Tasty Congee & Noodle Wantun Shop (King Kwong Street)

下班和朋友飯聚，來到跑馬地一試這家米芝蓮推介的餐廳。一進餐廳給我的感覺是: 地方舒服，環境衛生，服務態度很好。就來讓我一嘗粵廣名菜。廣東人愛喝湯，這是全國人民都知道的，先點一個燉湯看看。這個杏汁燉豬肺很有驚喜! 真材真料的味道! 看得出師傅很花功夫，因為豬肺由清洗到熬製，如果做得不好會有內臟腥味。濃郁的杏香，白肺的美味軟腴可口，湯水清甜。廣東人至愛的「靚湯」!再來一碟干炒牛河。要找到一份好吃的干炒牛河一點也不容易，因為乾炒牛河講鑊氣，油多就膩，油少會焦。牛肉又要嫩..這次牛肉份量不多，質感尚算爽滑，但可惜略嫌太油。鮮蝦雲吞麵算是鎮店招牌菜，餡料豐富，內有豬肉，鮮蛋，蝦仁等，口感有彈性，而麵身爽滑彈牙，都算不過不失。當然不少得炸兩這個種廣東的特色小吃。炸兩就是把腸粉和油炸鬼兩種小吃組合，這次油炸鬼的皮不夠薄，咬下去有點太軟。…Read More

今日去試完干炒牛河雲吞麵牛腩麵豬手麵完全想像中非常差非常垃圾乾炒牛河有好多油雲吞麵啲雲吞淡茂茂啲面都唔夠爽我都完全諗唔明點解米之蓮會推介係咪收咗錢做多啲又貴又唔好食又唔好服務牛腩麵嗰啲牛腩樓船牛淑豬手就紅嗰啲大姨媽我都完全諗唔明點解咁多人走去食唔知食佢嘅招牌啊定係食佢個名…Read More

正斗可以算是我們在跑馬地的飯堂，每當周末懶得煩惱去找地方醫肚的時候，正斗便是我們的最佳選擇。姬茸菇花膠燉竹絲雞湯，份量足夠二人飲用，湯底清澈味道濃郁，姬茸菇味尤其出眾，花膠有薄薄數片，感覺並不是與其他材料一同燉煮（否則應該已溶於湯內），但亦無損整體味道，喝完並未有口渴的感覺，可以喝出真材真料的味道。炸両可算是我們在正斗必點菜式，薄薄的腸粉皮包著香脆的油炸鬼，一口吃下口感極豐富。正斗炸両的油炸鬼有種新鮮炸出來的感覺，極之香脆，男友認為配上少量甜豉油已經足夠，但我覺得配花生醬和甜醬亦有另一番風味。男友看到亁炒牛河的圖片已經開始流口水，迫不及待叫了一碟。乾炒牛河感覺未算油膩，熱騰騰上枱，鑊氣夠，牛肉份量多，質感爽滑，河粉帶老抽的甜味，炒得乾身，略嫌未夠條條分明，但男友瞬間吃掉一大半，說相比吃過其他炒到條條分明卻油膩非常的牛河，他還是寧願選擇這樣。薑蔥魚腩粥，原本落單時叫了侍應走青但應該漏了，粥底一如概往地綿滑帶米香，其實一碗靚粥只要粥底煮得好，什麼配料也能錦上添花，這次選了魚腩的油香配粥底的米香，味道簡單而美味。（相比魚片粥，我更偏愛魚腩，主要是貪那些魚骨比較好挑，而且魚魚味更濃）最後上場的是粉果，粉果最難拿揑的應該是那層粉皮，晶瑩剔透的粉皮包著蝦米、冬菇、沙葛、芫茜、花生等材料，必須要揉得薄且軟韌適中，配上潮式辣椒油，味道一流。上網搜尋了下，發現正斗已連續多年獲米芝蓮推介呢！跑馬地分店用餐環境可稱上乘，週末中午去吃也基本不用等位，也坐得寬敞舒適。侍應親切禮貌，會主動加茶并迅速收掉已經用過的餐碟。餐廳不算很大，來來去去主要是跑馬地的街坊，感覺有些人已跟侍應是多年老友。在“街坊食堂”拍拖食粥粥，真是簡單的幸福o(*￣▽￣*)o…Read More

貴價唔緊要，最緊要成正比，真材實料比你，食得物超所值！牛筋腩撈麵，牛腩好入味，大大舊，麵好爽，彈牙，仲要係比平常既雲吞麵幼少少，另外跟的湯，有蝦子粒係湯底，生腸及底粥，生滾粥底棉的，熱辣辣，入面所有豬生腸，豬膶，豬肚，豬肉丸，唔會少料，連蔥花都係舊式酒樓切法，兩樣野都好正，好新鮮，雖然價錢貴，但勝在地方環境衛生，舒服，服務態度親民有禮！下次打算再試雲吞同其他野食！老實講價高唔緊要，最緊要值！係值既！…Read More

週四晚冇舞跳，爸爸出咗去開會，靚靚媽咪又唔想煮飯，所以同哥哥就揸咗入跑馬地去家中最喜愛的粥粉麵店「正斗粥麵專家」度醫肚。由於實在太有信心，所以都冇刻意影相，諗住求奇喺面書甫幾張就算。哈，點知小店食物水準大跌watt數，小肥真係煎熬咗幾日先決定要喺度同大家匯報現況。白灼牛肉拼豬潤（$112）：白灼豬潤唔夠肥厚，咬落又老又乾又嚡，白灼牛肉一樣過熟偏嚡，完全唔掂當！炸兩（$46）：炸兩個腸粉外皮夠軟滑，無奈中間條油炸鬼一啲都唔脆，入口又腍又韌，出哂事！炆牛根腩（$98）：牛腩好嚡，啲根就好硬，仲要兩味均只屬和暖，熱力欠奉，如果大肥爸爸喺度一定發哂顛。肥肥家族不時都會幫襯o既「正斗粥麵專家」環境冇變，新舊服務生態度依然良好，無奈廚房未能保持食物質素，除咗啲粥叫做正常啲之外，其他食開o既菜式都唔及以前咁正，衷心希望餐店可檢討一吓。…Read More

我哋習慣每日朝早都會行落馬場散吓步。如果嗰日冇約人食晏，又唔想自己煮嘅話，散完步之後、我哋就會唔返上屋企住，而喺附近揾食。幸好，呢區都有好多唔錯嘅食肆，有中有西有日有亞，有排都試唔哂！今次就講吓呢間「跑馬地」嘅『正斗』。對我哋嚟講，方便衛生企理，價錢食物Okay。不過，我哋去嚫大多數都係叫點心，至於佢哋嘅雲呑水餃、粗麵幼麵都未試過。其實唔係佢哋嘅問題，係我哋嘅問題，因為我哋已經將個 quota 留咗俾隔離街嘅『麥兆記』喇！『正斗』究竟正唔正呢？即係咁，飲茶點心嚟講，價錢可以，食物唔差，但唔出色。即係咁，如果『正斗』唔喺「跑馬地」，我哋就唔會特登去食囉。就同佢哋老闆開喺 Hysan Place 嗰間『何洪記』一樣，comme ci comme ça。不過咁，我先前食過佢哋炒牛河一次，都算係上佳之作：食完碟底冇乜油，可以俾高分。至於跨區過嚟「跑馬地」想揾好嘢食嘅朋友，『正斗』未必令你覺得不枉此行。…Read More

有人話一分錢一分貨， 其實呢佢話又真係好有道理。 我今日去咗跑馬地一間高尚的雲吞麵舖叫正斗。我地食咗碗鮑魚雞絲粥， 及第粥，鮮豆漿，炸兩，牛腩麵，淨雲吞同埋雲吞撈麵。 價錢當然比出面貴一至兩倍但係其用料真係非常新鮮。 我最欣賞就係粥地非常棉，用料好鮮。 而雲吞用的蝦也這非常新鮮又彈口又有鮮味。 之後我仲食咗碗桑寄生蛋茶， 但係坦白嚟講佢哋嘅甜品唔係佢哋嘅專項可以唔食。如果想明白一分錢一分貨嘅理念，這一間真係個好好嘅選擇，我會再來。…Read More

A neighborhood eatery I frequent for meals. I always enjoy their congee. But all their dishes are delicious. I tried their dessert for the first time today and was pleasantly surprised.…Read More

Beef and tendon noodle soup - noodles were good, tendon good, beef soft. The sauce it was stewed in is acceptable but not great. Chinese donut in steamed rice roll- The Chinese donut on this occasion was a textbook example of the term "fried to a crisp". It had been fried so long the texture of the entire donut was crunchy, even the center. Balance of sweet/savoury in the accompanying sauce is good. …Read More

睽違了的跑馬地正斗，今天再到來。甫入店，親切的店經理，依舊帶著一把清脆甜美的聲音說著：「 Hello 好耐無見啦，坐呢張枱好唔好？」坐下來，即時點了，必吃的淨雲吞水餃，雲吞粒粒大蝦餡料，新鮮美味，水餃皮薄餡靚，入口清爽，還有總會渴個清光的透澈蝦籽湯底，鮮味十足。 另一款必吃的小食炸兩，油炸鬼香脆，腸粉皮薄通透，浸滿醬油，再蘸滿甜醬，就是我的至愛。 蠔油鮮竹卷，面層灑滿蝦籽，炸得香脆的腐皮裹著，爽囗彈牙而鮮甜的蝦膠，還有那惹味的蠔油茨汁，這個又是我們必吃的點心。 福州炒飯，餡料有菜粒、瑤柱、鮮蝦及帶子，茨汁濃稠適中，而炒飯亦粒粒分明， 令人再三回味。 星州炒米，用料十足，幼身的米粉配著，粒粒彈牙的大蝦、肥廋適中的义燒絲、爽口的芽菜及韮菜花，還有那相當醒胃的酸甜五柳，還未上桌，那股獨特的辛辣咖哩香味已陣陣撲鼻，令人垂涎。 喜歡正斗的原因，食物美味故然重要，除此，就是店員細心周到的服務，掛著一張親切的笑容，的確能把客人的心緊緊牽著，正斗屹立於跑馬地多年，仍然是客似雲來，努力的員工，實在應記一功。…Read More

其實跑馬地「正斗粥麵專家」開咗咁耐，肥肥家族經常都有幫襯，去得最少o既小肥只限週末先會同屋企人食粥做午餐，但係每個月都起碼會去一、兩次。由於粥品同點心都好啱口味，每每有人身體不適，又或者係想食得清淡啲時，都會第一時間諗起去「正斗」；尋日媽咪遲咗起身，又唔想煮飯，大肥爸爸好爽快地就提議去食粥，有人主動埋單，當然係要舉腳贊成啦 ！自駕人士喺跑馬地食飯經常都要花好多時間搵位泊車，週日中午十二點前還好，有機會執到啲半小時咪錶位，之後就真係要兜到等運到 。XO仔係家中御用柴可夫，每次都會先喺門口放低父母去餐店霸位同叫定食物，所以到步時都唔會影到菜餚o既全相，故一直都未有寫下食評；今次細佬終於決意放下執著，即使相片唔夠完整，都想同大家推介一下自己最喜愛o既粥店 。「正斗」喺跑馬地核心o既景光街，據悉週末區內o既街坊都好鍾意叫外賣，一來近，二來唔洗同人爭位坐，當日亦是如此，中午時份已經聽見電話忙過不停，廚房攞出黎一袋二袋o既外賣明顯多過堂食o既客人人數 ，真係幾誇張。店內食客唔多，唔洗搭枱，三人更被安排入座較好坐o既卡位，賽馬日喺跑馬地對住隻駿馬食飯，莫非暗藏玄機？！（飯後打牌輸咗兩舊水 ，似乎自己諗多咗。。。） 窩蛋牛肉粥（$58）：XO仔例牌叫咗碗窩蛋牛肉粥，入面有多片軟腍o既滑牛，粥底甜美，撈入埋隻窩蛋更能增添香滑，超 ！ 炸兩（$46）：平時飲茶唔係好多地方有炸兩食，所以一有機會都會叫黎食，何況粥店的確造得美味，好自然地成為肥肥家族必點佳餚 ！炸兩外軟內脆，外層o既腸粉軟滑非常，包住o既油炸鬼又夠卜卜脆，點上甜濃o既秘製豉油食，好味指數當然係爆哂燈啦！跑馬地出名租貴，一般食肆平均價格亦比其他區高，就連食粥都貴過人。「正斗粥麵專家」價錢雖然唔低，地方又唔算係最舒適，但勝在簡單o既家常粥粉小點，質量實有保證，難怪家族過百親友同為常客，個個都有讚冇彈 。…Read More

同男友及其屋企人做完GYM後, 揸車落跑馬地呢間分店到做燒夜... 貪佢又有甜又有咸, 想食乜都齊...世伯就極力推介話黎呢到一定要食佢既炸兩, 另外男友妹妹就嗌左個豬手撈而我地就嗢左個大蓉另外加多個芝麻糊黎到個炸兩, 一口咬落甜 腸粉皮滑, 炸油條脆口甜甜, 絕不油膩淋口, 世伯堅冇介紹錯再試啖 豬手撈 豬手炆得夠淋, 唯個人本身唔太鍾意食豬手, 所以冇咩特別好感"大蓉" 即係大雲吞麵, 係廣東地區裡面既雲吞麵於行內稱為"蓉", 據說係芙蓉麵既簡稱黎. 而芙蓉麵則係源自於唐代詩人白居易《長恨歌》中既芙蓉如面柳如眉, 當時文人就將芙蓉比喻為麵. 另一說法, 廣東人慣稱炒雞蛋為炒芙蓉蛋, 故廣東人把獨有既梘水蛋麵叫做芙蓉麵, 慣性美化及抬高其身價既做法.雲吞麵再按份量分為「細蓉」、「中蓉」和「大蓉」「細蓉」為1個1両重既乾麵餅配以4粒雲吞;「中蓉」為1.5個麵餅配以6粒雲吞；「大蓉」則為2個麵餅配以8粒雲吞亦有指「蓉」應為「擁」, 據說係早期雲吞麵比較細小, 冬天時低下階層將細碗「擁」在懷內, 既飽肚又可取暖, 故有「細擁」之稱.麵未算彈牙, 但都夠爽口唔會太淋同太重梘水味, 雲吞一口落去餡料肉質鮮味, 都算不過不失.…Read More

跑馬地是我由細到大都經常出入的地方，還記得中學時代差不多每日放lunch都在跑馬地的橫街窄巷覓食。當年的學生lunch大約索價$30-$50元不等，現在回想起來才知道這價錢其實一點也不平宜，只是當年不知道揾食艱難而已。今曰重遊舊地，遇見正斗，於是便和阿P進內吃午餐。"正斗"的前身是"大碗粥"，是我想當年常去吃lunch的餐廳，還記得隔壁是大件夾抵食的"台灣牛肉麵"及西餅店"聖安娜"，現在，搬的都搬了，要執笠的也都執了，只有老麥屹立不倒，是一件挺令人唏噓的事情。 "正斗"已升level成為粥品專家，於跑馬地的這一間應該算是總店吧。裝修當然不及於商場的分店華麗及光鮮，畢竟這店已超過25年歷史了。推門內進，見到阿P的童年偶像天團- "草猛"的成員蔡一智及其家人，畢竟跑馬地是明星的聚脚地。P的身體有點不適，於是他只點了一碗正氣的生滾牛肉粥($56)。先講粥底，"正斗"的粥沒下味精，充滿着白米及瑤柱的香味，極綿極滑，是正斗的。牛肉大概有6件，大細適中，牛味不濃，算腍不過好多筋；羅富記的牛肉好得多。我的豬腰魚肉粥($58)好香，"正斗"的豬腰水準一向穩定，爽滑無異味。魚肉無骨，不過有少少腥。這裡的炸兩水準一向都＋分高，大家下次不防試吓！…Read More

我們的report大功告成了，晚上收工便同幾位阿頭一齊去食返個好飯才回家。因為要送人回跑馬地，我們也就順道的來跑馬地食late dinner。而他們的選擇就是上等人消費的 "正斗粥麵專家"。正斗，其實可以說是一眾點心專門店的始祖，來者，大都是為粥為麵為點心而來。是一個廣東小食匯聚的高級輕食店。地方不太華麗但令到你有一個食得高級既感覺。我一到就為自己而點下了兩個可飽肚的食物，一客肉絲炒麵同一份豬膶腸。肉絲炒面，份量不大，但一看就令人看得出這碟肉絲炒麵是炒得十分之出色。色水雖是普通，但是清淡中帶著少少咸香的豬肉味，蔥絲芽菜再把味道帶一帶起來，感覺是清新。再者，就是麵底，炸得香脆而不燶，夠乾身，加少少汁令麵身稍為軟一下，軟了但內心依然是脆的，無論麵底及肉絲汁，都非常之有味道。 因為我的直屬上司有點小病，所以我們是日食的東西都以清淡為主。他們一人一碗粥，我看得出是綿綿的，甚有米香。而我點選了是日較為重味道的一個小點，而這就是豬膶腸。可是這豬膶腸倒是令人失望的，腸粉皮大軟，容易爛。而且豬膶也顯然地蒸得太老，不夠好。 清淡中我們也想有少少味道，一份蠔汁柚皮就是既健康而又有味道的食品。柚子皮本身並無甚麼特別的味道，不過有時候，製得不好就會有少少苦澀味。而這個柚皮，質料是十分的好，嫩滑無渣，沒有苦味，蠔汁帶出的柚香，十分可口。 我們連點心也偏向淡味道，菜苗餃多菜少肉，而且做得同蝦餃一樣的精緻，睇得食得兼有好味道，味道清、淡但不離鮮香，是水準之作。 水準高的一家食肆，開在跑馬地也固然有食得起的上等客人，精緻、清新、淡而有味，對一些日日大魚大肉的老闆們，晚上或閒時來一個這樣清清地的味道，可是好選擇。…Read More

是日約左男友人,,,一車車去跑馬地,,,見到正斗就入左去，，，　第一次食正斗真係幾正斗,,,乾淨企理舒服,,,有心整,,, 三樣野都好好食 魚皮爽脆夠凍有濃郁既麻油味,,,, 配合埋薑蔥花生豐富左個味道,,, 不過可以唔好咁咸 南乳豬手撈,,, 好香,,, 唔會覺得肥膩,,, 個皂水面好彈牙又夠乾身,,,加埋d南乳汁好好食呀,,, 重有個大地魚湯又係比足料,,, 至於四式腸粉,,, 配埋暖過既甜豉油係幾好味既,,, ,…Read More