正九清湯腩．冰室 (美輪大廈)

Open Now

Now Closed

正九清湯腩·冰室😘😘😘清湯腩x有鑊氣小炒北角英皇道、美輪大廈地下、鄰近地鐵、交通便利、街坊晚飯、小菜、加餸好去處、港式早餐、午巿清湯腩麵、多元化，美食冰室😘😘✨淨清湯牛三寶牛腩、清香牛味、肉質軟綿綿、入口溶化、煙韌有嚼口、層次分明、豐富味蕾口感😍牛肚、厚肉質、原色無添加、超軟腍😛牛筋、軟綿綿、香腍夠彈牙、豐富骨膠原👅👅✨ 濃魚湯海味雜菜煲美味可口的海鮮湯底、新鮮菌類、各位種時令新鮮蔬菜、搭配香料熬煮、湯頭鮮美清甜、營養豐富、暖心又暖胃。✨香濃芝士焗蝦球+烏冬創意美食、鮮嫩、爽口彈牙蝦球裹上香滑芝士、搭配滑順的有嚼口烏冬麵、麵條吸收了蝦球的鮮味、沾滿濃濃芝士、口感層次豐富分明、每一口都是滿滿的幸福✨ 百香果茶百香果茶清新可口、酸甜適中、令人提神、是夏日消暑的理想飲品🥤✨荔枝烏龍茶荔枝烏龍茶融合了、烏龍茶的醇厚、與荔枝的清甜的飲品、茶香悠長、荔枝的果香為其增添了淡淡的果酸、口感獨特、適合在炎熱的日子裡享用、清涼解渴👍🏻正九清湯腩·冰室香港北角英皇道442-456號美輪大廈地下12 及12 A舖港鐵北角站B1出口、步行1分鐘

餐廳：正九清湯腩．冰室地點：北角英皇道菜式：冰室餐牌：百搭套餐、百搭小菜、西式焗、常餐、新鮮牛腩牛骨,各款飯，飲品，午餐，下午茶餐等等。選擇超多。星星豬扒配炒蛋丹麥酥 $48星星豬扒超大片，賣相一流，原來面頭加上無數紅白綠紫星星脆片，令口感更加脆，而豬扒肉量都唔少，食落啖啖肉，豬味濃，配有千島醬令入口更滑溜。丹麥酥係烤過既方包，口感非常酥脆，暖暖地上枱，面頭已經搽上一層牛油，好香口。滑蛋有汁。淨清湯牛腩 $138淨清湯牛腩超多，一共有廿幾件牛腩，整得好淋，牛味濃，無特別吩咐已經係半肥瘦，果然係招牌。下底四大舊白蘿蔔，又淋又香。加有蔥花。個湯果然係清湯，味道唔錯。牛腩河粉 $42 加菜肉雲吞 $8牛腩一客6件，同淨清湯牛腩一樣質素。加有蔥花。河粉份量唔少，好滑溜，個湯好清。$8有兩隻大大隻菜肉雲吞，皮薄餡靚，超多菜，好健康。汽水跟餐唔洗加錢，有獨立包裝飲管。個人最鍾意呢間分店，因為食物選擇多元化，除左傳統粉麵，都有茶餐廳美食。餐廳裝修光猛，算乾凈。星期日下午茶時段滿座。

呢晚嚟咗呢間喺北角嘅茶餐廳/冰室食晚餐，呢度真係客似雲來一台走咗一台又嚟喺依家咁嘅環境真係勁🤣$108「香芒脆蝦球」：蝦球被脆漿包住炸過所以外邊脆脆哋，再用芒果汁打個芡，幾香口🤣呢度有「百搭套餐」可以自由組合，咁我哋揀咗 $268「胡椒豬肚雞」配兩款小菜，兩款小菜就分別揀咗「漁村蒸肉餅」同埋「濃湯野菌浸時蔬」，「百搭套餐」仲包白飯兩碗同埋自家製糖水🤣「漁村蒸肉餅」：蒸肉餅啖啖肉，仲加咗啲魚乾仔、白飯魚、蝦乾等，咁又好味啲🤣，要嚟撈白飯食好夾🤣「濃湯野菌浸時蔬」：時蔬係白菜，白菜夠新鮮，濃湯煮到腍腍哋得嚟又有啲爽脆，仲有啲野菌，簡單幾好食🤣「胡椒豬肚雞」：有雞件、豬肚、腐竹、蒜頭等，味道幾濃郁🤣跟餐加 $8「檸檬無糖可樂」：大熱天時飲凍冰冰嘅可口可樂就梗係好飲啦🤣

突然好想食潮式粉面, 同事問我怕唔怕等位, 我話唔怕, 佢就帶左我黎呢間'正九清湯腩．冰室'😆去到門口, 果然要排隊，不過人龍去得快，等咗15分鐘左右就有位✌🏻我哋叫咗清湯沙腩河粉同清湯牛三寶河粉，我仲加$8要咗崩沙腩。個湯底真係清得嚟好甜，完全唔會口渴!崩沙腩肥瘦適中，加$8絕對值得🥰牛三寶嘅牛筋煮得夠火候，入口軟淋得嚟帶點膠質嘅黏口感,牛肚切得厚薄適中，咬落爽脆有嚼勁,牛腩肉質鬆化得嚟唔會散，三款部位各有特色😍小食方面，腐乳通菜D色水都好翠綠,腐乳味濃但唔會太鹹, 淨魚蛋彈牙有魚味, 炸魚皮脆卜卜，浸落湯食仲正☺️

午飯時間見到呢間牛腩粉面店都幾多人食，一於入去試吓先崩沙腩米粉🐮 加咗$8牛腩轉崩沙腩，崩沙腩嘅份量都好多又大嚿，筋膜連著肉，肥瘦比例適中，口感軟腍，入口即化，筋膜層次分明，帶來獨特嘅爽口感，正呀😋👍🏻酒味醉雞🐔估唔到粉面店嘅雞都唔錯，聞到好香酒香，而且雞肉嫩滑又多肉，唔錯👍🏻蠔油生菜🥬鮮嫩翠綠，又爽脆👍🏻最欣賞係啲菜洗得好乾淨👍🏻環境乾淨，坐位唔會太過擠迫，所以下次經過都會再幫襯

📍 正九清湯腩．冰室 (美輪大廈) (北角)北角英皇道442-456號美輪大廈地下12及12A號舖.鮑魚大蜆雞煲身為海鮮控既我，一見到咁夜都可以食到海鮮雞煲就唔會放過！重點係佢辣辣地好惹味。鮑魚細細隻但份量都唔少。反應我覺得蜆殼多DD，有肉既唔太多。但雞都十分鮮嫩，整體都非常唔錯。香茜皮蛋豆腐魚片湯最近個人好熱氣，想飲D湯水。見到有香茜豆腐立即要一個。平時我好少食魚片，因為覺得餐廳好多都好鞋。但驚喜呢到既魚片你好滑嫩，一D都唔鞋口，非常驚喜。冰鎮咕嚕肉咕嚕肉其實好多地方都食到。但要搵冰鎮的確唔易，熱辣辣既天氣，真係唔可以錯過。有幾舊會炸粉多DD，但整體都唔錯。肉唔多，反而生果好肉仲多。牛三寶幼麵轉左沙朋腩，加左少少錢。如果你係沙腩控都建議一試。呢到餐廳都出名牛雜，所以都可以試埋啊！

幫襯過幾次都係食牛腩河，今次試埋佢哋晚市小菜套餐，先知原來其他嘢都做得唔馬虎。一上枱就俾八隻開邊大蝦嚇親——隻隻手掌咁長！蝦肉蒸得剛熟，咬落爽身唔霉，蒜茸炒得金黃夠香又唔苦。最抵讚係墊底嘅粉絲，吸晒蝦鮮同蒜油，滋味過主角。配嘅魚湯雜菜煲反而有驚喜：湯底奶白鮮甜，唔似味精水；娃娃菜、西蘭花仲保持翠綠，加咗幾片鮮魷提鮮，清淡得嚟唔寡。例牌水準之上：兩個人埋單二百幾，食到捧住肚走。下次想試佢哋秘製辣椒油配崩沙腩，見隔籬枱撈麵香到暈。

上完興趣班遲咗食晏，近近哋去咗附近嘅正九，好耐冇食佢嘅牛腩牛筋，入到去發現附近呢間仲係冰室，有我至愛嘅西多下午茶餐！芝士流心西多即叫即整熱辣辣，牛油同糖漿俾得夠大方，中間夾心嘅芝士亦好足料，非常邪惡。一時間糾結要牛腩、牛筋定牛肚嘅我哋最後直接揀咗乜都有嘅全家福，份量好足，底下仲有白蘿蔔。崩沙腩半肥瘦，非常之入味，口感腍中帶爽，最正係嗰片爽口嘅筋膜，令人回味無窮。金錢肚同白蘿蔔同樣入味，特別係白蘿蔔，又甜又冇渣，近乎入口即化。通菜爽嫩，調製嘅腐乳亦鹹甜適中，價錢抵食。

正九清湯腩分店遍布港九，主打牛腩麵食。想不到北角分店更以冰室形式經營，同時售賣中式小菜。冰室環境光鮮企理，今晚我和老公試了幾款小菜：🐮清湯崩沙腩上海麵～餐廳名物果然名不虛傳！崩沙腩筋膜連少少肉，軟滑而腍，肥瘦適中。🐔醉雞脾～酒香濃郁，肉質結實。🦋🦐蒜蓉粉絲蒸蝴蝶蝦配🥬🥦魚湯海味雜菜煲～蒸蝴蝶蝦令蝦的鮮味原味突顯出來，肉質彈牙。🥬🥦雜菜煲十分足料，不同種類的蔬菜配搭鮮魷及蝦乾，健康美味。🥣香茜皮蛋豆腐魚片湯～清香順喉，清熱下火，生津潤燥。

正九清湯腩．冰室 (美輪大廈) (北角)北角英皇道442-456號美輪大廈地下12及12A號舖之前喺佐敦分店食過覺得好味道，今日同屋企人試吓呢間分店先，水準都相當唔錯👍砂鍋雲吞雞再配兩個小菜都係$268，一定要揀呢個套餐啦，真係抵食又好味😍 ❤️砂鍋雲吞雞係一碗暖心嘅美味！湯底濃郁，雞肉軟腍，雲吞皮薄餡多，裡面嘅餡料好鮮美，整個鍋都透出一種家常味，食完令人覺得好舒服。 ❤️蝴蝶蝦蒸水蛋超級好味！蝦大大隻，肉鮮甜又爽口，加嫩滑的水蛋，真係無得輸！❤️香煎比目魚魚肉鮮嫩，表面煎得恰到好處，外脆內嫩，配上少少檸檬汁，更加提升咗味道，食完令人回味無窮。

🍽️正九清湯腩．冰室 (美輪大廈) (北角)📍北角英皇道442-456號美輪大廈地下12及12A號舖「正九清湯腩」有好多分店，今日喺北角附近就試吓北角分店啦😃清湯腩好食就一定㗎啦，其實其他小菜都非常好味，今日試咗性價比好高嘅套餐，另外單點淨清湯牛三寶，食得好滿足😍～蒜蓉粉絲蒸蝴蝶蝦配小菜一款$168我哋想食多啲蔬菜，小菜揀咗濃魚湯海味雜菜煲，蔬菜新鮮，加咗啲鮮魷，好快俾我哋秒殺😁 重頭戲係蝴蝶蝦，有超大的八大隻，蝦肉爽滑彈牙，上面D蒜蓉香氣十足，真係整得好出色，食到停唔到口😬～淨清湯牛三寶好大碗啊，牛腩半肥瘦好正，牛味非常香濃，軟腍中帶爽；牛筋好軟糯，充滿骨膠原，最鍾意咁嘅口感；牛肚都好入味，吸收曬湯嘅精華，正到冇朋友😋整體嚟講，如果想食清湯腩同小菜，下次我一定會嚟呢度encore ❤️

🌟作為正九清湯腩的長期支持者，以往總為一碗清湯腩而來，今次特意試下冰室分店的晚市小菜套餐，有截然不同的風味。🌟百搭套餐🍲砂鍋雲吞雞湯頭清澈鮮甜，雞香溫和不膩，雲吞皮薄餡飽，豬肉同菜比例恰好。🍲海味雜菜煲蝦乾、鮮魷魚增加鮮味，蔬菜吸盡海味精華，湯汁濃淡得宜。仲有白菜、西蘭花，菜心，保留爽脆，清淡又健康。🐟香煎比目魚扒魚皮煎至金黃微脆，肉質細嫩油潤。分量足三片，搭配沙律醬更開胃。🌟套餐附白飯兩碗＋自家製糖水(蕃薯糖水)，不過因為走碳水，所以無要到😆🦐香濃芝士焗蝦球配烏冬 拉絲芝士鋪滿表層，蝦球大隻彈牙，配上芝士醬濃而不膩。烏冬吸汁力強，掛滿奶香。加$8配🥤凍檸茶🥤凍檸賓🌟套餐$268有三菜＋飯糖水，份量夠2-3人分享，飽肚抵食。小菜拍得住招牌牛腩，值得再訪。

#豬同鴨講 #Pig2duck▫️🔍 正九清湯腩．冰室 (美輪大廈)📍 香港北角英皇道442-456號美輪大廈地下12及12A號舖▫️📝 ★★★★★ 👍▫️▫️▪️▪️▪️▪️▪️▪️▪️▪️▪️▪️🥢 有好多間分店嘅正九清湯腩，平時清湯腩就食得多啦 🤫 🍳 今次轉下口味，試吓佢哋嘅小菜，同樣出色 🌈▪️▪️▪️▪️▪️▪️▪️▪️▪️▪️▫️▫️【 蒜蓉粉絲蒸蝴蝶蝦 】 HK$108🦐 蒜蓉粉絲真係天下無敵，蝦肉爽口彈牙，仲撈埋啲汁食飯 🍚👇👇👇▫️▫️【 風味艇皇炒蜆 】 HK$88🌪️ 蜆肉無沙，隻隻都開口，證明夠新鮮，豉椒炒蜆嘅配搭又係一絕！💯👇👇👇▫️▫️【 潮式炸蠔烙 】 HK$88😍 好欣賞依個炸蠔餅，用料一啲都唔孤寒 🦪 份量足兼好多隻蠔仔，粒粒都大大隻！👇👇👇▫️▫️【 椒鹽魷魚鬚 】 HK$78😈 極邪惡，有時出面食個啲會甩皮，依到嘅火候同烹調時間控制得好好🦑👇👇👇▫️▫️【 香水茅香檸檬茶 】 跟餐HK$15🍋 清新嘅檸檬茶，唔會太甜，尤其食完咁多炸嘢，清新一下味蕾！👅👇👇👇▫️▫️完！▫️▫️

剛剛響道生食唔到好嘢心有不甘，繼續往前覓食經打聽之下，原來書局街仲有一間值得試吓又係正九，油麻地嗰間差到不得了，不過見有師兄又話呢度得，又試吓囉環境有啲似什麼紅茶館茶餐廳嘅格局，乾淨企理招呼態度又好。北角區好似少見啲。好啦，坐低叫咗碗坑腩米多蔥跟住影吓環境等食嘢。碗粉一嚟到眼前一亮，有筋有肉有膜有肥膏第一啖係飲湯，個湯好香好香嘅油脂味，但係呢佢又一啲唔肥膩，忍唔住飲多兩三啖，跟住開始食牛腩，嘩真係好肥，肉味香甜，筋位煙煙韌韌有少少似糖心鮑魚嗰啲啜刀嘅感覺，肥膏油脂油甘香，仲要有成八至九件件件都各有特色，食到呢度我有啲擔心死啦下次嚟會唔會食唔返咁樣嘅質素？希望唔會啦。就算頭先響度生食晒啲嘢同飲飲晒啲湯，我都忍唔住將呢度嘅牛腩同埋啲湯全部清晒，我今日食到呢個質素絕對唔會輸比其他名店，真係好幸福😋😋😋估唔到香港正九好好多

門面寬闊有氣勢，分店眾多的正九清湯腩，是民生區最需要的街坊餐廳。環境尚算乾淨企理，一般茶餐廳的佈局，最特別是這裏有粵式小菜提供，小價錢大滿足。點了幾款小菜，剁椒豆腐蒸鲩魚腩 $98用了布包豆腐，比起超市的盒裝豆腐，更有豆腐味。厚切鯇魚腩，肉質嫩滑沒有草腥味；唯有點碎骨，未能大口大口的盡情享用。漁村蒸肉餅 $95完美的蒸肉餅，調味非常好，肉餅質地鬆軟。配合銀魚仔、土魷及蝦乾，層次豐富，encore之選。馬拉盞炒生菜 $68生菜嫩滑，馬拉盞惹味，好食縱然小菜出色，牛腩麵也是要來一份。點了牛筋腩擔擔麵 $68，牛筋及牛腩軟腍入味，味道甚好。湯底是加入花生醬味的清湯，擔擔味道未算濃郁。冷熱檸茶，光顧茶餐廳的必選項目 😂😂