔知原來咁多人食粥，要等位。等左兩張枱就有位了，入面冷氣都幾涼，食粥都唔會食到身水身汗。白粥，十蚊大大碗，粥好綿，好好味。炒麵，十二蚊，又係大大碟，炒得香口，唔油又唔會太鹹。粟米豬肉粥，十六蚊碗，無試，同事話好味。簡簡單單又一餐，食完無口渴，幾好。…Read More