正宗鳳城餅家

之前買過一次，五大包的牛/豬肉乾大概六百幾，價錢合理，味道唔係話最好，不過因為試食過，覺得間間鋪頭都差不多，所以諗住做返頭客。今次第二次幫襯，買一磅野山豬肉乾，一磅沙爹牛肉乾加一盒細杏仁餅，共收$441。當時無為意，返屋企先再秤，三樣野加埋唔係老闆加既總數。杏仁餅$30野山豬$168/磅，共636g，$234沙爹牛肉$138/磅，只有350g,$107發現三樣野加埋只係$371，但係老闆收441。可惜無拎返收據。以後一定唔會再有下次…Read More

今次去澳門，跟著一位youtuber 行程去飲飲食食。去到澳門咁啱又落雨，雖然天公不造美，但落雨令到本身要排長龍的鋪頭都冇咁多人來🥰，計劃好的行程都加速進行得好好🥳🥳，見行程進度良好，臨時加插返個狂電派睇🤩。成個行程美中不足地方就係我地係新馬路鳳城老手信被人呃左，買豬肉乾$98一磅，我地買一塊，老闆走過來同我地講果塊有半磅多d 但未到一磅，收我地$80。比完錢拎上手覺得很輕，去左另一間叫職員幫手磅一磅，磅到得半磅多少少。走返去理論，佢地個磅我地睇到係磅到差不多接近一磅😰。懷疑佢地個磅加左野。返到屋企磅返真係得半磅多少少，果間野真係呃秤來，下次唔好買呢間。🤬🤬🤬…Read More

親友去完澳門買了盒炭燒杏仁餅給我們做手信，平時多吃鉅記或者咀香園，今次就第一次食正宗鳯城餅家的杏仁餅~這是迷李形的杏仁餅，細細粒方便食，不過杏仁餅沒有炭燒的味道，連杏仁味都欠奉，內裡亦沒有杏仁粒，一D都唔好食，細小餅店都唔及鉅記的杏仁餅來得好~…Read More

第2次去澳門，今次去門兩日，兩日都經過尼間鋪。因為尼間野係大三巴有好多分店。第一日去個陣，我見到佢有杏仁餅試食，就係門口食左一件，同行友人都無食，我食完之後，覺得都麻麻地，諗住走，點知個d店員就啤住我地，仲大叫：洗唔洗咁大啖呀，入黎睇啦！之後仲有幾個人攔住我兩個朋友，又塞肉乾，又塞餅俾佢食，我個朋友唔食，佢地又唔俾佢走，搞到我朋友要退後逃走，真係嚇死。我行左大三巴幾次，都唔見其他餅家會逼人試食，或者因為人地試完唔買而啤住人第二日去，本身諗係大三巴餅家買雞仔餅俾屋企人食，但已經賣晒，但又唔想去鉅記/咀香園買，因為真係貴，就諗住試下依間鳳城，一行到去門口，個d店員就搭住我膊頭，扮晒熟咁拉左我入去，我同我d朋友都嚇左一跳，之後又話俾折我，又話要我買多幾盒最後，我羅左盒雞仔餅就算，見佢d店員咁既樣，好似d野好難食咁。因為我自己本身唔食雞仔餅，所以唔知雞仔餅點知係靚，但我d朋友就話d餅好多油，唔知好唔好食。但我諗住算啦，好多中式糕餅都好多油架啦！點算之後番到屋企，d屋企人食完話d餅唔單只油，而且仲好"淋"，好係霉霉地。但明明都未過食用期，但都咁既樣，依間好食極有限。…Read More