民聲冰室 (Closed)

久仰民聲冰室大名很久了。從大坑舊址的總店到筲箕灣食街的分店，它依然吸引不少名星和熟食光顧。記得上一次到訪時，新店開張，只是六時許已經看到門外長長的人龍。事隔半年，重遊舊地。食客少了很多，八時黃金晚餐時間，竟然有不少空座。值得讚的是，雖然是舊式茶餐廳，但此店衛生及服務不俗，燈光明亮。店內無論牆璧、餐牌或座椅皆以其signature的白和橘作主色，是民聲特別之處。另一大特色當然是肉餅山。但筆者向來喜愛新嘗試，故這次特地嚐嚐它肉餅山外一些特色菜，包括奇異果芥辣牛柳粒和泰式排骨。奇異果芥辣牛柳粒 $55 (6.5/10)芥辣與牛一向是絕配，加上奇異果的甜位，令菜色味道的層次感更上一層樓，配搭新穎之餘，亦很醒胃，令人食到停唔到口。可惜牛肉比較淋，口感欠奉。泰式排骨 $48 (4/10)作為招牌菜來說認真麻麻，感覺就如把沒有肉的排骨放入油炸，然後隨意在上面加上麥當勞泰式雞翼的甜酸醬，欠缺誠意。熱紅棗蜜 ($14) (7.5/10)這個頗值得推介！筆者素喜愛蜜糖熱飲，這個紅棗蜜比較特別，不會太甜，用料十足，亦合乎健康之道。凍檸蜜 ($14) (5/10)一般茶餐廳水準，冰多過茶。

After trying the Tai Hang branch, I went to the Shau Kei Wan branch to see if there was any difference.It was much bigger than Tai Hang and you can dine there more comfortably.I did not try the famous meat patty before so tried it here.★☆★☆★☆★☆★☆★☆★☆★☆★☆★☆★☆★Mini meat mountain patty with salted egg:For lunch they serve a smaller version which was great because the full portion is too big.The smaller version was much more manageable and there was more salted egg in ratio to the meat patty which w

家姐說這一家餐廳很多明星幫襯，剛好來了筲箕灣，便來試試門口貼滿了明星的照片，好似好勁咁WOR！！但係一入去都幾多吉檯，都有少少擔心4個人食叫了5個餸咸蛋蒸肉餅出名菜我本身唔係肉餅FANS但係呢度做得很出色，肉餅鬆化嫩滑！！加埋個甜豉油撈飯食真係一流，冇得頂肉餅FANS一定唔可以錯過豬扒炒烏冬先食豬扒”嘩！！“真的是我第一個反應，因為豬扒係超鬆化第一次食到咁鬆嘅豬扒！！個烏冬就似上海粗炒多啲炒得很夠鑊氣，色澤均勻，乾身唔油膩正！！口水雞凍上的，雞肉嫩滑又鮮味配上蔥花同浸了醋的薑粒，好食可惜唔夠辣，以為口水雞會辣D但係伴碟嘅粉皮吸晒醬汁嘅味道，都好好食蝦醬唐生菜上菜時滋滋作響，蝦醬味濃，不過好似落多左啲，食到尾會好咸！唔知乜乜牛仔骨（SORRY唔記得左個名）見佢係MENU上出到圖諗住會好食，但係食落都麻麻不過抵讚嘅係牛仔骨唔會好似出面咁”拿“到痴肺凍奶茶，不太港式，唔夠濃，似台式奶茶多啲整體黎講價錢相宜，菜式有水準環境乾淨企理，服務OK實屬開飯之選

今晚HAPPY FRIDAY, 同老公去左呢間新開既冰室,諗住試下佢出名既咸旦肉餅試下佢...一入到去, D位好窄, 都唔緊要, 但係服務員既態度黑口黑面...令人覺得唔舒適~ 不過都唔緊要, 最重要係野食... 同埋環境環境呢間餐廳尚算唔錯, 始終係新的但係食物水準真係差到不得之了...........貴之餘, 仲要無套餐可以揀, 無野飲, 連飯都成8蚊一碗!!結果我地點左 :1. 咸旦肉餅成個肉餅都係肥豬肉, 碟野一上菜, 隔離木台既夫婦竟然話: 哇, 乜愈蒸愈細碟架?!令我地打起左個突, 不過個樣都尚算唔錯, 咸旦唔錯,但係個肉餅好肥好多味精...........!!!!2. 椒盬軟殼蟹呢個真係差到不得了完全無味.... 兼且厚粉真係大家千祈唔好晒左自己食熱氣野既QUOTA呀3. 雞絲湯河河粉好食, 但係數到成碗得5條雞絲同滿佈生蔥...... SO BAD!!!!!!又一無味之作......總括黎講, 我希望大家唔洗再去試, 出面D菜餐廳都好食過佢... 食左3樣野, 無飯無野飲無SERVICE... 竟然成200蚊.....嚇死人....................

在大坑的民聲我經常過門不入.剛巧當日下午三點在筲箕灣腦中立即想起此店.幸好當時3點.店內只有2成客人.店的設計同大抗差不多環境主要以橙色為主,裏面有多張2人枱.如果滿座是有壓迫感.枱細.同鄰座距離相當近..至於服務亦冷淡.但不會罵人,不會令人唔舒服都無所謂.凍檸茶:茶味相當濃,又大杯.檸又足料.又重茶味又酸.相當好飲.但凍飲要加4元.肉餅山40元:等了很久才出現.但賣相差左.肉全是肥肉,所以每一啖也是甘香可口的,加上熱熱的豉油.味道更佳.而肉也有肉汁,雖則不是健康食物.但的確好食.只是汁食幾碗飯也可以.難怪連鎖店也要妨效呢個菜.若下次再來筲箕灣.我可能會吃一次晚餐

再戰筲箕灣東大街!!! 今日的目標... 民聲冰室!!!戶外位置設有枱椅, 適合吸煙人士...還貼滿了各大報章雜誌的報導... 店內有卡位, 坐得幾舒服... 橙色與白色, 很醒神的配搭... 行到餐廳尾部有條樓梯, 可通往閣樓...午市中式套餐有12款, 包白飯及飲品...鹹蛋蒸肉餅 $38-- 迷你版火山, 鹹蛋黃色澤金黃, 油光氾濫, 味道甘香甜美, 肉餅厚如一座山, 初時還擔心會不熟, 出奇地全熟, 又柔軟又多汁, 利害!!! 肉味濃, 好味!!!瑞士汁炆雞 $42-- 份量很大, 超值... 瑞士汁香甜惹味, 炆雞入味, 甜中帶鹹, 伴白飯吃最匹配不過... 雞髀位置肉質尚有彈性, 雞胸位置肉質太腍...熱檸檬茶-- 沒有苦澀味, 茶色通透, 茶味適中, 檸檬新鮮, 最佳配搭...熱阿華田-- 足味, 又香又甜, 飲完全身暖烘烘...味道不錯, 份量足, 價錢不貴, 抵食!!! .

第一次叫咸蛋肉餅&炒菜, 開頭食都覺得幾好食, 又幾好送飯, 但食食下就發覺好濃味, 幾口渴.坐近門口角落位, 尚可.本來唔諗住再幫襯, 但後來有朋友來開話想試, 先至又排過, 好在等咗10min左右就有位,再叫肉餅, 我覺得都係一般, 朋友甚至覺得d肉好似唔多新鮮咁...而且呢次坐係中間個行二人位, 張枱好細, d侍應不斷係兩邊行來行去, 坐得好唔舒服, 勁趕客.

大坑名店的民聲冰室，早在月前，進駐在筲箕灣東大街。有說是大坑店因受不了食環處的執法，而出走大坑。實情是，大坑店還在，聽說不再在外面開檯，變相縮水。反而，東大街店的面積，大得多了，而且有個閣樓位置，可供擺一圍飯局。店子變大，賣的東西亦多過大坑，其招牌名菜肉餅山，當然還在，連某連鎖快餐店，都要向他偷師，可想而知有幾受歡迎。這晚的肉餅，感覺有別在大坑店，此肉餅的質感實好多，沒有大坑店的鬆軟，更像家常味道。另一道招牌菜口水雞，只是有型，但欠缺神韻，辣味不盡融入雞肉，兩者同床異夢似的，反而雞肉下面的粉皮，吸收了辣汁之後，非常好吃。所謂的膏蟹蒸水蛋，只是普普通通，與口水雞一樣，兩者之間存在著隔膜，不相往還。猶幸蛋身蒸得頗滑，當一道普通蒸水蛋吃，也可。很多食店，本身聲譽不錯，但一開分店，就出事。民聲新店未致於不堪造就，只是這晚吃過三道菜之中，有兩味實在麻麻。

月初時先嚟第一次食嘢, 不過係食下午茶, 當時評價係一般, 以下午茶質素來講, 並不算好. 本着凡事都有second chance 的心態, 這晚再來一試晚餐, 結果感覺非常好!最出名的鹹蛋肉餅真係超級好食, 極之送飯, 絕對係會令你成碗白飯食到乾乾淨淨一粒都無剩果隻.好鬆, 好香, 但唯一係, 食到尾聲, 覺得個汁有啲鹹.另外再叫了一個豆豉鯪魚油麥菜, 唔錯, 但都係無法子有少少鹹.整體來說, 比起上次下午茶感覺好得多!所以, 再有機會, 係會再嚟食晚飯其他小菜的, 但下午茶就唔會啦.

成日都覺得新分店質素會差D, 遲遲都未試新店終於等到機會去開附近可以試下!門口見到等既人都唔少~但估唔到等左10分鐘就入到~~呢樣真係正過大坑好多好多!!原來呢度有兩層, 雖然唔算好大, 但都比大坑果間蚊滋店大好多...同埋小菜款式比大坑多好多, 起碼叫做有個menu先丫大坑只係黑板上寫既野必食民聲肉餅山感覺唔夠大坑老店鬆化，肥肉較少口感比較嚡 <--- 個嚡字特登搵既正字黎架！！唔係我作架！味道上就無乜分別仍然係好特別咁唔知收埋晒D蛋白去邊架喎～？口水雞一直都無試過，但見咁多人食就即管試下點知......都唔好咁離譜丫！一睇個樣都知唔係四川菜啦下嘛！你一係話佢係廣東口水雞囉！一嚟唔辣，二黎又唔係怪味 （怪味係四川特式，即係擔擔面果D咁樣，完全形容唔倒係乜味既野）如果唔當佢一個口水雞，就幾唔錯既...如果當佢係口水雞，就勁失望咁囉！啫啫蝦醬芥蘭苗呢個就正啦～夠晒鑊氣～真係“啫啫“聲上枱夠咸香又唔濕身入面D蒜粒入晒味！勁正！略慊佢D芥蘭苗樣衰少少，勁多花！

2人下班後試試新開的餐廳，還沒進去已經很多人啦。。。要等，還好我們8點多去才不用等那麼就有卡位啦！！！這次去沒試它的招牌“蒸肉餅”，一看MENU就不敢在兩人的時候叫了，免得浪費食物。叫了“八味羊架”，辣辣的味道，因為有指天椒還有一些大蔥特別好吃，還有些賣相也相當好！這個水蟹蒸蛋就很香甜，原隻水蟹來蒸的，很多膏在蟹殼上，有些醬汁剛剛好的味道。很值得去試試看！

友人專登來搵我食飯,我地就到公司附近既民聲冰室解決我地既晚餐.2個人唔算太肚餓只係點左個咖哩炒飯及佢地既招牌咸蛋蒸肉餅一起食.招牌菜- 咸蛋蒸肉餅亦係餐牌來抵食又好味既菜式, 見到高高既肉餅山上層再加上一粒咸蛋香見到都已經好吸引肉餅做得出奇地鬆軟入味, 唔似其他店既蒸肉餅咁死實實.再配埋咸蛋黃既咸香用來送飯一流.至於個咖哩炒飯就只屬一般, 用上咖哩粉去炒既飯十分惹味, 只可惜係炒飯偏濕而且無咩材料, 倒不如要個白飯更佳.

名氣太大, 自從開店以來, 經常見佢要等位, 呢次星期日下晝三點幾終於有不少位, 於是兩丁友入去試食.無乜太多選擇, 價位又高, 結果一個叫了雙拼餐蛋一丁麵餐, 另一個叫了庵列餐(餐牌無, 貼在牆上的價錢紙, 38元)一丁麵來到, 好細個碗, 唔夠湯餐肉是ok厚的個庵列餐ok啦跟個火腿通就麻麻地. 總括來說, 好一般, 又唔平, 選擇少, 無乜特別都唔會再試. 街頭街尾仲有好多茶記選擇.

是夜外出食晚飯, 見民聲冰室起筲箕灣新開無耐, 就一行4人去試下. 點知竟然係超失望 首先講下等位方面, 小妹大概6點4左右到達, 但已經開始要等位... 等位期間開始多人, 但此食店沒有派籌的制度,淨係叫人排隊,都唔知邊度係龍頭,邊度係龍尾...我地叫左5樣餸,有2樣攪錯左,都唔知佢點落單!店員態度超差,叫極都無人應,都唔知咩服務黎架!食到一肚氣,連相都無心機影!

做到九點先放工，睇下東大街有嘜野食先由街頭行到街尾發現有間冰室咁就試下先裝修比較新潮, 九點都好多人餐牌見個豬肉餅都幾吸引就叫了白飯要另外叫唔係太大碗凍奶茶幾好飲豬肉餅砌到山咁樣，賣相唔錯，味道幾住家, 冇味精唔錯埋單成九十蚊我以為我聽錯，ㄧ碟豬肉餅加ㄧ碗白飯要多杯凍奶荼埋單要九十蚊。。。呢個嘜野世界