殿糖級

今日係除夕夜，晚上十一點同男友去左食呢間垃圾！入到去落order 先知間舖頭係乜野都無嫁喔，要梳乎里無，要窩夫無，隔離枱嗌pancake都無，話因爲無果隻醬，真係想問返佢其實有咩係有？最後呆等左半小時先上左杯楊枝金露，係楊枝金露會有幾難食丫！？係丫！真係好難食丫媽咪！衰過啲樽裝飲品。之後再等多一陣上埋個朱古力雪花冰，餘光一望之下如一堆吃錯了東西而流經大腸至肛門而出的食物渣滓一樣望住碟野塊面好難唔X，相都無謂影，唔想曬電話memory。仲有除夕夜同元旦要收取加一，不如你俾返我啦！ 食個糖水都好難唔憤青mode，有興趣可以試下。…Read More

芝麻糊 - 芝麻水嚟嘅，又唔熱又希...芒果拿破崙 - 滿心期待，點知又中伏。吉士變whipped cream，d芒果梅的，望落似海膽。食一啖oh my god. 結論，好 難 食. 唔 會 再 食. …Read More

一個窩夫要等25分鐘，甜品嚟到先發覺窩夫入邊仲係未熟既麵粉漿，成間鋪頭得我地呢一枱，要求侍應換過一個新嘅，但係全場侍應集體食緊消夜，叫多次都黑面，簡直係俾錢買難受，總結食一個窩夫從未試過係要咁耐時間，服務態度好差芒果好似檸檬咁酸，下次一定唔會再嚟…Read More

以後唔會再去食，等候時間非常長。等咗大概30-35mins結果佢哋咁係雪櫃拎米糠布丁同焦糖燉蛋出黎，木糠布丁完全冇味仲要硬到好似石頭咁，側面配啲生果又唔新鮮。焦糖燉蛋賣相非常差中間凹咗落去，味道更加差，質感好似牛油咁。完全唔建議大家食，試都唔值得試。…Read More

絕對不要去吃！鎮店之寶是雞蛋布甸，布甸味道都算濃郁，倒在真正的雞蛋殼內，整個food presentation 算有趣。與其說是芝麻「胡」，應該更像芝麻糖加水，十分之失望。椰王燉牛乳，等了十五分鐘，來了個里面竟然是外殼熱，但裡面牛乳仍然是冰凍的！向服務員投訢，他進㕑房后出來的回答竟然是： 「燉椰王是昨天做，隔夜所以放冰箱，剛才用熱水有蒸過一下。」 啥？！ 無論是沒有悔意態度或隔夜甜品再蒸一下的做法，都是完全不能接受。還沒說下單四個甜品，一個當天沒貨、一個下錯單子。…Read More

行到去又新街，見到間門店靚靚的甜品店，就入去試下。。。點知。。。。中伏中伏青蘋果梳打（$21）。。。個朋友話得個甜字，自己在家沖都好過佢心太軟（$48）。。等了很久，第1個話師傅整得太流心太快垮，要再整過，所以耐咗，但第二個上圖的，送到嚟都一樣係垮。。。而且入面的朱古力還有一大塊未溶。。。從來未食過如此的心太軟真心嚇親。。之後再補番第3個。。。但味道一般。。。還有些少朱古力未溶解。。。。。。成個過程，做咗3次，足足等咗大半個鐘總結:無下次。。。。。…Read More

叫左芒果西米露 芒果黑白涼粉 哈蜜瓜西米露芒果西米露黎到係唔凍 芒果得4片芒果黑白涼粉 白涼粉得3粒 芒果得一pat 好細pat30幾蚊非常不值 隔離b仔大碗又多料又凍好多諗住試下但中曬伏…Read More

有一晚食完飯唔夠飽 同阿妹兩個去咗食個飯後甜品 我叫左個榴槤玉露 我阿妹就叫咗個芝麻湯圓 榴槤玉露好食 好香榴槤味 唔係好夠凍但我鐘意芝麻湯圓有成五粒定六粒 個糖水好夠薑味 驅寒一流…Read More

是日休息，同朋友去左元朗bbq，燒到熱辣辣，梗係要食番碗糖水降一降温。元朗果然好多美食，淨係糖水鋪都總有一間係你左近。今次揀左"殿糖級"，貪佢無咩人唔洗等，同埋帶住隻小狗子，可以坐外面d櫈。我地一行八個人，叫左四款雪花冰，三個西米露，一個黑珍珠。雪花冰方面，我地叫左綠茶味，益力多味，士多啤梨味，和天使，姐係牛奶味，當中以牛奶味最淡，如果喜歡清淡口味最岩，綠茶味最濃。我點既係士多啤梨味，d冰較其他三款碎，變左碎花冰，少了綿既感覺，不過大熱天食雪花冰，非常消暑解渴。至於西米露和黑珍珠，略嫌唔夠凍，味道亦不過不失，不過亦有朋友表示貪佢唔會太凍。…Read More

老友生日....同佢食完晚飯當然唔少得要去食返個甜品....因為今年冇幫佢買生日蛋糕....所以搵間糖水店食埋個蛋糕....咁就真真正正幫佢慶祝啦本來我哋想去B仔涼粉但係比呢間殿堂級糖水舖吸引左就走入去試吓睇下有咩驚喜淨係行過都比佢個裝修所吸引...！五光十色都會俾你覺得啲嘢好好味而且裏便環境都好舒服.....又有一幅畫俾你覺得好自然舒泰連本Menu都俾你覺得佢哋好花心思好似好多樣嘢簡嚇死人呢個綠茶泡冰一嚟到已經溶左少少了味道真係一般般呢個榴槤玉露.....除咗一個甜字.....已經冇嘢可以形容至於呢個千層糕.....好似放咗喺度一個星期冇人買凈番尼個香蕉船.....係最穩陣嗰個千祈唔好比人哋嘅裝修靚.....就以為一定好食.....…Read More

一到食糖水時間，見到好多糖水鋪都人山人海，唯獨呢間鋪冇人，諗住唔洗等位就試試，點知出事。當時鋪頭得一枱客(人地點嘅食物都黎得七七八八)，我哋點左一個芒果西米露，一個益力多雪香。等左8至10分鐘，食物未到，我哋聽到廚房有人大叫：「冇曬芒果！」之後我就轉左蜜瓜西米露。再隔5至8分鐘，廚房又話唔夠益力多冰，得番半舊份量，問我哋會唔會加其他料，但係話要加錢。我哋同職員講：「你而家未能供應食物，仲要我哋加錢先食到？」我真心想走人，但後來職員話唔需要加錢，我哋先留低。其實好好笑，你話間鋪客人多缺貨我唔怪你，但間鋪客人唔多，但食物就乜都缺，你話第一日開鋪食材量失預算我唔怪你，當時我只好嘆息。之後有新客到，佢哋遲過我哋到，但食物早過我哋上。當時我以為「蜜瓜西米露」到時，一睇，係賣相好核突嘅「蜜瓜黑白涼粉」，我同職員講，我叫嘅係西米露，佢發現俾錯枱，於是俾番其他客人，但客人話佢哋係叫「西瓜黑白涼粉」。唉，出菜出得已經夠慢，仲要出錯野。再等5分鐘，益力多雪香終於到，唉，真係好感動……配料好少，有一茶匙嘅脆米，爆珠，明列子，盛惠$43。之後蜜瓜西米露到喇，一睇啲蜜瓜黑媽媽咁，就知道廚房將頭先出錯左嘅涼粉撈起啲蜜瓜再放落西米露。其實我唔太介意佢咁處理，始終食得唔好嘥。但味道真係唔掂：1.碗野唔凍， 2.冇味，似椰漿溝水， 3.好稀，而且西米痴到一舊舊。總結：趕客，完全冇誠意。後記：1.喺我哋食野期間，我哋見到有一位客人「怒睥」職員，因為客人準備點餐時，侍應話「等等」，所謂「等等」原來係走去清理一張冇人食野亦冇新客人坐嘅位置。鋪頭完全唔忙，當嗰一位食客一示意點餐，侍應竟然唔識分處事嘅先後次序，本人表示遺憾。2. 有一個客人點左一件鐵板蛋糕，上面有一球雪糕。當廚房捧食物出黎時，喺鐵板淋上啲類似朱古力醬，個食客話：「好臭！」其實我哋都覺得好臭。由於廚房將件蛋糕切到上闊下窄(有偷工減料之嫌)，未能承托上面球雪糕，最後件蛋糕同雪糕一齊塌下，雪糕就即時喺鐵板上融曬，個食客勁無奈。「空穴來風，未必無因」，我並非要抹黑間野，但鋪頭冇人幫襯係有原因。1。冇效率2。食物質素惡劣3。食物供應量不足4。服務態度參差，職員間有內控…Read More

一心想，吃個甜品也等位，其實有點浪費時間，才進來殿糖級。豈料，結果完全相反。當然，店子小小只有三名員工，不能苛求你事事立即回應，迅速行動。但如果你店面有那麼大，那理應有相應人數的員工照顧客人需要吧？況且，我們落單後十五分鐘，也還沒有拿單過來。反而，後面的男女坐下不久便有東西吃，追問下才發覺店員落漏單。更甚，落單後只有一杯士多啤梨汁端來，以及我的黑糖天使麵。其後再追問才得知椰皇售完，為何不早早告知呢？友人空等一場，結果沒東西落肚便離開。即使端來了的黑糖粉條，上圖一，看來又少，只有花奶汁搭究；要「不」起來才能看見糖粉條，其實叫這道作天使麵也不太對，因天使麵起碼有點兒彈牙，這粉條就像珍珠奶茶的粉條；另外，芒果也只有幾件。$35好像沒吃過甚麽，還累友人等了許久。…Read More

叫左個心太軟等左成個鐘都無！問點解咁耐？解釋：師傅係入面整左幾個都失敗⋯最後黎左個叫我快啲食因爲就黎爆開！咁失敗仲學人開甜品鋪?賣相極品吸引！唔會再去食！！！！…Read More

伏到極入去睇圖 好多選擇 好靚出黎碗碗水多 極無味 芒果酸到喊xxxxxxxxxxxxxxxxxxxxxxxxxxxxxx第一次見到咁壯觀既場面連續4張枱 拍枱走xxxxxxxxxxxxxxxxxxxxxxxxxxxxxx食到好似食放題咁嗌果樣無果樣狂漏單 6個去食得2碗到 您有耐性可以坐3個鐘 都唔會出到比您xxxxxxxxxxxxxxxxxxxxxxxxxxxxxx仲要講緊西米露喳大佬我都唔識幫您解釋太差喇 驚嚇…Read More

是晚團年飯後，再去食個甜品。一路都不太留意這間店，就試試吧。點了一份四隻的雞蛋布甸，拿破侖及燉雪梨。雞蛋布甸味道不錯，有不少雲呢拿籽，吃下去味道香濃又不太甜，如面頭加上焦糖應該更不錯！拿破侖很鬆脆，份量亦不錯。最令人失望的是燉雪梨，跟相片實在相差太遠。圖片顯示為原個雪梨，上檯的是切件的雪梨，而且非常雪白，不像是燉過的樣子。就算賣相不相似，還期望吃下去是好吃的...可是又再一次失望，雪梨還是爽口香脆，一點桂花香味都沒有...證明根本是糖水加切件雪梨加上調味的糖水...非常失望，應該沒有下次了...…Read More