歡喜燒 (Closed)

📍位於觀塘市中心，🚉由地鐵站行3分鐘就到，係方便易到達嘅地點。🔍餐廳內部嘅環境十分寬敞舒適，座位都係坐梳化為主，坐得耐都吾會腰骨痛。食物嘅擺位都好清晰，肉類、丸腸類、棉花糖、粟米、甜品類等等都分隔得分明易取，每串都以鐵籤吉好，好方便自取，如果有透明膠膜封住會更衛生。✅食物方面，🐂澳洲牛、牛脷、🐔雞柳、🐏羊肉、🐤雞翼都吾錯，燒熟咗都吾會失去咗個肉汁，喺外層塗一層醬令味道更豐富！棉花糖、粟米、雞脾菇、青紅椒、翠肉瓜🥒、廚師腸、芝士腸，食到咁多樣野真係好滿足㗎！除咗可以燒嘅野食之外。呢度嘅熟食都好多選擇、味道都好食！例如：焗紫薯（超大舊同超甜💜）、芝士薯條🧀🍟（熱㗎😃）、炸榴蓮波波（唔鍾意食榴蓮嘅我都覺得好味，值得推介！）、燒原條茄子🍆（一入座就俾大家，好正！），仲好各類菜：蠔油菜心、腐乳通菜、蒜蓉生菜等⋯，我試過嘅野食都好吾錯！總括而言，🎀歡喜燒🎀，服務好、好玩又好食，絕對係對得住個價，仲比差唔多價錢嘅任食燒烤抵食同質素唔錯嘅餐廳。👍🏻😋

女友嚷着要去BBQ, 但限聚令依然持續。為滿足佢對燒烤慾望，就搵左觀塘歡喜燒同佢HAPPY FIRDAY. 歡喜燒是自轉串燒BBQ，方便放晒落去就食得。星期五黃金時反收費238任食2小時~ 如果星期一至四就送多一小時。任飲飲品方面唔算好多, 基本罐裝汽水或紙包飲品都有供應。COCO BERRY雪糕及雪條都係任食。最愛都係巨峰紙包。餐廳的串燒種類款式算多，預先串好一串串以自助形式任取‧(蔬菜、丸腸、肉類)另外一邊亦設有熟食區自取，特別還有海鮮粥，小甜品同西瓜。除左有食物吧可以領取食物外，還有4張放題紙(主食及蔬菜、炸物、小食及台式甜品)菜是即炒，有3款。兩人更奉送 原條燒茄子～雞翼是單骨，方便快熟。另外必食叉燒、羊肉、牛肉、燒賣、午餐肉、燒菠蘿同燒棉花糖。回本位是有自選台式甜品任食，可以整自己口味的芋圓仙草，芋泥大大份幾綿滑又唔會太甜，芋圓幾煙韌大滿足。另叫了牛奶冰沙，黑糖水晶口感幾特別。 整個體驗不錯，價錢少貴，下次想再去食午市就實惠好多。

一直都好想試呢種懶人串燒，今日終於試到，仲喺觀塘，好方便👍🏻一坐低就有店員親切咁送來三種汁醬，有泰式辣醬、沙嗲醬同埋燒汁。仲有好大份嘅蒜蓉燒茄子送。野食方面，肉類都會比較多，推介單骨雞翼同埋雞肉，放係爐上面烤一啲都唔曬力。仲有好多丸類，蔬菜，腸都可以燒，唯一嘅缺點係牛肉比較少。另外燒棉花糖都好正呀，但係都好講技巧，燒到啱啱好就要攞起啦，否則溶晒就唔好食啦~食完主菜可以食下甜品，仲有雪糕，全部都係任食㗎，好正👍🏻

朋友鍾意食放題，又鍾意食串燒，原來呢兩樣野係可以結合㗎，今次就嚟咗觀塘試呢間懶人串燒放題。餐廳有好多卡位，環境都闊落，將串燒擺喺個架上面少係有技巧嘅，服務員都會細心指導。可以自己去選擇串燒，其中單骨雞翼同埋泰式雞肉串最好食，可以將雞肉燒得乾脆，仲可以點泰式辣醬。仲有點餐紙可以選擇一啲小食例如蔬菜，南瓜，金菇等。腐乳通菜好入味，都幾好食。另外都仲有嘢飲同埋雪糕可以自己選擇，款式唔係好多，但係都可以回本嘅。

依家乜嘢都講求方便，網上購物唔使自己特登去實體店就係一個最好嘅例子，連出街買嘢都懶🤣其實唔止網上購物，就連食嘢都係，越方便越好，隻手都唔使點郁就最好😂真係有唔使點郁就食到嘅嘢？喺度可以同你講句：真係有㗎！據線報觀塘駱駝漆大廈新開咗間自助串燒，唔係話淨係自己任拎，係擺喺爐上面自己識轉住燒😆事先未睇餐牌嘅唔緊要，門口有好詳盡嘅價錢牌，不過有樣嘢理所當然嘅係，星期五六日同埋公眾假期一定係貴啲嘅，咩都有得食啲其實係抵嘅👍🏼最欣賞呢度嘅係環境真係好寬敞！我同男朋友兩個人去，佢都有比卡位我哋☺️燒嗰陣亦都唔會話好大油煙，整體感覺好舒適。大部份串燒款式都可以喺出面自己拎，即係自助串燒嘅形式，蔬菜、肉類、丸類等等都幾齊全。不過因為疫症，出去拎嘢食嗰陣都記得戴返口罩😷除咗出面任拎嘅串燒之外，仲有張紙可以點炸物，款式嘅數量就OK啦，叫黎試吓無妨。第1 round食啲炸物先，叫咗炸雞翼、麥樂雞同埋蝦春卷，平時話就話炸嘢冇乜技巧可言，食落真係話好好食嘅其實都唔係好多間囉，佢哋麥樂雞同埋蝦春卷都炸得好香口好脆👍🏼第2 round就食啲前菜啦，拎咗咖喱魚蛋、豆卜、蜆肉等等，全部都好入味😋尤其係豆卜，佢本身落咗少少辣

以前舊店我地成日去食，知佢開返我地就即時訂枱，可惜感覺比之前差左好多。首先d肉雪得太勁，冰到幾支痴埋一齊，要攞返位解凍先燒到 另外部機壞壞地，成日都轉唔郁，要人手幫忙 而且d肉好似完全無調味，無味嘅，就算用左佢d醬汁都係無味嘅熟食選擇比以前少左好多，無左亞女最鐘意嘅黑松露薯條而且要等成好耐，至少半個鐘先上枱甜品只有啫喱布丁，都係無味嘅 囉左幾杯試都係一樣 好在有雪糕雪條食。之前見其他人話有台灣甜品，但去到又話無，好失望。我估今次係最後一次lu

秋天到了, 一個最適合燒嘢食嘅天氣, 可惜郊野公園冇得開, 依家就選擇喺餐廳裏面燒嘢食啦呢間餐廳主打室內bbq, 真係好方便, 爐係自轉, 火力又均勻, 令到燒嘢食更加容易熟食物方面好多選擇, 肉類嘅選擇都不少, 我最鍾意食嘅佢就叉燒, 半肥瘦, 非常的juicy, 點埋醬汁一齊食, 真係滋味無窮另外就係棉花糖, 真係不能少, 燒得非常之均勻火候, 咬落去外脆內軟, 百般滋味在心頭另外佢嘅除咗燒嘢食, 之外仲有其他冷盤, 我最鍾意嘅就係泰式鳳爪, 辣辣地非常之惹味, 二百幾蚊, 禮拜五夜晚, 呢個價錢, 又任食任飲, 真係冇得輸!

話說燒烤如果有個爐可以自己識轉，熱力嘅傳送又均勻，燒出嚟又好食，係一件幾好嘅事。今次小編同女朋友嚟到觀塘嘅一間燒烤自助餐餐廳，呢一間餐廳提供三種醬汁包括沙嗲，鰻魚汁，同埋泰式甜酸醬，小編極力推薦佢哋嘅串燒叉燒，配合嘅爐熱力均勻嘅傳送，佢哋嘅串燒種類相當多元化，小編幾鍾意佢哋嘅烤雞肉，烤叉燒，同埋佢哋嘅蒜蓉法包，另外佢哋提供嘅芝士丸亦都十分好味，仲有咖喱魚蛋、蜆肉、麥樂雞、炸蝦春卷等等嘅熟食可以比大家選擇，飲品亦好多選擇，另外甜品有台式芋圓仙草，亦有雪糕，雪條供應，小編就10分喜歡呢間餐廳提供嘅沖繩海鹽味雪糕。總括嚟講，大家不妨試一試啊。

朋友想食串燒，突然醒起觀塘有間新開既無火串燒任飲任食放題，岩哂我地呢 d大食積，而且仲係自己燒！又可以貪得意玩下過下手癮！而且係無火燒既關係，唔會搞到成場都煙霧迷漫咁！係用高温管既熱力燒熟！但都仍然 keep到串燒既風味！抵讚。而且價錢幾抵食！最重要係坐得舒服，大大張台放到一台都係食物係極開心既事！串燒選擇都有20多款，應有盡有，其實所有肉類都醃製得好入味！夠香濃但唔會過咸，我覺得最正當然係燒叉燒！肉質夠哂嫩滑又夠入味！非常好食！雞賢亦都夠哂爽口，燒燒賣亦係風味十足。值得一讚係熱爐個轉動式齒輪運作得非常順暢，唔會卡住卡住還有我好鐘意食既芋圓芋泥呢 d糖水！而且味道唔會死甜，d芋圓夠煙 un, 芋泥又夠綿！整體好好食。呢個價錢食到呢個質數！無伏呀！性價比高呢

這天我們來到一間位於觀塘的串燒店。平日吃串燒，多少都會考慮價錢，吃得通常都不夠盡情。但這間串燒店是放題模式的，所以可以沒有顧慮地吃！店家提供的串燒種類很多，豬、牛、羊、蔬菜、丸類、香腸及棉花糖都一應俱全。這裡每桌都有自動串燒機，將串燒放好後，只需要待食物煮熟就可以，不需要手動翻串燒，非常方便。食物當中，我最喜歡叉燒。叉燒的調味很合適，味道比一般叉燒淡一點點，但我覺得「空口食」品嚐到叉燒風味就好了，調味太足反而無法多吃。等待串燒燒熟期間，可以先品嚐熟食。自取的熟食只有三款，味道不錯。不過，餐廳同時提供點餐形色的多款炸物、主食，種類談不上繁多，但足夠填滿全部的時間空檔，讓我密密口吃足兩小時！

我又要離開 港島區，這個美妙的地方， 這間餐廳位於觀塘，距離地鐵站路程約需五分鐘左右，地理上其實還算方便， 朋友介紹的這家餐廳主打的就是燒烤，本來我還擔心會不會令我的衣服變得充滿了燒烤的味道，加上炭火燒烤，真容易出現其他小問題，如癌症一般。 沒想到餐廳竟然是無火燒烤，這樣真的令我充滿驚喜，加上食物選擇眾多， 除了燒烤之外，還可以選擇即叫即整的炸物，另外，飲品也是無限量供應，更有雪糕等甜品享用，真是一個不錯的地方，既適合香港人口味，也適合十分懶惰的我。

呢間店食串燒好講學問除咗時間控制要好之外醬汁嘅配搭都好重要呢度有蒜頭醬甜酸醬同埋花生醬另外喺燒嘅時候仲可以加上一啲嘅香辣粉食落去更加有風味佢哋未燒熟之前我哋仲可以點一啲熟食桌上面有幾款點餐紙包括炸物、主食和蔬菜類 另外仲有特色小食樣樣都富有特色另外仲有一碟風味脆薯條點上沙律醬更有風味食到有啲口乾出面仲有飲品可以選擇另外仲有雪糕食添 燒到熱辣辣即刻涼透心下次同朋友嚟觀塘想慢慢食下野呢間都係唔錯嘅選擇最後我仲叫咗一款台式甜品呢款甜品相信個個都好受歡迎就係芋圓 可以揀芋泥沙冰底可以點四款配料 我點左蘆薈肉紫薯圓同埋黑糖水晶愛玉凍味道真係好唔錯可以食多幾碗！

千祈唔好忽視觀塘嘅工業大廈裏邊其實內有乾坤！假日時候都係去到嗰度 隨時都可以發掘美食~發現有間歡喜燒呢個價錢都幾實惠 約$180就可以享有兩小時放題任食嘅燒烤串燒任食我都係第一次！未開始食之前我出去行咗個round有啲已經可以即刻食 包括海蜆、西蘭花另外仲有海鮮粥同魚蛋 真是令我胃口大增海鮮粥好有鮮味 加入左蝦肉裏面仲有好重海水味一次過可以燒14串串燒 可以喺出邊任揀款式多達30多款非常多元化總有一款啱你心水燒熟左嘅串燒仲可以加上唔同嘅醬汁可以一齊同朋友享受慢燒串燒嘅樂趣不過要小心時間 燒到過火就會燒焦

秋天來了，又到最適合BBQ嘅日子，但限驗聚令下唔可以一大班朋友一齊燒，唯有三五知己去食串燒補數。自從上年去國內工幹試過自轉燒烤後，已經覺得好新穎，今日黎開駱駝漆大廈，接到傳單見到「歡喜燒」有呢款自轉燒烤，梗係要黎試下。餐廳主打無火無煙燒烤，無油煙下食完個身唔會成陣味，星期一至四每人只係$218，仲可以食夠三粒鐘，咁就可以慢慢食住傾計啦。未食串燒前，店員先送上頭盤燒茄子，完條茄子加入蒜蓉及孜然粉燒，軟熟之餘亦非常惹味。串燒款式都好多，雞、牛、豬、丸及蔬菜應有盡有，店員喺我地燒之前，先教我地點樣用個爐，再按自己喜好塗上醬汁；當中肉類首推叉燒，醃得好入味，食落好juicy；仲有牛柳粒，燒完後好軟熟，入口肉汁四溢。另外，比較有驚喜嘅係有得燒燒賣，燒完後外皮好脆，入口煙煙韌韌好特別。蔬菜方面，個人最喜歡燒粟米，塗上醬料燒完後又香又甜，食落非常惹味；另外仲有燒菠蘿，味道酸酸甜甜，食完肉後食返串，感覺特別清新。除左串燒之外，餐廳亦提供多款小食，例如軟殼蟹漢堡、蝦春卷、炸雞翼等等，當中軟殼蟹漢堡用綠茶味麵包，非常有特色。飲品款式都好多，除咗有各款汽水，仲有檸檬茶及無糖茶等等，總有一款岩你口味。飲飽食醉

是日同朋友去觀塘駱駝漆行街，見到廣告介紹「歡喜燒」呢間串燒放題專門店，主打自轉串燒，咁適合我呢d為食嘅懶人嘅地方，又點可以唔試下呀？餐廳嘅串燒種類款式都算多，包括肉類，丸類，以及蔬菜類，同時亦都有少量熟食同甜品供應。店員俾左三款醬料我地，分別有沙嗲、蜜糖鰻魚、同埋泰式辣醬，同時亦有教我地點樣用部無煙串燒爐，放左串燒上部機後，佢就會自轉，燒到七成熟時，仲可以加上醬汁及味粉再燒，我亦都趁住呢個時間睇下有咩小食。稍後店員就送上頭盤嘅燒茄子，整體調味唔錯，好香好夠味。小食款式都好多，部分出去攞，亦有要order嘅。小食包括咖哩魚蛋、雞翼、薯條、炒蜆、蔬菜等等，大家可以係串燒燒緊嘅時候品嚐。比較有特色嘅係「軟殼蟹漢堡」，賣相非常精緻，漢堡包皮仲係綠茶味，軟殼蟹亦都相當香脆，係串燒店食到呢款小食都算幾特別。食完小食，係時候食串燒啦，選擇包羅萬有，有肉有丸有菜，真係講得出嘅野都有，樣樣食物都串起晒俾客人拎。肉類方面，豬、牛、雞、鴨樣樣齊，最值得推介嘅係豬梅肉，亦即係叉燒，肉汁相當香濃，真係令人回味無窮。丸類方面，有貢丸、牛丸、墨魚丸、龍蝦丸、芝心丸、香腸同燒賣等等。蔬菜方面，粟米真係值得推介，吸收左