正宗茶餐廳賣豬仔 (Closed)

勝:太子道與深水埗之間,唔太難搵.深夜時段門口可泊車,附近亦有咪錶位.營業至凌晨可宵夜敗:請看博士總結味道:乳豬夠脆皮我叫了兩個煲仔飯都係同一弊病:飯太濕.唔好食蜜汁豬仔骨肉質太散博士總結+評分:我是宵夜時段去的,除乳豬外,煲仔飯及蜜汁豬仔骨都係失敗之作評語:不吃也不損失☆☆備註:1.以上乃個人口味.評分及味道(圖片)以10粒"☆"為滿分.2.當日之評分並不代表店舖將來沒有進步空間.歡迎朋友留言提供新資料…Read More

賣豬仔個名就聽得多，不過總店喺深水埗較少去，所以未有機會試。不過最近又開多間，同正宗茶餐廳合併。地點超方便我，行過去唔洗十分鐘。於是一家人就去試試，星期日晚，人不多，大多吃茶餐廳野食，少數食燒物。薑汁芥蘭先來，有鑊氣！芥蘭當做吧，好嫩，無渣。薑汁份量剛好，不會太多太辣。窩蛋牛肉飯，茶餐廳始終不擅做煲仔飯，所以都無咩期望。好在無期望，otherwise 會超失望。太濕啦，飯粒不是粒粒分明。好淋又好濕，無飯香。牛肉嗱到無晒味。不好吃！ 招牌拼盤有5款，包括牛展、拍青瓜、豬腳仔、燻蹄同鴨舌。鴨舌最少，只得四隻，入味，而且無雪味。豬腳仔都幾好味喎，好好肉，個皮又爽彈。牛展不錯，入味又唔鞋。拍青瓜也不錯，拍得青瓜很鬆。一向都鍾意食燻蹄，尤其係條邊，好爽又好彈，好味。燒豬肩膊好似叉燒咁，不過就有骨，而且唔係好多肉。肉比較少，但就好嫩滑，也不肥膩。燒得好香口。而且個醬甜甜地，好惹味。乳豬例牌即叫即燒，皮好脆！不過較肥，而且唔夠甘香，沒有那種肥油嘅甘香。肉很嫩，不過個底就較咸。這味菜驚喜不大，鳳城嘅燒豬好吃多了~成晚食咗勁多肉，食到後尾都覺好膩。…Read More

自從嚐過上環的木佬燒烤後便成為了烤豬仔的追隨者,休業一段時間後在長沙灣順寧道重生,雖然店舖規模較少但食物水準依然.現在佔用了上一手正宗茶餐廳的舖位,新店比舊舖地方大了數倍,厨房出品亦保留了上手茶餐廳的特式多了飲品及小菜炒飯麵供應.座位的空間亦大大增加!環境有好的轉變,食物的質素又有沒有進步呢?早前已和其它食友來過一次試菜感覺不錯,這天和一班也是由上環追隨至今的同事前來齊回味烤豬仔!這晚就先來幾款小炒作為熱身.豉椒炒蜆----芡汁略淡欠了點辛辣味.蜆清冼得乾淨無砂肉質頗鮮甜.芥香牛柳粒----牛柳的肉質經過處理,質感欠自然.淡淡的青芥味其實頗討好.招牌拼盤----醬蹄、豬仔腳、鴨舌及牛腱也肉質軟淋夠入味,滷水這裡一向也是做得不錯,反而值得一提的是終於在這裡吃到有足夠調味的海蜇!燒豬肩膊----每次到來定必點叫!肉質吃起來嫩滑,喜歡外層甜甜的蜜味,尤其是烤得微焦的部位更覺香口惹味.椒盬鮮魷----外層香脆但不太欣賞椒盬的做法,因為是用了七味粉去代替了辣椒的味道.魷魚肉質稍為老了少許但絕不是韌.脆皮吊燒雞----只看顏色已覺吸引!皮吃起來極脆,連著少許油脂的雞肉嫩滑有肉汁,比這晚的主角燒豬仔還要吸引!椒絲腐乳炒通菜,粉絲雜菜煲----這晚以肉類為主當然也要加回點纖維來平衡一下.蒜蓉燒笳子----這晚的茄子沒有燒得過火情況出現及調味亦準確,明顯比試菜當天做得好是吃得出有進步.燒BB豬----有心來吃請先預訂才可吃到校準時間燒起的風味.脆脆的皮層連著薄薄肥美甘香的脂肪及嫩肉,蘸點乳豬醬一拼放入口中的滿足感極大!非那些吊起曬燈保溫已不知多久的貨式可比.枝竹羊腩煲----看見隣檯才知羊肉已上市,立即也叫來一煲試試.電磁爐加熱速度頗快,一會已傳出陣陣羊腩的羶香!煲內碼料豐富有冬菇、枝竹、馬蹄、薑片及連骨的羊肉件,當然也少不了唐生菜.肉質已炆至軟淋皮亦已起膠帶點黏口,連骨位置亦有骨髓在內.很久沒試過在街外吃羊肉吃得這樣盡興.燒多春魚、粟米、冬菇----見茄子燒得不錯也點叫了一些常吃的燒物.魚燒得夠乾身配上泰式辣汁來吃效果不錯.其它也是正常水準.豉油皇炒麵----味道足夠但顏色偏淡,麵亦炒得較為濕身.簡單的東西要做得好也需下一番功夫.試過新店的幾款出品後感覺是---燒味出品依然保持水準.泰式燒烤也開始回復正常.厨房小炒則仍需努力尚有進步空間!…Read More

搞手話賣豬仔搬家了，現址比之前闊大多了，約好日子一大班食友聚首於此共嚐 BB 豬。:)到埗後即要求往燒爐參觀參觀，甫入爐房只見師傅不停地將乳豬轉啊！轉啊！嘩！太熱喇！要撤退回到餐廳內感受一下空調的冷凍程度夠唔夠？答案係絕對足夠！先嚟燒豬肩膊，呢味佐酒小吃已可以連乾三大杯。鹵水食品如掌翼、醬蹄、豬仔腳、牛展及鴨舌等味道與肉質都處理得十分恰當，作為冷盤只會令人胃口大增。主角燒乳豬出場令人頓時嘩然！可以用靚仔嚟形容，燒豬皮皮脆不在話下更是鬆化，肉質軟嫩正是師傅嘅功力所在，而燒乳豬的切法更是食友所喜愛的。至於其他食物就由各食友為小弟補充。…Read More

經常搭車經過這間正宗茶餐廳，卻一次也沒試過，趁在太子辦事完畢，行幾步來這裡開餐，看究竟有多正宗。乾炒牛河最能測試師傅的手勢，茶奶也最好反映茶記的水準，如果這兩樣做得好，才算是我心目中的「正宗」茶餐廳。乾炒牛河是熱呼呼的，夠鑊氣。不過味道偏淡口，河粉有寬有幼的，切功不算理想，而且油太多，不很出色。反而牛肉好一點，嫩口，味又不會假，相對不俗。這個水平的出品，只是勉強合格而已。熱奶茶用保暖杯盛著，茶味太濃，奶味很缺，跟我的口味完全相反。食物勉勉強強，反而服務幾好，年輕的侍應快手快腳，亦有禮貌，值得一讚。…Read More

常常坐車經過的一家地方好大既茶餐廳. 冠名正宗. 好笑地覺得, 你有冇咁堅, 擺正宗牌出黎. 來招攬客人. 上 openrice 一 search, 奇怪地沒有 record, 咁又係時候我去做先頭部隊. 你話你正宗, 就試下你有幾正宗.找了個無敵電視位, 看著上海申花對新加坡隊唔知乜野. 只覺中國足球開始走下玻, 以前范大將軍, 郝董的時代結束了, 後繼無人.又是ABC餐的決擇, 雖然, Menu 上仲有小菜, 打冷, 同其他粉麵飯. ABC餐, C餐是鑊仔醬爆豬紅木耳, 一個小菜套餐連茶連湯. 味道夠濃, 夠汁, 用來送飯, 撈波汁又正. 而且本耳, 配上瘦肉同豬紅, 感覺上好清. 可能是多菜掛. 邊吃, 邊睇波, 覺得係HK睇波, 大家最齊心大叩既一個字..............係甩波或者射唔入果時....全場人會好齊心大叫................"小"..................正宗, 可能是呢個係本地或國足既球迷特色吧.......…Read More